Tag: Palestine

နိုဝင်ဘာ ၉၊ ၂၀၁၄
M-Media

– ကြန့်ကြာနေသည့် ပါလက်စတိုင်း ငြိမ်းချမ်းရေးဆွေးနွေးပွဲ ပြန်လည်ဖြစ်မြောက်လာစေရေး အစ္စရေးအား ဖိအားပေးရန်အတွက် ဥရောပနိုင်ငံများအား ပါလက်စတိုင်းအား လွတ်လပ်သော နိုင်ငံအဖြစ် အသိအမှတ်ပြုရန် စဉ်းစားနေသည်ဟု သိရသည်။

ဥရောပသမဂ္ဂအဖွဲ့ဝင် နိုင်ငံများထဲမှ ပထမဆုံးအဖြစ် ဆွီဒင်နိုင်ငံမှာ အောက်တိုဘာ ၃၀ ရက်နေ့က ပါလက်စတိုင်းအား လွတ်လပ်သောနိုင်ငံအဖြစ် အသိအမှတ်ပြုခဲ့ပြီးနောက် အခြားသော ဥရောပနိုင်ငံများကလည်း ထိုသို့ အသိအမှတ်ပြုရန် စဉ်းစားနေသည်ဟု ဥရောပသမဂ္ဂ တာဝန်ရှိသူများ၏ ပြောကြားမှုကို အမေရိကန် မီဒီယာများက ဖော်ပြခဲ့သည်။

“ကျွန်တော်တို့ တစ်သက်လုံး စောင့်နေမှာမဟုတ်ပါဘူး။ အခြားဥရောပနိုင်ငံတွေကလည်း ဆွီဒင်ရဲ့ ဆောင်ရွက်မှုနောက်ကို လိုက်ဖို့ ရှိနေပါတယ်” ဟု ဥရောပ သမဂ္ဂမှ အကြီးတန်း တာဝန်ရှိသူတစ်ဦး၏ ပြောကြားမှုကို ကိုးကား၍ Wall Street ဂျာနယ်က နိုဝင်ဘာ ၇ ရက်နေ့တွင် ဖော်ပြခဲ့သည်။

ဒုတိယကမ္ဘာစစ်တွင် နာဇီတို့၏ ညှင်းပန်းနှိပ်စက်မှုကို ခံခဲ့ရသည့် အရှေ့ဥရောပမှ ဂျူးများမှာ ထိုစဉ်က ဗြိတိသျှလက်အောက်ရှိ ပါလက်စတိုင်းနယ်မြေအတွင်းသို့ တရားမ၀င် ၀င်ရောက်လာခဲ့ကြပြီး လူသူလက်နက်များစုဆောင်းကာ ပါလက်စတိုင်းများအား အကြမ်းဖက် တိုက်ခိုက်သတ်ဖြတ်မှုများ ပြုလုပ်၍ အစ္စရေးနိုင်ငံအဖြစ် ၁၉၄၇ ခုနှစ်တွင် ထူထောင်ခဲ့သည်။

ထို့ပြင် ၁၉၆၇ ခုနှစ်တွင် ဖြစ်ပွားခဲ့သော ၆ ရက်ကြာစစ်ပွဲတွင်လည်း ပါလက်စတိုင်း ပိုင်နက်များနှင့် အာရပ်နိုင်ငံများ၏ ပိုင်နက်အချို့ကိုပါ တိုးချို့သိမ်းပိုက်ခဲ့သည်။

ပါလက်စတိုင်းအား ဥရောပမှ ထောက်ခံမှု

ဥရောပသမဂ္ဂ၏ နိုင်ငံခြားရေးဝန်ကြီးသစ် ဖက်ဒရီကာ မော့ဟီရီနီကလည်း ပါလက်စတိုင်း နိုင်ငံထူထောင်ခြင်းမှာ မဖြစ်မနေဆောင်ရွက်ရမည့် ကိစ္စဖြစ်သည်ဟု နိုဝင်ဘာ ၈ ရက်နေ့က ပြောကြားခဲ့သည်။

“ကျွန်မတို့ ပါလက်စတိုင်းနိုင်ငံကို လိုအပ်ပါတယ်” ဟု ဂါဇာဒေသသို့ သွားရောက်လည်ပတ်စဉ် မော့ဟီရီနီက ပြောကြားခဲ့ကာ ပါလက်စတိုင်းနှင့် အစ္စရေးတို့အကြား ကြန့်ကြာနေသည့် ငြိမ်းချမ်းရေး လုပ်ငန်းစဉ်ကို ပြန်လည်ဆောင်ရွက်ရန်လည်း တိုက်တွန်းခဲ့သည်။

“တကယ်လို့ ကျွန်တော်တို့ဟာ နိုင်ငံရေးလမ်းကြောင်းကို ရှေ့ဆက်မတိုးဘူးဆိုရင် အကြမ်းဖက်မှုတွေဆီကို နောက်ကြောင်း ပြန်သွားပါလိမ့်မယ်။ ဒါ့ကြောင့် ရှေ့ဆက် ဆောင်ရွက်ရမယ့်ကိစ္စတွေအတွက် အရေးပါမှုကို ကျွန်တွေ့မြင်နေပါတယ်” ဟု ၎င်းက ထပ်လောင်းပြောကြားခဲ့သည်။

ဆွီဒင်နိုင်ငံက အစပြုခဲ့ပြီးနောက် ပါလက်စတိုင်းအား လွတ်လပ်သော အချုပ်အခြာအာဏာပိုင် နိုင်ငံအဖြစ် အသိအမှတ်ပြုရန် လှုပ်ရှားမှုမှာ ဥရောပတွင် မြင့်တက်လာခဲ့သည်။

ယခုလအစောပိုင်းကလည်းက ဗြိတိန်လွှတ်တော်အမတ်များကလည်း ပါလက်စတိုင်းအား လွတ်လပ်သောနိုင်ငံအဖြစ် သတ်မှတ်ရန် မဲပေးခဲ့ကြသည်။ ထို့ပြင် စပိန်နိုင်ငံတွင်လည်း ပါလက်စတိုင်းအား လွတ်လပ်သော နိုင်ငံတစ်နိုင်ငံအဖြစ် အသိအမှတ်ပြုရေး မဲခွဲရန် စီစဉ်ခဲ့ကြသည်။
ဓါတ်ပုံအညွှန်း- ပါလက်စတိုင်းအား လွတ်လပ်သောနိုင်ငံအဖြစ် အသိအမှတ်ပြုသော နိုင်ငံပေါင်း ၁၃၅ နိုင်ငံပြမြေပုံ
Photo- Washington Post

အောက်တိုဘာ ၃၁ ၊ ၂၀၁၄
M-Media

– ဆွီဒင်နိုင်ငံအနေဖြင့် ပါလက်စတိုင်းအား အချုပ်အခြာ အာဏာပိုင် နိုင်ငံ တစ်ခုအဖြစ် သတ်မှတ်လိုက်ကြောင်း ဆွီဒင် နိုင်ငံခြားရေး ၀န်ကြီး ဌာနက ယမန်နေ့တွင် ကြေညာ ခဲ့သည်ဟု သိရသည်။

““ပိုင်နက်ရှိတယ်။ လူဦးရေရှိတယ်။ ပြည်တွင်း ပြည်ပ ထိန်းချုပ်မှုတွေကို ခင်းကျင်းပြသဖို့ အခွင့်အလမ်းရှိတဲ့ အစိုးရလည်းရှိပါတယ်။ ဆွေးနွေးညှိနှိုင်းမှုကနေ အဖြေရှာရမယ် ဆိုတာကို ယုံကြည်ပြီး အကြမ်းဖက်မှုတွေ မလုပ်တဲ့သူတွေကို ထောက်ခံ အာပေးဖို့ အရေးကြီးပါတယ်။ ကျွန်မတို့ရဲ့ ဒီလိုအသိအမှတ်ပြုခြင်းဟာ အကြမ်းဖက်မှုထက် အခြား နည်းလမ်းရှိတယ်ဆိုတာကို ပါလက်စတိုင်းနဲ့ အစ္စရေး ပြည်သူတွေကို မျှော်လင့်ချက် ပေးဖို့ပါပဲ” ဟု ဆွီဒင် နိုင်ငံခြားရေးဝန်ကြီး မာဂေါ့တ် ဝေါလ်စထရုမ်းက AL Jazeera သတင်းဌာသို့ ပြောကြားခဲ့သည်။

ဆွီဒင်အစိုးရက ပါလက်စတိုင်းအား အချုပ်အခြာအာဏာပိုင် နိုင်ငံအဖြစ် အသိအမှတ်ပြုရန် ရည်ရွယ်ချက်ရှိသည်ဟု လွန်ခဲ့သည့် ၁ လ ခန့်က ပြောကြားခဲ့ဖူးသည်။

ဝေါလ်စရုမ်းကမူ ပါလက်စတိုင်းမှာ နိုင်ငံတကာဥပဒေရှိ နိုင်ငံတစ်နိုင်ငံအဖြစ် သတ်မှတ်ရမည့် စံနှုန်းများဖြင့် ပြည့်စုံသောကြောင့် သတ်မှတ်ခဲ့ခြင်းဖြစ်ကြောင်း၊ မိမိတို့မှာ သမ္မတ မဟ်မူဒ်းအဘတ်စ်၏ ခေါင်းဆောင်မှုကိုလည်း အသိအမှတ်ပြုပြီး ထိုကဲ့သို့ အသိအမှတ်ပြုခြင်းက ငြိမ်းချမ်းရေးဆွေးနွေးမှု ရှေ့တိုးနိုင်ရန် အကူအညီဖြစ် လိမ့်မည် ဖြစ်ကြောင်း ထည့်သွင်းပြောကြား ခဲ့သည်။

ထို့ပြင် ပါလက်စတိုင်းဒေသ ပြန်လည်ထူထောင်ရေးအတွက် ငါးနှစ်တာ ကူညီမှုအစီအစဉ်အတွင်း ကန်ဒေါ်လာ သန်း ၂၀၀ ကူညီထောက်ပံ့ပေးသွားမည်ဟုလည်း ကတိပြုခဲ့သည်။

ဆွီဒင်၏ ထိုဆုံးဖြတ်မှာ ရဲရင့်ပြတ်သားပြီး သမိုင်းဝင်သည့် ဆုံးဖြတ်ချက်ဖြစ်သည်ဟု အဘတ်စ်က ချီးကျူးခဲ့ပြီး ပါလက်စတိုင်း ပြည်သူများကလည်း အောင်ပွဲခံခဲ့ကြသည်။

ဆွီဒင်က ထိုကဲ့သို့ကြေညာခဲ့ပြီးနောက်ပိုင်း အစ္စရေးက ဆွီဒင်နိုင်ငံဆိုင်ရာ သံအမတ်အား ပြန်လည်ခေါ်ယူခဲ့ပြီး၊ အစ္စရေးရှိ ဆွီဒင် သံအမတ်ကိုလည်း ဆင့်ခေါ်ကာ ထိုဆုံးဖြတ်ချက်ကို ကန့်ကွက်ကြောင်း၊ စိတ်ပျက်မိကြောင်း ပြောကြားခဲ့သည်။

ဆွီဒင်မှာ ဥရောပသမဂ္ဂ နိုင်ငံများအတွင်း ပါလက်စတိုင်းအား အချုပ်အခြာ အာဏာပိုင် နိုင်ငံတစ်ခုအဖြစ် အသိအမှတ်ပြုသော ပထမဆုံးနိုင်ငံလည်း ဖြစ်လာခဲ့သည်။

အောက်တိုဘာ ၁၄ ၊ ၂၀၁၄
M-Media

– ပါလက်စတိုင်းအား လွတ်လပ်သောနိုင်ငံတစ်ခုအဖြစ် အသိအမှတ်ပြုသည်ဟု ဗြိတိန်လွှတ်တော်အမတ်များက မဲပေးခဲ့ကြပြီး ထိုကဲ့သို့ မဲပေးခဲ့ခြင်းက နိုင်ငံတကာမှ အသိအမှတ်ပြုမှုရရန် ပါလက်စတိုင်းတို့၏ ကြိုးပမ်းမှုအတွက် အရေးပါသည့် လက္ခဏာ တစ်ခုလည်း ဖြစ်လာခဲ့သည်။

ထိုမဲပေးမှုကို အောက်တိုဘာ ၁၃ ရက်နေ့တွင် အောက်လွှတ်တော်၌ ပြုလုပ်ခဲ့ခြင်းဖြစ်ပြီး ထောက်ခံမဲ ၂၇၄ မဲ၊ ကန့်ကွက်မဲ ၁၂ ဖြင့် ပါလက်စတိုင်းအား လွတ်လပ်သောနိုင်ငံအဖြစ် အသိအမှတ်ပြုသည်ဟု ဆုံးဖြတ်ခဲ့ကြသည်။

မဲပေးမှုတွင် ၀န်ကြီးချုပ် ဒေးဗစ်ကင်မရွန်း မပါဝင်ခဲ့ဘဲ အဆိုပါရလဒ် မည်ကဲ့သို့ ထွက်ပေါ်လာသည်ဖြစ်စေ ဗြိတိန်၏ နိုင်ငံခြားရေးပေါ်လစီကို ထိခိုက်မည်မဟုတ်ဟု ကင်မရွန်းက ပြောကြားခဲ့သည်။

ပါလက်စတိုင်းအား ဗြိတိန်က အချုပ်အခြာအာဏာပိုင် နိုင်ငံတစ်နိုင်ငံအဖြစ် လက်ရှိအချိန်တွင် အသိအမှတ်မပြုသေးဘဲ၊ ဗြိတိန်လွှတ်တော်အမတ်များ၏ ယခုမဲပေးမှုကလည်း ထိုရပ်တည်ချက်အား ပြောင်းစေမည်မဟုတ်ပေ။ သို့သော်လည်း အစ္စရေးနှင့် ပါလက်စတိုင်းအကြား ငြိမ်းချမ်းရေးအားထုတ်မှုများကို ကူညီနိုင်မည်ဆိုပါက မည်သည့်အချိန်၌မဆို ပါလက်စတိုင်းအား အချုပ်အခြာအာဏာပိုင် နိုင်ငံအဖြစ် အသိအမှတ်ပြုသွားမည်ဟု ဗြိတိန်အစိုးရက ပြောကြားခဲ့သည်။

ပါလက်စတိုင်းအား လွတ်လပ်သောအချုပ်အခြာပိုင် နိုင်ငံတစ်ခုအဖြစ် ကုလသမဂ္ဂက ပြီးခဲ့သည့်နှစ် အထွေထွေညီလာခံတွင် အသိအမှတ်ပြုခဲ့ပြီး ဥရောပ ယူနီယံနိုင်ငံများတွင် ဆွီဒင်နိုင်ငံက ပထမဆုံးအအဖြစ် ပါလက်စတိုင်းအား လွတ်လပ်သော အချုပ်အခြာအာဏာပိုင် နိုင်ငံတစ်ခုအဖြစ် အသိအမှတ်ပြုကြောင်း ပြီးခဲ့သည့် သီတင်းပတ်က ကြေညာခဲ့သည်။

ref_ Al Jazeera and agencies