Tag: Palestine

နို၀င်ဘာ ၂၆၊ ၂၀၂၃

M-Media 

-အစ္စရေးရဲ့ ရက်စက်ကြမ်းကြုတ်မှုတွေကို ခါးစည်းခံနေရတဲ့ ပါလက်စတိုင်းတွေကို ကူညီပံ့ပိုးပေးနိုင်ရေး ထိထိရောက်ရောက် ဆောင်ရွက်ဖို့အတွက် အီရန်နိုင်ငံခြားရေး၀န်ကြီး အမီရ်-အဘ်ဒိုလာဟင်က တိုက်တွန်းလိုက်ပါတယ်။ 

ဂျူးလက်နက်ကိုင်တွေရဲ့ တိုက်ခိုက်သတ်ဖြတ် နယ်မြေလုမှုကြောင့် ၁၉၄၈ ခုနှစ်မှာ ပါလက်စတိုင်းတွေ နိုင်ငံပျောက်ဆုံးခဲ့ရပြီး အဲဒီနောက်ပိုင်း အစ္စရေးရဲ့ ရက်စက်ကြမ်းကြုတ်မှုတွေကို တောက်လျှောက်ခံစားနေရတာဖြစ်ပါတယ်။ 

ဟားမက်စ်ရဲ့ တိုက်ခိုက်မှုကို တုန့်ပြန်တယ်ဆိုတဲ့ ခေါင်းစဥ်နဲ့ ဂါဇာမှာ အစ္စရေးက လတ်တလောပြုလုပ်တဲ့ တိုက်ခိုက်မှုတွေအတွင်း ပါလက်စတိုင်းပြည်သူ ၁၄၀၀၀ ကျော် အသတ်ခံခဲ့ရပါတယ်။ အများစုဟာ ကလေးငယ်တွေနဲ့ အမျိုးသမီးတွေပါ။ 

အီရန်နိုင်ငံခြားရေး၀န်ကြီး အဘ်ဒိုလာဟင်က ပါလက်စတိုင်းနိုင်ငံကို ကူညီပံ့ပိုးပေးနိုင်ဖို့အတွက် မွတ်စလင်နိုင်ငံတွေက ထိထိရောက်ရောက် ဆောင်ရွက်ဖို့ လိုအပ်နေတယ်လို့ နို၀င်ဘာ ၂၅ ရက်နေ့ တူရကီနိုင်ငံခြားရေး၀န်ကြီးနဲ့ ဖုန်းပြောဆိုမှုအတွင်း တိုက်တွန်းခဲ့ပါတယ်။ 

ပါလက်စတိုင်းတွေအပေါ် အစ္စရေးက ကျူးလွန်နေတဲ့ ရာဇ၀တ်မှုတွေကို အဆုံးသတ်ရေး မွတ်စလင်နိုင်ငံတွေက ဆောင်ရွက်ဖို လိုအပ်နေတာကိုလည်း နိုင်ငံခြားရေး၀န်ကြီးနှစ်ဦးက ထည့်သွင်းဆွေးနွေးခဲ့ပါတယ်။ 

အီရန်နဲ့ တူရကီနိုင်ငံတို့ရဲ့ ဆက်ဆံရေးဟာ ပြီးခဲ့တဲ့နှစ်တွေမှာ ပိုမိုတိုးတက်လာခဲ့ပြီး နှစ်နိုင်ငံ ပူးပေါင်းဆောင်ရွက်မှု မြှင့်တင်ဖို့လည်း ဆွေးနွေးခဲ့ကြပါတယ်။ 

Ref: Press TV 

နို၀င်ဘာ ၂၆၊ ၂၀၂၃

M-Media 

-မြန်မာနဲ့ကပ်နေတဲ့ နယ်စစ်မှာ တရုတ်က စစ်ရေးလေ့ကျင်မှုတစ်ခု အောက်တိုဘာ ၂၅ ရက်နေ့မှာ စတင်လုပ်ဆောင်ခဲ့ပါတယ်။ 

တရုတ်နိုင်ငံကနေ ကုန်ပစ္စည်းတွေ သယ်လာတဲ့ ထရပ်ကားတွေ တိုက်ခိုက်ခံရပြီး နောက်တစ်ရက်မှာပဲ ဒီစစ်ရေးလေ့ကျင့်မှု ပေါ်ပေါက်လာတာပါ။ 

ရှမ်းပြည်နယ်က တရုတ်နဲ့ကပ်နေတဲ့ ဒေသတွေမှာ တရုတ် ကျောထောက်နောက်ခံပြု တိုင်းရင်းသား လက်နက်ကိုင်တွေ နယ်မြေသိမ်းယူနေတဲ့အချိန်နဲ့လည်း တိုက်ဆိုင်နေပါတယ်။ 

တရုတ်စစ်တပ် တောင်ပိုင်းစစ်ဌာနချုပ်က တပ်ဖွဲ့တွေရဲ့ တုန့်ပြန်နိုင်စွမ်း၊ နယ်စပ်လုံခြုံရေး ဆောင်ရွက်နိုင်စွမ်းတွေကို စမ်းသပ်နေအနေနဲ့ စစ်ရေးလေ့ကျင့်မှု လုပ်ဆောင်တာလို့ ထုတ်ပြန်ပါတယ်။ 

လေ့ကျင့်မှု ဘယ်လောက်ကြာမယ်၊ ဘယ်နေရာမှာလုပ်မယ်၊ တပ်ဖွဲ့၀င် ဘယ်လောက်ပါ၀င်မယ် စတဲ့ အသေးစိတ်အချက်အလက်တွေတော့ ထုတ်ပြန်ချက်မှာ မပါ၀င်ပါဘူး။ ပုံမှန်အားဖြင့် မြန်မာနယ်စပ်မှာ တရုတ်က စစ်ရေးလေ့ကျင့်မှု လုပ်လေ့လုပ်ထ မရှိပါဘူး။ 

တရုတ်နယ်စပ်တပ်ဖွဲ့တွေဟာ လောက်ကိုင်တိုက်ပွဲကြောင့် နယ်စပ်ခြံစည်းရိုးနားကပ်လာတဲ့ မြန်မာဒုက္ခသည်တွေကို အောက်တိုဘာ ၂၅ ရက်နေ့မှာ မီးခိုးဗုံးနဲ့ပစ်ကာ မောင်းထုတ်ခဲ့ပါတယ်။ 

Ref: Yahoo 

နို၀င်ဘာ ၂၆၊ ၂၀၂၃

M-Media

-ဂါဇာမှာ ၄ ရက်ကြာ အပစ်ရပ်ထားတဲ့အချိန် ပါလက်စတိုင်းပိုင်နက် နောက်တစ်ခုဖြစ်တဲ့ အနောက်ဖက်ကမ်းမှာ အစ္စရေးဟာ တိုက်ခိုက်သတ်ဖြတ်မှုတွေ ပိုမိုလုပ်ဆောင်လာပါတယ်။ 

နေအိမ်တွေကို ၀င်ရောက်ကာ ဓားစားခံဖမ်းဆီးမှုတွေ ပိုများလာခဲ့ပြီး ဆေးရုံတွေကိုလည်း အစ္စရေးစစ်သားတွေက စီးနင်းပိတ်ဆို့မှုတွေ လုပ်ဆောင်လာပါတယ်။ 

အနောက်ဖက်ကမ်းက ဂျီနင် အစိုးရဆေးရုံနဲ့ အစ်ဗနေ့ဆီနာ ဆေးရုံတို့ကို အစ္စရေးစစ်ရေးစစ်တပ်က ၀ိုင်းပတ် ပိတ်ဆို့ထားကြောင်း ပါလက်စတိုင်း လခြမ်းနီအဖွဲ့က ထုတ်ပြန်ပါတယ်။ 

ဒဏ်ရာရသူတွေကို သွားရောက် အကူအညီမပေးနိုင်အောင် ဆေးရုံတွေရဲ့ အရေးပေါ်ဌာနကို အစ္စရေးစစ်သားတွေက နှောက်ယှက်နေကြတယ်လို့လည်း လခြမ်းနီအဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။ 

အစ္စရေးဟာ ဂါဇာမှာလည်း ဆေးရုံတွေကို တိုက်ခိုက်ဖျက်ဆီးခဲ့ပါတယ်။ အဓိကဆေးရုံတစ်ခုဖြစ်တဲ့ အလ်ရှီဖာဆေးရုံမှာ ဟားမက်စ်ဌာနချုပ် ရှိတယ်လို့ဆိုကာ ၀င်ရောက်စီးနင်း ဖျက်ဆီးပြီး ရေလှောင်ကန်ကို ဟားမက်စ်လှိုင်ခေါင်းဆိုပြီး လိမ်လည်ထုတ်ပြန်ခဲ့ပါတယ်။ 

Ref: Aljazeera 

နို၀င်ဘာ ၂၅၊ ၂၀၂၃

M-Media 

-ပါလက်စတိုင်းနိုင်ငံ အနောက်ဖက်ကမ်းဒေသမှာ အောက်တိုဘာ ၇ ရက်နေ့နောက်ပိုင်း အစ္စရေးက ဖမ်းဆီးခဲ့တဲ့ ဓားစားခံအရေအတွက်ဟာ ၃၁၀၀ ကျော်လာခဲ့ပြီလို့ သိရပါတယ်။ 

ဟားမက်စ်ရဲ့ တိုက်ခိုက်မှုကို တုန့်ပြန်တယ်ဆိုတဲ့ ခေါင်းစဥ်နဲ့ အောက်တိုဘာ ၇ ရက်နေ့က စတင်ပြီး ဂါဇာက ပါလက်စတိုင်းပြည်သူတွေကို အစ္စရေးက တိုက်ခိုက်သတ်ဖြတ်နေတဲ့ တစ်ချိန်တည်းမှာပဲ အနောက်ဖက်ကမ်းမှာလည်း တိုက်ခိုက်မှုတွေကို ပိုမို လုပ်ဆောင်လာတာပါ။ 

အောက်တိုဘာ ၇ ရက်နေ့နောက်ပိုင်း အနောက်ဖက်ကမ်းမှာ အစ္စရေးတပ်ဖွဲ့တွေနဲ့ တရားမ၀င် ဂျူးအခြေချ နေထိုင်သူတွေရဲ့ အကြမ်းဖက်မှုကြောင့် ပါလက်စတိုင်း ၂၁၀ ကျော် သေဆုံးခဲ့ပါတယ်။ 

ဖမ်းဆီးခံသူက ၃၁၀၀ ကျော် ရှိပါတယ်။ 

ဟားမက်စ်နဲ့ ၄ ရက်တာ အပစ်ရပ်ရေးမှာ အရင်က ဖမ်းဆီးထားတဲ့ ပါလက်စတိုင်းဓားစားခံ ၅ ထောင်ကျော်ထဲက အမျိုးသမီးနဲ့ ကလေးငယ် ၁၅၀ ကို လွှတ်ပေးမယ်လို့ အစ္စရေးက ပြောကြားခဲ့ပါတယ်။ 

အပြန်အလှန်အားဖြင့် ဟားမက်စ်ဖက်ကလည်း အောက်တိုဘာ ၇ ရက်နေ့မှာ ဖမ်းဆီးသွားတဲ့ ဓားစားခံတွေထဲက ၅၀ ကို ပြန်လွှတ်ပေးမှာဖြစ်ပါတယ်။ 

ဂါဇာမှာ အပစ်ရပ်ထားပေမယ့် အနောက်ဖက်ကမ်းမှာ အစ္စရေးက တိုက်ခိုက်သတ်ဖြတ်မှုတွေ ပိုမိုတိုးမြှင့်လုပ်ဆောင်လာပြီး မနေ့က တစ်နေ့တည်းမှာပဲ ၁၇ ဦး ဖမ်းဆီးကာ အနည်းဆုံး ၅ ဦးကို သတ်ဖြတ်ခဲ့ပါတယ်။ 

Ref: Aljazeera 

နို၀င်ဘာ ၂၄၊ ၂၀၂၃

M-Media 

– ၄ ရက်ကြာ အပစ်ရပ်ရေး သဘောတူညီချက် တစ်စိတ်တစ်ပိုင်းအဖြစ် ပါလက်စတိုင်း လွတ်မြောက်ရေးအဖွဲ့ ဟားမက်စ်နဲ့ အစ္စရေးတို့ဟာ ဖမ်းဆီးထားတဲ့ ဓားစားခံတွေကို သောကြာနေ့မှာ အပြန်အလှန် လွှတ်ပေးခဲ့ကြပါတယ်။ 

အစ္စရေးက ပါလက်စတိုင်းဓားစားခံ ၃၉ ဦးကို လွှတ်ပေးခဲ့တာဖြစ်ပါတယ်။ ၃၃ ဦးဟာ အနောက်ဖက်ကမ်းဒေသကဖြစ်ပြီး ၆ ဦးက ဂျေရုစလင်က ဖြစ်ပါတယ်။

အစ္စရေးက ပြန်လွှတ်ပေးလိုက်တဲ့ ပါလက်စတိုင်းစတိုင်း ဓားစာခံတွေထဲက တစ်ချို့ဟာ လွန်ခဲ့တဲ့ ၁၀ နှစ်လောက်ကတည်းက မတရား ဖမ်းဆီးခံထားရတပါ။  

အစ္စရေးက ဓားစားခံအဖြစ် ဖမ်းဆီးထားတဲ့ ပါလက်စတိုင်းပြည်သူ ၅၀၀၀ ကျော်လောက် ရှိနေပြီး အခု ၄ ရက်ကြာ အပစ်ရပ်ရေး သဘောတူညီချက်မှာ အမျိုးသမီးနဲ့ ကလေးအများစုအပါအ၀င် ၁၅၀ ပြန်လွှတ်ပေးဖို့ အစ္စရေးက သဘောတူခဲ့ပါတယ်။  

ဟားမက်စ်ဖက်က အောက်တိုဘာ ၇ ရက်နေ့ တိုက်ခိုက်မှုမှာ ဖမ်းဆီးသွားတဲ့ ဓားစားခံ ၂၀၀ ကျော်က ၅၀ ကို လွှတ်ပေးမှာဖြစ်ပါတယ်။ 

သောကြာနေ့ညပိုင်းအထိ ဟားမက်စ်ဖက်က ၂၄ ဦး ပြန်လွှတ်ပေးထားပြီး အဲဒီအထဲမှာ ထိုင်းနိုင်ငံသား ၁၀ ဦး၊ ဖိလစ်ပိုင်နိုင်ငံသား ၁ ဦး ပါ၀င်ပါတယ်။ 

အစ္စရေးဟာ နှစ်ပေါင်းများစွာ ပါလက်စတိုင်းတွေကို ဓားစားခံအဖြစ် ဖမ်းဆီးသတ်ဖြတ်တာတွေ လုပ်ဆောင်ခဲ့တာပါ။ နိုင်ငံတကာအသိုင်းအ၀ိုင်းက မတရား ဖမ်းဆီးထားသူတွေကို ပြန်လွှတ်ပေးဖို့ တောင်းဆိုတာတွေ ရှိပေမယ့် အစ္စရေးက ဂရုမစိုက်ပါဘူး။ 

အောက်တိုဘာ ၇ ရက်နေ့ ဟားမက်စ်က အစ္စရေးထဲ ၀င်ရောက်တိုက်ခိုက်ပြီး ဓားစားခံတွေကို ဖမ်းဆီးမှသာ ပါလက်စတိုင်းတွေကို ပြန်လွှတ်ပေးဖို့ အစ္စရေးဖက်က စဥ်စားလာတာဖြစ်ပါတယ်။ 

Ref: Aljazeera