Tag: Pakistan

နိုဝင်ဘာ ၂၇၊ ၂၀၁၇
M-Media

– လွှတ်တော်အမတ်များ ကျမ်းကျိန်မည့် စာအုပ်တွင် စာကားလုံးအပြောင်းအလဲလုပ်မှုကြောင့် ဆန္ဒပြခံနေရသည့် ပါကစ္စတန် တရားရေးဝန်ကြီး ဇာဟစ် ဟာမစ်မှာ ရာထူးမှ နှုတ်ထွက်သွားခဲ့ပြီး အစိုးရနှင့် ပြည်သူလူထုကြား တင်းမာမှုမှာလည်း အဆုံးသတ်သွားခဲ့ပြီဖြစ်သည်။

ထိုကိစ္စမှာ သာသနာကို ညှိုးနွမ်းအောင်လုပ်သည်ဟု ဆိုကာ အစ္စလာမ်ဘာသာရေးခေါင်းဆောင်များနှင့် ပြည်သူများမှာ ယခုလ အစောပိုင်းကစ၍ မြို့တော် အစ္စလာမ်မာဘတ်ရှိ အဝေးပြေးလမ်းမများပေါ်တွင် ထိုင်သပိတ်ပြုလုပ်ခဲ့ပြီး ပြီးခဲ့သည့် စနေနေ့က ရဲတပ်ဖွဲ့နှင့် ဆန္ဒပြသူများအကြား တိုက်ခိုက်မှုများကြောင့် အနည်
းဆုံး လူ ၅ ဦး သေဆုံးကာ လုံခြုံရေးတပ်ဖွဲ့ဝင် အများစုအပါအ၀င် ၂၀၀ ကျော် ဒဏ်ရာရရှိခဲ့သည်။

အစိုရနှင့် ဆန္ဒပြကိုယ်စားလှယ်များကြား ယမန်နေ့က ရရှိသည့် သဘောတူညီချက်တွင် တရားရေးဝန်ကြီး နှုတ်ထွက်ပေးရေး၊ နိုဝင်ဘာ ၈ ရက် သပိတ်စတင်သည့်အချိန်မှစ၍ ဖမ်းဆီးထားသူများအား ၃ ရက်အတွင်း ပြန်လွှတ်ပေးရေး၊ ဆန္ဒပြမှုအတွင်း ပျက်ဆီးသွားသည့် ပြည်သူပိုင် အဆောက်အဦးများ၊ တစ်ဦးချင်ပိုင် အေ
ဆာက်အဦးများအတွက် အစိုးရက လျော်ကြေးပေးရေးတို့ ပါဝင်သည်။

စနေနေ့က ဖြစ်ပွားခဲ့သည့် ရဲတပ်ဖွဲ့၏ နှိမ်နှင်းမှုနှင့် ပတ်သက်၍ အစိုးရက စုံစမ်းစစ်ဆေးမှု ပြုလုပ်ရန်လည်း သဘောတူညီခဲ့ကြသည်။

ဆန္ဒပြမှုကို ဦးဆောင်ခဲ့သည့် TLP ပါတီခေါင်းဆောင် ရစ်ဇ်ဗီက ၀န်ကြီး ဟာမစ်အား ဘာသာရေးအရ ၀ိုင်းကျဉ်သည့် ဓမ္မသတ်မျိုး ထုတ်ပြန်ခြင်းမပြုရန် သဘောတူခဲ့သည်။

ပါကစ္စတန်တွင် သာသနာ ညှိုးနွမ်းစေသည့် ကိစ္စမှာ အထိအခိုက်မခံသော ကိစ္စမျိုးဖြစ်ပြီး ထိုကဲ့သို့ စွပ်စွဲမှုများကြောင့် တိုက်ခိုက်မှုများ၊ လူအုပ်ဖြင့် အကြမ်းဖက်မှုများလည်း မကြာခင် ဖြစ်ပွားလေ့ရှိသည်။

Ref: Aljazeera

နိုဝင်ဘာ ၂၆၊ ၂၀၁၇
M-Media

– ပါကစ္စတန်နိုင်ငံတွင် သာသနာညှိုးနွမ်းစေမှု ဥပဒေအား ပယ်ဖျက်ရေး ဆန္ဒပြမှုများမှာ အရှိန်မြင့်လာခဲ့ပြီး အစိုးရက တားဆီးရန် စစ်တပ်အား အကူအညီတောင်းရသည်အထိ ဖြစ်လာခဲ့သည်ဟု သိရသည်။

ထောင်ပေါင်းများစွာသော ဆန္ဒပြသူများမှာ ယမန်နေ့အထိ မြို့တော် အစ္စလာမ်မာဘတ်၏ အဓိက အဝေးပြေးလမ်းမများကို ပိတ်ဆို့ထားသည်။

နိုဝင်ဘာ ၈ ရက်နေ့က စတင်ခဲ့သည့် အဆိုပါဆန္ဒပြမှုမှာ တစ်ဖြည်းဖြည်းဖြင့် အရှိန်မြင့်လာခဲ့ပြီး ရဲတပ်ဖွဲ့က ရာဘာကျည်ဆံများ၊ မျက်ရည်ယိုဗုံးများ၊ မီးသတ်ပိုက်များဖြင့် လူစုခွဲရန် ကြိုးစားခဲ့သည်။ ဆန္ဒပြသူများကလည်း ခဲများ၊ သံချောင်းများဖြင့် ပစ်ခတ်တိုက်ခိုက်ခဲ့ပြီး အဆိုပါ ထိပ်တိုက်တွေ့ဆုံမှုအတွင်း အနည်းဆုံး
၅ ဦးသေဆုံးကာ ၂၁၇ ဦး ဒဏ်ရာရရှိခဲ့သည်။

အစိုးရက အခြေအနေအား ထိန်းသိမ်းပေးရန် စစ်တပ်ကို အကူအညီတောင်းခဲ့သော်လည်း လက်ရှိအချိန်အထိ စစ်တပ်က ကူညီခြင်း မရှိသေးပေ။

ဆန္ဒပြသူများက နိုင်ငံအတွင်း ပြဿနာများကို ဖြစ်ပွားစေသည့် သာသနာညှိုးနွမ်းစေမှု ဥပဒေကို ပယ်ဖျက်ရန်နှင့် တရားရေးဝန်ကြီးနှုတ်ထွက်ရန် အဓိကထား တောင်းဆိုနေပြီး အစ္စလာမ်မာဘတ်အပြင် အခြားသော မြို့များတွင်လည်း ထိုကိစ္စအတွက် အသေးစား ဆန္ဒပြမှုများ ဖြစ်ပွားခဲ့သည်။

Ref: Aljazeera

အောက်တိုဘာ ၂၀၊ ၂၀၁၇
M-Media

– Panama Papers တွင် ဖော်ပြထားသည့် လာဘ်ပေးလာဘ်ယူမှုများတွင် ပါဝင်ပက်သက်နေသည့်အတွက် ၀န်ကြီးချုပ်ဟောင်း န၀ဇ် ရှရစ်ဖ်ကို ပါကစ္စတန် ခြစားမှုတိုက်ဖျက်ရေး အဖွဲ့က ယမန်နေ့တွင် အကျင့်ပျက်ခြစားမှုဖြင့် တရားစွဲဆိုခဲ့သည်ဟု သိရသည်။

လန်ဒန်ရှိ အဆောက်အဦးများ ပိုင်ဆိုင်ထားမှုနှင့် ဆက်နွယ်၍ ရှရစ်ဖ်နှင့် ၎င်း၏ သမီးဖြစ်သူတို့အား တရားစွဲဆိုခဲ့ခြင်းဖြစ်ပြီး ၀န်ကြီးချုပ်ဟောင်းမှာ နှစ်ရှည်ထောင်ဒဏ် ချမှတ်ခံရဖွယ် ရှိနေသည်။

ဝန်ကြီးချုပ်တာဝန်ထမ်းဆောင်စဉ်က ၀င်ငွေရင်းမြစ် မဖော်ပြနိုင်သည့် ပိုင်ဆိုင်မှုများကြောင့် တရားရုံးချုပ်က ၀န်ကြီးချုပ်ရာထူးနှင့် မထိုက်တန်ကြောင်း ဇူလိုင်လတွင် ဆုံးဖြတ်ခဲ့ပြီး ရှရစ်ဖ်မှာ ရာထူးမှ နှုတ်ထွက်ခဲ့ရသည်။ သို့သော်လည်း အာဏာရ PML-N ပါတီတွင် ၎င်း၏အာဏာကို ထိန်းသိမ်းထားနိုင်သည်။

ရှရစ်ဖ်နှင့် ၎င်း၏ သမီး မရ်ယမ်၊ သားမက် မိုဟာမက် ဆက်ဖ်ဒါးရ်တို့ပါ ယမန်နေ့တွင် တရားစွဲဆို ခံခဲ့ရခြင်းဖြစ်ပြီး ၎င်းတို့ကမူ အပြစ်မရှိဟု လျှောက်လှဲခဲ့သည်။ ရုံးတော်သို့ မရ်ယမ်နှင့် ဆက်ဖ်ဒါရ်တို့နှစ်ဦးက ကိုယ်တိုင်တက်ရောက်ခဲ့ပြီး ရှရစ်ဖ်က ဗြိတိန်တွင် ကင်ဆာကုသမှုခံယူနေသည့် ဇနီးသည်အား ပြုစုနေရသဖြင့် ကိုယ်စားလှယ်တစ်ဦးကို စေလွှတ်ခဲ့သည်။

မရ်ယမ်က စွပ်စွဲချက်များမှာ အခြေအမြစ်မရှိဟု ငြင်းဆိုခဲ့ပြီး ဖခင်ဖြစ်သူမှာ ပါကစ္စတန်သို့ပြန်လာ၍ ထိုကိစ္စကို သိတ္တိရှိရှိ ရင်ဆိုင်သွားမည်ဟု တရားရုံးတွင် ပြောကြားခဲ့သည်။

ရရှစ်ဖ်မှာ အာမခံရထားပြီးဖြစ်သောကြောင့် ပါကစ္စတန်သို့ ပြန်လာလျှင် ဖမ်းဆီးခံရမည်မဟုတ်ပေ။

Ref : Aljazeera

အောက်တိုဘာ ၁၃၊ ၂၀၁၇
M-Media

– လက်နက်ကိုင်အုပ်စုဖြစ်သည့် လက်ခ်ရှာရီတိုင်ဘာ (LeT) အဖွဲ့နှင့် ဆက်နွယ်နေသည်ဟု ပြောကြားမှုများကြောင့် ပါကစ္စတန်မှာ နိုင်ငံရေးပါတီသစ် မီလီမွတ်စလင်လိဂ် (MML) ၏ မှတ်ပုံတင်မှုကို ပယ်ချခဲ့သည်ဟု သိရသည်။

ရွေးကောက်ပွဲ ကော်မရှင်နာမင်းကြီး မိုဟာမက် ရာဇာဦးဆောင်ပြီး အဖွဲ့ဝင် ၄ ဦး ပါဝင်သည့်အဖွဲ့က ဗုဒ္ဓဟူးနေ့တွင် ပယ်ချခဲ့ခြင်းဖြစ်သည်ဟု MML ပါတီ ပြောရေးဆိုခွင့်ရှိသူ တာဘစ်ရှ် ကိုင်ယွမ်က ပြောကြားခဲ့ပြီး ထိုဆုံးဖြတ်ချက်နှင့် ပတ်သက်၍ အထက်တရားရုံးကို တိုင်ကြားသွားမည်ဟု ဆိုသည်။

MML ပါတီသည် UN နှင့် US က နိုင်ငံတကာ အကြမ်းဖက်ဆန့်ကျင်ရေးပိတ်ဆို့မှု ပြုလုပ်ထားသော  LeT နှင့် ဆက်နွယ်နေသည့် Jamaat-ud-Dawa (JuD) နှင့် Foundation (FIF) ပရဟိတအဖွဲ့များနှင့် ပတ်သက်မှုရှိသည်ဟု ပြည်ထဲရေးဝန်ကြီးဌာန၏ အကြံပြုစာကို အခြေခံကာ ကော်မရှင်က ဆုံးဖြတ်ခဲ့ခြင်းဖြစ်သည်။

ကုလသမဂ္ဂ၏ကြေညာချက်အရ JuD နှင့် FIF တို့သည် ကရ်ှမီးယားတွင် အိန္ဒိယလုံခြုံရေးတပ်ဖွဲ့များကို လက်နက်ကိုင်တိုက်ခိုက်နေသည့် LeT ၏ ထောက်ပံ့ရေးအဖွဲ့များ ဖြစ်သည်ဟု သိရသည်။ LeT မှာ လူ ၁၆၆ ဦးသေဆုံးခဲ့သော ၂၀၁၂ ခုနှစ် မွန်ဘိုင်းတိုက်ခိုက်မှုတွင် ပါဝင်သည်ဟုလည်း စွပ်စွဲခံထားရသည်။

ပြီးခဲ့သည့်နှစ် သြဂုတ်လက ဖွဲ့စည်းခဲ့သည့် MML ပါတီမှ တာဝန်ရှိသူများက JuD အဖွဲ့နှင့် အယူအဆပိုင်းဆိုင်ရာတွင် တူညီသော်လည်း မူဝါဒပိုင်းဆိုင်ရာတွင် မတူညီဟု ပြောကြားခဲ့သည်။

Ref : Aljazeera