ဇွန် ၂၇၊ ၂၀၁၉
M-Media
-ပါလက်စတိုင်းပိုင်နက် အနောက်ဖက်ကမ်းမှာ သံရုံးဖွင့်လှစ်သွားမယ်လို့ ပင်လယ်ကွေ့နိုင်ငံတစ်ခုဖြစ်တဲ့ အိုမန်က မနေ့မှာ ကြေငြာလိုက်ပြီး၊ ပါလက်စတိုင်းအာဏာပိုင်အဖွဲ့ကလည်း ပါလက်စတိုင်းတွေရဲ့ အချုပ်အခြာအာဏာကို အသိအမှတ်ပြုတဲ့ ဒီအစီအစဉ်ကို ကြိုဆိုခဲ့ပါတယ်။
အစ္စရေး-ပါလက်စတိုင်း ငြိမ်းချမ်းရေးရဲ့ အခြေခံအုတ်မြစ်လို့ ခေါင်းစဉ်တပ်ထားတဲ့ စီးပွားရေး စီမံကိန်းတစ်ခုကို အမေရိကန်က ထုတ်ပြချိန်နဲ့ တိုက်ဆိုင်စွာပဲ အိုမန်က ဒီလို ကြေငြာလိုက်တာ ဖြစ်ပါတယ်။ အမေရိကန်ရဲ့ စီမံကိန်းကို ပါလက်စတိုင်းအပါအ၀င် အရှေ့အလယ်ပိုင်း နိုင်ငံတော်တော်များများက ကန့်ကွက်ခဲ့ပြီး နိုင်ငံရေးအဖြေရှာမှု မရှိဘဲနဲ့ ဒီအစီအစဉ် အောင်မြင်မှာ မဟုတ်ဘူးလို့ ဝေဖန်ခဲ့ကြပါတယ်။
ဘုရင့်နိုင်ငံငယ်လေးတစ်ခုဖြစ်တဲ့ အိုမန်ဟာ အရင်က ဂါဇာကမ်းမြှောင်မှာ သံရုံး ဖွင့်ထားပေမယ့်
၂၀၀၆ ခုနှစ် အစ္စရေးက ဂါဇာကို ဗုံးကြဲတိုက်ခိုက်မှုနောက်ပိုင်း ပိတ်ပစ်ခဲ့ပါတယ်။ ဒါပေမယ့် အိုမန်ဟာ ပါလက်စတိုင်း အာဏာပိုင်အဖွဲ့နဲ့ နီးကပ်တဲ့ ဆက်ဆံရေးတစ်ခုကို တည်ဆောက်ထားနိုင်ပါတယ်။
အိုမန် နိုင်ငံခြားရေးဝန်ကြီးဌာနရဲ့ မနေ့က ထုတ်ပြန်ချက်မှာ ရာမာလာမှာ သံရုံးဖွင့်ရေးကိစ္စအတွက် ကိုယ်စားလှယ် အဖွဲ့တစ်ခုကို မကြာခင် စေလွှတ်သွားမယ်လို့ ဖော်ပြထားပါတယ်။
“ပါလက်စတိုင်းပြည်သူတွေကို ညီရင်းအစ်ကိုလို ပံ့ပိုးကူညီမယ်ဆိုတဲ့ နိုင်ငံရဲ့ ခံယူချက်နဲ့အညီ သံရုံးအဆင့်နဲ့ သံတမန်ဆက်ဆံမှုအသစ် စတင်ဖို့ ဆုံးဖြတ်ခဲ့ပါတယ်။ သံရုံးတစ်ခုဖွင့်လှစ်နိုင်ရေး လုပ်ဆောင်စရာရှိတာတွေကို ဆောင်ရွက်ဖို့အတွက် ၀န်ကြီးဌာနက ကိုယ်စားလှယ်အဖွဲ့တစ်ခု ရာမာလာကို သွားမှာပါ”
ပါလက်စတိုင်းလွတ်မြောက်ရေးအဖွဲ့ PLO က အကြီးတန်းအရာရှိ ဟာနန် အက်ရ်ှရာဝီက အိုမန်နိုင်ငံရဲ့ ဒီဆုံးဖြတ်ချက်ကို ကြိုဆိုခဲ့ပါတယ်။
“အစ္စရေးရဲ့ ကျူးကျော်သိမ်းပိုက်မှု သရုပ်မှန်ကို အိုမန်အစိုးရ သိရှိစေဖို့အတွက် ဒီသံရုံးက အထောက်အကူ ဖြစ်စေမယ်လို့ ကျွန်တော် မျှော်လင့်ပါတယ်”
အိုမန်ဟာ အရှေ့အလယ်ပိုင်းမှာ အရင်ကတည်းက ကြားနေနိုင်ငံတစ်ခုအဖြစ် ရှိနေခဲ့ပြီး ပြဿနာတော်တော်များများကိုလည်း ၀င်ရောက်ဖြေရှင်းပေးခဲ့ပါတယ်။ ၂၀၁၃ ခုနှစ်မှာ အမေရိကန်-အီရန် လျှို့ဝှက်ဆွေးနွေးပွဲတစ်ခုကို အိုမန်က စီစဉ်ပေးခဲ့ပြီး အဲဒီကနေတစ်ဆင့် သမိုင်းဝင် ၂၀၁၅ နျူသဘောတူညီချက် ပေါ်ပေါက်လာတာ ဖြစ်ပါတယ်။
အစ္စရေးဝန်ကြီးချုပ် နေတန်ယာဟုဟာ ပြီးခဲ့တဲ့နှစ်က အိုမန်နိုင်ငံ မူစကတ်မြို့ကို ရုတ်တရက် သွားရောက်ကာ အိုမန်ဘုရင် ဆူလ်တန် ကာဘွတ်စ်နဲ့ အရှေ့အလယ်ပိုင်း ငြိမ်းချမ်းရေးကိစ္စတွေကို ဆွေးနွေးခဲ့ပါတယ်။
Ref: Reuters
