Tag: Palestine

ဖေဖော်ဝါရီ ၁၅၊ ၂၀၁၇
M-Media

– ဂျပန်နိုင်ငံက ပါလက်စတိုင်းပြည်သူများအတွက် ကန်ဒေါ်လာ ၄၆.၇ သန်းတန်ဖိုးရှိ အကူအညီပေးရေး အစီအစဉ်တစ်ခုကို ပြီးခဲ့သည့် ရက်ပိုင်းအတွင်း ကြေငြာလိုက်ပြီး နိုင်ငံတကာအသင်းအဖွဲ့များ၊ ဂျပန် အန်ဂျီအိုအဖွဲ့များမှတစ်ဆင့် ကူညီသွားမည်ဟု သိရသည်။

ယခုအစီအစဉ်တွင် လူသားချင်း စာနာထောက်ထားမှုဆိုင်ရာ အကူအညီကို ပါလက်စတိုင်းဆိုင်ရာ ကုလအကူအညီပေးရေးအဖွဲ့ UNRWA မှ တစ်ဆင့် လည်းကောင်း၊ ဘဏ္ဍာရေးအကူအညီကို ကမ္ဘာ့ဘဏ်၏ ပါလက်စတိုင်း ပြုပြင်ပြောင်းလဲရေးနှင့် ဖွံ့ဖြိုးရေးအစီအစဉ် (PRDP) မှ တစ်ဆင့်လည်းကောင်း၊ အခြေခံအဆောက်အဦး ကူညီထောက်ပံ့မှုကို UNDP မှတစ်ဆင့်လည်းကောင်း ပေးအပ်သွားမည်ဖြစ်သည်။

ထို့ပြင် အခြားသော အကူအညီများကိုလည်း အန်ဂျီအိုအဖွဲ့များမှတစ်ဆင့် ပေးအပ်သွားရန် ရှိနေသည်ဟု ရာမာလာအခြေစိုက် ဂျပန်ကိုယ်စားလှယ်ရုံးက တနင်္လာနေ့တွင် ထုတ်ပြန်သည့် ကြေငြာချက်၌ ဖော်ပြထားသည်။

“ဂျပန်အစိုးရဟာ ပါလက်စတိုင်းနိုင်ငံ တည်ထောင်ရေး အားထုတ်ဆောင်ရွက်မှုတွေကို ထောက်ပံ့ဖို့၊ နှစ်နိုင်ငံ ယှဉ်တွဲတည်ရှိရေးကို ကူညီဖို့ ခိုင်မာတဲ့ သန္ဓိဌာန် ချထားပါတယ်” ဟု ကြေငြာချက်တွင် ဖော်ပြထားသည်။

လွတ်လပ်သည့် နိုင်ငံတော်တစ်ခု တည်ထောင်ရေးနှင့် ဖွံ့ဖြိုးရေးလုပ်ငန်းများအတွက် ပြင်ဆင်နေသည့် ပါလက်စတိုင်း ၀န်ကြီဌာနများကိုလည်း ဂျပန်မှာ ဘဏ္ဍာရေးနှင့် နည်းပညာ အကူအညီများ ပေးအပ်လျက်ရှိနေသည်။ ၁၉၉၃ ခုနှစ်မှစ၍ ပါလက်စတိုင်းသို့ ဂျပန်က ထောက်ပံ့ကူညီနေမှုမှာ ကန်ဒေါ်လာ ၁.၈ ဘီလီယံအထိ ရှိနေပြီဖြစ်သည်။

Ref: IINA

ဖေဖော်ဝါရီ ၉၊ ၂၀၁၇
M-Media

– ပါလက်စတိုင်းပိုင် ဂါဇာကမ်းမြှောင်ရှိ မြေအောက်လှိုင်ခေါင်းတစ်ခု လေကြောင်းမှ တိုက်ခိုက်ခံရခြင်းကြောင့် ပါလက်စတိုင်းပြည်သူ ၂ ဦး သေဆုံးခဲ့ပြီး ၅ ဦး ဒဏ်ရာရရှိခဲ့သည်ဟု သိရသည်။

အီဂျစ်နယ်စပ်အနီးတွင် ယနေ့အရုဏ်တက်မတိုင်ခင် ဖြစ်ပွားခြင်းဖြစ်ပြီး မည်သူ၏လက်ချက်ဆိုသည်ကို ရှင်းရှင်းလင်းလင်း မသိရသေးပေ။ ပါလက်စတိုင်းအာဏာပိုင်တစ်ဦးကမူ ထိုတိုက်ခိုက်မှုအတွက် အစ္စရေးကို အပြစ်တင်ခဲ့သော်လည်း၊ အစ္စရေး စစ်ဖက်ဆိုင်ရာ ပြောရေးဆိုခွင့်ရှိသူတစ်ဦးက အသေအချာ မသိရသေးဟု ပြောကြားခဲ့သည်။

သေဆုံးသွားသူများမှာ အသက် ၂၄ နှစ်အရွယ် ဟိုဆမ် အလ်-ဆူဖီနှင့် အသက် ၃၈ နှစ်အရွယ် မိုဟာမက် အလ်-အက်ရာတို့ဖြစ်သည်ဟု ဂါဇာ ကျန်းမာရေးဝန်ကြီးဌာန ပြောရေးဆိုခွင့်ရှိသူ အက်ရ်ှရက်ဖ် အလ်-ကွဒ်ရာက ပြောကြားခဲ့သည်။

အစ္စရေးစစ်တပ်မှ ပြောရေးဆိုခွင့်ရှိသူတစ်ဦးက ထိုကိစ္စကို မသိရှိဟုဆိုသည်။

ဗုဒ္ဓဟူးနေ့က အစ္စရေးတောင်ဘက် အီလတ်မြို့ကို ဆိုင်းနိုင်းကျွန်းဆွယ်မှ အနည်းဆုံး ဒုံးကျည် ၃ ခု ပစ်ခတ်ခဲ့ပြီးနောက် ဂါဇာအား ယခုကဲ့သို့ တိုက်ခိုက်မှု ပေါ်ပေါက်လာခြင်းဖြစ်သည်။

Ref: Aljazeera