Tag: Palestine

စက်တင်ဘာ ၁၁၊ ၂၀၁၆
M-Media

– ပါလက်စတိုင်းလွတ်မြောက်ရေးအဖွဲ့ (PLO) ၏ အမှုဆောင်ကော်မတီအဖွဲ့ဝင် ဒေါက်တာ ဟာနန် အက်ရ်ှရာဝီက နိုင်ငံရပ်ခြားသို့ ရောက်ရှိနေသည့် ပါလက်စတိုင်းနွယ်ဖွားများအနေဖြင့် ပါလက်စတိုင်းနှင့် အဆက်အသွယ်မပြတ်စေရန်၊ ၎င်းတို့၏ ဇာတိမြေနှင့် စီမံကိန်းများ၊ ပူးပေါင်းဆောင်ရွက်မှု ပြုလုပ်ရန် တိုက်တွန်းလိုက်သည်ဟု သိရသည်။

အလည်အပတ်ရောက်ရှိနေသည့် ချီလီနိုင်ငံမှ ပါလက်စတိုင်းနွယ်ဖွား စီးပွားရေးနှင့် အရပ်ဘက်လူ့အဖွဲ့အစည်းခေါင်းများ ပါဝင်သည့် ကိုယ်စားလှယ်အဖွဲ့နှင့် တွေ့ဆုံရာတွင် ထိုကဲ့သို့ တိုက်တွန်းလိုက်ခြင်းဖြစ်ပြီး၊ အစ္စရေးမှာ ပါလက်စတိုင်းများကို ဖျောက်ဖျက်ရန် ကြံစည်နေသည်ဟု ဆိုသည်။

“ပါလက်စတိုင်းတွေရဲ့ အမှတ်သညာကို ဖျောက်ဖျက်ပစ်ဖို့၊ ကျွန်မတို့ရဲ့တိုင်းပြည်၊ သမိုင်း၊ ယဉ်ကျေးမှုနဲ့ ခိုင်မာတဲ့ဆက်နွယ်မှုကို ပျောက်ပျက်စေဖို့ အစ္စရေးကကြိုးစားနေတာကြောင့် ကျွန်မတို့ အမိမြေကနေ ပြောင်းရွှေ့သွားသူတွေ၊ နှင်ထုတ်ခံရတဲ့သူတွေ၊ ဒုက္ခသည်အဖြစ် ခိုလှုံနေရတဲ့သူတွေက ဇာတိမြေကို ပြန်လာပြီး ရင်းနှီးမြှုပ်နှံဖို့ အသင့်ဖြစ်နေတာကို တွေ့ရတာ ကျွန်မအနေနဲ့ အလွန်ပဲ အားတက်မိပါတယ်” ဟု အာက်ရ်ှရာဝီက ရာမာလာမြို့ရှိ သူမ၏ PLO ရုံးခန်း၌ အဆိုပါ ကိုယ်စားလှယ်အဖွဲ့အား ပြောကြားခဲ့သည်။

“ကျွန်မတို့ရဲ့ အခွင့်အရေးတွေကို စွန့်လွှတ်ဖို့ ဒါမှမဟုတ် ဖျောက်ဖျက်ဖို့ ကျွန်မတို့ ခွင့်မပြုပါဘူး။ ရှင်တို့ရဲ့ ပါလက်စတိုင်းကို ပြန်လာခြင်း၊ ဇာတိမြေနဲ့ အဆက်အသွယ် ထားရှိခြင်းဟာ ပါလက်စတိုင်းတွေအနေနဲ့ မိမိတို့ပိုင်နက်နဲ့ သက်ဆိုင်မှု၊ လွပ်လပ်မှု၊ ဂုဏ်သိက္ခာဆိုတဲ့ ကျွန်မတို့ရဲ့ အခွင့်အရေးတွေကို ခိုင်မြဲအောင် ဆောင်ရွက်တာပဲ ဖြစ်ပါတယ်”

အစ္စရေးက နိုင်ငံတကာဥပဒေများ၊ ပါလက်စတိုင်းတို့၏ အခွင့်အရေးများကို ချိုးဖောက်မှု၊ ငြိမ်းချမ်းရေးနှင့် တည်ငြိမ်အေးချမ်းရေးကို စနစ်တကျ ချိုးဖောက်မှုတို့အကြောင်းကိုလည်း အက်ရ်ှရာဝီမှာ အဆိုပါကိုယ်စားလှယ်အဖွဲ့နှင့် ဆွေးနွေးခဲ့သည်။

Ref : IINA

စက်တင်ဘာ ၇၊ ၂၀၁၆
M-Media

– အစ္စရေးက ပိတ်ဆို့ထားသည့် ဂါဇာကမ်းမြှောင်မှ ပါလက်စတိုင်းပြည်သူများအတွက် လူသားချင်းစာနာထောက်ထားမှုဆိုင်ရာ အကူအညီများ တင်ဆောင်သွားသည့် တူရကီသင်္ဘောမှာ အစ္စရေး ဆိပ်ကမ်းမြို့ဖြစ်သော အက်ရ်ှဒွတ်သို့ တနင်္လာနေ့က ရောက်ရှိခဲ့သည်ဟု သိရသည်။

အစ္စရေးနှင့် သံတမန်ဆက်ဆံရေး ပြန်လည်ပြုလုပ်ပြီးနောက် တူရကီ၏ ယခုပို့ဆောင်မှုမှာ ဂါဇာပြည်သူများအတွက် ဒုတိယအကြိမ်ဖြစ်ပြီး တလ်အဗီးအခြေစိုက် တူရကီရေးရာအဖွဲ့က အခြားသော တူရကီပရဟိတ အသင်းအဖွဲ့များနှင့်အတူ ထိုအကူအညီကို လက်ခံခဲ့ကြသည်။ ထိုသင်္ဘောတွင် လူသားချင်း စာနာထောက်ထားမှုဆိုင်ရာ အကူအညီ တန်ချိန် ၂၅၀၀ ခန့် ပါဝင်သည်။

တူရကီ၏ ဂါဇာသို့ ပထမဆုံး အကူအညီပေးပို့မှုမှာ ပြီးခဲ့သည့် ဇူလိုင်လကဖြစ်ပြီး၊ ယခုဆိုက်ရောက်လာသည့် ဒုတိယမြောက် သင်္ဘောတွင် အစားအသောက်များ၊ အ၀တ်အစားများ၊ ကလေးငယ်များအတွက် စက်ဘီး ၁၀၀၀၊ ဘီးတပ်ကုလားထိုင် ၁၀၀ တို့ ပါဝင်သည်။

ထိုအကူအညီများကို အက်ရ်ှဒွတ်မှ ထရပ်ကားများဖြင့် ဂါဇာသို့ အီဒွလ် အသွဟာ အီးဒ်နေ့မတိုင်ခင် ပို့ဆောင်သွားမည်ဖြစ်သည်။

Ref : IINA

စက်တင်ဘာ ၅၊ ၂၀၁၆
M-Media

– ပါလက်စတိုင်းပိုင်နက်များတွင် အစ္စရေးက တရားမ၀င်အခြေချအိမ်ယာများ ဆောက်လုပ်ခြင်းကို ချက်ခြင်း အရေးယူမှုများ ပြုလုပ်ပေးရန်အတွက် ပါလက်စတိုင်း နိုင်ငံခြားရေးဝန်ကြီးဌာနက လုံခြုံရေးကောင်စီအား တိုက်တွန်းလိုက်သည်ဟု သိရသည်။

ထိုကဲ့သို့ အိမ်ယာဆောက်လုပ်မှု လုပ်ရပ်များအပါအ၀င် အစ္စရေး၏ ဥပဒေချိုးဖောက်သည့် ထိုလုပ်ရပ်များကို ၀န်ကြီးဌာနက “ပါလက်စတိုင်းမြေအား အစ္စရေးက ခိုးယူနေခြင်းနှင့် ဂျူးဇာတ်သွင်းလုပ်ရပ်များ”ဟု ရည်ညွှန်းပြောဆိုခဲ့ပြီး ထိုကိစ္စများအတွက် သတင်းအချက်အလက်များ ရယူနိုင်ရေး ကိုယ်စားလှယ်အဖွဲ့တစ်ခု စေလွှတ်ပေးရန်လည်း တိုက်တွန်းခဲ့သည်။

အစ္စရေးက ပါလက်စတိုင်းပိုင်နက်များတွင် တရားမ၀င်အိမ်ယာများ ဆောက်လုပ်နေမှုကို အမေရိကန်၊ ရုရှား၊ ဥရောပသမဂ္ဂနှင့် ကုလတို့ ပါဝင်သည့် အရှေ့အလယ်ပိုင်း လေးပွင့်ဆိုင်အဖွဲ့အပါအ၀င် နိုင်ငံတကာအသိုင်းအ၀ိုင်းက ကန့်ကွက်နေသော်လည်း အစ္စရေးက ရပ်တန့်ခြင်းမရှိပဲ ပြီးခဲ့သည့်သီတင်းပတ်များအတွင်း နောက်ထပ် တရားမ၀င်အိမ်ယာများ ဆောက်လုပ်ရန်အတွက် အတည်ပြုမှုများကို အစ္စရေးအစိုးရက ပြုလုပ်ခဲ့သည်။

လက်ရှိတွင် ပါလက်စတိုင်းပိုင်နက်များအတွက် ဆောက်လုပ်ထားသည့် အစ္စရေး၏ တရားမ၀င်အိမ်ယာများတွင် နေထိုင်သူ အရေအတွက်မှာ သန်းဝက်ကျော်ရှိနေပြီး ထိုကိစ္စက နှစ်နိုင်ငံတည်ရှိရေးအဖြေအတွက် ကြီးမားသော အတားအဆီး ဖြစ်နေသည်။

Ref : IINA

စက်တင်ဘာ ၃၊ ၂၀၁၆
M-Media

– အစ္စရေး၏ ကျူးကျော်သိမ်းပိုက်မှုများ၊ ဖိနှိပ်ချုပ်ချယ်မှုများကို ခံနေရသည့် ပါလက်စတိုင်းပြည်သူများအား ကူညီထောက်ပံ့မှုများ ပြုလုပ်နေသည့် ‘ကုလသမဂ္ဂ ပါလက်စတိုင်းဒုက္ခသည်များဆိုင်ရာ ကယ်ဆယ်ရေး၊ အကူအညီပေးရေးအဖွဲ့’ UNRWA သို့ အီတလီက ယူရို ၆.၆ သန်း (ကန်ဒေါ်လာ ၇.၃၅ သန်း) ပေးအပ်ခဲ့သည်ဟု သိရသည်။

ယခုသီတင်းပတ်အတွင်း ပေးအပ်ခဲ့ခြင်းဖြစ်ပြီး ယခုနှစ်အတွက် ပထမအသုတ်အဖြစ် ယူရုို ၁၀ သန်းကူညီမည်ဟု ကတိပြုထားမှု၏ တစ်စိတ်တစ်ပိုင်းလည်းဖြစ်သည်။ ၂၀၁၆ ခုနှစ်တွင် အီတလီက ကူညီရန် ကတိပြုထားမှုမှာ ၂၀၁၅ ခုနှစ်နှင့် နှိုင်းယှဉ်ပါက ၆၀ ရာခိုင်နှုန်း မြင့်တက်ခဲ့သည်။

“UNRWA နဲ့ ပါလက်စတိုင်းဒုက္ခသည်တွေအတွက် အဆက်မပြတ် ကူညီထောက်ပံ့ပေးနေတဲ့ အီတလီအစိုးနဲ့ အီတလီပြည်သူတွေကို ကျွန်တော်တို့ လှိုက်လှဲစွာ ကျေးဇူးတင်ရှိပါတယ်။ အခုလို ကူညီပေးတာဟာ ပညာရေး၊ ကျန်းမာရေးစောင့်ရှောက်မှု၊ ကယ်ဆယ်ရေး၊ ပြည်သူ့ဝန်ဆောင်မှုနဲ့ ဒုက္ခသည်စခန်း တိုးတက်ရေးတို့အပါအ၀င် ဒေသအတွင်းက ပါလက်စတိုင်းဒုက္ခသည်တွေကို အဓိက ၀န်ဆောင်မှုတွေပေးဖို့ UNRWA ရဲ့ကြိုးပမ်းမှုအတွက် အလွန်အရေးပါပါတယ်” ဟု UNRWA ၏ ကော်မရှင်နာ ပီယာရီ ကရာဟန်ဘူလ်က ပြောကြားခဲ့သည်။

၂၀၁၅ ခုနှစ်တွင် အီတလီမှာ UNRWA သို့ ယူရို ၈.၇၅ သန်း ထောက်ပံ့ခဲ့ပြီး ထိုအထဲမှ ၄.၁ သန်းမှာ အဖွဲ့၏ အဓိကလုပ်ငန်းများနှင့် ၀န်ဆောင်မှုများအတွက် ဖြစ်သည်။ ထိုအထဲမှာ ယူရို ၁ သန်းကို ဆီးရီးယားနိုင်ငံ ယာရ်မွတ် ဒုက္ခသည်စခန်းရှိ ပါလက်စတိုင်းပြည်သူများ၏ လူသားချင်းစာနာထောက်ထားမှုဆိုင်ရာ အရေးပေါ်တုန့်ပြန်မှုအတွက်ဖြစ်ကာ ၂.၁၈ သန်းမှာ ဂါဇာကမ်းမြှောင်တွင် စားနပ်ရိက္ခာ ထောက်ပံ့ရန်ဖြစ်သည်။

Ref: IINA

စက်တင်ဘာ ၂၊ ၂၀၁၆
M-Media

– ပါလက်စတိုင်းမြေပေါ်၌ အစ္စရေးက အခြေချအိမ်ယာများ တိုးချဲ့ဆောက်လုပ်နေခြင်းကို အမေရိကန်ပြည်ထောင်စုက ပြင်းပြင်းထန်ထန် ဝေဖန်လိုက်ပြီး ထိုလုပ်ရပ်များက နှစ်နိုင်ငံတည်ရှိရေး အဖြေအတွက် အတားအဆီးတစ်ခု ဖြစ်နေသည်ဟု ပြောကြားလိုက်သည်။

“အဲဒီအိမ်ယာတွေ သိသိသာသာ တိုးချဲ့လာတာဟာ နှစ်နိုင်ငံတည်ရှိရေးအဖြေ ထွက်နိုင်ရေးအတွက် ဆိုးရွားပြီး ကြီးမားတဲ့ ခြိမ်းခြောက်မှုပါပဲ။ အဲဒီလို တရားမ၀င် မြေသတ်မှတ်မှုတွေ၊ (နိုင်ငံတကာက) ခွင့်မပြုထားတဲ့ အိမ်ယာတွေကို ဆောက်လုပ်ဖို့ဆိုတဲ့ ပေါ်လစီအတွက် ကျွန်တော်တို့ စိတ်ပျက်ရပါတယ်” ဟု အိမ်ဖြူတော် ပြောရေးဆိုခွင့်ရှိသူ ဂျို့ရှ် အားနက်စ်က ဆိုသည်။

ပါလက်စတိုင်းပိုင်နက်များတွင် အစ္စရေးက ကျူးကျော်အိမ်ယာများ ဆောက်လုပ်ခြင်းနှင့်ပတ်သက်၍ အမေရိကန်က အမြဲတစေ ဝေဖန်ခဲ့သည်။ သို့သော်လည်း ဗုဒ္ဓဟူးနေ့ ထုတ်ပြန်ခဲ့သည့် ယခုကြေငြာချက်မှာ ယခင်ရှုတ်ချမှုများနှင့်မတူဘဲ အစ္စရေး၏ လုပ်ရပ်မှာ ကုလသမဂ္ဂ၊ ဥရောပသမဂ္ဂ၊ ရုရှားနှင့် အမေရိကန်တို့ပါဝင်သောအရှေ့အလယ်ပိုင်း လေးပွင့်ဆိုင်အဖွဲ့၏ အကြံပေးချက်ကို မထီမဲ့မြင်ပြုခြင်းဟု ထည့်သွင်းပြောကြားခဲ့သည်။

“အနောက်ဖက်ကမ်းမှာ အခြေချအိမ်ယာတွေ ထပ်တိုးတည်ဆောက်ဖို့ (အစ္စရေး) အစိုးရရဲ့ ကြေညာချက်အပေါ် ကျွန်တော်တို့ တော်တော်လေး စိုးရိမ်မကင်း ဖြစ်ရပါတယ်။ ကျွန်တော်တို့ လေးပွင်ဆိုင်အဖွဲ့က ကြေငြာချက်ထုတ်ပြန်ခဲ့ပြီးနောက်ပိုင်း အစ္စရေးရဲ့ ဒီတရားမ၀င်အခြေချအိမ်ယာတွေ တိုးချဲ့တည်ဆောက်ဖို့ အရှိန်မြင့်လာတာဟာ ကျွန်တော်တို့ရဲ့ အကြံပြုချက်တွေကို တိုက်ရိုက် ဆန့်ကျင်လိုက်တာပါပဲ” ဟု နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ဂျွန်ကာဘီက ဗုဒ္ဓဟူးနေ့ အစောပိုင်းတွင် ပြောကြားခဲ့သည်။

ပါလက်စတိုင်းပိုင်နက်များကို အစ္စရေးက ကျူးကျော်ထားမှု၊ တရားမ၀င် အခြေချအိမ်ယာများ တည်ဆောက်နေမှုမှာ အရှေ့အလယ်ပိုင်း ငြိမ်းချမ်းရေးအတွက် အဓိက အတားအဆီးဖြစ်နေပြီး၊ ပါလက်စတိုင်းပိုက်နက်အတွင်း အစ္စရေး၏ တရားမ၀င်အခြေချအိမ်ယာများတွင် နေထိုင်သူ အရေအတွက်မှာ သန်းဝက်ကျော် ရှိနေသည်။

အစ္စရေးအစိုးရမှာ ပါလက်စတိုင်းပိုင် အနောက်ဖက်ကမ်းတွင် အခြေချအိမ်ယာ ၂၈၅ ခုဆောက်လုပ်ရန် ဗုဒ္ဓဟူးနေ့က အတည်ပြုခဲ့ပြီး ထိုရားမ၀င်လုပ်ရပ်များကို ရပ်တန့်ရန် နိုင်ငံတကာအသိုင်းအ၀ိုင်းက တိုက်တွန်းထားမှုကို အာခံခြင်းလည်းဖြစ်သည်။

သြဂုတ်လ အစောပိုင်းကလည်း အရှေ့ဂျေရုဆလင်တွင် ရာမွတ်မြို့နှင့် ကပ်လျက်တွင် အိမ်ယာစီမံကိန်း ၅၆ ခု တိုးချဲ့တည်ဆောက်ရန် အစ္စရေးအစိုးရက အတည်ပြုခဲ့သည်။

Ref : Presstv