Tag: Palestine

စက်တင်ဘာ ၅၊ ၂၀၁၆
M-Media

– ပါလက်စတိုင်းပိုင်နက်များတွင် အစ္စရေးက တရားမ၀င်အခြေချအိမ်ယာများ ဆောက်လုပ်ခြင်းကို ချက်ခြင်း အရေးယူမှုများ ပြုလုပ်ပေးရန်အတွက် ပါလက်စတိုင်း နိုင်ငံခြားရေးဝန်ကြီးဌာနက လုံခြုံရေးကောင်စီအား တိုက်တွန်းလိုက်သည်ဟု သိရသည်။

ထိုကဲ့သို့ အိမ်ယာဆောက်လုပ်မှု လုပ်ရပ်များအပါအ၀င် အစ္စရေး၏ ဥပဒေချိုးဖောက်သည့် ထိုလုပ်ရပ်များကို ၀န်ကြီးဌာနက “ပါလက်စတိုင်းမြေအား အစ္စရေးက ခိုးယူနေခြင်းနှင့် ဂျူးဇာတ်သွင်းလုပ်ရပ်များ”ဟု ရည်ညွှန်းပြောဆိုခဲ့ပြီး ထိုကိစ္စများအတွက် သတင်းအချက်အလက်များ ရယူနိုင်ရေး ကိုယ်စားလှယ်အဖွဲ့တစ်ခု စေလွှတ်ပေးရန်လည်း တိုက်တွန်းခဲ့သည်။

အစ္စရေးက ပါလက်စတိုင်းပိုင်နက်များတွင် တရားမ၀င်အိမ်ယာများ ဆောက်လုပ်နေမှုကို အမေရိကန်၊ ရုရှား၊ ဥရောပသမဂ္ဂနှင့် ကုလတို့ ပါဝင်သည့် အရှေ့အလယ်ပိုင်း လေးပွင့်ဆိုင်အဖွဲ့အပါအ၀င် နိုင်ငံတကာအသိုင်းအ၀ိုင်းက ကန့်ကွက်နေသော်လည်း အစ္စရေးက ရပ်တန့်ခြင်းမရှိပဲ ပြီးခဲ့သည့်သီတင်းပတ်များအတွင်း နောက်ထပ် တရားမ၀င်အိမ်ယာများ ဆောက်လုပ်ရန်အတွက် အတည်ပြုမှုများကို အစ္စရေးအစိုးရက ပြုလုပ်ခဲ့သည်။

လက်ရှိတွင် ပါလက်စတိုင်းပိုင်နက်များအတွက် ဆောက်လုပ်ထားသည့် အစ္စရေး၏ တရားမ၀င်အိမ်ယာများတွင် နေထိုင်သူ အရေအတွက်မှာ သန်းဝက်ကျော်ရှိနေပြီး ထိုကိစ္စက နှစ်နိုင်ငံတည်ရှိရေးအဖြေအတွက် ကြီးမားသော အတားအဆီး ဖြစ်နေသည်။

Ref : IINA

စက်တင်ဘာ ၃၊ ၂၀၁၆
M-Media

– အစ္စရေး၏ ကျူးကျော်သိမ်းပိုက်မှုများ၊ ဖိနှိပ်ချုပ်ချယ်မှုများကို ခံနေရသည့် ပါလက်စတိုင်းပြည်သူများအား ကူညီထောက်ပံ့မှုများ ပြုလုပ်နေသည့် ‘ကုလသမဂ္ဂ ပါလက်စတိုင်းဒုက္ခသည်များဆိုင်ရာ ကယ်ဆယ်ရေး၊ အကူအညီပေးရေးအဖွဲ့’ UNRWA သို့ အီတလီက ယူရို ၆.၆ သန်း (ကန်ဒေါ်လာ ၇.၃၅ သန်း) ပေးအပ်ခဲ့သည်ဟု သိရသည်။

ယခုသီတင်းပတ်အတွင်း ပေးအပ်ခဲ့ခြင်းဖြစ်ပြီး ယခုနှစ်အတွက် ပထမအသုတ်အဖြစ် ယူရုို ၁၀ သန်းကူညီမည်ဟု ကတိပြုထားမှု၏ တစ်စိတ်တစ်ပိုင်းလည်းဖြစ်သည်။ ၂၀၁၆ ခုနှစ်တွင် အီတလီက ကူညီရန် ကတိပြုထားမှုမှာ ၂၀၁၅ ခုနှစ်နှင့် နှိုင်းယှဉ်ပါက ၆၀ ရာခိုင်နှုန်း မြင့်တက်ခဲ့သည်။

“UNRWA နဲ့ ပါလက်စတိုင်းဒုက္ခသည်တွေအတွက် အဆက်မပြတ် ကူညီထောက်ပံ့ပေးနေတဲ့ အီတလီအစိုးနဲ့ အီတလီပြည်သူတွေကို ကျွန်တော်တို့ လှိုက်လှဲစွာ ကျေးဇူးတင်ရှိပါတယ်။ အခုလို ကူညီပေးတာဟာ ပညာရေး၊ ကျန်းမာရေးစောင့်ရှောက်မှု၊ ကယ်ဆယ်ရေး၊ ပြည်သူ့ဝန်ဆောင်မှုနဲ့ ဒုက္ခသည်စခန်း တိုးတက်ရေးတို့အပါအ၀င် ဒေသအတွင်းက ပါလက်စတိုင်းဒုက္ခသည်တွေကို အဓိက ၀န်ဆောင်မှုတွေပေးဖို့ UNRWA ရဲ့ကြိုးပမ်းမှုအတွက် အလွန်အရေးပါပါတယ်” ဟု UNRWA ၏ ကော်မရှင်နာ ပီယာရီ ကရာဟန်ဘူလ်က ပြောကြားခဲ့သည်။

၂၀၁၅ ခုနှစ်တွင် အီတလီမှာ UNRWA သို့ ယူရို ၈.၇၅ သန်း ထောက်ပံ့ခဲ့ပြီး ထိုအထဲမှ ၄.၁ သန်းမှာ အဖွဲ့၏ အဓိကလုပ်ငန်းများနှင့် ၀န်ဆောင်မှုများအတွက် ဖြစ်သည်။ ထိုအထဲမှာ ယူရို ၁ သန်းကို ဆီးရီးယားနိုင်ငံ ယာရ်မွတ် ဒုက္ခသည်စခန်းရှိ ပါလက်စတိုင်းပြည်သူများ၏ လူသားချင်းစာနာထောက်ထားမှုဆိုင်ရာ အရေးပေါ်တုန့်ပြန်မှုအတွက်ဖြစ်ကာ ၂.၁၈ သန်းမှာ ဂါဇာကမ်းမြှောင်တွင် စားနပ်ရိက္ခာ ထောက်ပံ့ရန်ဖြစ်သည်။

Ref: IINA

စက်တင်ဘာ ၂၊ ၂၀၁၆
M-Media

– ပါလက်စတိုင်းမြေပေါ်၌ အစ္စရေးက အခြေချအိမ်ယာများ တိုးချဲ့ဆောက်လုပ်နေခြင်းကို အမေရိကန်ပြည်ထောင်စုက ပြင်းပြင်းထန်ထန် ဝေဖန်လိုက်ပြီး ထိုလုပ်ရပ်များက နှစ်နိုင်ငံတည်ရှိရေး အဖြေအတွက် အတားအဆီးတစ်ခု ဖြစ်နေသည်ဟု ပြောကြားလိုက်သည်။

“အဲဒီအိမ်ယာတွေ သိသိသာသာ တိုးချဲ့လာတာဟာ နှစ်နိုင်ငံတည်ရှိရေးအဖြေ ထွက်နိုင်ရေးအတွက် ဆိုးရွားပြီး ကြီးမားတဲ့ ခြိမ်းခြောက်မှုပါပဲ။ အဲဒီလို တရားမ၀င် မြေသတ်မှတ်မှုတွေ၊ (နိုင်ငံတကာက) ခွင့်မပြုထားတဲ့ အိမ်ယာတွေကို ဆောက်လုပ်ဖို့ဆိုတဲ့ ပေါ်လစီအတွက် ကျွန်တော်တို့ စိတ်ပျက်ရပါတယ်” ဟု အိမ်ဖြူတော် ပြောရေးဆိုခွင့်ရှိသူ ဂျို့ရှ် အားနက်စ်က ဆိုသည်။

ပါလက်စတိုင်းပိုင်နက်များတွင် အစ္စရေးက ကျူးကျော်အိမ်ယာများ ဆောက်လုပ်ခြင်းနှင့်ပတ်သက်၍ အမေရိကန်က အမြဲတစေ ဝေဖန်ခဲ့သည်။ သို့သော်လည်း ဗုဒ္ဓဟူးနေ့ ထုတ်ပြန်ခဲ့သည့် ယခုကြေငြာချက်မှာ ယခင်ရှုတ်ချမှုများနှင့်မတူဘဲ အစ္စရေး၏ လုပ်ရပ်မှာ ကုလသမဂ္ဂ၊ ဥရောပသမဂ္ဂ၊ ရုရှားနှင့် အမေရိကန်တို့ပါဝင်သောအရှေ့အလယ်ပိုင်း လေးပွင့်ဆိုင်အဖွဲ့၏ အကြံပေးချက်ကို မထီမဲ့မြင်ပြုခြင်းဟု ထည့်သွင်းပြောကြားခဲ့သည်။

“အနောက်ဖက်ကမ်းမှာ အခြေချအိမ်ယာတွေ ထပ်တိုးတည်ဆောက်ဖို့ (အစ္စရေး) အစိုးရရဲ့ ကြေညာချက်အပေါ် ကျွန်တော်တို့ တော်တော်လေး စိုးရိမ်မကင်း ဖြစ်ရပါတယ်။ ကျွန်တော်တို့ လေးပွင်ဆိုင်အဖွဲ့က ကြေငြာချက်ထုတ်ပြန်ခဲ့ပြီးနောက်ပိုင်း အစ္စရေးရဲ့ ဒီတရားမ၀င်အခြေချအိမ်ယာတွေ တိုးချဲ့တည်ဆောက်ဖို့ အရှိန်မြင့်လာတာဟာ ကျွန်တော်တို့ရဲ့ အကြံပြုချက်တွေကို တိုက်ရိုက် ဆန့်ကျင်လိုက်တာပါပဲ” ဟု နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ဂျွန်ကာဘီက ဗုဒ္ဓဟူးနေ့ အစောပိုင်းတွင် ပြောကြားခဲ့သည်။

ပါလက်စတိုင်းပိုင်နက်များကို အစ္စရေးက ကျူးကျော်ထားမှု၊ တရားမ၀င် အခြေချအိမ်ယာများ တည်ဆောက်နေမှုမှာ အရှေ့အလယ်ပိုင်း ငြိမ်းချမ်းရေးအတွက် အဓိက အတားအဆီးဖြစ်နေပြီး၊ ပါလက်စတိုင်းပိုက်နက်အတွင်း အစ္စရေး၏ တရားမ၀င်အခြေချအိမ်ယာများတွင် နေထိုင်သူ အရေအတွက်မှာ သန်းဝက်ကျော် ရှိနေသည်။

အစ္စရေးအစိုးရမှာ ပါလက်စတိုင်းပိုင် အနောက်ဖက်ကမ်းတွင် အခြေချအိမ်ယာ ၂၈၅ ခုဆောက်လုပ်ရန် ဗုဒ္ဓဟူးနေ့က အတည်ပြုခဲ့ပြီး ထိုရားမ၀င်လုပ်ရပ်များကို ရပ်တန့်ရန် နိုင်ငံတကာအသိုင်းအ၀ိုင်းက တိုက်တွန်းထားမှုကို အာခံခြင်းလည်းဖြစ်သည်။

သြဂုတ်လ အစောပိုင်းကလည်း အရှေ့ဂျေရုဆလင်တွင် ရာမွတ်မြို့နှင့် ကပ်လျက်တွင် အိမ်ယာစီမံကိန်း ၅၆ ခု တိုးချဲ့တည်ဆောက်ရန် အစ္စရေးအစိုးရက အတည်ပြုခဲ့သည်။

Ref : Presstv

သြဂုတ် ၂၇၊ ၂၀၁၆
M-Media

– ပါလက်စတိုင်းပိုင် အနောက်ဖက်ကမ်းတွင် အစ္စရေးတပ်ဖွဲ့များမှာ လက်နက်မဲ့ ပါလက်စတိုင်းတစ်ဦးကို ပစ်သတ်ခဲ့သည်ဟု ဒေသတွင်းမီဒီယာများက ဖော်ပြခဲ့သည်။

ဆီလ်ဝဒ်မြို့တွင် ယမန်နေ့က ဖြစ်ပွားခဲ့သည့် ထိုအဖြစ်အပျက်အတွင်း သေဆုံးသွားသူမှာ ကလေးသုံးယောက်ဖခင် အသက် ၃၈ နှစ်အရွယ် အီယက်ဟာမစ်ဆိုသူ ဖြစ်ပြီး အစ္စရေးစစ်တပ်ဂိတ်တစ်ခုသို့ ပြေးသွားစဉ် ပစ်သတ်ခံခဲ့ရခြင်းဖြစ်သည်။ အစ္စရေးမီဒီယားများကမူ ဟာမစ်မှာ ကားတစ်စီးပေါ်မှ သေနတ်ဖြင့် လှမ်းပစ်ခဲ့ခြင်းဖြစ်ပြီး၊ ထိုကားထဲတွင် အမျိုးသမီးတစ်ဦးလည်း လိုက်ပါလာကြောင်း လုပ်ကြံဖော်ပြခဲ့ကြသည်။

သို့သော်လည်း ဒေသတွင်း Maan သတင်းဌာနကမူ ဟာမစ်မှာ စစ်တပ်ဂိတ်သို့ ပြေးဝင်လာသောကြောင့် ပစ်သတ်ခဲ့ခြင်းဖြစ်ကြောင်း အစ္စရေးတာဝန်ရှိသူတစ်ဦး၏ ပြောကြားမှုကို ကိုးကား၍ ဖော်ပြခဲ့သည်။

ဆီလ်ဝဒ်မြို့အနီးတွင် အစ္စရေးက ဆောက်လုပ်ထားသော တရားမ၀င်အခြေချအိမ်ယာများ တည်ရှိနေပြီး ထိုအိမ်ယာများကို ဆန့်ကျင်သူ ပါလက်စတိုင်းများနှင့် အစ္စရေးတပ်ဖွဲ့များအကြား ထိပ်တိုက်တွေ့ဆုံမှုများ မကြာခဏဖြစ်ပွားရာ နေရာလည်းဖြစ်သည်။

ပြီးခဲ့သည့်နှစ် အောက်တိုဘာလမှစ၍ အစ္စရေးတပ်ဖွဲ့များနှင့် ပါလက်စတိုင်းပိုင်နက်ရှိ အစ္စရေး၏ တရားမ၀င်အိမ်ယာများတွင် အခြေချနေထိုင်သူများ၏ တိုက်ခိုက်မှုကြောင့် ပါလက်စတိုင်းပြည်သူ ၂၂၃ ဦး သေဆုံးခဲ့သည်။ ထိုကာလအတွင်း ပါလက်စတိုင်းများ တိုက်ခိုက်မှုကြောင့် အစ္စရေးနိုင်ငံသား ၃၅ ဦး သေဆုံးခဲ့သည်။

Ref : Aljazeera