ဒီဇင်ဘာ ၁၅၊ ၂၀၁၈
M-Media
အစ္စရေးလက်ချက်ကြောင့် ဒဏ်ရာရသွားသည့် ပါလက်စတိုင်းတစ်ဦးကို ဆေးအဖွဲ့က သယ်ဆောင်လာစဉ်
ပါလက်စတိုင်းပိုင် အနောက်ဖက်ကမ်းတွင် အစ္စရေးလက်ချက်ကြောင့် ၂ ရက်အတွင်း လူ ၅ ဦး သေဆုံး
=====================
ပါလက်စတိုင်းပိုင် အနောက်ဖက်ကမ်းက ရာမာလာမြို့မှာ မနေ့ကပြုလုပ်တဲ့ ကျူးကျော်မှု ဆန့်ကျင်ရေး ဆန္ဒပြမှုအတွင်း အစ္စရေးစစ်သားတွေရဲ့ ပစ်ခတ်မှုကြောင့် အသက် ၁၈ နှစ်အရွယ် ပါလက်စတိုင်းလူငယ်တစ်ဦး သေဆုံးခဲ့ပါတယ်။ ရာမာလာက အစ္စရေးရဲ့ တရားမ၀င် ကျူးကျော်အိမ်ယာအနီးမှာ ပါလက်စတိုင်းတစ်ဦးရဲ့ သေနတ်နဲ့ ပစ်ခတ်မှုကြောင့် အစ္စရေးစစ်သားနှစ်ဦး သေဆုံးခဲ့ပြီးတဲ့နောက် ကြာသာပတေးနေ့မှာ ရာမာလာကို အစ္စရေးက ပိတ်ဆို့ကာ စီးနင်းရှာဖွေမှုတွေ ပြုလုပ်ခဲ့ပါတယ်။
ဗုဒ္ဓဟူးနေ့ညနဲ့ ကြာသာပတေးနေ့ နေ့လည်ပိုင်းတို့မှာလည်း အစ္စရေးတပ်ဖွဲ့တွေရဲ့ လက်ချက်ကြောင့် အနောက်ဖက်ကမ်းမှာ ပါလက်စတိုင်း ၄ ဦး သေဆုံးကာ ၂၄ နာရီအတွင်း အနည်းဆုံး လူ ၁၀၀ လောက် အဖမ်းခံခဲ့ရပါတယ်။ ပါလက်စတိုင်းပိုင်နက်တွေမှာ အစ္စရေးက ကျူးကျော်အိမ်ယာတည်ဆောက်မှုဟာ နိုင်ငံတကာဥပဒေအရ တရားမ၀င်ဘဲ ကမ္ဘာ့နိုင်ငံတွေက တားမြစ် ကန့်ကွက်ထားပေမယ့် အစ္စရေးက လိုက်နာခြင်း မရှိပါဘူး။ အစ္စရေးရဲ့ ဒီလုပ်ရပ်ကို မကျေနပ်တဲ့အတွက် ပါလက်စတိုင်းပြည်သူတွေဟာ အစ္စရေးရဲ့ ကျူးကျော်အိမ်ယာတွေမှာ မကြာခဏ တိုက်ခိုက်မှုတွေ ပြုလုပ်လေ့ ရှိပါတယ်။
ဆီးရီးယား ဖွဲ့စည်းပုံရေးဆွဲရေးကော်မတီဖွဲ့ရန် ကုလနှင့် အင်အားကြီးနိုင်ငံများ ဆွေးနွေးမည်
===================
ဆီးရီးယားဆိုင်ရာ ကုလအထူးကိုယ်စားလှယ် စတာဖန် ဒီ မစ္စတူရာဟာ လာမယ့်တစ်ပတ်အစောပိုင်းမှာ အီရန်၊ ရုရှားနဲ့ တူရကီတို့က အဆင့်မြင့်အရာရှိတွေနဲ့ ဂျီနီဗာမှာ တွေ့ဆုံဖို့ရှိပြီး ဆီးရီးယားနိုင်ငံအတွက် ဖွဲ့စည်းပုံအခြေခံဥပဒေ ရေးဆွဲရေး ကော်မတီတစ်ရပ် ပေါ်ထွက်လာဖို့ ဆွေးနွေးသွားမယ်လို့ မနေ့က ကုလကနေ ထုတ်ပြန်တဲ့ ကြေငြာချက်မှာ ဖော်ပြထားပါတယ်။ ပြီးခဲ့တဲ့လ ကာဇက်စတန်မှာ ဆီးရီးယားက ပြည်တွင်းစစ်ဖြစ်နေတဲ့ နှစ်ဖက်အဖွဲ့တွေနဲ့ စေ့စပ်ဆွေးနွေးသူတွေ တွေ့ဆုံခဲ့ကြပေမယ့် ဖွဲ့စည်းပုံအခြေခံဥပဒေရေးဆွဲရေးကော်မတီ ပေါ်ထွက်လာဖို့ သဘောတူညီချက် မရခဲ့ပါဘူး။ ၇ နှစ်တာ ကြာမြင့်နေပြီဖြစ်တဲ့ ဆီးရီးယားပြည်တွင်းစစ် ပြီးဆုံးနေရးအတွက် အခုနောက်ပိုင်း ဆွေးနွေးမှုတွေမှာ အီရန်၊ တူရကီနဲ့ ရုရှားတို့က အဓိကအခန်းကဏ္ဍတွေမှာ ပါဝင်လာပါတယ်။
သီရိလင်္ကာတွင် ဖွဲ့စည်းပုံကိုကျော်လွန်၍ ၀န်ကြီးဖြစ်လာသည့် ရာဂျာပက်ဆာ ရာထူးမှ နှုတ်ထွက်မည်
===============
သီရိလင်္ကာမှာ ဖွဲ့စည်းပုံအခြေခံဥပဒေနဲ့ ဆန့်ကျင်ပြီး ၀န်ကြီးချုပ်ဖြစ်လာတဲ့ မာဟင်ဒါ ရာဂျာပက်ဆာက ဒီကနေ့မှာ ရာထူးကနေ ဆင်းတော့မယ်လို့ သားဖြစ်သူက ပြောကြားလိုက်ပါတယ်။ ရာဂျာပက်ဆာဟာ သမ္မတဟောင်းလည်း ဖြစ်ပါတယ်။ လက်ရှိသမ္မတ မိုင်သရီပါလာ ဆရီဆီနာဟာ အောက်တိုဘာလနှောင်းပိုင်းက ၀န်ကြီးချုပ် ရာနီးလ်ကို ထုတ်ပယ်ကာ ရာဂျာပက်ဆာကို ခန့်အပ်ခဲ့ပြီး ဒါဟာ ဖွဲ့စည်းပုံအခြေခံဥပဒေကို ကျော်လွန်လုပ်ဆောင်တာ ဖြစ်တဲ့အတွက် နိုင်ငံရေး တင်းမာမှုတွေ ဖြစ်ခဲ့ပါတယ်။ နောက်ပိုင်းမှာ ဆရီဆီနာက လွှတ်တော်ကို ဖျက်သိမ်းဖို့ ကြိုးစားခဲ့ပေမယ့် တရားရုံးက လက်မခံခဲ့ပါဘူး။ သီရိလင်္ကာမှာ အစိုးရစနစ် ရပ်ဆိုင်းခဲ့တာ ၂ ပတ်ကျော်လာပြီဖြစ်ပြီး ရာဂျာပက်ဆာ နှုတ်ထွက်မှုက ဒီပြဿနာပြေလည်ဖို့အတွက် လမ်းစလည်း ဖြစ်ပါတယ်။
ပိရစ်ကို မလေးမစားလုပ်မှုအတွက် လူ ၂ ဦးကို အီဂျစ်ဖမ်းဆီး
=================
ဒိန်းမတ် ဓာတ်ပုံဆရာတစ်ဦးက နာမည်ကျော် Giza ပိရမစ်အပေါ် တက်ရောက်မှု၊ အမျိုးသမီးတစ်ဦးကို အပေါ်ပိုင်းဗလာနဲ့ ဓာတ်ပုံ၊ ဗီဒီယိုရိုက်ကူးမှုမှာ ဆက်နွယ်သူနှစ်ဦးကို အီဂျစ်အာဏာပိုင်တွေက ကြာသာပတေးနေ့မှာ ဖမ်းဆီးလိုက်ပါတယ်။ ဖမ်းဆီးခံရသူတွေဟာ အီဂျစ်ပေါင် ၄၀၀၀ (၂၂၅ ဒေါ်လာ) ယူပြီး ပိရမစ်ကို ညဘက် လိုက်ပို့ပေးတဲ့ ကုလားအုပ်သမား၊ ဓာတ်ပုံဆရာနဲ့အဖွဲ့ကို ကုလားအုပ်သမားနဲ့ ချိတ်ဆက်ပေးခဲ့တဲ့ အမျိုးသမီးတို့ ဖြစ်ပြီး သူတို့ကလည်း ဒီကိစ္စနဲ့ ဆက်နွယ်ကြောင်း ၀န်ခံခဲ့ပါတယ်။ ဒီဗီဒီယိုဟာ အွန်လိုင်းစာမှာ ပြန့်နှံ့သွားပြီးတဲ့နောက် အီဂျစ်ပြည်သူတွေက ဒေါသထွက်ခဲ့ကြပါတယ်။ အီဂျစ်မှာ ပိရမစ်တွေပေါ် တက်တာကို တားမြစ်ထားပြီး၊ အရှက်ကင်းမဲ့တဲ့ပုံစံနဲ့ ဓာတ်ပုံ၊ ဗီဒီယိုတွေ ရိုက်တာကိုလည်း ပိတ်ပင်ထားပါတယ်။
Ref: Aljazeera,Alarabiya, CNA
