ဖေဖော်ဝါရိ ၁၉၊ ၂၀၁၄
M-Media
– ပါလက်စတိုင်းပိုင် အနောက်ဘက်ကမ်းခြေရှိ ရှေးဟောင်းလှေကားထစ်စိုက်ခင်းအား ကမ္ဘာ့သမိုင်းဝင် အမွေအနှစ်စာရင်းတွင် ထည့်သွင်းရန် ပါလက်စတိုင်း၏ တောင်းဆိုမှုအား ယူနက်စကိုက လက်ခံခဲ့ပြီး လာမည့် ဇွန်လတွင်ပြုလုပ်မည့် အစည်းအဝေးတွင် သုံးသပ်ကာ မဲခွဲ ဆုံးဖြတ်သွားမည်ဟု သိရသည်။
ကမ္ဘာ့ သမိုင်းဝင် အမွေအနှစ် သတ်မှတ်ရေး ကော်မတီမှာ ကာတာနိုင်ငံ ဒိုဟာမြို့တွင် လာမည့် ဇွန်လ ၁၅ ရက်နေ့မှ ၂၅ ရက်နေ့အထိ တွေ့ဆုံရန်ရှိနေပြီး သမိုင်းဝင် အမွေအနှစ် အဖြစ် သတ်မှတ်ရန် ကမ္ဘာတစ်ဝှမ်းမှ တင်သွင်ထားသည့် နေရာ ၄၁ ခုအား ကြည့်ရှုသုံးသပ်ကာ အရည်အချင်းပြည့်မှီခြင်း ရှိမရှိကို ဆုံးဖြတ်သွားမည်ဖြစ်သည်။
အနောက်ဘက်ကမ်းခြေ Battir ရွာရှိ အဆိုပါ ရှေးဟောင်းလှေကားထစ်စိုက်ခင်းမှာ လွန်ခဲ့သည့် နှစ်ပေါင်း ၂၀၀၀ ခန့် ရောမခေတ်က စိုက်ခင်းတစ်ခုဖြစ်ပြီး ပျောက်ကွယ်တော့မည့် အန္တရာယ်နှင့် ရင်ဆိုင်နေရသော နေရာတစ်ခုဖြစ်သည်ဟု ယူနက်စကို၏ ပြောရေးဆို ခွင့်ရှိသူ ရိုနီ အမီလန်က ပြောကြားထားပြီး ယူနက်စကိုမှ ကျွမ်းကျင်သူများကလည်း အဆိုပါရွာသို့သွားရောက်ကြည့်ရှုရန်ရှိနေသည်။
ထိုစိုက်ခင်းအား ယခုအချိန်တွင် အစ္စရေးက လုံခြုံရေး အဆီးအတားအဖြစ် အသုံးပြုထားသည်။ ကုလမှ ထိုနေရာအား ရှေးဟောင်းအမွေအနှစ်အဖြစ် သတ်မှတ်ခဲ့ပါက ထိုနေရာတွင် အဆောက်အဦးများ ဆောက်လုပ်ခြင်းကို အစ္စရေးက ရပ်တန့်ရမည်ဖြစ်သည်။
Battir ရွာအား ရှေးဟောင်းအမွေအနှစ်စာရင်းတွင် ထည့်သွင်းခဲ့ပါက ဘက်သလင်ဟမ်ရှိ Church of the Nativity ခရစ်ယာန် ဘုရားကျောင်းပြီးနောက် ကမ္ဘာ့ သမိုင်းဝင်အမွေအနှစ်စာရင်းတွင် ဒုတိယမြောက် ပါဝင်သည့် ပါလက်စတိုင်းနိုင်ငံ၏ နေရာဖြစ်လာမည်ဖြစ်သည်။ ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုဆိုင်ရာ အဖွဲ့ ယူနက်စကိုမှာ ပါလက်စတိုင်းအား နိုင်ငံအဖြစ် ၂၀၁၁ ခုနှစ်တွင် သတ်မှတ်ခဲ့သည်။
အဆိုပါရှေဟောင်း လှေကားထစ်စိုက်ခင်းကို ကမ္ဘာ့သမိုင်းဝင် အမွေအနှစ်စာရင်းထဲသို့ ထည့်သွင်းရန်အတွက် ယူနက်စကိုအဖွဲ့ဝင်နိုင်ငံပေါင်း ၂၁ နိုင်ငံက ဆုံးဖြတ်ရမည်ဖြစ်သည်။
(Al Arabiya)
