အောက်တိုဘာ ၆၊ ၂၀၁၈
M-Media
အစ္စရေး၏ ပစ်ခတ်မှုကြောင့် ဂါဇာတွင် ပါလက်စတိုင်း ၃ ဦးထပ်မံသေဆုံး
========================
ပါလက်စတိုင်းပိုင် ဂါဇာကမ်းမြှောင်မှာ မနေ့ကပြုလုပ်တဲ့ Great March of Return ဆန္ဒပြမှုအတွင်း အစ္စရေးစစ်သားတွေရဲ့ ပစ်ခတ်သတ်ဖြတ်မှုကြောင့် အသက် ၁၂ နှစ်အရွယ် ဆယ်ကျော်သက်တစ်ဦး အအပါအ၀င် ပါလက်စတိုင်း ၃ ဦး သေဆုံးခဲ့ပါတယ်။ ၁၉၄၈ ခုနှစ် ပါလက်စတိုင်းပိုင်နက်တွေကို အစ္စရေးရဲ့ ကျူးကျော် သိမ်းပိုက်မှုအတွင်း အိုးအိမ်စွန့်ခွာ ထွက်ပြေးရသူတွေ နေရပ်ပြန်ခွင့်ရရေးအတွက် မတ်လ ၃၀ ရက်နေ့ကတည်းက စတင်ကာ ဂါဇာမှာ အပတ်စဉ် ဆန္ဒပြနေကြတာ ဖြစ်ပါတယ်။ ဒီဆန္ဒပြမှုအတွင်း အစ္စရေးလက်ချက်ကြောင့် သေဆုံးသူအရေအတွက်ဟာ အနည်းဆုံး ၁၈၃ ဦး ရှိလာခဲ့ပြီး ဒဏ်ရာရသူက ၁၈၀၀၀ ကျော် ရှိနေပါတယ်။
လူမည်းလူငယ်ကို သတ်ခဲ့သည့် အမေရိကန်ရဲအရာရှိ ထောင်နှစ် ၂၀ အထိ ကျခံရဖွယ်ရှိနေ
=============
၂၀၁၄ ခုနှစ် အောက်တိုဘာ ၂၀ ရက်နေ့မှာ အသက် ၁၇ နှစ်အရွယ် လူမည်းတစ်ဦးကို ပစ်ခတ်သတ်မှုအတွက် ရဲအရာရှိ ဂျေဆန် ဗန် ဒိုက်ကီဟာ အပြစ်ရှိတယ်လို့ ချီကာဂို တရားရုံးက မနေ့မှာ ဆုံးဖြတ်လိုက်ပါတယ်။ ဓားကိုင်ဆောင်ထားတဲ့ လူမည်းလူငယ်ဟာ ဒိုက်ကီရဲ့အဝေးကို လျှောက်သွားခဲ့ပြီး အန္တရာယ်ပေးမယ့်အနေအထား မရှိပေမယ့် ဒိုက်ကီက သေနတ်နဲ့ ၁၆ ချက် ပစ်ခတ်ခဲ့တာကို ရဲတပ်ဖွဲ့က ရိုက်ကူးထားတဲ့ ဗီဒီယိုမှာ တွေ့ခဲ့ရပါတယ်။ တရားရုံးက အပြစ်ရှိကြောင်း ဆုံးဖြတ်လိုက်တဲ့အတွက် ဒိုက်ကီဟာ အမြင့်ဆုံး ထောင်ဒဏ် နှစ် ၂၀ အထိ ကျခံရမှာ ဖြစ်ပါတယ်။
တောင်ကိုရီးယားသမ္မတဟောင်း ထောင် ၁၅ နှစ်ကျ
===============
တောင်ကိုရီးယားသမ္မတဟောင်း လီမြောင်ဘတ်ကို လာဘ်ပေးလာဘ်ယူမှု၊ ငွေကြေး ခ၀ါချမှု၊ အာဏာ အလွဲသုံးစားလုပ်မှုတွေနဲ့ မနေ့မှာ ဆိုးလ်တရားရုံးက ထောင်ဒဏ် ၁၅ နှစ် ချမှတ်လိုက်ပါတယ်။ လီမြောင်ဘတ်ဟာ ဒဏ်ငွေ ၀မ် ၁၃ ဘီလီယံ (ကန်ဒေါ်လာ ၁၁.၅ သန်း) ပေးဆာင်ရမှာ ဖြစ်ပါတယ်။ သူကတော့ ဒီစွဲချက်တွေဟာ နိုင်ငံရေးအရ လုပ်ကြံမှုဖြစ်တယ်လို့ ပြောကြားခဲ့ပါတယ်။ လီဟာ စတုတ္ထမြောက် ထောင်ချခံရတဲ့ တောင်ကိုရီးယား သမ္မတဟောင်း ဖြစ်ပါတယ်။ သူ့ကိုဆက်ခံတဲ့ သမ္မတဟောင်း ပက်ဂျုံဟေးကို ဧပြီလမှာ ဆိုးလ်တရားရုံးက အာဏာအလွဲသုံးစားလုပ်မှု၊ အကြပ်ကိုင်မှုတွေနဲ့ ထောင်ဒဏ် နှစ် ၃၀ ချမှတ်ခဲ့ပါတယ်။
Ref: Aljazeera, BBC
