Tag: Palestine

အောက်တိုဘာ ၃၁၊ ၂၀၂၃ 

M-Media 

-ဂါဇာကမ်းမြှောင်တောင်ပိုင်း ဂါဇာစီးတီးမှာရှိတဲ့ တူရကီ-ပါလက်စတိုင်း ချစ်ကြည်ရေး ကင်ဆာဆေးရုံကို အစ္စရေးက တနင်္လာနေ့မှာ တိုက်ခိုက်မှုတွေ ပြုလုပ်ခဲ့တာကြောင့် ဆိုးဆိုးရွားရွား ပျက်ဆီးခဲ့ပါတယ်။ 

တနင်္လာနေ့ တစ်နေ့လုံး ဆေးရုံပတ်၀န်းကျင်ကို တိုက်ခိုက်ခဲ့ရာကနေ ညနေ ၅ နာရီခွဲလောက်မှာ မေ့ဆေးဌာနရှိရာ ဆေးရုံရဲ့ တတိယထပ်ကို ဒုံးကျည်နဲ့ အစ္စရေးက ပစ်ခတ်ခဲ့တာပါ။

နံရံတွေ ပြိုကျသွားခဲ့ပြီး အောက်ဆီဂျင်လိုင်း၊ ရေလိုင်းနဲ့ ဓာတ်အားလိုင်းတွေ ပြတ်တောက်သွားခဲ့တယ်လို့ ဆေးရုံဒါရိုက်တာ ဆိုဘီ ရှိခ်က ပြောပါတယ်။ 

ကံကောင်းစွာနဲ့ လူနာတွေ ထိခိုက်ခြင်း မရှိခဲ့ဘူးလို့ ဆိုပါတယ်။ 

ဂါဇာမှာ ကင်ဆာလူနာ တစ်သောင်းလောက်ရှိပြီး တူရကီ-ပါလက်စတိုင်း ဆေးရုံဟာ ကုတင် ၁၅၆ ခုသာဆန့်တဲ့ တစ်ခုတည်းသော ကင်ဆာဆေးရုံ ဖြစ်ပါတယ်။ 

တူရကီက အစ္စရေးရဲ့ ဒီတိုက်ခိုက်မှုကို ရှုတ်ချကြောင်း ကြေငြာချက် ထုတ်ပြန်ပါတယ်။

တူရကီနိုင်ငံခြားရေး၀န်ကြီးဌာနရဲ့ ထုတ်ပြန်ချက်မှာ ဆေးရုံကို တိုက်ခိုက်မှုတွေ မရှိစေဖို့အတွက် နေရာအတိအကျအပါအ၀င် ဆေးရုံအချက်အလက်အားလုံးကို အစ္စရေးထံ ပေးထားပြီးသားလို့ ဖော်ပြထားပါတယ်။ 

“ဂါဇာက ပါလက်စတိုင်းပြည်သူတွေရဲ့ အခြေခံလိုအပ်ချက်တွေကို ပျက်ဆီးအောင် ရည်ရွယ်တဲ့ လူမဆန်တဲ့ တိုက်ခိုက်မှုတွေ၊ ပိတ်ဆို့ထားမှုတွေဟာ နိုင်ငံတကာ ဥပဒေကို ပြောင်ပြောင်တင်းတင်း ချိုးဖောက်တာဖြစ်ပါတယ်” လို့ ကြေငြာချက်က ဆိုပါတယ်။

အောက်တိုဘာ ၇ ရက်နေ့က စတင်ပြီး အစ္စရေးရဲ့ ကျူးကျော်တိုက်ခိုက် သတ်ဖြတ်မှုကြောင့် ဂါဇာမှာ သေဆုံးသူအရေအတွက် ၈ ထောင်ကျော်လာခဲ့ပြီဖြစ်ပါတယ်။ 

Ref: Aljazeera 

အောက်တိုဘာ ၂၉၊ ၂၀၂၃

M-Media 

-အစ္စရေးရဲ့ တိုက်ခိုက်မှုကြောင့် ဆက်သွယ်ရေး ပြတ်တောက်နေတဲ့ ဂါဇာကမ်းမြှောင်က ပါလက်စတိုင်းပြည်သူတွေကို Starlink ဂြိုဟ်တု အင်တာနက်ဆက်သွယ်ရေးလိုင်း အသုံးပြုခွင့်ပေးမယ်လို့ ဘီလီယံနာ အီလွန်မက်စ်က ပြောပါတယ်။ 

ဂါဇာကို အစ္စရေးက ကျူးကျော်တိုက်ခိုက်လာတာ ၂၃ ရက်ရှိလာပြီဖြစ်ပြီး သေဆုံးသူ ၈ ထောင်နီးပါး ရှိလာပါတယ်။

အစ္စရေးဟာ ဂါဇာကို လျှပ်စစ်မီး ဖြတ်တောက်ထားသလို၊ ဆက်သွယ်ရေးအဆောက်အဦးတွေကိုလည်း တိုက်ခိုက်ဖျက်ဆီးထားတာကြောင့် ဂါဇာပြည်သူတွေဟာ မှောင်အတိ ကျနေတာ ဖြစ်ပါတယ်။ 

Starlink အင်တာနက်ဆက်သွယ်ရေးလုပ်ငန်း ပိုင်ရှင်ဖြစ်တဲ့ အီလွန်မက်စ်က နိုင်ငံတကာ အကူအညီပေးရေး အဖွဲ့အစည်းတွေကနေတစ်ဆင့် ဂါဇာမှာ Starlink အင်တာနက် အသုံးပြုလို့ရအောင် ဆောင်ရွက်ပေးမယ်လို့ စနနေ့က X(ယခင်တွစ်တာ) စာမျက်နှာမှာ ရေးသားခဲ့ပါတယ်။ 

ဂါဇာက မြေပြင်မှာ ဆက်သွယ်ရေးနဲ့ပတ်သက်ပြီး ဘယ်သူက ကြီးကြပ်ဆောင်ရွက်နေလဲဆိုတာ တိတိကျကျ မသိရသေးဘဲ Starlink ကို လာရောက် ချိတ်ဆက်တာလည်း မရှိသေးဘူးလို့ မက်စ်က ပြောပါတယ်။

မက်စ်ဟာ ရုရှားရဲ့ ကျူးကျော်တိုက်ခိုက်မှုကို ခံနေရတဲ့ ယူကရိန်းပြည်သူတွေကိုလည်း Starlink အင်တာနက်လိုင်း အခမဲ့ အသုံးပြုခွင့် ပေးခဲ့ပါတယ်။ 

အစ္စရေး ဆက်သွယ်ရေး၀န်ကြီး ရှလိုမို ကာဟီက အီလွန်မက်စ်ရဲ့ ဒီဆောက်ရွက်ချက်ကို တားဆီးမှာဖြစ်ပြီး၊ 

Starlink နဲ့ ဆက်သွယ်ဆောင်ရွက်မှု အားလုံး ရပ်ဆိုင်းသွားမယ်လို့ ပြောကြားခဲ့ပါတယ်။ 

Ref: Reuters 

အောက်တိုဘာ ၂၉၊ ၂၀၂၃

M-Media 

• 

• 

-ပါလက်စတိုင်းနိုင်ငံ အနောက်ဖက်ကမ်းက နဘ်လုစ်မြို့မှာ ပါလက်စတိုင်း လယ်သမားတစ်ဦး မနေ့က သေနတ်နဲ့ ပစ်သတ်ခံလိုက်ရပါတယ်။ 

အသက် ၄၀ အရွယ် ဘီလာ ဆာလေဆိုသူဟာ လယ်ထဲမှာ သံလွင်ပင်တွေ ရိတ်သိမ်းနေတဲ့အချိန် ဂျူးအခြေချလူအုပ်က လာရောက်နှောက်ယှက်ပြီး သေနတ်တဲ့ ပစ်ခတ်သတ်ဖြတ်သွားတာ ဖြစ်ပါတယ်။ 

ဂါဇာမှာ အစ္စရေးက ကျူးကျော်တိုက်ခိုက်မှုတွေ လုပ်ဆောင်တဲ့ အောက်တိုဘာ ၇ ရက်နေ့နောက်ပိုင်း ပါလက်စတိုင်းပိုင်နက် နောက်တစ်ခုဖြစ်တဲ့ အနောက်ဖက်ကမ်းက ဂျူးအခြေချ နေထိုင်သူတွေဟာ ပါလက်စတိုင်းတွေအပေါ် အကြမ်းဖက်တိုက်ခိုက်မှုတွေ အရင်ကထက် တိုးမြှင့်ပြုလုပ်လာခဲ့ပါတယ်။ 

အောက်တိုဘာ ၇ ရက်နေ့နောက်ပိုင်း အနောက်ဖက်ကမ်းမှာ ဂျူးလူအုပ်ရဲ့ အကြမ်းဖက်သတ်ဖြတ်မှုတွေကြောင့် ပါလက်စတိုင်း ၁၀၀ ကျော် သေဆုံးခဲ့ပြီ ဖြစ်ပါတယ်။ 

ပါလက်စတိုင်းပိုင်နက်က အစ္စရေးရဲ့ တရားမ၀င် အိမ်ယာတွေမှာ နေထိုင်ကြတဲ့ အခြေချဂျူးတွေကို အစ္စရေးအစိုးရကိုယ်တိုင်က လက်နက်တပ်ဆင်ပေးထားတာဖြစ်ပါတယ်။ 

Ref: Aljazeera 

(ဓာတ်ပုံ- လက်နက်ကိုင်ဆောင်ထားကြသည့် တရားမ၀င် အခြေချဂျူးများ)