Tag: Palestine

သြဂုတ် ၁၁၊ ၂၀၁၈
M-Media

မလေးဝန်ကြီးချုပ်ဟောင်း၏ လုံခြုံရေးများထံမှ ငွေသား ၁ သန်းကျော် သိမ်းဆည်းရမိ
====================
ဝန်ကြီးချုပ်ဟောင်း နာဂျစ်ရာဇတ်ရဲ့ လက်အောက်က လုံခြုံရေးအရာရှိ ၁၇ ဦးကို ဖမ်းဆီးပြီးနောက်ပိုင်း သူတို့ထံကနေ ငွေသား ရင်းဂစ် ၁.၁၉ သန်းနဲ့ ကားတွေ၊ ဆိုင်ကယ်တွေ သိမ်းဆည်းရမိခဲ့တယ်လို့ မလေးရှား ခြစားမှုတိုက်ဖျက်ရေးကော်မရှင်က တာဝန်ရှိသူ အဇမ်ဘာကီက အခုတစ်ပတ်အစောပိုင်းမှာ ပြောကြားခဲ့ပါတယ်။ မေလ ၉ ရက် ရွေးကောက်ပွဲနေ့ညမှာ Barisan Nasional က Pakatan Harapan ကို ရှုံးနိမ့်သွားတယ်ဆိုတာကို တွေ့ရပြီးတဲ့နောက် သူတို့ဟာ ၀န်ကြီးချုပ်ရုံးက ငွေသားတွေကို ယူဆောင်ခဲ့ကြတာလို့ ဆိုပါတယ်။ လက်ရှိမှာ ၀န်ကြီးချုပ်ဟောင်း နာဂျစ်ရာဇတ်ဟာလည်း ခြစားမှု၊ အာဏာအလွဲသုံးစားလုပ်မှုတွေနဲ့ တရားစွဲဆိုခံနေရပါတယ်။

နျူဖျက်သိမ်းရေး ကုလအတွင်းရေးမှူး၏စကားကို မြောက်ကိုရီးယား ဝေဖန်
=====================
ကုလအတွင်းရေးမှူး အန်တိုနီယိုဂူတာရက်စ်ရဲ့ နျူလက်နက်ဖျက်သိမ်းရေး ပြောကြားချက်ဟာ နမော်နမဲ့ ပြောကြားမှုမျိုးဖြစ်ပြီး အမေရိကန်ရဲ့ စကားအတိုင်း လိုက်နေတယ်လို့ မြောက်ကိုရီးယားက မနေ့မှာ ဝေဖန်ခဲ့ပါတယ်။ ဗုဒ္ဓဟူးနေ့က တိုကျိုမှာ ဂျပန်ဝန်ကြီးချုပ် ရှင်ဇိုအာဘေးနဲ့တွေ့ဆုံစဉ် ဂူတာရက်စ်က မြောက်ကိုရီးယားဟာ လုံးဝ နျူကင်းစင်မှသာ နိုင်ငံတကာအသိုင်းအ၀ိုင်းမှာ ၀င်ဆံ့နိုင်မယ်လို့ ပြောခဲ့တာ ဖြစ်ပါတယ်။ ပိတ်ဆို့မှုတွေထပ်လုပ်ဖို့ အမေရိကန်ရဲ့ တိုက်တွန်းမှုကိုလည်း မြောက်ကိုရီးယားက ပြီးခဲ့တဲ့ရက်ပိုင်းမှာ ဝေဖန်ကန့်ကွက်ခဲ့ပါတယ်။

အစ္စရေးလက်ချက်ကြောင့် ဂါဇာတွင် လူ ၂ ဦး ထပ်မံသေဆုံး
===================
ဂါဇာကမ်းမြှောင်ဒေသမှာ မနေ့က ပါလက်စတိုင်းတွေရဲ့ ဆန္ဒပြမှုအတွင်း အစ္စရေးလက်ချက်ကြောင့် စေတနာ့ဝန်ထမ်း ဆေးမှူးတစ်ဦးအပါအ၀င် ပါလက်စတိုင်း နှစ်ဦး သေဆုံးခဲ့ကာ လူရာနဲ့ချီ ဒဏ်ရာရရှိခဲ့ပါတယ်။ ဗုဒ္ဓဟူးနေ့ကလည်း အစ္စရေးရဲ့ လေကြောင်းကနေ တိုက်ခိုက်မှုကြောင့် ဂါဇာမှာ ကိုယ်ဝန် ၉ လလွယ်ထားတဲ့ အသက် ၂၃ နှစ်အရွယ် မိခင်နဲ့ သူ့ရဲ့ အသက် ၁၈ လအရွယ် သမီးတစ်ဦးတို့အပါအ၀င် အနည်းဆုံး လူ ၃ ဦး သေဆုံးခဲ့ပါတယ်။ ၁၉၄၈ ခုနှစ်မှာ ပါလက်စတိုင်းပိုင်နက်တွေကို ဂျူးလက်နက်ကိုင်တွေရဲ့ ကျူကျော်သိမ်းပိုက်မှုအတွင်း ထွက်ပြေးရတဲ့ ပါလက်စတိုင်းမျိုးဆက်တွေ နေရပ်ပြန်ရေးအတွက် ဂါဇာပြည်သူတွေဟာ မတ်လ ၂၀ ရက်နေ့ကတည်းက အပတ်စဉ် ဆန္ဒပြခဲ့ကြပါတယ်။ အဲဒီဆန္ဒပြလူအုပ်ကို အစ္စရေးက နှိမ်နှင်းမှုကြောင့် အခုအချိန်အထိ အနည်းဆုံး ၁၅၉ ဦးသေဆုံးပြီး ၁၆၀၀၀ ကျော်လောက် ဒဏ်ရာရရှိခဲ့ပါတယ်။

Ref: Aljazeera, CNA

သြဂုတ် ၂၊ ၂၀၁၈
M-Media

-အစ္စရေးရဲ့ ကျူးကျော်သိမ်းပိုက်မှုကနေ ပါလက်စတိုင်းနိုင်ငံ လွတ်မြောက်ရေးအတွက် ကြိုးပမ်းရာမှာ ထောင် အကြိမ် ၁၀၀ ချခံရမယ်ဆိုရင်လည်း ကျခံသွားမယ်လို့ ပါလက်စတိုင်း တက်ကြွလှုပ်ရှားသူ အဟဒ် တမီမီက RT သတင်းဌာနနဲ့ အင်တာဗျူးမှာ ပြောကြားလိုက်ပါတယ်။

ပါလက်စတိုင်းပြည်သူတွေကို ညှင်းပမ်းတဲ့ အစ္စရေးစစ်သားကို ရင်ဆိုင်တုန့်ပြန်ရင်း အစ္စရေးရဲ့ ဖမ်းဆီးထောင်ချခြင်းခံခဲ့ရတဲ့ တမီမီဟာ ထောင်ဒဏ် ၈ လ ကျခံရပြီးတဲ့နောက် တနင်္ဂနွေမှာ ပြန်လည် လွတ်မြောက်လာခဲ့တာ ဖြစ်ပါတယ်။

“ကျွန်မခံစားခံရသလို တစ်ခြားလူတွေ ဘယ်တော့မှ မခံစားရပါစေနဲ့လို့ ကျွန်မ မျှော်လင့်ပါတယ်။ ဒါပေမယ့် ကျွန်မရဲ့ ယုံကြည်ချက်တွေအတွက်ကြောင့် ဒီလိုကြုံရတာမျိုးကို နောင်တမရပါဘူး။ တိုင်းပြည်အတွက်ဆိုရင် ထောင် အကြိမ်တရာမကကျလည်း ကျွန်မ မမှုပါဘူး” လို့ တမီမီက ပြောကြားခဲ့ပါတယ်။

အသက် ၁၇ နှစ်အရွယ် တမီမီဟာ ပါလက်စတိုင်း လွတ်မြောက်ရေး လှုပ်ရှားတဲ့ မိသားစုက ဆင်းသက်လာသူဖြစ်ပါတယ်။

ပါလက်စတိုင်းပိုင် အနောက်ဖက်ကမ်းက နဘီဆာလေဟ်ရွာမှာ ပြီးခဲ့တဲ့နှစ် ဒီဇင်ဘာလက အစ္စရေးစစ်သားတွေရဲ့ ၀င်ရောက်စီးနင်းမှုအတွင်း တမီမီ၊ သူ့ရဲ့မိခင် နာရီမန်နဲ့ အသက် ၂၀ အရွယ် ၀မ်းကွဲအမ နူရ်တို့ဟာ အစ္စရေးစစ်သားတွေကို ရင်ဆိုင်တုန့်ပြန်ခဲ့ကြပြီး နောက်ပိုင်းမှာ ဖမ်းဆီးခံလိုက်ရတာ ဖြစ်ပါတယ်။

“သူတို့ ကျွန်မကိုဖမ်းမယ်ဆိုတာ ကျွန်မ သိပါတယ်။ အစ္စရေးရဲ့ ဖိနှိပ်မှုအောက်မှာ နေထိုင်တဲ့သူတိုင်း ဒီလို အမြဲကြုံတွေ့ရတာပါ”

တမီမီက သူမ ပါးရိုက်ခဲ့တဲ့ အစ္စရေးစစ်သားဟာ စောစောပိုင်းက အသက် ၁၄ နှစ်အရွယ် ၀မ်းကွဲမောင် မိုဟာမက်ကို ရာဘာအုပ်ထားတဲ့ စတီးကျည်ဆံနဲ့ မျက်နှာကို အနီးကပ်ပစ်ခဲ့သူဖြစ်တယ်လို့ ပြောကြားခဲ့ပါတယ်။ မိုဟာမက်ကတော့ အဲဒီဒဏ်ရာကြောင့် မျက်နှာနဲ့ ဦးခေါင်းမှာ ဆိုးဆိုးဝါးဝါး ဒဏ်ရာရရှိကာ အခုအချိန်အထိ ဆေးကုသမှု ခံယူနေရပါတယ်။

“ကျွန်မမောင် မျက်နှာမှာ ဒဏ်ရာရနေမှန်း သိသိကြီးနဲ့ ဒီစစ်သားက ပစ်ခဲ့တယ်။ မောင်လေးက သေမလိုကိုဖြစ်သွားခဲ့တာပါ။ အရင်ကလည်း ကျွန်မနေတဲ့နေရာက လူငယ်ဆယ်ကျော်သက်လေးတွေကို အဲဒီစစ်သားက သေနတ်နဲ့ ပစ်ခတ်ခဲ့ဖူးပါတယ်”

အစ္စရေးစစ်သားကို ပါးရိုက်မှုအတွက် အစ္စရေးစစ်ခုံရုံးက တမီမီကို ထောင်ဒဏ် ၈ လ ချမှတ်ခဲ့ပါတယ်။ တမီမီ ထောင်ထဲမှာရှိနေစဉ်အတွင်း သူ့ရဲ့ နောက်ထပ် မောင်ဝမ်းကွဲတစ်ယောက်ဖြစ်တဲ့ အသက် ၁၇ နှစ်အရွယ် မူဆဘ်ဟာ ဇန်န၀ါရီလမှာ အစ္စရေးစစ်သားတွေရဲ့ ပစ်သတ်ခြင်းကို ခံခဲ့ရပါတယ်။

တမီမီကတော့ သူ့အနေနဲ့ ပါလက်စတိုင်းလွတ်မြောက်ရေး ဆက်လက်လှုပ်ရှားသွာမှာဖြစ်ပြီး ရှေ့နေဖြစ်အောင်ကြိုးစားကာ အစ္စရေးရဲ့ မတရားမှုတွေကို တုန့်ပြန်သွားမယ်လို့ ပြောကြားခဲ့ပါတယ်။

Ref: RT