Tag: Palestine

မေ ၂၇၊ ၂၀၁၆
M-Media

– အစ္စရေးက ပိတ်ဆို့ထားတဲ့ ပါလက်စတိုင်းပိုင် ဂါဇာကမ်းမြှောက်ဒေသမှာ နောက်ထပ် တိုက်ခိုက်မှုတွေ ဖြစ်မလာဖို့အတွက် ဂါဇာပြည်သူတွေရဲ့ ဒုက္ခသည်သုက္ခတွေကို ဖြေရှင်းရေး ကမ္ဘာလုံးဆိုင်ရာ အရေးယူဆောင်ရွက်မှု ပြုလုပ်ပေးဖို့ အရှေ့အလယ်ပိုင်း ငြိမ်းချမ်းရေး လုပ်ငန်းစဉ်ဆိုင်ရာ ကုလသမဂ္ဂ အထူးညှိနှိုင်းရေးမှူး နီကိုလေး မာလ်ဒီနော့ဗ်က တိုက်တွန်းပြောကြားလိုက်ပါတယ်။

ဗုဒ္ဓဟူးနေ့က ကုလသမဂ္ဂ လုံခြုံရေးကောင်စီ အစည်းအဝေးမှာ ဒီလို ပြောကြားလိုက်တာဖြစ်ပြီး ဂါဇာပြည်သူတွေဟာ အခြေအနေတွေ တိုးတက်လာခြင်းမရှိတာကြောင့် စိတ်ပျက်မှုတွေ တိုးလာနေကြောင်း၊ ဒါ့ကြောင့် တိုက်ခိုက်မှုတွေ ဖြစ်လာနိုင်တဲ့ အနေအထားရှိကြောင်း မာလ်ဒီနော့ဗ်က ဆိုပါတယ်။

ပါလက်စတိုင်းပြည်သူ ၂၅၀၀ ကျော် သေဆုံးခဲ့ပြီး၊ အဆောက်အဦးတော်တော်များများ ပျက်ဆီးခဲ့တဲ့၂၀၁၄ ခုနှစ် အစ္စရေးရဲ့ ကျူးကျော်တိုက်ခိုက်မှုအပြီးမှာ ဂါဇာပြည်သူ ၁.၈ သန်းလောက်ဟာ အဲဒီ အခြေအနေဆိုးထဲက ရုန်းထွက်ဖို့ ရုန်းကန်နေရပါတယ်။

ဒါ့ကြောင့် ဂါဇာ ပြန်လည်တည်ဆောက်ရေး၊ ကယ်ဆယ်ရေးနဲ့ ဖွံ့ဖြိုးရေးလုပ်ငန်းတွေမှာ ပံ့ပိုးကူညီဖို့ကိုလည်း မာလ်ဒီနော့ဗ်က နိုင်ငံတကာက အလှူရှင်တွေကို တိုက်တွန်းခဲ့ပါတယ်။

Ref: Presstv

မေ ၂၄၊ ၂၀၁၆
M-Media

– အနာဂတ် ပါလက်စတိုင်းနိုင်ငံ တည်ထောင်ဖို့ ရည်ရွယ်ထားတဲ့ ဒေသတွေမှာ အစ္စရေးက တရားမ၀င်ကျူးကျော်မှုတွေ ဆက်လက်ပြုလုပ်နေတာနဲ့ပတ်သက်ပြီး အစ္စရေးရဲ့ ပါလက်စတိုင်းတွေနဲ့ ငြိမ်းချမ်းရေး ကတိက၀တ်ကို ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်က မေးခွန်ထုတ်လိုက်ပါတယ်။

ပါလက်စတိုင်းနယ်မြေတွေကို အခုလို ကျူးကျော်သိမ်းပိုက်မှုတွေဟာ နိုင်ငံတကာဥပေဒနဲ့ ငြိစွန်းရုံသာမက ၂ နိုင်ငံတည်ရှိရေး အဖြေကိုလည်း ဖျက်ဆီးပစ်ရာရောက်တယ်လို့ Anadolu သတင်းဌာနနဲ့ အင်တာဗျူးတစ်ခုမှာ ဘန်က ထည့်သွင်းပြောကြားခဲ့ပါတယ်။

“နေအိမ်တွေ ဖျက်ဆီးနေတာနဲ့ အဆောက်အအုံတွေ အခြေချဆောက်လုပ်နေတဲ့ အစ္စရေးရဲ့ အဆုံးစွန်သောရည်မှန်းချက်ဟာ အနောက်ဖက်ကမ်းကနေ ပါလက်စတိုင်းတွေကို အပြီးမောင်းထုတ်ပစ်ချင်တာလား ဒါမှမဟုတ် ပါလက်စတိုင်းနိုင်ငံရဲ့ ကောင်းမွန်တဲ့ အကူးအပြောင်းတစ်ရပ်ကို ဖျက်ဆီးနေတာလားဆိုပြီး မေးခွန်းထုတ်ချင်ပါတယ်”

နောက်ပြီး ရပ်တန့်နေတဲ့ ဆွေးနွေးညှိနှိုင်းမှုတွေကို နှစ်ဖက်စလုံး ပြန်လည်စတင်ဖို့လည်း ဘန်က တိုက်တွန်းခဲ့ပါတယ်။ ပါလက်စတိုင်းပိုင်နက်တွေမှာ အစ္စရေးက တရားမ၀င်အိမ်ယာတွေ ဆောက်လုပ်နေမှုကို နိုင်ငံတကာအသိုင်းအ၀ိုင်းက ရှုတ်ချထားပေမယ့် အစ္စရေးက လိုက်နာခြင်းမရှိပါဘူး။

Ref : IINA

မေ ၂၀၊ ၂၀၁၆
M-Media

– ပါလက်စတိုင်းပိုင် အနောက်ဖက်ကမ်း ဂျေရုစလင်မှာရှိတဲ့ ဂျာဘာလ် အလ် ဘာဘာ ရပ်ကွက်က ပါလက်စတိုင်း ပြည်သူတွေရဲ့ နေအိမ်တွေကို ဖြိုချဖျက်ဆီးတာနဲ့ နိုင်ငံတကာက လှူဒါန်းထားတဲ့ လူသားချင်း စာနာထောက်ထားမှုဆိုင်ရာ အကူအညီတွေကို သိမ်းယူတာတွေအတွက် ကုလသမဂ္ဂက အစ္စရေးကို ရှုတ်ချလိုက်ပါတယ်။

ဗုဒ္ဓဟူးနေ့က ပြုလုပ်ခဲ့တဲ့ သတင်းစာရှင်းလင်းပွဲမှာ ကုသမဂ္ဂ လူသားချင်း စာနာထောက်ထားမှုဆိုင်ရာ အကူအညီနဲ့ ဖွံ့ဖြိုးတိုးတက်ရေး ဆောင်ရွက်မှုဆိုင်ရာ ညှိနှိုင်းရေးမှူး ရောဘတ် ပီပါက အခုလို ရှုတ်ချလိုက်တာဖြစ်ပြီး ကုလသမဂ္ဂ လူသားချင်း စာနာထောက်ထားမှုရေးရာရုံး OCHA က အစ္စရေးအာဏာပိုင်တွေဟာ မေလ ၁၆ ရက်နေ့က ပါလက်စတိုင်းပြည်သူတွေရဲ့ အိမ်ယာ ၇ ခုကို ဖျက်ဆီးခဲ့ပြီး၊ လှူဒါန်းထားတဲ့ ပစ္စည်းတွေကို သိမ်းယူခဲ့တာဖြစ်တယ်လို့လည်း ပြောကြားခဲ့ပါတယ်။

အဲဒီလိုဆောင်ရွက်မှုကြောင့် ကလေးငယ် ၂၂ ဦးအပါဝအင် ပါလက်စတိုင်းပြည်သူ ၄၉ ဦးဟာ အိုမဲ့အိမ်မဲ့ ဖြစ်ခဲ့ရပြီး မိသားစု ၉ ခုကတော့ အသက်ဆက်ဖို့လိုအပ်နေတဲ့ အစားအသောက်တွေ ဆုံးရှုံးခဲ့ရပါတယ်။ အစ္စရေးက သိမ်းယူခဲ့တဲ့ အဲဒီထောက်ပံ့ရေး ပစ္စည်းတွေဟာ ပါလက်စတိုင်းက ဘဒူအင်လူမျိုး မိသားစုတွေအတွက် ကုလရဲ့ Humanitarian Pooled Fund အဖွဲ့က အခုနှစ်အစောပိုင်းမှာ ထောက်ပံ့ပေးထားတဲ့ ပစ္စည်းတွေဖြစ်ပါတယ်။

ဂျဘားလ် အလ်ဘာဘာရပ်ကွက်ဟာ ပါလက်စတိုင်းပိုင် အနောက်ဖက်ကမ်းမှာ အစ္စရေးရဲ့ ကျူးကျော်သိမ်းပိုက်မှု ခံရဖို့ အန္တရာယ်အများဆုံးရှိနေတဲ့ နေရာပေါင်း ၄၆ ခုထဲက တစ်ခုဖြစ်ပြီး၊ လက်ရှိမှာ အစ္စရေးက တရားမ၀င်အခြေချအိမ်ယာတွေ ဆောက်လုပ်ဖို့လည်း ပြင်ဆင်နေပါတယ်။

Ref : IINA