Tag: Palestine

ဇူလိုင် ၂၉၊ ၂၀၁၈
M-Media

– အစ္စရေးရဲ့ ထောင် ၈ လချမှတ်မှုကို ခံခဲ့ရတဲ့ ပါလက်စတိုင်း ဆယ်ကျော်သက်အမျိုးသမီး အဟဒ် တမီမီဟာ ဒီနေ့မနက်မှာ လွတ်မြောက်လာခဲ့ပါတယ်။

အစ္စရေးက သိမ်းပိုက်ထားတဲ့ ပါလက်စတိုင်းပိုင် အနောက်ဖက်ကမ်းက နဘီဆာလေဟ်ရွာကို တမီမီဟာ မိခင်နဲ့အတူ ရောက်လာတဲ့အချိန်မှာ လူအုပ်ကြီးက သူတို့ကို ကြိုဆိုခဲ့ကြပါတယ်။

အစ္စရေးစစ်သားတွေက ရာဘာအုပ်ထားတဲ့ စတီးကျည်နဲ့ မျက်နှာကို ပစ်ခတ်မှုကြောင့် မောင်ဝမ်းကွဲ မိုဟာမက် အပြင်းအထန် ဒဏ်ရာရခဲ့မှုကို မကျေနပ်တာကြောင့် တမီမီဟာ အစ္စရေးစစ်သားတွေကို ပါးရိုက်ခဲ့ပါတယ်။

အဲဒီဗီဒီယိုဟာ အွန်လိုင်းစာမျက်နှာမှာ ပြန့်နှံ့သွားခဲ့ပြီး တမီမီနဲ့ မိခင်ဖြစ်သူတို့ဟာ ၂၀၁၇ ခုနှစ် ဒီဇင်ဘာလမှာ အစ္စရေးရဲ့ ဖမ်းဆီးခြင်းကို ခံခဲ့ရပါတယ်။

ဖမ်းဆီးပြီး ၂ ပတ်အကြာမှာ အစ္စရေးက သူတို့နှစ်ယောက်ကို စွဲချက် ၁၂ ခုနဲ့ စစ်ခုံရုံးမှာ တရားစွဲဆိုကာ ထောင် ၈ လ ချမှတ်ခဲ့တာဖြစ်ပါတယ်။

အစ္စရေးရဲ့ ဒီလုပ်ရပ်ကို နိုင်ငံတကာအသိုင်းအ၀ိုင်းက အပြင်းအထန်ရှုတ်ချခဲ့ပြီး၊ ပါလက်စတိုင်းပြည်သူတွေ အထူးသဖြင့် လူငယ်တွေအပေါ်မှာ အစ္စရေးရဲ့ ညှင်းပမ်းမှုကို ပိုမို ပေါ်လွင်သွားစေခဲ့ပါတယ်။

တမီမီကတော့ သူ့အပေါ် ထောက်ခံပေးခဲ့ကြတဲ့ တက်ကြွလှုပ်ရှားသူတွေ၊ မီဒီယာတွေကို ကျေးဇူးတင်ကြောင်း ဒီကနေ့မှာ ပြောကြားခဲ့ပေမယ့် အခြားသော မတရားဖမ်းဆီးခံထားရသူတွေ မလွတ်မြောက်မချင်း အပြည့်အ၀ ပျော်နိုင်မှာမဟုတ်ဘူးလို့ ဆိုပါတယ်။

“ကျွန်မရဲ့ ညီအစ်မတွေ (ပါလက်စတိုင်းအမျိုးသမီးအကျဉ်းသားတွေ) ကျွန်မနဲ့အတူ မလွတ်မြောက်တဲ့အတွက် အပြည့်အ၀ ပျော်ရွှင်နိုင်မှာ မဟုတ်ပါဘူး။ သူတို့လည်း လွတ်မြောက်လာလိမ့်မယ်လို့ မျှော်လင့်ပါတယ်”

ပါလက်စတိုင်းပြည်သူတွေ ညီညီညွတ်ညွတ်နဲ့ ကျူးကျော်သူတွေကို တော်လှန်ကြဖို့၊ နိုင်ငံရေးအကျဉ်းသားတွေဖက်က ရပ်တည်ပြီး သူတို့လွတ်မြောက်ရေး ဆောင်ရွက်ကြဖို့လည်း တမီမီက တိုက်တွန်းခဲ့ပါတယ်။

တမီမီက သူဟာ ဥပဒေပညာရှင်တစ်ယောက်ဖြစ်အောင် ကြိုးစားကာ အစ္စရေးရဲ့ မတရားတဲ့လုပ်ရပ်တွေကို ဖော်ထုတ်သွားမယ်လို့ ဆိုပါတယ်။

တမီမီရဲ့ ၀မ်းကွဲမောင် မိုဟာမက်ကတော့ အစ္စရေးစစ်သားတွေကြောင့် ရခဲ့တဲ့ မျက်နှာကဒဏ်ရာကို အခုအချိန်အထိ ကုသမှု ခံယူနေရဆဲ ဖြစ်ပါတယ်။

ဇွန်လ ၁ ရက်နေ့အထိ အစ္စရေးအကျဉ်းထောင်တွေထဲမှာ ဖမ်းဆီးခံထားရတဲ့ ပါလက်စတိုင်းအကျဉ်းသားအရေအတွက်ဟာ ၅၉၀၀ ရှိပြီး ၁၆၀ က အမျိုးသမီးတွေဖြစ်ကာ၊ ၂၉၁ ဦးက အသက်မပြည့်သေးသူတွေ ဖြစ်ပါတယ်။ အသက်မပြည့်သေးသူတွေထဲက ၄၉ ယောက်ဟာ အသက် ၁၆ နှစ်အောက်တွေ ဖြစ်ပါတယ်။

Ref: Aljazeera

ဇူလိုင် ၂၇၊ ၂၀၁၈
M-Media

– ပါလက်စတိုင်းနိုင်ငံဟာ ကုလရဲ့ ပူးပေါင်းဆောင်ရွက်ရေး အဖွဲ့တစ်ခုဖြစ်တဲ့ Group of 77  အဖွဲ့ရဲ့ ဥက္ကဌသစ်အဖြစ် ရွေးချယ်တင်မြှောက် ခံခဲ့ရပါတယ်။

ကမ္ဘာ့လူဦးရေရဲ့ ၈၀ ရာခိုင်နှုန်းကို ကိုယ်စားပြုတဲ့ အဲဒီ Group of 77 အဖွဲ့ကို ၁၉၆၄ ခုနှစ်မှာ ဖွဲ့စည်းခဲ့တာဖြစ်ပြီး အဖွဲ့ဝင်နိုင်ငံတွေရဲ့ စီးပွားရေးကို မြှင့်တင်ဖို့၊ ကုလအဖွဲ့အတွင်း နိုင်ငံတကာနဲ့ဆိုင်တဲ့ စီးပွားရေးကိစ္စတွေမှာ အဓိက ညှိနှိုင်းဆွေးနိုင်စွမ်းရှိဖို့ ရည်ရွယ်တာ ဖြစ်ပါတယ်။

စတင်ဖွဲ့စည်းချိန်မှာ ဖွဲ့ဖြိုးဆဲနိုင်ငံပေါင်း ၇၇ နိုင်ငံသာ ပါဝင်ပေမယ့် အခုအချိန်မှာတော့ အဖွဲ့ဝင်နိုင်ငံတွေဟာ ၁၃၅ နိုင်ငံ ရှိလာပြီဖြစ်ပါတယ်။ ဒီအဖွဲ့က အဖွဲ့ဝင်နိုင်ငံတွေဟာ ကုလ အထွေထွေညီလာခံမှာ တစ်သံတည်းထွက်ကြပါတယ်။

လက်ရှိ ဥက္ကဌနိုင်ငံဟာ အီဂျစ်ဖြစ်ပြီး ၂၀၁၉ ခုနှစ် ဇန်န၀ါရီလကစလို့ ပါလက်စတိုင်းက ဥက္ကဌအဖြစ် တာဝန်ယူရမှာ ဖြစ်ပါတယ်။

ကုလဆိုင်ရာ ပါလက်စတိုင်းသံအမတ် ရီယာ့ဒ် မန်ဆူရ်က အခုလို ခန့်အပ်ခံရမှုကို အတည်ပြုခဲ့ပြီး နိုင်ငံပေါင်း ၁၃၅ နိုင်ငံရဲ့ အကျိုးအတွက် ဆောင်ရွက်သွားမယ်လို့ ပြောကြားခဲ့ပါတယ်။

ပါလက်စတိုင်းဟာ ကုလသမဂ္ဂအဖွဲ့ဟာ အဖွဲ့ဝင်မဟုတ်တဲ့ လေ့လာသူနိုင်ငံအဖြစ် ရှိနေပြီး အခုလို Group of 77 အဖွဲ့ဥက္ကဌအဖြစ် တင်မြှောက်ခံလိုက်ရတာက တိုးတက်မှုတစ်ခု ဖြစ်ပါတယ်။

ပါလက်စတိုင်းပိုင်နက်တွေကို ကျူးကျော်သိမ်းပိုက်ထားတဲ့ အစ္စရေးကတော့ ဒီလိုခန့်အပ်မှုကို ကန့်ကွက်ခဲ့ပြီး Group of 77 အဖွဲ့ဟာ မုသားတွေ၊ လှုံ့ဆော်မှုတွေကို ပြန့်နှံစေတဲ့အဖွဲ့ ဖြစ်လာတယ်လို့ ပြောကြားခဲ့ပါတယ်။

Ref: Aljazeera

ဇူလိုင် ၂၃၊ ၂၀၁၈
M-Media

– အလ်ဂျီးရီးယားနိုင်ငံမှာနေထိုင်တဲ့ ပါလက်စတိုင်းသိပ္ပံပညာရှင်နှစ်ဦးကို သူတို့နေအိမ်မှာ သေဆုံးလျက်တွေ့ရပြီး ပါလက်စတိုင်းကတော့ ဒါဟာ လုပ်ကြံမှုဖြစ်တယ်လို့ ပြောကြားလိုက်ပါတယ်။

သေဆုံးသွားသူတွေဟာ အသက် ၃၄ နှစ်အရွယ် ဆူလီမန် အလ်-ဖာရာနဲ့ မိုဟာမက် အလ်ဘာနာတို့ဖြစ်ပြီး ဂါဇာကမ်းမြှောင် ခန်ယူနစ်မြို့က ဖြစ်ပါတယ်။

မြို့တော်အလ်ဂျီရာစ်က သူတို့ရဲ့နေအိမ်အခန်းအထဲမှာ မနေ့က သေဆုံးလျက် တွေ့ခဲ့ရတာဖြစ်ပြီး ကနဦးစစ်ဆေးချက်တွေအရ သူတို့ဟာ အဆိပ်ဓာတ်ငွေ့၊ ဒါ့မှမဟုတ် လျှပ်စစ်ရှော့က ထွက်လာတဲ့ မီးခိုးငွေ့တွေကို ရှုရှိုက်မိလို့ သေဆုံးရတယ်လို့ ဆိုပါတယ်။

ပါလက်စတိုင်းသတင်းဌာနတွေကတော့ ဒီပညာရှင်နှစ်ဦးဟာ လုပ်ကြံခံလိုက်ရတာဖြစ်ကြောင်း၊ လွန်ခဲ့တဲ့ ၂ ရက်လောက်ကတည်းက သေဆုံးနေပြီး တနင်္ဂနွေနေ့ကမှ အိမ်နီးချင်းတွေက ဓာတ်ငွေ့အနံ့ကြောင့် သိရှိခဲ့တာဖြစ်ကြောင်း ဖော်ပြကြပါတယ်။

အလောင်းတစ်ခုကို တံခါးနားမှာတွေ့ရပြီး နောက်တစ်ခုကို အိပ်ယာထဲမှာ တွေ့ခဲ့ရတယ်လို့ အလ်ဂျီးရီးယား ရဲတပ်ဖွဲ့က ပြောကြားခဲ့ပါတယ်။

ပြီးခဲ့တဲ့နှစ်တွေအတွင်း ကမ္ဘာတစ်ဝှမ်းက ပါလက်စတိုင်း သိပ္ပံပညာရှင် တော်တော်များများဟာ သတ်ဖြတ်ခံခဲ့ရပြီး အများစုဟာ အစ္စရေးထောက်လှမ်းရေးအဖွဲ့ မိုဆာ့ဒ်က ပြုလုပ်တာလို့ ပြောဆိုမှုတွေ ရှိပါတယ်။

ဧပြီလတုန်းကလည်း မလေးရှားမှာနေထိုင်တဲ့ ပါလက်စတိုင်းပညာရှင် ဖာဒီ မိုဟာမက် အလ်-ဘက်ရ်ှဟာ သေနတ်သမားတွေရဲ့ လုပ်ကြံသတ်ဖြတ်မှုကို ခံခဲ့ရပြီး ဟားမက်စ်အဖွဲ့က ဒါဟာ အစ္စရေးလက်ချက်လို့ စွပ်စွဲခဲ့ပါတယ်။

၂၀၁၆ ခုနှစ် ဒီဇင်ဘာ ၁၅ ရက်နေ့တုန်းက တူနီးရှားနိုင်ငံမြောက်ပိုင်း ဆက်စ်မြို့မှာ ပါလက်စတိုင်း ဒရုန်းပညာရှင် မိုဟာမက် အလ်-ဇာဝါရီဟာ ကားအတွင်းမှာ သေနတ်သမားတွေရဲ့ လုပ်ကြံမှုကို ခံခဲ့ရပါတယ်။

Ref: Press TV

ဇူလိုင် ၂၁၊ ၂၀၁၈
M-Media

– ပါလက်စတိုင်းပိုင် ဂါဇာကမ်းမြှောင်ဒေသမှာ ပြန်လည် တည်ငြိမ်အေးချမ်းရေးအတွက် အစ္စရေးနဲ့ သဘောတူညီချက် ရရှိခဲ့တယ်လို့ ပါလက်စတိုင်းတော်လှန်ရေးအဖွဲ့ ဟားမက်စ်က ပြောကြားလိုက်ပါတယ်။

သောကြာနေ့က အစ္စရေးဟာ ဂါဇာမှာ လေကြောင်းက တိုက်ခိုက်မှုတွေ ပြုလုပ်ခဲ့ပြီး ဟားမက်စ်အဖွဲ့ဝင် ၃ ဦး သေဆုံးခဲ့ပါတယ်။ ဒါ့အပြင် နယ်စပ်အနီး ဆန္ဒပြ ပါလက်စတိုင်းလူအုပ်ကို အစ္စရေးစစ်သားတွေက ကျည်အစစ်တွေ၊ မျက်ရည်ယိုဗုံးတွေနဲ့ ပစ်ခတ်မှုကြောင့် ပါလက်စတိုင်းပြည်သူ ၄ ဦး သေဆုံးခဲ့ပါတယ်။

အစ္စရေးကတော့ ဂါဇာက ပါလက်စတိုင်းသေနတ်သမားတစ်ယောက်ဟာ သူတို့စစ်သားတစ်ဦးကို ပစ်ခတ်ခဲ့တဲ့အတွက် တိုက်ခိုက်မှုတွေ ပြုလုပ်တာလို့ ပြောကြားခဲ့ပါတယ်။ အဲဒီ အစ္စရေးစစ်သားဟာ နောက်ပိုင်းမှာ ရရှိတဲ့ဒဏ်ရာကြောင့် သေဆုံးသွားခဲ့ပါတယ်။

ဟားမက်စ်အဖွဲ့ ပြောရေးဆိုခွင့်ရှိသူ ဖောင်ဇီ ဘာရ်ဟွမ်က အီဂျစ်၊ ကုလတာဝန်ရှိသူတွေရဲ့ ကြားဝင်ညှိနှိုင်းပေးမှုကြောင့် အစ္စရေးနဲ့ အပစ်ရပ်ရေး သဘောတူညီချက်ရရှိခဲ့ပြီး သောကြာနေ့ ည သန်းခေါင်ယံမှာ စတင်အသက်ဝင်မယ်လို့ ဒီကနေ့မှာ ပြောကြားခဲ့ပါတယ်။

အစ္စရေးကတော့ ဒီသဘောတူညီချက်အတွက် ထုတ်ပြန်ခြင်းမရှိသေးပါဘူး။ ဒါပေမယ့် စနေနေ့ အစ္စရေးစစ်တပ်ရဲ့ ထုတ်ပြန်ချက်မှာ ဂါဇာက လူ့အဖွဲ့အစည်းတွေဟာ ပုံမှန်အတိုင်း သွားလာလှုပ်ရှားနိုင်ပြီလို့ ဖော်ပြထားပါတယ်။

၁၉၄၇ ခုနှစ် ပါလက်စတိုင်းပိုင်နက်တွေကို ဂျူးလက်နက်ကိုင်တွေက သိမ်းပိုက်ကာ အစ္စရေးနိုင်ငံအဖြစ် ထူထောင်မှုအတွင်း အိုးအိမ်စွန့်ခွာ ထွက်ပြေးခဲ့ရတဲ့ ပါလက်စတိုင်းတွေ နေရပ်ပြန်ခွင့်ရရေးအတွက် ဂါဇာပြည်သူတွေဟာ မတ်လ ၃၀ ရက်နေ့ကနေ စတင်ဆန္ဒပြခဲ့ကြပါတယ်။

အဲဒီဆန္ဒပြမှုအတွင်း အစ္စရေးရဲ့လက်ချက်ကြောင့် ပါလက်စတိုင်းပြည်သူ ၁၄၀ ကျော် သေဆုံးခဲ့ပြီး ၁၆၀၀၀ ကျော် ဒဏ်ရာရခဲ့တယ်လို့ ပါလက်စတိုင်းအာဏာပိုင်တွေက ထုတ်ပြန်ထားပါတယ်။

Ref: Aljazeera

ဇူလိုင် ၁၇၊ ၂၀၁၈
M-Media

– ရုရှားနိုင်ငံ မော်စကိုမြို့မှာ ပါလက်စတိုင်းသမ္မတ မဟ်မူးဒ်အဘတ်စ်နဲ့ တွေ့ဆုံစဉ်အတွင်း မာရာဒိုနာက ပါလက်စတိုင်းဟာ ‘သူ့ရဲ့နှလုံးသား’ ဖြစ်တယ်လို့ ပြောကြားလိုက်ပါတယ်။

အာဂျင်တီးနား ဂန္တ၀င်ကစားသမား မာရာဒိုနာဟာ အဘတ်စ်နဲ့တွေ့ဆုံမှု ဗီဒီယိုအတိုကို သူ့ရဲ့ Instagram စာမျက်နှာမှာ လွှင့်တင်ခဲ့ပြီး အာရပ်နဲ့ အစ္စရေးမီဒီယာတွေက ဒီဗီဒီယိုကို ကျယ်ကျယ်ပြန့်ပြန့် ပြန်လည် မျှဝေခဲ့ကြပါတယ်။

အဘတ်စ်နဲ့တွေ့ဆုံစဉ် မာရာဒိုနာက ပါလက်စတိုင်းတွေရဲ့ ဒုက္ခ၊ သုက္ခတွေအတွက် စာနာကြောင်း ပြောကြားခဲ့ပါတယ်။

“ဒီလူကြီးက ပါလက်စတိုင်းကို ငြိမ်းချမ်းချင်တာ။ သမ္မတအဘတ်စ်ဟာ နိုင်ငံတစ်ခုရှိနေပြီး နိုင်ငံတည်ထောင်ဖို့ အခွင့်အရေးလည်း ရှိပါတယ်” လို့ မာရာဒိုနာက အဘတ်စ်ကို ဖက်လှဲတကင်း ကြိုဆိုပြီးတဲ့နောက် ပြောကြားခဲ့ပါတယ်။

အဘတ်စ်ကလည်း မာရာဒိုနာကို ကျေးဇူးတင်ကြောင်း ပြောကြားခဲ့ပြီး၊ သံလွင်ခက်ကို ကိုက်ချီထားတဲ့ ကြိုးငှက်ပုံပန်းချီနဲ့၊ ပါလက်စတိုင်းထွက် သံလွင်ဆီကို လက်ဆောင်အဖြစ် ပေးအပ်ခဲ့ပါတယ်။

ပြီးခဲ့တဲ့လတုန်းကလည်း အာဂျင်တီးနားဟာ အစ္စရေးနဲ့ကန်ဖို့ စီစဉ်ထားတဲ့ ဘောလုံးပွဲကို ဖျက်သိမ်းကာ ပါလက်စတိုင်းတွေနဲ့ တစ်သားတည်းရှိကြောင်း ပြသခဲ့ပါတယ်။

Ref: Middle East Monitor