Tag: Palestine

ဇန်န၀ါရီ ၂၈၊ ၂၀၁၉
M-Media

– ပါလက်စတိုင်းပိုင် အနောက်ဖက်ကမ်းမှာ ဂျူးအခြေချသူတွေက ဒေသခံ ပါလက်စတိုင်းတွေကို သေနတ်နဲ့ ပစ်ခတ်သတ်ဖြတ်မှုဟာ ‘တုန်လှုပ်စရာ၊ လက်မခံနိုင်စရာ ဖြစ်တယ်လို့’ ကုလသမဂ္ဂရဲ့ အရှေ့အလယ်ပိုင်းဆိုင်ရာ ကိုယ်စားလှယ် နီကိုလေး မာလ်ဒီနော့ဗ်က မနေ့မှာ ရှုတ်ချလိုက်ပါတယ်။

စနေနေ့က အနောက်ဖက်ကမ်း အလ်-မူဂ်ဟီယာရွာကို ဂျူးအခြေချသူတွေ ၀င်ရောက်လာပြီး သေနတ်နဲ့ ပစ်ခတ်ခဲ့တာကြောင့် အသက် ၃၈ နှစ်အရွယ် ပါလက်စတိုင်းအမျိုးသား ဟမ်ဒီ နာဆန် သေဆုံးခဲ့ပါတယ်။ ပစ်ခတ်မှုကြောင့် အနည်းဆုံး ပါလက်စတိုင်းပြည်သူ ၃၀ လောက် ဒဏ်ရာရရှိခဲ့ပါတယ်။ နာဆန်ဟာ ဒဏ်ရာရသူတစ်ဦးကို လူနာတင်ယာဉ်ဆီ သယ်သွားတဲ့အချိန် အနောက်က ပစ်ခံလိုက်ရတာ ဖြစ်ပါတယ်။

လာရောက်တိုက်ခိုက်တဲ့ ဂျူးအခြေချသူတွေဟာ အလ်-မူဂ်ဟီယာရွာပတ်ဝန်းကျင်က အစ္စရေးရဲ့ တရားမ၀င် အိမ်ယာတွေမှာ နေထိုင်ကြသူတွေ ဖြစ်ပါတယ်။

မနေ့ကကျင်းပတဲ့ နာဆန်ရဲ့ ဈာပနကို တက်ရောက်ဖို့ ပါလက်စတိုင်းပြည်သူတွေ သွားရောက်ခဲ့ပေမယ့် အစ္စရေးစစ်တပ်က လမ်းတွေပိတ်ကာ တားမြစ်ခဲ့ပါတယ်။

ပါလက်စတိုင်း ၄၀၀၀ လောက် နေထိုင်တဲ့ အလ်-မူဂ်ဟီယာရွာကို တရားမ၀င် ဂျူးအခြေချအိမ်ယာ ၄ ခုက ၀န်းရံထားပါတယ်။ ပါလက်စတိုင်းပိုင်နက်တွေမှာ ဆောက်လုပ်ထားတဲ့ အစ္စရေးအိမ်ယာတွေဟာ နိုင်ငံတကာဥပဒေအရ တရားမ၀င်ဘဲ ကမ္ဘာ့နိုင်ငံတွေကလည်း ဆန့်ကျင်ရှုတ်ချထားပါတယ်။

အကြမ်းဖက်မှုစိပ်လာ

ရွာနားက စစ်စခန်းမှာ အခြေချအိမ်ယာသစ်တစ်ခု ဆောက်လုပ်ဖို့ အစ္စရေးက စီစဉ်နေမှုကို ရွာသားတွေက ကန့်ကွက်မှုတွေ ပြုလုပ်ခဲ့ပြီးတဲ့နောက်ပိုင်း အလ်-မူဂ်ဟီယာရွာကို ဂျူးအစွန်းရောက်တွေ ၀င်ရောက်တိုက်ခိုက်မှုဟာ ပြီးခဲ့တဲ့ ၂ လအတွင်း ပိုမိုမြင့်တက်လာပါတယ်။

ပြီးခဲ့တဲ့ ၃ ရက်အတွင်း အစ္စရေးစစ်တပ်နဲ့ ဂျူးအခြေချသူတွေရဲ့ လက်ချက်ကြောင့် သေဆုံးခဲ့ရတဲ့ ပါလက်စတိုင်းပြည်သူ အရေအတွက်ဟာ ၄ ဦးအထိ ရှိခဲ့ပါတယ်။

သောကြာနေ့က အနောက်ဖက်ကမ်း ဆီလ်ဝဒ်ရွာမှာ အသက် ၁၈ နှစ်အရွယ် အေမန် ဟာမဒ်ကို အစ္စရေးစစ်တပ်က သေနတ်နဲ့ပစ်ခတ်ခဲ့ပြီး ရရှိတဲ့ဒဏ်ရာကြောင့် ဟာမဒ်ဟာ စနေနေ့မှာ သေဆု့းသွားခဲ့ပါတယ်။

ပါလက်စတိုင်းပိုင် အရှေ့ဂျေရုစလင်က ဒမတ်စကတ်တံခါးမှာလည်း စနေနေ့ကက ပါလက်စတိုင်းအမျိုးသား ရီယဒ် ရှာမက်စ်နက်ရ်ှကို အစ္စရေးရဲတပ်ဖွဲ့က သေနတ်နဲ့ ပစ်ခတ်ခဲ့ပါတယ်။

ဂါဇာမှာ သောကြောနေ့က အစ္စရေးစစ်တပ်ရဲ့ ပစ်ခတ်သတ်ဖြတ်မှုကြောင့် အသက် ၂၅ နှစ်အရွယ် အီဟဘ် အေဘဒ်ဆိုသူ အမျိုးသားတစ်ဦး သေဆုံးခဲ့ပါတယ်။

Ref: Aljazeera

ဇန်န၀ါရီ ၁၆၊ ၂၀၁၉
M-Media

– ကုလသမဂ္ဂက ‘ဖွံ့ဖြိုးဆဲနိုင်ငံများအဖွဲ့’ (G77) ရဲ့ ဥက္ကဌအဖြစ် ပါလက်စတိုင်းသမ္မတ မဟ်မူးဒ် အဘတ်စ်က မနေ့မှာ တရားဝင် တာဝန်လွှဲပြောင်းယူခဲ့ပြီး နိုင်ငံစုံ ပူးပေါင်းဆောင်ရွက်တဲ့ဝါဒအပေါ် တိုက်ခိုက်နေမှုကို ရင်ဆိုင် တိုက်ဖျက်သွားမယ်လို့ ပြောကြားခဲ့ပါတယ်။

ဖွံ့ဖြိုးဆဲနိုင်ငံတွေ အပြန်အလှန် ပူးပေါင်းဆောင်ရွက်ရေး တိုးမြှင့်နိုင်ဖို့အတွက် ၁၉၆၄ ခုနှစ်က ဖွဲ့စည်းခဲ့တဲ့ G77 အဖွဲ့မှာ တရုတ်အပါအ၀င် နိုင်ငံပေါင်း ၁၃၄ နိုင်ငံ ပါဝင်ပါတယ်။

ဥက္ကဌရာထူးကနေ အနားယူတော့မယ့် အီဂျစ် နိုင်ခြားရေ၀န်ကြီး ဆာမေဟ်က ရာထူးလွှဲပြောင်းပွဲအခမ်းအနားမှာ ဥက္ကဌအဆောင်အယောင်ဖြစ်တဲ့ တူကို အဘတ်စ်ထံ လွှဲပေးခဲ့ပြီး ပွေ့ဖက် ဂုဏ်ပြုခဲ့ပါတယ်။

လေ့လာသူအဖွဲ့ဝင်နိုင်ငံအဖြစ် ရှိနေတဲ့ ပါလက်စတိုင်းကို G77 အဖွဲ့ဥက္ကဌရာထူး ခန့်အပ်ရေး ပြီးခဲ့တဲ့နှစ် အောက်တိုဘာလက ပြုလုပ်တဲ့ ကုလရဲ့ အထွေထွေညီလာခံမှာ အတည်ပြုခဲ့ပြီး အဲဒီဆုံးဖြတ်ချက်ကို အစ္စရေးနဲ့ အမေရိကန်တို့က ကန့်ကွက်ခဲ့ပါတယ်။

အဲဒီတုန်းက ဆုံးဖြတ်ချက်ကို လက်ခံတဲ့အနေနဲ့ ပြောကြားတဲ့မိန့်ခွန်းမှာ အဘတ်စ်က ကိုလိုနီစနစ်အောက်မှာ နေထိုင်နေရတဲ့ ကမ္ဘာ့ပြုသူတွေရဲ့ အခွင့်အရေး၊ ဖွံ့ဖြိုးတိုးတက်ရေးအတွက် G77 က ဆောင်ရွက်ပေးသွားမယ်လို့ ပြောကြားခဲ့ပါတယ်။

မနေ့က တရားဝင် ရာထူးမယူခင် မီဒီယာနဲ့ တွေ့ဆုံမှုမှာလည်း ပါလက်စတိုင်းဟာ ကုလရဲ့ တင်းပြည့်အဖွဲ့ဝင်နိုင်ငံ ဖြစ်လာရေး ကြိုးပမ်းသွားမယ်လို့ အဘတ်စ်က ပြောကြားခဲ့ပါတယ်။

Ref: Alarabiya

ဇန်န၀ါရီ ၁၄၊ ၂၀၁၉
M-Media

– ရန်ပုံငွေ ပြတ်လတ်မှုကြောင့် ပါလက်စတိုင်းပိုင်နက်တွေဖြစ်တဲ့ အနောက်ဖက်ကမ်းနဲ့ ဂါဇာက ပြည်သူတစ်ချို့ကို အကူအညီပေးမှု ရပ်ဆိုင်းခဲ့ရတယ်လို့ ကုလရဲ့ ကမ္ဘာစားနပ်ရိက္ခာ အစီအစဉ် WFP က ပြောကြားလိုက်ပါတယ်။

အစ္စရေးရဲ့ ကျူးကျော်သိမ်းပိုက်မှု၊ ပိတ်ဆို့မှုတွေကြောင့် အတိဒုက္ခရောက်နေတဲ့ ပါလက်စတိုင်းပြည်သူတွေကို အကူအညီပေးနေတဲ့ ကုလအဖွဲ့အစည်းတွေကို နိုင်ငံတကာက ထည့်ဝင်လှူဒါန်းငွေဟာ ပြီးခဲ့တဲ့ ၄ နှစ်အတွင်း တစ်ဖြည်းဖြည်း လျော့ကျလာခဲ့ပြီး ပြီးခဲ့တဲ့နှစ် အမေရိကန်ရဲ့ ငွေကြေးအကူအညီ ဒေါ်လာ သန်း ၅၀၀ ရပ်ဆိုင်းလိုက်မှုက အခြေနေကို ပိုမို ဆိုးရွားစေခဲ့ပါတယ်။

WFP ရဲ့ ပါလက်စတိုင်းဆိုင်ရာ ဒါရိုက်တာ စတီဖင် ကီရာနီက ဇန်န၀ါရီ ၁ ရက်နေ့ကစပြီး ဂါဇာနဲ့ အနောက်ဖက်ကမ်းက ပါလက်စတိုင်းပြည်သူ ၂၇၀၀၀ လောက်ဟာ အကူအညီ လုံးဝ ရရှိမှာမဟုတ်တော့ဘဲ ၁၆၅၀၀၀ ကလည်း ပုံမှန်ရနေကြအကူအညီရဲ့ ၈၀ ရာခိုင်နှုန်းသာ ရမယ်လို့ ပြောကြားခဲ့ပါတယ်။

၂၀၁၈ ခုနှစ်အတွင်း WFP ဟာ ဂါဇာက ပြည်သူ ၂ သိန်းခွဲ၊ အနောက်ဖက်ကမ်းက ပြည်သူ ၁၁၀၀၀၀ လောက်ကို ကူညီပေးခဲ့တာ ဖြစ်ပါတယ်။

အမေရိကန်က ရန်ပုံငွေ ရပ်ဆိုင်းခဲ့ပြီးတဲ့နောက် WFP ဟာ ဒီဇင် ၁၉ ရက်နေ့မှာ နိုင်ငံတကာအသိုင်းအ၀ိုင်းထံကနေ အကူအညီတွေ ထပ်မံတောင်းခံခဲ့ပေမယ့် လိုအပ်သလောက် မရရှိခဲ့ပါဘူး။

အစ္စရေးနဲ့ အီဂျစ်တို့က ပိတ်ဆို့ထားတဲ့ ဂါဇာကမ်းမြှောင်က ပါလက်စတိုင်းပြည်သူ ၂ သန်းမှာ ၈၀ ရာခိုင်နှုန်းက နိုင်ငံတကာရဲ့ အကူအညီကို မှီခိုအားထားနေရတာ ဖြစ်ပါတယ်။

Ref: Aljazeera

ဒီဇင်ဘာ ၂၀၊ ၂၀၁၈
M-Media

– ဂါဇာကမ်းမြှောင်က ပါလက်စတိုင်းခရစ်ယာန်တွေ ခရစ်တော်ဖွားမြင်ရာ ဘက်သလီဟမ်ကို သွားရောက် ၀တ်ပြုဆုတောင်းမှုကို အစ္စရေးက ပိတ်ပင်လိုက်တယ်လို့ အရှေ့အလယ်ပိုင်း လူ့အခွင့်အရေးအဖွဲ့ Middle East Concern က ပြောကြားလိုက်ပါတယ်။

ပါလက်စတိုင်းပိုင် အနောက်ဖက်ကမ်းမှာရှိတဲ့ ဘက်သလီဟမ်ဟာ ခရစ်တော်ဖွားမြင်ရာနေရာလို့ ခရစ်ယာန်တွေက ယုံကြည်ကြပြီး နှစ်စဉ် ခရစ္စမတ်ကာလရောက်တိုင်း ကမ္ဘာတစ်ဝှမ်းက ခရစ်ယာန်ဘာသာဝင်တွေဟာ ဘက်သလီဟမ်ကို လာရောက်ကာ ဘုရားဖူးလေ့ ရှိပါတယ်။

ပွဲတော်ရက်တွေမှာ ပါလက်စတိုင်းခရစ်ယာန်တွေ ဘက်သလီဟမ်ကို လာရောက် ဘုရားဖူးမှုကို အစ္စရေးက နှစ်စဉ် ပိတ်ပင်လေ့ရှိပြီး ဒီနှစ်မှာ ဂါဇာကမ်းမြှောင်က ခရစ်ယာန်တွေကို ပစ်မှတ်ထားခဲ့ပါတယ်။ ဘက်သလီဟမ်ကို သွားရောက်လိုတဲ့ ခရစ်ယာန်တွေထဲမှာ အသက် ၅၅ နှစ်ကျော်တဲ့သူတွေကိုသာ အစ္စရေးက သွားခင့်ပြုပြီး အဲဒီအသက်အောက် ဘယ်သူ့ကိုမှ အနောက်ဖက်ကမ်းကို သွားခွင့်မပြုပါဘူး။

“ပြီးခဲ့တဲ့နှစ်တုန်းက ဂါဇာကခရစ်ယာန် ၃၀၀ ကို ဘက်သလီဟမ်ဘုရားဖူးသွားဖို့ ပါမစ်ထုတ်ပေးပြီး အသက် ၅၅ နှစ်အထက်တွေ ဖြစ်ပါတယ်။ ဒီနှစ်မှာ ပါမစ် ၅၀၀ ထုတ်ပေးမယ်လို့ အစ္စရေးက ပြောထားပါတယ်။ ဒါပေမယ့် အသက် ၅၅ နှစ်ကျော်အတွက် ပါမစ် ၂၅၀ သာ ရပါသေးပါတယ်။ အစ္စရေးဟာ မိဘနဲ့ သားသမီးတွေကို ခွဲထုတ်တဲ့ ပေါ်လစီကို သုံးနေတာပါ။ ဖခင်ကို သွားခွင့်ပေးပေမယ့် မိခင်နဲ့ သားသမီးတွေကို သွားခွင့်မပြုဘူး။ ဒါ့ကြောင့် သွားလို့ရတဲ့သူတွေကလည်း မသွားကြတော့ဘဲ ဂါဇာမှာပဲ မိသားစုနဲ့အတူ နေကြပါတယ်” လို့ ဖာသာ မာရီယို ဒါဆေးလ်ဗားက ပြောကြားခဲ့ပါတယ်။

Ref: Alarabiya