Tag: Palestine

စက်တင်ဘာ ၂၁၊ ၂၀၁၆
M-Media

– ၂၀၁၄ ခုနှစ်က ဂါဇာအား အစ္စရေး၏ လေကြောင်းမှ ကျူးကျော်တိုက်ခိုက်မှုအတွင်း အိုးအိမ်များ ပျက်ဆီးသွားသည့် မိသားစု ၃၀၀ ကျော်ကို နေအိမ်များ ပြန်လည်ဆောက်လုပ်ရန်အတွက် ကူဝိတ်ရှိ အကူအညီပေးရေးအဖွဲ့တစ်ခုမှ ငွေကြေးထောက်ပံ့ပေးမည်ဟု ပါလက်စတိုင်း ပြည်သူ့ရေးရာဝန်ကြီး မူဖီဒ် ဟာဆေနာဟ်က ပြောကြားခဲ့သည်။

ယခုတစ်ပတ်အတွင်း ထုတ်ပြန်သည့် ကြေငြာချက်တွင် ထိုကဲ့သို့ ပြောကြားခဲ့ခြင်းဖြစ်ပြီး ကူဝိတ်မှ ထောက်ပံ့မည့် အဆိုပါငွေများကို မိသားစု ၃၀၅ စုသို့ ဝေငှပေးသွားမည်ဖြစ်ကာ ၎င်းတို့၏ နေအိမ်များဆောက်လုပ်ရန် အကူအညီဖြစ်မည်ဟုလည်း ထပ်လောင်းပြောဆိုခဲ့သည်။

ကူဝိတ်၏ ယခုထောက်ပံ့မှုမှာ အစ္စရေး၏ ကျူးကျော်တိုက်ခိုက်မှုကြောင့် နေအိမ်များ ပျက်ဆီးသွားခဲ့သည့် ဂါဇာပြည်သူများ နေအိမ်ပြန်လည်ဆောက်လုပ်ရေးအတွက် ဒုတိယအကြိမ်မြောက်လည်း ဖြစ်သည်။

ပထမအကြိမ် ထောက်ပံ့မှုအတွင်း မိသားစု ၁၇၀၄ ဦး အကျိုးခံစားခဲ့ရပြီး ဟာဆေနဟ်ကမူ ကူဝိတ်၏ ထိုကဲ့သို့ ကူညီမှုအတွက် ကျေးဇူးတင်ကြောင်း ပြောကြားခဲ့သည်။

၂၀၁၄ ခုနှစ် နွေရာသီက ရက် ၅၀ နီးပါး ကြာမြင့်ခဲ့သည့် အစ္စရေး၏ ထိုတိုက်ခိုက်မှုအတွင်း ပါလက်စတိုင်းပြည်သူ ၂၂၀၀ ကျော် သေဆုံးခဲ့ပြီး အများစုမှာ အရပ်သားများဖြစ်ကာ ကလေးငယ် ၅၀၀ ကျော်ပါဝင်သည်။ နေအိမ်များ၊ ကျောင်းများ၊ ဆေးရုံများ၊ အားကစားရုံများ၊ မသန်စွမ်းကုသရေးစင်တာများ အပါအ၀င် အဆောက်အဦး ထောင်နှင့်ချီ ပျက်ဆီးခဲ့သည်။

Ref: IINA

စက်တင်ဘာ ၁၇၊ ၂၀၁၆
M-Media

– အစ္စရေးတပ်ဖွဲ့များကို ဓားဖြင့် တိုက်ခိုက်သည်ဟူသော စွပ်စွဲချက်ဖြင့် အစ္စရေးက ပစ်သတ်သောကြောင့် ပါလက်စတိုင်းပိုင်နက်များတွင် သေဆုံးသူမှာ ၂၄ နာရီအတွင်း ၅ ဦး ရှိလာပြီဟု သိရသည်။

အနောက်ဖက်ကမ်းနှင့် အရှေ့ဂျေရုစလင်တို့တွင်ဖြစ်ပြီး ယမန်နေ့က ထိုစွပ်စွဲချက်ဖြင့် ပစ်သတ်မှုကြောင့် ပါလက်စတိုင်းပြည်သူ ၃ ဦးနှင့် ဂျော်ဒန်နိုင်ငံသားတစ်ဦး သေဆုံးခဲ့သည်။

ယနေ့တွင်လည်း အနောက်ဖက်ကမ်းမှ ဟီဘရွန်မြို့တွင် ပါလက်စတိုင်းပြည်သူတစ်ဦးကို ထပ်မံပစ်သတ်ခဲ့ပြီး စစ်တပ်မှ ပြောရေးဆိုခွင့်ရှိသူ တစ်ဦးကမူ ပုံမှန်စစ်ဆေးမှု ပြုလုပ်နေသည့် စစ်သားတစ်ဦးကို သေဆုံးသူက ဓားဖြင့်ထိုးမှုကြောင့် ပစ်သတ်ခဲ့ခြင်းဖြစ်သည်ဟု ပြောကြားခဲ့သည်။

ပြီးခဲ့သည့်နှစ် အောက်တိုဘာလက အစ္စရေးတပ်ဖွဲ့နှင့် ပါလက်စတိုင်းပိုက်နက်ရှိ အစ္စရေး၏ တရားမ၀င်အိမ်ယာများတွင် နေထိုင်ကြသူများမှာ အရှေ့ဂျေရုစလင်မှ အလ်အက်ဆွာဗလီဝတ်ကျောင်းတော်သို့ ၀င်ရောက်စီးနင်းခဲ့ပြီးနောက်ပိုင်း ပါလက်စတိုင်းပိုင်နက်များတွင် တင်းမာမှုများ ဖြစ်ပေါ်လာခဲ့သည်။

ထိုနောက်ပိုင်းမှစ၍ အစ္စရေးတပ်ဖွဲ့နှင့် တရားမ၀င်နေထိုင်သူများ၏ တိုက်ခိုက်မှုကြောင့် အနည်းဆုံး ပါလက်စတိုင်းပြည်သူ ၂၁၅ ဦး သေဆုံးခဲ့ပြီး ထိုအထဲတွင် ဆန္ဒပြသူများ၊ ဘေးတွင်ရပ်ကြည့်သူများ၊ အစ္စရေးတပ်ဖွဲ့များကို တိုက်ခိုက်သည်ဟု စွပ်စွဲခံရသူများ ပါဝင်ခဲ့သည်။ ပါလက်စတိုင်းများ၏ တိုက်ခိုက်မှုကြောင့် အစ္စရေး၏ တရားမ၀င်အိမ်ယာများတွင် နေထိုင်သူ အနည်းဆုံး ၃၃ ဦး သေဆုံးခဲ့သည်။

နိုင်ငံတကာက ပါလက်စတိုင်းနက်အဖြစ် သတ်မှတ်ပေးထားသည့် ဒေသများတွင် အစ္စရေးက ကျူးကျော်ဝင်ရောက်ကာ တရားမ၀င်အခြေချအိမ်ယာများ ဆောက်လုပ်နေမှုအား ပါလက်စတိုင်းပြည်သူများက ကျေနပ်ခြင်းမရှိဘဲ မကြာခဏ ဆန္ဒပြမှုများ ပြုလုပ်နေကြသည်။

ပါလက်စတိုင်းပိုင်နက်များရှိ အစ္စရေး၏ တရားမ၀င်အခြေချအိမ်ယာများတွင် နေထိုင်သူအရေအတွက်မှာ သန်းဝက်ခန့် ရှိ လာပြီဖြစ်သည်။

Ref: Aljazeera

စက်တင်ဘာ ၁၆၊ ၂၀၁၆
M-Media

– ပါလက်စတိုင်းပိုင်နက်များအား အစ္စရေးက သိမ်းပိုက်နေမှု ရပ်တန့်ခြင်းကသာ ငြိမ်းချမ်းရေးရရှိရန် တစ်ခုတည်းသော နည်းလမ်းဖြစ်သည်ဟု ပါလက်စတိုင်းလွတ်မြောက်ရေးအဖွဲ့မှ အမှုဆောင်ကော်မတီအဖွဲ့ဝင် ဒေါက်တာ ဟာနန် အက်ရ်ှရာ ၀ီက ပြောကြားလိုက်သည်။

ပါလက်စတိုင်းသို့ ရောက်ရှိနေသည့် ပြင်သစ်ကိုယ်စားလှယ်အဖွဲ့နှင့် အင်္ဂါနေ့က တွေ့ဆုံစဉ် အက်ရ်ှရာဝီက ထိုကဲ့သို့ ပြောကြားလိုက်ခြင်းဖြစ်ပြီး၊ နောက်ဆုံးရ နိုင်ငံရေးတိုးတက်မှုနှင့် မြေပြင်တိုးတက်မှုများ၊ နိုင်ငံတကာဥပဒေနှင့် နိုင်ငံတကာဆုံးဖြတ်ချက်များကို ချိုးဖောက်နေသည့် အစ္စရေး၏ ဆောင်ရွက်မှုများကိုလည်း ထောက်ပြခဲ့သည်။

ချိုးဖောက်မှုများအတွက် အစ္စရေးက တာဝန်ခံရေး၊ ပါလက်စတိုင်းပိုင်နက်များအား သိမ်းပိုက်မှု အဆုံးသတ်ရေးအတွက် ထိထိရောက်ရောက် ကိုင်တွယ်ရေး၊ လူမျိုးရေးခွဲခြားပြီး လူမျိုးတုန်းသတ်ဖြတ်နေသည့် အစ္စရေးအစိုးရအား အရေးယူနိုင်ရေးစသည့် ကိစ္စများအတွက် နိုင်ငံတကာအသိုင်းအ၀ိုင်း အထူးသဖြင့် ဥရောပသမဂ္ဂ (EU) ၏ အရေးကြီးပုံကိုလည်း အက်ရ်ှရာဝီက ထည့်သွင်းပြောကြားခဲ့သည်။

ထိုတွေ့ဆုံမှုအတွင်း ပြည်တွင်းရွေးကောက်ပွဲ၊ အမျိုးသားရင်ကြားစေ့ရေး စသည့်တို့အပါအ၀င် ပါလက်စတိုင်းပြည်တွင်းရေးကိစ္စများကိုလည်း ဆွေးနွေးခဲ့ကြသည်။

Ref : IINA