Tag: Palestine

အောက်တိုဘာ ၂၉၊ ၂၀၂၃

M-Media 

-အစ္စရေးရဲ့ တိုက်ခိုက်မှုကြောင့် ဆက်သွယ်ရေး ပြတ်တောက်နေတဲ့ ဂါဇာကမ်းမြှောင်က ပါလက်စတိုင်းပြည်သူတွေကို Starlink ဂြိုဟ်တု အင်တာနက်ဆက်သွယ်ရေးလိုင်း အသုံးပြုခွင့်ပေးမယ်လို့ ဘီလီယံနာ အီလွန်မက်စ်က ပြောပါတယ်။ 

ဂါဇာကို အစ္စရေးက ကျူးကျော်တိုက်ခိုက်လာတာ ၂၃ ရက်ရှိလာပြီဖြစ်ပြီး သေဆုံးသူ ၈ ထောင်နီးပါး ရှိလာပါတယ်။

အစ္စရေးဟာ ဂါဇာကို လျှပ်စစ်မီး ဖြတ်တောက်ထားသလို၊ ဆက်သွယ်ရေးအဆောက်အဦးတွေကိုလည်း တိုက်ခိုက်ဖျက်ဆီးထားတာကြောင့် ဂါဇာပြည်သူတွေဟာ မှောင်အတိ ကျနေတာ ဖြစ်ပါတယ်။ 

Starlink အင်တာနက်ဆက်သွယ်ရေးလုပ်ငန်း ပိုင်ရှင်ဖြစ်တဲ့ အီလွန်မက်စ်က နိုင်ငံတကာ အကူအညီပေးရေး အဖွဲ့အစည်းတွေကနေတစ်ဆင့် ဂါဇာမှာ Starlink အင်တာနက် အသုံးပြုလို့ရအောင် ဆောင်ရွက်ပေးမယ်လို့ စနနေ့က X(ယခင်တွစ်တာ) စာမျက်နှာမှာ ရေးသားခဲ့ပါတယ်။ 

ဂါဇာက မြေပြင်မှာ ဆက်သွယ်ရေးနဲ့ပတ်သက်ပြီး ဘယ်သူက ကြီးကြပ်ဆောင်ရွက်နေလဲဆိုတာ တိတိကျကျ မသိရသေးဘဲ Starlink ကို လာရောက် ချိတ်ဆက်တာလည်း မရှိသေးဘူးလို့ မက်စ်က ပြောပါတယ်။

မက်စ်ဟာ ရုရှားရဲ့ ကျူးကျော်တိုက်ခိုက်မှုကို ခံနေရတဲ့ ယူကရိန်းပြည်သူတွေကိုလည်း Starlink အင်တာနက်လိုင်း အခမဲ့ အသုံးပြုခွင့် ပေးခဲ့ပါတယ်။ 

အစ္စရေး ဆက်သွယ်ရေး၀န်ကြီး ရှလိုမို ကာဟီက အီလွန်မက်စ်ရဲ့ ဒီဆောက်ရွက်ချက်ကို တားဆီးမှာဖြစ်ပြီး၊ 

Starlink နဲ့ ဆက်သွယ်ဆောင်ရွက်မှု အားလုံး ရပ်ဆိုင်းသွားမယ်လို့ ပြောကြားခဲ့ပါတယ်။ 

Ref: Reuters 

အောက်တိုဘာ ၂၉၊ ၂၀၂၃

M-Media 

• 

• 

-ပါလက်စတိုင်းနိုင်ငံ အနောက်ဖက်ကမ်းက နဘ်လုစ်မြို့မှာ ပါလက်စတိုင်း လယ်သမားတစ်ဦး မနေ့က သေနတ်နဲ့ ပစ်သတ်ခံလိုက်ရပါတယ်။ 

အသက် ၄၀ အရွယ် ဘီလာ ဆာလေဆိုသူဟာ လယ်ထဲမှာ သံလွင်ပင်တွေ ရိတ်သိမ်းနေတဲ့အချိန် ဂျူးအခြေချလူအုပ်က လာရောက်နှောက်ယှက်ပြီး သေနတ်တဲ့ ပစ်ခတ်သတ်ဖြတ်သွားတာ ဖြစ်ပါတယ်။ 

ဂါဇာမှာ အစ္စရေးက ကျူးကျော်တိုက်ခိုက်မှုတွေ လုပ်ဆောင်တဲ့ အောက်တိုဘာ ၇ ရက်နေ့နောက်ပိုင်း ပါလက်စတိုင်းပိုင်နက် နောက်တစ်ခုဖြစ်တဲ့ အနောက်ဖက်ကမ်းက ဂျူးအခြေချ နေထိုင်သူတွေဟာ ပါလက်စတိုင်းတွေအပေါ် အကြမ်းဖက်တိုက်ခိုက်မှုတွေ အရင်ကထက် တိုးမြှင့်ပြုလုပ်လာခဲ့ပါတယ်။ 

အောက်တိုဘာ ၇ ရက်နေ့နောက်ပိုင်း အနောက်ဖက်ကမ်းမှာ ဂျူးလူအုပ်ရဲ့ အကြမ်းဖက်သတ်ဖြတ်မှုတွေကြောင့် ပါလက်စတိုင်း ၁၀၀ ကျော် သေဆုံးခဲ့ပြီ ဖြစ်ပါတယ်။ 

ပါလက်စတိုင်းပိုင်နက်က အစ္စရေးရဲ့ တရားမ၀င် အိမ်ယာတွေမှာ နေထိုင်ကြတဲ့ အခြေချဂျူးတွေကို အစ္စရေးအစိုးရကိုယ်တိုင်က လက်နက်တပ်ဆင်ပေးထားတာဖြစ်ပါတယ်။ 

Ref: Aljazeera 

(ဓာတ်ပုံ- လက်နက်ကိုင်ဆောင်ထားကြသည့် တရားမ၀င် အခြေချဂျူးများ)

အောက်တိုဘာ ၂၈၊ ၂၀၂၃

M-Media 

-အောက်ပါမြေပုံဟာ ၁၉၄၇ ခုနှစ်မှာ National Geographic အဖွဲ့က ထုတ်ပြန်ခဲ့တဲ့ မှတ်တမ်းမြေပုံဖြစ်ပါတယ်။ 

ဒီမြေပုံထဲမှာ အီဂျစ်၊ ပါလက်စတိုင်း၊ ထရန်စ်ဂျော်ဒန်နဲ့ ဆီးရီးယားနိုင်ငံတို့ကို တွေ့ရပြီး ယနေ့ခေတ် ပါလက်စတိုင်းတွေကို သတ်ဖြတ်နေတဲ့ အစ္စရေးနိုင်ငံဆိုတာ မရှိသေးပါဘူး။ 

နာဇီရန်ကြောင့် ပါလက်စတိုင်းကို ခိုလှုံလာတဲ့ ဂျူးတွေဟာ ဗြိတိန်ရဲ့ ပံ့ပိုးမှုနဲ့ လက်နက်ကိုင်အဖွဲ့တွေ ဖွဲ့စည်းကာ ပါလက်စတိုင်းတွေရဲ့ နယ်မြေကို တိုက်ခိုက်သိမ်းယူပြီး ၁၉၄၈ ခုနှစ်မှာ အစ္စရေးနိုင်ငံအဖြစ် ထူထောင်ခဲ့တာဖြစ်ပါတယ်။ 

National Geographic ရဲ့ အခုမှတ်တမ်းဟာ ပါလက်စတိုင်းတွေ နိုင်ငံပျောက်ဆုံးသွားမှု သက်သေအထောက်အထားတစ်ခုလည်း ဖြစ်ပါတယ်။

Ref: National Geographic

အောက်တိုဘာ ၂၈၊ ၂၀၂၃

M-Media 

-ပါလက်စတိုင်းနိုင်ငံ ဂါဇာကမ်းမြှောင်မှာ ဖုန်းလိုင်းနဲ့ အင်တာနက်လိုင်းတွေ သောကြာနေ့အစောပိုင်းကစတင်ကာ ပြတ်တောက်သွားခဲ့ပြီး အစ္စရေးက သတ်ဖြတ်မှုတွေ စိတ်ကြိုက် လုပ်ဆောင်လာပါတယ်။ 

အစ္စရေးရဲ့ ရက် ၂၀ ကျော်ကြာ ပိတ်ဆို့ တိုက်ခိုက်မှုတွေကြောင့် ဂါဇာပြည်သူတွေဟာ အစာရေစာနဲ့ လောင်စာ ပြတ်လတ်နေတာပါ။ လျှပ်စစ်ဓာတ်အားကိုလည်း အစ္စရေးက ဖြတ်တောက်ထားပြီး၊ တိုက်ခိုက်မှုတွေကြောင့် တယ်လီဖုန်းဆက်သွယ်ရေးလိုင်းတွေလည်း ပြတ်တောက်သွားပါတယ်။ 

လေကြောင်းက တိုက်ခိုက်မှုတွေကို အစ္စရေးက တိုးမြှင့်လုပ်ဆောင်နေပြီး မြေပြင်တပ်တွေ အပြည့်အ၀ ၀င်ရောက်တိုက်ခိုက်ဖို့အတွက်လည်း စီစဥ်နေပါတယ်။ 

အစ္စရေးလက်ချက်ကြောင့် ဂါဇာမှာ သေဆုံးသူ ၇ ထောင် ကျော်လာပြီး အများစုက အမျိုးသမီးနဲ့ ကလေးငယ်တွေပါ။ ဂါဇာအမှောင်ကျနေချိန် အစ္စရေးက ပါလက်စတိုင်းပြည်သူတွေအပေါ် တိုက်ခိုက်သတ်ဖြတ်မှုတွေ ပိုမို လုပ်ဆောင်လာနိုင်တဲ့ အခြေအနေမျိုး ရှိနေတယ်လို့ ကျွမ်းကျင်သူတွေက သုံးသပ်ပါတယ်။ 

Ref: Aljazeera