Tag: Palestine

မေ ၁၈၊ ၂၀၂၁
M-Media

-ပါလက်စတိုင်းပိုင် ဂါဇာကမ်းမြှောင်မှာ အစ္စရေးရဲ့ လေကြောင်းကနေ တိုက်ခိုက်မှုကြောင့် အဆောက်အဦး ၄၅၀ လောက် ပျက်ဆီးခဲ့ပြီး လူပေါင်း ၅၈၀၀၀ ကျော် အိုးမဲ့အိမ်မဲ့ ဖြစ်ခဲ့တယ်လို့ ကုလသမဂ္ဂက ပြောပါတယ်။

အိုးမဲ့အိမ်မဲ့ဖြစ်သွားသူတွေထဲက ၄၇၀၀၀ လောက်ဟာ ကုလက ဆောက်ပေးထားတဲ့ စာသင်ကျောင်းတွေမှာ ခိုလှုံနေရတယ်လို့ ကုလသမဂ္ဂ လူသားချင်း စာနာထောက်ထားမှုဆိုင်ရာအဖွဲ့ (OCHA) ရဲ့ ပြောရေးဆိုခွင့်ရှိသူ ဂျန်လယ်ရာကီက ဆိုပါတယ်။

ဖျက်ဆီးခံရတဲ့ အဆောက်အဦး ၄၅၀ ထဲမှာ ဆေးရုံ ၆ ရုံ၊ အခြေခံကျန်းမာရေးစောင့်ရှောက်မှုဌာန ၉ ခုလည်း ပါဝင်ပါတယ်။ ဆေးဘက်ဆိုင်ရာပစ္စည်းတွေကို ထုတ်လုပ်ပေးနေတဲ့ ဂါဇာရဲ့ တစ်ခုတည်းသော သရီးဒီပရင်တာ Tashkeel3D ကိုလည်း အစ္စရေးက ဖျက်ဆီးခဲ့ပါတယ်။

ပြီးခဲ့တဲ့တစ်ပတ် တနင်္လာနေ့ကစတင်ပြီး ပြုလုပ်ခဲ့တဲ့ အစ္စရေးရဲ့ လေကြောင်းတိုက်ခိုက်မှုကြောင့် က​လေးငယ် ၆၁ ဦး အပါအဝင် အနည်းဆုံး ပါလက်စတိုင်းပြည်သူ ၂၁၃ ဦး သေဆုံးပြီ ဖြစ်ပါတယ်။ ဒဏ်ရာရသူ အရေအတွက်ကလည်း ၁၅၀၀ လောက် ရှိနေပါတယ်။

ပါလက်စတိုင်းတော်လှန်ရေးအဖွဲ့ ဟားမက်စ်ရဲ့ ဒုံးကျည်တွေနဲ့ ပစ်ခတ်တိုက်ခိုက်မှုကြောင့် ကလေး ၂ ဦး အပါအဝင် အစ္စရေး ၁၂ ဦး သေဆုံးပြီး အနည်းဆုံး ၃၀၀ လောက် ဒဏ်ရာရခဲ့ပါတယ်။

အစ္စရေးက ကျူးကျော်သိမ်းပိုက်ထားတဲ့ ပါလက်စတိုင်းပိုင် အနောက်ဖက်ကမ်းမှာ ပြီးခဲ့တဲ့ ဧပြီလအတွင်း ပါလက်စတိုင်းနေအိမ်တွေကို ဂျူးအခြေချသူတွေက လုယူသိမ်းပိုက်ခဲ့ပြီးတဲ့နောက် ပါလက်စတိုင်းနဲ့ အစ္စရေးတို့အကြား တင်းမာမှုတွေ မြင့်တက်လာတာပါ။

ဒီလုယူမှုကို မကျေနပ်တဲ့အတွက် ပါလက်စတိုင်းတွေက ဂျေရုစလင်မှာရှိတဲ့ အလ်အက္ကဆွာဗလီမှာ ထိုင်သပိတ်ပြုလုပ်ခဲ့ပြီး အစ္စရေးတပ်ဖွဲ့က အင်အားသုံးဖြိုခွဲမှုကြောင့် လူ ၇၀၀ လောက် ဒဏ်ရာရခဲ့ပြီးတဲ့နောက် ပါလက်စတိုင်းလွတ်မြောက်ရေးအဖွဲ့ ဟားမက်စ်က ဂါဇာကနေ အစ္စရေးဘက်ကို ဒုံးကျည်တွေနဲ့ ပြီးခဲ့တဲ့တစ်ပတ် တနင်္လာနေ့မှာ တုန့်ပြန် ပစ်ခတ်ခဲ့ပါတယ်။

အစ္စရေးက ပိတ်ဆို့ထားတဲ့ ပါလက်စတိုင်းပိုင် အနောက်ဖက်ကမ်းမှာလည်း ဂျူးအခြေချနေထိုင်သူတွေက နေအိမ်တွေလုယူမှုကို မကျေနပ်တဲ့အတွက် ပါလက်စတိုင်းတွေ ဆန္ဒပြနေပြီး အစ္စရေးလုံခြုံရေးတပ်ဖွဲ့ဝင်တွေရဲ့ လက်ချက်ကြောင့် သေဆုံးဒဏ်ရာရသူ တော်တော်များများ ရှိနေပါတယ်။

Ref: Aljazeera

မေ ၁၃၊ ၂၀၂၁
M-Media

-ပါလက်စတိုင်းပိုင် ဂါဇာကမ်းမြှောင်မှာ အစ္စရေးက လူနေရပ်ကွက်တွေကို လေကြောင်းကနေတိုက်ခိုက်မှုတွေ ဆက်လက်လုပ်ဆောင်နေတာကြောင့် သေဆုံးသူအရေအတွက်ဟာ ၈၃ ဦးရှိလာပြီ ဖြစ်ပါတယ်။

အစ္စရေးဟာ တိုက်ခိုက်မှုတွေကို တနင်္လာနေ့ ညနေပိုင်းကတည်းက စတင်လုပ်ဆောင်နေတာပါ။ တိုက်ခိုက်မှုတွေဟာ တစ်ဖြည်းဖြည်း ပြင်းထန်လာပြီး အထပ်မြင့် လူနေအဆောက်အဦးတွေကို ပစ်မှတ်ထားလာကြောင့် သေဆုံးသူတွေ မြင့်တက်လာတာလည်း ဖြစ်ပါတယ်။

သေဆုံးသူ အနည်းဆုံး ၈၃ ဦးရှိတယ်လို့ ဂါဇာကျန်းမာရေးဌာနက ထုတ်ပြန်ထားပြီး အဲဒီအထဲမှာ ကလေးငယ် ၁၇ ဦး ပါဝင်ပါတယ်။ ဒဏ်ရာရသူအရေအတွက်ကတော့ ၄၈၀ လောက် ရှိနေပါတယ်။

ပြီခဲ့တဲ့ သီတင်းပတ်အနည်းအငယ်အတွင်း အစ္စရေးက ကျူးကျော်သိမ်းပိုက်ထားတဲ့ ပါလက်စတိုင်းပိုင် အနောက်ဖက်ကမ်းမှာ ပါလက်စတိုင်းနေအိမ်တွေကို ဂျူးအခြေချသူတွေက လုယူသိမ်းပိုက်ခဲ့ပြီးတဲ့နောက် ပါလက်စတိုင်းနဲ့ အစ္စရေးတို့အကြား တင်းမာမှုတွေ မြင့်တက်လာတာပါ။

ဒီလုယူမှုကို မကျေနပ်တဲ့အတွက် ပါလက်စတိုင်းတွေက ဂျေရုစလင်မှာရှိတဲ့ အလ်အက္ကဆွာဗလီမှာ ထိုင်သပိတ်ပြုလုပ်ခဲ့ပြီး အစ္စရေးတပ်ဖွဲ့က မနေ့ကအထိ ဝင်ရောက်စီးနင်း ဖြိုခွဲရာမှာ ပါလက်စတိုင်းပြည်သူ ၇၀၀ ကျော် ဒဏ်ရာရခဲ့ပါတယ်။

ဟားမက်စ်က အလ်အက္ကဆွာဗလီမှာ အစ္စရေးတပ်ဖွဲ့တွေက အကြမ်းဖက်တာကို လက်တုန့်ပြန်တဲ့အနေနဲ့ မနေ့ကအထိ ဂါဇာကနေ ဒုံးကျည်တွေနဲ့ ပစ်ခတ်ခဲ့ပြီး အနည်းဆုံး အစ္စရေး ၇ ဦး သေဆုံးခဲ့ပါတယ်။

Ref: Aljazeera

မေ ၁၁၊ ၂၀၂၁
M-Media

-ပါလက်စတိုင်းပိုင်နက်ဖြစ်တဲ့ ဂါဇာမှာ မနေ့က အစ္စရေးက လေကြောင်းကနေ တိုက်ခိုက်မှုတွေ ပြုလုပ်တာကြောင့် ကလေးငယ် ၉ ဦးအပါအဝင် အနည်းဆုံး လူ ၂၄ ဦး သေဆုံးခဲ့ပါတယ်။

ဂါဇာကို အစ္စရေးက ​ရေကြောင်း၊ လေကြောင်း၊ ကုန်းကြောင်းကနေ ပိတ်ဆို့ဖြတ်တောက်ထားတာ ၁၀ နှစ်လောက် ရှိပါပြီ။ ဟားမက်စ်အဖွဲ့က အစ္စရေးဘက်ကို ဒုံးကျည်တွေပစ်တာကြောင့် ဒီလိုတိုက်ခိုက်တာဖြစ်တယ်လို့ အစ္စရေးက ထုတ်ပြန်ပါတယ်။

​အစ္စရေးရဲ့ တိုက်ခိုက်မှုမှာ ဒုက္ခသည်စခန်းတွေ လူနေရပ်ကွက်တွေလည်း ပစ်မှတ်ထား ခံခဲ့ရပါတယ်။ ဒီကနေ့မနက်ပိုင်းမှာလည်း ဂါဇာကို အစ္စရေးက လေကြောင်းကနေ ထပ်မံ တိုက်ခိုက်ခဲ့ပါတယ်။

ပြီးခဲ့တဲ့ သီတင်းပတ်အနည်းအငယ်အတွင်း အစ္စရေးက ကျူးကျော်သိမ်းပိုက်ထားတဲ့ ပါလက်စတိုင်းပိုင် အနောက်ဖက်ကမ်းမှာ ပါလက်စတိုင်းနေအိမ်တွေကို ဂျူးအခြေချသူတွေက လုယူသိမ်းပိုက်ခဲ့ပြီးတဲ့နောက် ပါလက်စတိုင်းနဲ့ အစ္စရေးတို့အကြား တင်းမာမှုတွေ မြင့်တက်လာတာပါ။

ဒီလုယူမှုကို မကျေနပ်တဲ့အတွက် ပါလက်စတိုင်းတွေက ဂျေရုစလင်မှာရှိတဲ့ အလ်အက္ကဆွာဗလီမှာ ထိုင်သပိတ်ပြုလုပ်ခဲ့ပြီး အစ္စရေးတပ်ဖွဲ့က မနေ့ကအထိ ဝင်ရောက်စီးနင်း ဖြိုခွဲရာမှာ ပါလက်စတိုင်းပြည်သူ ၇၀၀ ကျော် ဒဏ်ရာရခဲ့ပါတယ်။

ဟားမက်စ်က အလ်အက္ကဆွာဗလီမှာ အစ္စရေးတပ်ဖွဲ့တွေက အကြမ်းဖက်တဲ့အတွက် ဒုံးကျည်တွေနဲ့ ပစ်ခတ်တာလို့ ထုတ်ပြန်ပါတယ်။

Ref: Aljazeera