Tag: Palestine

ဇွန် ၂၀၊ ၂၀၁၅
M-Media

– ဂါဇာကမ်းမြှောင်ဒေသ ရေလမ်းကြောင်းထွက်ပေါက်အား အစ္စရေး၏ ပိတ်ဆို့ထားမှုကို ဖျက်ပစ်ရန် ရည်ရွယ်၍ ပါလက်စတိုင်း ထောက်ခံသော တက်ကြွလှုပ်ရှားသူများမှာ သင်္ဘောငယ် ၃ စီးဖြင့် ဂါဇာသို့ သွားရောက်ရန် စီစဉ်နေသည်ဟု သိရသည်။

အဆိုပါလှုပ်ရှားမှုကို အီတလီနိုင်ငံ စစ္စလီကျွန်းရှိ ပါလာမိုမြို့တွင် အခြေစိုက်သော Freedom Flotilla Coalition အဖွဲ့က စီစဉ်ခြင်းဖြစ်ပြီး ၎င်းတို့မှာ နောက်ဆုံး ပြင်ဆင်မှုများကို ပြုလုပ်နေကာ ဇွန်လမကုန်ခင် ဂါဇာသို့ ရောက်ရှိရန် ရည်ရွယ်ထားသည်ဟု အလ်ဂျာဇီးရား သတင်းဌာနသို့ ပြောကြားခဲ့သည်။

အဆိုပါသင်္ဘောအုပ်စုမှာ ဂါဇာသို့ အကူအညီများ ယူဆောင်သွားရန် ရည်ရွယ်ခြင်းမဟုတ်ဘဲ ဂါဇာဆိပ်ကမ်းကို လွတ်လပ်စွာလှုပ်ရှားမှုနှင့် ကုန်သွယ်ရေးအတွက် လမ်းပွင့်ရန် ဆောင်ရွက်ခြင်းဖြစ်သည်ဟု တက်ကြွလှုပ်ရှားသူ ကဲလ်လီ အိုဟစ်ဆန်က ပြောကြားခဲ့သည်။

“ကျွန်တော်တို့ရဲ့ ရည်ရွယ်ချက်က ဂါဇာကိုပိတ်ဆို့ထားမှု အဆုံးသတ်ဖို့ပါပဲ။ သူတို့ကို ကျွန်တော်တို့ မမေ့ဘူးဆိုတာ ပါလက်စတိုင်းတွေကို သိစေချင်ပါတယ်။ ကမ္ဘာကြီးမှာ ပြဿပေါင်း သောင်းခြောက်ထောင် ရှိပါတယ်။ ဒါပေမယ့် ဂါဇာက အခြေအနေကတော့ တကယ့်ကို ဆိုးရွားပါတယ်။ ကျွန်တော်တို့ သူတို့ကို လုံးဝ သတိရနေပါတယ်” ဟု အိုဟစ်ဆန်က ပြောကြားခဲ့သည်။

ဆွီဒင်အလံ လွှင့်တင်ထားပြီး Marianne ဟု အမည်ရသည့် သင်္ဘောမှာ ယခုလက်ရှိတွင် စစ္စလီရှိ ဆိပ်ကမ်းများအကြား လှည့်လည်သွားလာနေပြီး အဆိုပါသင်္ဘောတွင် ကုန်တင်ရန် နေရာအကန့်အသတ် ရှိနေသ်ာလည်း ဆေးဘက်ဆိုင်ရာ ကိရိယာများနှင့် ဆိုလာပြားအနည်းငယ်ကို တင်ဆောင်သွားမည်ဖြစ်သည်။

အဖျက်အမှောင့်လုပ်ငန်းများမှ ရှောင်ရှားရန်အတွက် သင်္ဘောအုပ်စုမှ အခြားသောသင်္ဘောများ၏ အသေးစိတ်အချက်အလက်များ၊ နောက်ဆုံးခရီးထွက်မည့်နေရာတို့ကို လျှို့ဝှက်ထားမည်ဟု ထိုလှုပ်ရှားမှုကို စီစဉ်သူများက ပြောကြားခဲ့သည်။

၎င်းတို့ သင်္ဘောအုပ်စုအား နိုင်ငံတကာရေပိုင်နက်တွင် နောက်ထပ်တစ်ကြိမ် အစ္စရေးစစ်တပ်က မည်ကဲ့သို့ စီးနင်းပစ်ခတ်မည်ဆိုသည်နှင့် ပတ်သက်၍ စိုးရိမ်မိသည်ဟု ကဲလ်လီကပြောကြားခဲ့သည်။

“အန္တရာယ်ကင်းဖို့အတွက်တော့ ကျွန်တော်တို့ တော်တော်လေး စိုးရိမ်ပါတယ်။ အကြမ်းမဖက်ရေး ပေါ်လစီကို ကျွန်တော်တို့ ဆုပ်ကိုင်သွားမှာပါ။ အစ္စရေးက ကျွန်တော်တို့ကို အကြမ်းဖက်မှာ မဟုတ်ဘူးလို့ မျှော်လင့်ပါတယ်”

၂၀၁၀ ခုနှစ်ကလည်း ပါလက်စတိုင်းအရေး တက်ကြွလှုပ်ရှားသူများမှာ အစ္စရေး၏ ပိတ်ဆို့မှုကြောင့် အတိဒုက္ခရောက်နေကြသည့် ပါလက်စတိုင်းပြည်သူများအား အကူအညီများပေးရန် သင်္ဘောများဖြင့် ပထမဆုံးအကြိမ် သွားရောက်စဉ် နိုင်ငံတကာရေပိုင်နက်၌ ထိုအုပ်စုထဲမှ Mavi Marmara သင်္ဘောပေါ်သို့ အစ္စရေးစစ်သားများက ၀င်ရောက်စီးနင်းခဲ့ပြီး သေနတ်ဖြင့်ပစ်ခတ်ခဲ့သောကြောင့် လူ ၉ ဦးမှာ နေရာတွင်ပင် သေဆုံးခဲ့သည်။ အခြားတစ်ဦးမှာ ထိုပစ်ခတ်မှုမှရသော ဒဏ်ရာကြောင့် နောက်ပိုင်းတွင် သေဆုံးသွားခဲ့သည်။

အစ္စရေးမှာ ဂါဇာဒေသအား ကုန်းတွင်းပိုင်းတွင် ပိတ်ဆို့ထားသည်သာမက တံငါလုပ်ငန်းဖြင့် အသက်မွေးရသည့် ဂါဇာပြည်သူများအတွက် ရေးပါသော ပင်လယ်ပြင်အသုံးပြုမှုကို ကန့်သတ်ထားကာ ဆိပ်ကမ်းများကိုလည်း အသုံးပြုခွင့်မပေးပေ။

Ref: Aljazeera

ဇွန် ၁၇၊ ၂၀၁၅
M-Media

– ပါလက်စတိုင်းသမ္မတ မဟ်မူးဒ်အဘတ်စ်က မိမိတို့အစိုးရအား လာမည် ၂၄ နာရီအတွင်း ဖျက်သိမ်းတော့မည်ဟု ကြေညာခဲ့ကြောင်း ဖာတာအဖွဲ့၏ တာဝန်ရှိသူများက ပြောကြားလိုက်သည်။

“၂၄ နာရီအတွင်းမှာ ပါလက်စတိုင်းအစိုးရအဖွဲ့ဟာ နှုတ်ထွက်သွားမှာပါ” ဟု အနောက်ဘက်ကမ်း ရာမာလာတွင် ယမန်နေ့ညပိုင်းက ပြုလုပ်ခဲ့သည့် ဖာတာတော်လှန်ရေးကောင်စီ ညီလာခံတွင် သမ္မတ အဘတ်စ်၏ ပြောကြားမှုကို ကိုးကား၍ ၎င်း၏ ဖာတာအဖွဲ့မှ တာဝန်ရှိသူ အများအပြားက ပြောကြားခဲ့သည်။

၂၀၁၄ ခုနှစ် ဇွန်လတွင် အနောက်ဘက်ကမ်းရှိ ဖာတာနှင့် ဂါဇာကမ်းမြှောင်ရှိ ဟားမက်စ်အဖွဲ့တို့မှာ ညီညွတ်သော အစိုးရတစ်ရပ်ကို ဖွဲ့စည်းခဲ့သော်လည်း ထိုအစိုးရအဖွဲ့မှာ အစ္စရေးက ပိတ်ဆို့ထားပြီး စစ်ဒဏ်ခံ ဂါဇာကမ်းမြှောင်ဒေသတွင် အာဏာသက်ရောက်အောင် မစွမ်းဆောင်နိုင်ခြင်းက ၎င်းတို့အဖွဲ့နှစ်ခုအကြား အဓိကအငြင်းပွားမှု ဖြစ်လာခဲ့သည်။

ယခုကဲ့သို့ အစိုးရအဖွဲ့မှ ဖာတာအဖွဲ့ နှုတ်ထွက်မှုမှာလည်း ထိုအကြောင်းအရင်းကြောင့်ပင် ဖြစ်မည်ဟု ပြောကြားကြသည်။

“အစိုးရအနေနဲ့ နောက် ၂၄ နာရီအတွင်းမှာ နှုတ်ထွက်မှာပါ။ ဘာ့ကြောင့်လည်းဆိုတာ့ ဒီအစိုးရဟာ အားနည်းပြီး ဂါဇာမှာအလုပ်လုပ်ဖို့အတွက် ဟားမက်စ်က အခွင့်အရေး မပေးလို့ပါပဲ” ဟု တော်လှန်ရေးကောင်စီမှ အထွေထွေအတွင်းရေးမှူးဖြစ်သူ အေမင် မက်ဘူလ်က AFP သတင်းဌာနသို့ ပြောကြားခဲ့သည်။

ထို့ပြင် အစိုးရအသစ်ကိုလည်း နှုတ်ထွက်ပြီး ၂၄ နာရီအတွင်း ဖွဲ့စည်းသွားမည်ဟု မက်ဘူလ်က ထပ်လောင်းပြောကြားခဲ့ပြီး ညီလာခံသို့ တရောက်ခဲ့သည့် အမည်မဖေါ်လိုသူ တစ်ဦးကမူ အစိုးရဖွဲ့စည်းရန်မှာ ရက်အနည်းငယ် ကြာမြင့်မည်ဟု ပြောကြားခဲ့သည်။

ဂါဇာကမ်းမြှောင်တွင် ၂၀၀၆ ခုနှစ် ရွေးကောက်ပွဲ၌ ဟားမက်စ်အဖွဲ့ အာဏာရပြီးနောက်ပိုင်း ဖာတာနှင့် ဟားမက်စ်တို့အကြား ကတောက်ကဆများ ဖြစ်ခဲ့ကြသည်။ ၂၀၁၄ ခုနှစ်တွင် ၎င်းတို့နှစ်ဖွဲ့မှာ အငြင်းပွားမှုများအား အဆုံးသတ်ပြီး ပြန်လည်ပေါင်းစည်းရန်
သဘောတူညီခဲ့ကြသည်။

ထိုကဲ့သို့ ညီညွတ်မှုကို အစ္စရေးက ဒေါသထွက်ခဲ့ကာ ငြိမ်းချမ်းရေးဆွေးနွေးပွဲကိုလည်း ရပ်တန့်ခဲ့သည်။

Ref: PressTV

ဇွန် ၁၄၊ ၂၀၁၅
M-Media

– အစ္စရေးက ပိတ်ဆို့ထားသည့် ပါလက်စတိုင်းပိုင် အနောက်ဖက်ကမ်း ရာမာလာဒေသတွင် ဖြစ်ပွားခဲ့သော ထိပ်တိုက်တွေ့ဆုံမှုအတွင်း အစ္စရေးစစ်သားများက ပါလက်စတိုင်းတစ်ဦးအား ကားဖြင့်တိုက်သတ်ခဲ့သည်ဟု သိရသည်။

အတိုက်ခံရသူမှာ အသက် ၂၁ နှစ်အရွယ် အဘ်ဒဲလ်လာ ဂါနေအင်မ်ဆိုသူဖြစ်ပြီး ကူဖူရ် မာလက်ရွာတွင် ယနေ့နံနက်ပိုင်းက အစ္စရေးစစ်တပ်၏ စီးနင်းမှုတွင်း အစ္စရေးစစ်သားများ မောင်းနှင်လာသည့် စစ်ကားမှ တိုက်ခဲ့ပြီးနောက် သေဆုံးခဲ့ခြင်းဖြစ်သည်။

အစ္စရေးစစ်တပ်ကမူ ဂါနေအင်မ်မှာ မီးလောင်ဗုံးဖြင့် ပစ်ခတ်ခဲ့ပြီး မိမိတို့ဂျစ်ကားက ရှောင်တိမ်းခဲ့ပြီးနောက် ၎င်းအား တိုက်ခဲ့ခြင်းဖြစ်သည်ဟု ဆိုသည်။

နောက်ပိုင်းတွင် ဂါနေအင်မ်အား ဆေးကုသမှုပြုလုပ်ပေးရန်အတွက် ရွာအတွင်းသို့ သွားရောက်ခဲ့သော်လည်း ရရှိသောဒဏ်ရာကြောင့် ၎င်းမှာ သေဆုံးခဲ့သည်ဟု အစ္စရေးစစ်တပ်က ထည့်သွင်းပြောကြားခဲ့သည်။ ပါလက်စတိုင်းကလည်း ဂါနေအင်မ်မှာ ဂျစ်ကားတိုက်ခံခဲ့ရသည့် ဒဏ်ရာကြောင့် သေဆုံးခဲ့သည်ဟု အတည်ပြုခဲ့သည်။

အခြားတစ်ဦး ၀ိုင်းရိုက်ခံရ

ပြီးခဲ့သည့် ရက်ပိုင်းအတွင်းကလည်း အစ္စရေးစစ်သားများမှာ ပါလက်စတိုင်းတစ်ဦးအား ရိုက်နှက်နေသည့် ဗီဒီယိုတစ်ခုမှာ ဆိုရှယ်မီဒီယာများတွင် ပြန့်နှံ့ခဲ့ပြီး အစ္စရေးစစ်တပ်က စုံစမ်းစစ်ဆေးမှုများကို ပြုလုပ်နေသည်။

အဆိုပါအဖြစ်အပျက်ကို ပါလက်စတိုင်းတီဗီမှာ အနောက်ဖက်ကမ်း ရာမာလာဒေသရှိ ဂျာလာဇုန် ဒုက္ခသည်စခန်းတွင် အခြားသာမီဒီယာများရှိနေစဉ် သောကြာနေ့က ရိုက်ကူးခဲ့ခြင်းဖြစ်သည်။

အစ္စရေးစစ်တပ်မှ ပြောရေးဆိုခွင့်ရှိသူတစ်ဦးကမူ အဆိုပါအဖြစ်ပျက်ကို တပ်မှူးများ သိရှိပြီး စုံစမ်းစစ်ဆေးမှုများ ပြုလုပ်နေသည်ဟု ပြောကြားခဲ့သည်။

Ref: Aljazeera

ဇွန် ၃၊ ၂၀၁၅
M-Media

– ပါလက်စတိုင်းအပေါ် ၀န်ကြီးချုပ် နေတန်ယာဟု၏ ရပ်တည်ချက်နှင့်ပတ်သက်၍ အစ္စရေးမှာ နိုင်ငံတကာ၏ ယုံကြည်မှုကို ဆုံးရှုံးနေပြီဟု အမေရိကန်သမ္မတ ဘာရက်အိုဘားမားက ပြောကြားလိုက်သည်။

အိမ်ဖြူတော်၌ အစ္စရေး Channel Two ရုပ်သံနှင့် ယမန်နေ့ အင်တာဗျူးတွင် အိုဘားမားက ယခုကဲ့သို ပြောကြားလိုက်ခြင်းဖြစ်ပြီး ပါလက်စတိုင်းပြဿနာကြောင့် ကုလ၌ အစ္စရေးအား ရေရှည် ထောက်ခံမှုပေးလာခဲ့သည့် သံခင်းတမန်ခင်းကိုလည်း မိမိတို့အစိုးရက ပြန်လည် တွက်ချက်ရတော့မည်ဟု သတိပေးခဲ့သည်။

ထို့ပြင် နေတန်ယာဟု၏ ပေါ်လစီကြောင့် အစ္စရေးနှင့် ပါလက်စတိုင်းတို့အကြား ငြိမ်းချမ်းရေး သဘောတူညီချက်မှာ အလှမ်းဝေးနေသေးသည်ဟုလည်း အိုဘားမားက ၀န်ခံခဲ့သည်။

“မူဘောင်သဘောတူညီချက် အလားအလာကို ကျွန်တော်မမြင်ပါဘူး။ ဒါ့ကြောင့် အန္တရာယ်က အစ္စရေးကို ယုံကြည်မှု ကျဆင်းလာတာပါပဲ။ အစ္စရေးဟာ နှစ်နိုင်ငံအဖြေအတွက် အားတက်သရောရှိတယ်ဆိုတာကို နိုင်ငံတကာ အသိုင်းအ၀ိုင်းက မယုံကြည်ကြပါဘူး” ဟု အိုဘားမားက အင်တာဗျူးတွင် ထည့်သွင်းပြောကြားခဲ့သည်။

မတ်လ ၁၇ ရက်နေ့ ရွေးကောက်ပွဲမကျင်းပမီ တစ်ရက်အရင်က နေတန်ယာဟုမှာ ၎င်း ၀န်ကြီးချုပ်အဖြစ် ဆက်အရွေးခံရပါက ပါလက်စတိုင်းနိုင်ငံ ထူထောင်မှုကို ခွင့်ပြုမည်မဟုတ်ဟု ပြောကြားခဲ့သည်။ သို့သော်လည်း နောက်ပိုင်းတွင် ထိုစကားအား ပြန်၍ ပြင်ခဲ့သည်။

အမေရိကန်က ကြားဝင်စေ့စပ်ပေးသည့် အစ္စရေးနှင့် ပါလက်စတိုင်းတို့၏ ငြိမ်းချမ်းရေးဆွေးနွေးပွဲမှာ လွန်ခဲ့သည့် တစ်နှစ်ကပင် ရပ်တန့်ခဲ့ပြီး ပါလက်စတိုင်းကမူ ၎င်းတို့နယ်နမိတ်အတွင်း အစ္စရေးက အခြေချအိမ်ယာများ ဆောက်လုပ်မှု အစီအစဉ်အတွက် ပြစ်တင်ပြောဆိုခဲ့သည်။

အမေရိကန်အနေဖြင့် အစ္စရေးအတွက် ကုလတွင် ဗီတို ဆက်လက်အသုံးပြုမည်လားဟု မေးမြန်းခဲ့ရာ အိုဘားမားက တိတိကျကျ ဖြေကြားခဲ့ခြင်းမရှိချေ။ အိုဘားမားမှာ ပါလက်စတိုင်းနယ်မြေများတွင် အစ္စရေးက ကျူးကျော်အိမ်ယာများ တည်ဆောက်မှုအတွက် အကြိမ်ကြိမ်အခါခါ ဝေဖန်ခဲ့သူဖြစ်သည်။

Ref: PressTV