သြဂုတ် ၁၄၊ ၂၀၁၇
ဟာမီးဒ်ဟာ ပြည်နယ်ရဲတပ်ဖွဲ့မှာ တာဝန်ထမ်းဆောင်လာတာ ၁၅ နှစ်လောက်ရှိနေပြီး ရာဇ၀တ်မှုဆိုင်ရာ စုံစမ်းထောက်လှမ်းမှု တော်တော်များများမှာ ပါဝင်ခဲ့ပါတယ်။ – ပြီးခဲ့တဲ့လမှာ ပါကစ္စတန်အမျိုးသမီး ရစ်ဇ်ဝါနာ ဟာမီးဒ်တစ်ယောက် ခိုင်ဘာရ် ပွတ်တွန်ခွာပြည်နယ်က အမျိုးသားရဲစခန်းတစ်ခုမှာ စခန်းမှူးဖြစ်လာခဲ့ပြီး ပါကစ္စတန်ရဲ့ ပထမဆုံး အမျိုးသမီးစခန်းမှူးအဖြစ် သမိုင်းရေးထိုးနိုင်ခဲ့ပါတယ်။
ဒီပြည်နယ်ဟာ ကွန်ဆာဗေးတစ်ယဉ်ကျေးမှုနဲ့ ဘာသာရေးရိုးရာဓလေ့ထုံးတမ်းတွေ ကြီးစိုးရာဒေသဖြစ်ပြီး အမျိုးသမီးဆိုရင် အပြင်ကိုတောင်မှ သိပ်ပြီး ပေးမထွက်ချင်ကြပါဘူး။
ဟာမီးဒ်ဟာ ပြည်နယ်ရဲတပ်ဖွဲ့မှာ တာဝန်ထမ်းဆောင်လာတာ ၁၅ နှစ်လောက်ရှိနေပြီး ရာဇ၀တ်မှုဆိုင်ရာ စုံစမ်းထောက်လှမ်းမှု တော်တော်များများမှာ ပါဝင်ခဲ့ပါတယ်။ အကြမ်းဖက်သမားလို့ သံသယရှိသူတွေရဲ့ စခန်းတွေကို ၀င်ရောက်စီးနင်းရာမှာလည်း သူက ပါဝင်ခဲ့ပါတယ်။
ဒီလိုဒေသမျိုးမှာ ရဲစခန်းတစ်ခုကို ဦးစီးရတဲ့ သူမရဲ့အလုပ်ဟာ လွယ်ကူတာတော့ မဟုတ်ပါဘူး။
“ကျွန်မအတွက် ခက်ခဲတဲ့အလုပ်ပါ”
ဒါပေမယ့် အလုပ်မှာ ပျော်ရွှင်ပြီး အမျိုးသမီးတွေဟာ အမျိုးသားတွေ လုပ်နိုင်တာထက်ကို ပိုပြီး လုပ်နိုင်တယ်လို့ သူမက ဆိုပါတယ်။
“အမျိုးသားတွေကို တစ်နေ့လုံး အိမ်အလုပ်လုပ်ခိုင်းမယ်၊ ကလေးထိန်းခိုင်းမယ်ဆိုရင် သူတို့ ဒါကို လုပ်နိုင်မယ်လို့ ကျွန်မ မထင်ပါဘူး။ အမျိုးသမီးတွေကျတော့ သူတို့ရဲ့ အိမ်အပြင်ဘက်က ပရော်ဖက်ရှင်နယ် တာဝန်တွေကို အလွယ်တကူပဲ ကိုင်တွယ်နိုင်ပါတယ်” လို့ သူမက ဖွင့်ဟခဲ့ပါတယ်။
ခိုင်ဘာရ်ဒေသက အမျိုးသမီးတွေဟာ ရဲတပ်ဖွဲ့ထဲကိုဝင်ဖို့ ဆန္ဒမရှိကြဘဲ အမျိုးသားရဲတွေနဲ့ ပွင့်ပွင့်လင်းလင်း ဆွေးနွေးတာမျိုး မလုပ်ချင်ကြဘူးလို့ ဟာမီးဒ်က ဆိုပါတယ်။
ပြည်နယ်မြို့တော် ပက်ရ်ှဝါရ်ဟာ အမျိုးသမီးတွေကို အိမ်တွင်းမှာပဲ ထားတဲ့ လူ့အဖွဲ့အစည်းမျိုး ဖြစ်ပါတယ်။
“အိမ်တွင်းမှာ အကြမ်းဖက်ခံရတာတောင်မှ သူတို့ဟာ မျိုသိပ်ပြီး လူသိရှင်ကြား ထုတ်ပြောတာမျိုး မရှိပါဘူး” လို့ ဟာမီးဒ်က ပြောပါတယ်။
ဒါပေမယ့် သူမ ရှိနေတာဟာ အမျိုးသမီးတွေအနေနဲ့ သူ့တို့ရဲ့ပြဿနာကို ရဲတပ်ဖွဲ့ကိုပြောဖို့ တွန်းအားဖြစ်စေပြီး ဒီလို ဖွင့်ပြောတဲ့ အရေအတွက်ကလည်း နေ့စဉ် တိုးတက်လာတယ်လို့ သူမက ဆိုပါတယ်။
ပြဿနာတွေကို ဖြေရှင်းရာမှာ အောင်မြင်တာကြောင့်လည်း အမျိုးသမီးတွေ ရဲတပ်ဖွဲ့တွေဆီ လာရောက်ချင်တဲ့ဆန္ဒက မြင့်တက်လာခဲ့ပါတယ်။
“သူတို့ပြဿနာတွေ ပြေလည်သွားတဲ့အခါမှာ သူ့တို့ရဲ့ ကျေနပ်မှုဟာ လူ့အဖွဲ့အစည်းတွေဆီ ရာက်သွားပြီး ဒါဟာ အမျိုးသမီးတွေ ရဲစခန်းကိုလာရောက်ဖို့ တွန်းအားဖြစ်စေပါတယ်”
ခိုင်ဘာရ်ဒေသက ပက်ရ်ှတွန်မိသားစုတွေဟာ ပုံမှန်အားဖြင် အမျိုးသမီးတွေကို ရဲတပ်ဖွဲ့မှာ ၀င်ရောက်ဖို့ အားမပေးပါဘူး။ ပြည်နယ်ရဲတပ်ဖွဲ့ရဲ့ ၁၀ ရာခိုင်နှုန်းလောက်သာ အမျိုးသမီးတွေ ဖြစ်ပါတယ်။ ဒါပေမယ့် မီဒီယာတွေမှာ ရဲမေတွေအကြောင်း ပါလာမှုက လူတွေရဲ့ စိတ်ကူးကို ပြောင်းလဲလာစေတယ်လို့ တာဝန်ရှိသူတွေက ဆိုပါတယ်။
ဟာမီးဒ်ကတော့ သူမရဲ့ ဒီရာထူးအသစ်က မိသားစုဘ၀ကို ခက်ခဲစေပေမယ့် ခင်ပွန်းနဲ့ အခြားမိသားစုဝင်တွေရဲ့ ပံ့ပိုးမှုကို ရရှိတယ်လို့ ဆိုပါတယ်။
ပြည်နယ်ရဲတပ်ဖွဲ့ဟာ အမျိုးသမီး စာသင်ကျောင်းတွေက ကျောင်းသူတွေ ရဲတပ်ဖွဲ့မှာ ၀င်ရောက်အမှုထမ်းဖို့ ဆောင်ရွက်နေပါတယ်။ ဟာမီးဒ်ကတော့ ရဲတပ်ဖွဲ့မှာ အမျိုးသမီးတွေ ပိုမိုပါဝင်မှုဟာ အိမ်တွင်းအကြမ်းဖက်မှုနဲ့ အမျိုးသမီးတွေအပေါ် ကျူးလွန်တဲ့ ရာာဇ၀တ်မှုတွေကို လျှော့ချပေးလိမ့်မယ်လို့ ယုံကြည်နေပါတယ်။
Ref: VOA
