Tag: Palestine

စက်တင်ဘာ ၂၆၊ ၂၀၁၆
M-Media

– ပါလက်စတိုင်ပိုင် နောက်ဖက်ကမ်းတွင် အခြေစိုက်သည့် သတင်းမီဒီယာ နှစ်ခုမှ အယ်ဒီတာများက Facebook မှာ ၎င်းတို့၏ အကောင့်များကို ပြီးခဲ့သည့်တစ်ပတ်က ပိတ်ပစ်လိုက်ပြီး မည်သည့်အကြောင်းပြချက်မှ ပေးခဲ့ခြင်းမရှိဟု ပြောကြားခဲ့သည်။

အပိတ်ခံရသည့် အကောင့်များမှာ Facebook တွင် ပရိတ်သတ် ၆.၃ သန်းရှိသည့် Sehab News Agency မှ အယ်ဒီတာ ၄ ဦးနှင့် ပရိတ်သတ် ၅.၁ သန်းရှိသည့် Quds News Network သတင်းဌာနမှ အမှုဆောင် ၃ ဦးတို့၏ အကောင့်များ ဖြစ်ကြသည်။ အဆိုပါ သတင်းအေဂျင်စီ နှစ်ခုစလုံးမှာ အစ္စရေးက ကျူးကျော်သိမ်းပိုက်ထားသည့် ပါလက်စတိုင်းပိုင်နက်များမှ နေ့စဉ်သတင်းများကို လွှင့်တင်ပေးနေသော ဌာနများဖြစ်သည်။

ပါလက်စတိုင်းပိုင်နက်များ ကျူးကျော်သိမ်းပိုက်ခံရခြင်း၊ ပါလက်စတိုင်းပြည်သူများ ငြှင်းပမ်းနှိပ်စက်ခံရခြင်း စသည့် သတင်းများ လွှင့်တင်မှုကို အစ္စရေးက လှုံ့ဆော်မှုဟု ကင်ပွန်းတပ်ထားပြီး ထို သတင်းလွှင့်တင်မှုများကို တားဆီးရန် ရည်ရွယ်သည်ဟုဆိုကာ Facebook အကောင့်များကို ထိန်းချုပ်ရန် အစ္စရေးအစိုးရနှင့် Facebook တို့အကြား မကြာသေးမီက သဘောတူညီချက်ရရှိခဲ့သည်။

ယခု သတင်းဌာန ၂ ခုမှ အယ်ဒီတာများကမူ ထိုသဘောတူညီချက်ကြောင့် ၎င်းတို့၏ အကောင့်များ ဖယ်ရှားခံရခြင်း ဖြစ်နိုင်သည်ဟု ပြောကြားခဲ့သည်။

Quds News Network မှ ဘာသာပြန်နှင့် ဂျာနယ်လစ်တစ်ဦးဖြစ်သူ နစ္စရင် အလ်-ခါတစ်ဘ်ကမူ မိမိတို့သတင်းဌာနမှာ နိုင်ငံရေးမပါဘဲ ဖျော်ဖြေရေးနှင့် နိုင်ငံတကာသတင်းများကိုသာ အဓိကထား လွှင့်တင်ခြင်းဖြစ်သော်လည်း Facebook ၏ ပိတ်ပင်ခြင်းကို ခံခဲ့ရပြီး နောက်ပိုင်းတွင် ပြန်လည်ဝင်ရောက်၍ ရခဲ့သည်ဟု ဆိုသည်။

“ကျွန်မတို့ဟာ Facebook ရဲ့ စံသတ်မှတ်ချက်တွေကို ချိုးဖောက်တာမျိုး၊ အစိုးရတွေကို စိတ်အနှောက်အယှက် ဖြစ်စေတာမျိုးတွေကို မတင်ပါဘူး။ ဒါပေမယ့်လည်း ကျွန်မတို့ ပစ်မှတ်ထား ခံခဲ့ရပါတယ်” ဟု သူမက ပြောကြားခဲ့သည်။

ထို့ပြင် အဘယ်ကြောင့် ထိုကဲ့သို့ ၀င်ရောက်ခွင့်ပိတ်ပင်သလဲဆိုသည်ကို Facebook ထံ ဖြေရှင်းချက်တောင်းခဲ့သော်လည်း မည်သည့်အကြောင်းကြောင့်မှ မဟုတ်ဟု ပြန်လည်ဖြေကြားခဲ့ကြောင်း ခါတစ်ဘ်ကဆိုသည်။ သို့သော်လည်း စနေနေ့က Facebook မှ ပြန်လည်တောင်းပန်ခဲ့ပြီး မတော်တဆ ပိတ်မိခဲ့ခြင်းဖြစ်သည်ဟု ပြောကြားခဲ့သည်။

Quds News Newtork သတင်းအေဂျင်စီမှ ဂျာနယ်လစ် ၃ ဦး၏ အကောင့်များကိုမူ ယခုအချိန်အထိ ၀င်ရောက်ခွင့်မပေးသေးဟု သူမက ဆိုသည်။

Shehab News သတင်းဌာန၏ မန်နေဂျာဖြစ်သူ ရီမာဟ် မူဘာရက်ကမူ မိမိတို့ မန်နေဂျာ ၄ ဦး၏ အကောင့်များမှ တစ်ခုမှာ ၀င်ရောက်၍မရဘဲ မည်သည့်သတိပေးချက်မှလည်း ပေးပို့ခြင်းမရှိသလို ယခုအချိန်အထိလည်း ပြန်ဖွင့်ပေးခြင်း မရှိသေးဟု ဖွင့်ဟခဲ့သည်။

အဆိုပါ သတင်းအေဂျင်စီမှာ အနောက်ဖက်ကမ်း၊ ဂါဇာကမ်းမြှောင်နှင့် အစ္စရေးနိုင်ငံအတွင်းမှ သတင်းများကို ဖော်ပြနေသည့် သတင်းဌာနတစ်ခုလည်းဖြစ်သည်။ ထို့ကဲ့သို့ ပါလက်စတိုင်းသတင်းဌာနများကို Facebook မှ ပိတ်ပင်ခြင်းမှာ ယခုအချိန်သည် ပထမဆုံးအကြိမ် မဟုတ်ဟု အလ်-ခါတစ်ဘ်က ပြောကြားခဲ့သည်။

“အခြားသော ပါလက်စတိုင်းသတင်းကွန်ယက် အေဂျင်စီတွေကိုလည်း Facebook ဘာအကြောင်းပြချက်မှ မပေးဘဲနဲ့ ပိတ်ပစ်ခဲ့တာတွေ ရှိပါတယ်။ ၅ ခုလောက်ရှိပြီး အဲဒီထဲက Gaza 24 လည်း ပါဝင်ပါတယ်”

ပါလက်စတိုင်းပိုင်နက်အတွင်း အစ္စရေးက သတင်းမီဒီယာလုပ်ငန်းများကို တင်းတင်းကြပ်ကြပ်ကိုင်တွယ်ထားသောကြောင့် ယခင်က ပါလက်စတိုင်းများအပေါ် အစ္စရေး၏ ကျူးလွန်မှုများကို ကမ္ဘာကြီးက မသိရှိခဲ့ရပေ။

သို့သော်လည်း နောက်ပိုင်း ဆိုရှယ်မီဒီယာများ ကျယ်ပြန့်လာသည့်အခါတွင် အစ္စရေး၏ နိုင်ငံတကာဥပဒေနှင့် လူ့အခွင့်အရေး ချိုးဖောက်သော လုပ်ရပ်များကို ကမ္ဘာ့ ပြည်သူလူထုက မျက်ဝါးထင်ထင် တွေ့မြင်ခဲ့ရပြီးနောက် ယခုကဲ့သို့ သတင်းကွန်ယက်များကို အစ္စရေးက ပစ်မှတ်ထားလာခြင်းဖြစ်သည်။

Ref: Aljazeera

စက်တင်ဘာ ၂၁၊ ၂၀၁၆
M-Media

– ၂၀၁၄ ခုနှစ်က ဂါဇာအား အစ္စရေး၏ လေကြောင်းမှ ကျူးကျော်တိုက်ခိုက်မှုအတွင်း အိုးအိမ်များ ပျက်ဆီးသွားသည့် မိသားစု ၃၀၀ ကျော်ကို နေအိမ်များ ပြန်လည်ဆောက်လုပ်ရန်အတွက် ကူဝိတ်ရှိ အကူအညီပေးရေးအဖွဲ့တစ်ခုမှ ငွေကြေးထောက်ပံ့ပေးမည်ဟု ပါလက်စတိုင်း ပြည်သူ့ရေးရာဝန်ကြီး မူဖီဒ် ဟာဆေနာဟ်က ပြောကြားခဲ့သည်။

ယခုတစ်ပတ်အတွင်း ထုတ်ပြန်သည့် ကြေငြာချက်တွင် ထိုကဲ့သို့ ပြောကြားခဲ့ခြင်းဖြစ်ပြီး ကူဝိတ်မှ ထောက်ပံ့မည့် အဆိုပါငွေများကို မိသားစု ၃၀၅ စုသို့ ဝေငှပေးသွားမည်ဖြစ်ကာ ၎င်းတို့၏ နေအိမ်များဆောက်လုပ်ရန် အကူအညီဖြစ်မည်ဟုလည်း ထပ်လောင်းပြောဆိုခဲ့သည်။

ကူဝိတ်၏ ယခုထောက်ပံ့မှုမှာ အစ္စရေး၏ ကျူးကျော်တိုက်ခိုက်မှုကြောင့် နေအိမ်များ ပျက်ဆီးသွားခဲ့သည့် ဂါဇာပြည်သူများ နေအိမ်ပြန်လည်ဆောက်လုပ်ရေးအတွက် ဒုတိယအကြိမ်မြောက်လည်း ဖြစ်သည်။

ပထမအကြိမ် ထောက်ပံ့မှုအတွင်း မိသားစု ၁၇၀၄ ဦး အကျိုးခံစားခဲ့ရပြီး ဟာဆေနဟ်ကမူ ကူဝိတ်၏ ထိုကဲ့သို့ ကူညီမှုအတွက် ကျေးဇူးတင်ကြောင်း ပြောကြားခဲ့သည်။

၂၀၁၄ ခုနှစ် နွေရာသီက ရက် ၅၀ နီးပါး ကြာမြင့်ခဲ့သည့် အစ္စရေး၏ ထိုတိုက်ခိုက်မှုအတွင်း ပါလက်စတိုင်းပြည်သူ ၂၂၀၀ ကျော် သေဆုံးခဲ့ပြီး အများစုမှာ အရပ်သားများဖြစ်ကာ ကလေးငယ် ၅၀၀ ကျော်ပါဝင်သည်။ နေအိမ်များ၊ ကျောင်းများ၊ ဆေးရုံများ၊ အားကစားရုံများ၊ မသန်စွမ်းကုသရေးစင်တာများ အပါအ၀င် အဆောက်အဦး ထောင်နှင့်ချီ ပျက်ဆီးခဲ့သည်။

Ref: IINA

စက်တင်ဘာ ၁၇၊ ၂၀၁၆
M-Media

– အစ္စရေးတပ်ဖွဲ့များကို ဓားဖြင့် တိုက်ခိုက်သည်ဟူသော စွပ်စွဲချက်ဖြင့် အစ္စရေးက ပစ်သတ်သောကြောင့် ပါလက်စတိုင်းပိုင်နက်များတွင် သေဆုံးသူမှာ ၂၄ နာရီအတွင်း ၅ ဦး ရှိလာပြီဟု သိရသည်။

အနောက်ဖက်ကမ်းနှင့် အရှေ့ဂျေရုစလင်တို့တွင်ဖြစ်ပြီး ယမန်နေ့က ထိုစွပ်စွဲချက်ဖြင့် ပစ်သတ်မှုကြောင့် ပါလက်စတိုင်းပြည်သူ ၃ ဦးနှင့် ဂျော်ဒန်နိုင်ငံသားတစ်ဦး သေဆုံးခဲ့သည်။

ယနေ့တွင်လည်း အနောက်ဖက်ကမ်းမှ ဟီဘရွန်မြို့တွင် ပါလက်စတိုင်းပြည်သူတစ်ဦးကို ထပ်မံပစ်သတ်ခဲ့ပြီး စစ်တပ်မှ ပြောရေးဆိုခွင့်ရှိသူ တစ်ဦးကမူ ပုံမှန်စစ်ဆေးမှု ပြုလုပ်နေသည့် စစ်သားတစ်ဦးကို သေဆုံးသူက ဓားဖြင့်ထိုးမှုကြောင့် ပစ်သတ်ခဲ့ခြင်းဖြစ်သည်ဟု ပြောကြားခဲ့သည်။

ပြီးခဲ့သည့်နှစ် အောက်တိုဘာလက အစ္စရေးတပ်ဖွဲ့နှင့် ပါလက်စတိုင်းပိုက်နက်ရှိ အစ္စရေး၏ တရားမ၀င်အိမ်ယာများတွင် နေထိုင်ကြသူများမှာ အရှေ့ဂျေရုစလင်မှ အလ်အက်ဆွာဗလီဝတ်ကျောင်းတော်သို့ ၀င်ရောက်စီးနင်းခဲ့ပြီးနောက်ပိုင်း ပါလက်စတိုင်းပိုင်နက်များတွင် တင်းမာမှုများ ဖြစ်ပေါ်လာခဲ့သည်။

ထိုနောက်ပိုင်းမှစ၍ အစ္စရေးတပ်ဖွဲ့နှင့် တရားမ၀င်နေထိုင်သူများ၏ တိုက်ခိုက်မှုကြောင့် အနည်းဆုံး ပါလက်စတိုင်းပြည်သူ ၂၁၅ ဦး သေဆုံးခဲ့ပြီး ထိုအထဲတွင် ဆန္ဒပြသူများ၊ ဘေးတွင်ရပ်ကြည့်သူများ၊ အစ္စရေးတပ်ဖွဲ့များကို တိုက်ခိုက်သည်ဟု စွပ်စွဲခံရသူများ ပါဝင်ခဲ့သည်။ ပါလက်စတိုင်းများ၏ တိုက်ခိုက်မှုကြောင့် အစ္စရေး၏ တရားမ၀င်အိမ်ယာများတွင် နေထိုင်သူ အနည်းဆုံး ၃၃ ဦး သေဆုံးခဲ့သည်။

နိုင်ငံတကာက ပါလက်စတိုင်းနက်အဖြစ် သတ်မှတ်ပေးထားသည့် ဒေသများတွင် အစ္စရေးက ကျူးကျော်ဝင်ရောက်ကာ တရားမ၀င်အခြေချအိမ်ယာများ ဆောက်လုပ်နေမှုအား ပါလက်စတိုင်းပြည်သူများက ကျေနပ်ခြင်းမရှိဘဲ မကြာခဏ ဆန္ဒပြမှုများ ပြုလုပ်နေကြသည်။

ပါလက်စတိုင်းပိုင်နက်များရှိ အစ္စရေး၏ တရားမ၀င်အခြေချအိမ်ယာများတွင် နေထိုင်သူအရေအတွက်မှာ သန်းဝက်ခန့် ရှိ လာပြီဖြစ်သည်။

Ref: Aljazeera