ဧပြီ ၂၁၊ ၂၀၁၈
M-Media
– မလေးရှားက ပါလက်စတိုင်းပညာရှင်တစ်ယောက်ဟာ ဒီနေ့မနက်ပိုင်းမှာ သေနတ်နဲ့ ပစ်ခတ် သတ်ဖြတ်ခံလိုက်ရပြီး မိသားစုကတော့ ဒါဟာ အစ္စရေးထောက်လှမ်းရေး မိုဆာ့ဒ်လက်ချက်ဖြစ်တယ်လို့ ပြောကြားခဲ့ပါတယ်။
အသက် ၃၅ နှစ်အရွယ် ဖါဒီ အလ်-ဘက်ရ်ှဆိုသူဖြစ်ပြီး ကွာလာလမ်ပူမြို့ ဆတာပက်မြို့နယ်မှာရှိတဲ့ သူ့အိမ်ကနေ အာရုံတက်ဝတ်ပြုမှုအတွက် ဗလီကိုသွားနေတဲ့အချိန် လူနှစ်ယောက်က သေနတ်နဲ့ ပစ်သတ်သွားတာ ဖြစ်ပါတယ်။
အလ်-ဘက်ရ်ှဟာ ဂါဇာအခြေစိုက် ပါလက်စတိုင်းတော်လှန်ရေးအဖွဲ့ ဟားမက်စ်က အဖွဲ့ဝင်တစ်ဦးဖြစ်ပြီး ဖခင်ဖြစ်သူက ဒါဟာ အစ္စရေးထောက်လှမ်းရေး မိုဆာ့ဒ်ရဲ့ လက်ချက်ဖြစ်တယ်လို့ ပြောကြားခဲ့ပါတယ်။ သတ်ဖြတ်သူကို အမြန်ဆုံး ဖော်ထုတ်ဖို့လည်း မလေးရှားအာဏာပိုင်တွေကို တိုက်တွန်းခဲ့ပါတယ်။
ဟားမက်စ်အဖွဲ့ရဲ့ ပြောရေးဆိုခွင့်ရှိသူ ဟာဇင်မ် ကာဆင်က အလ်-ဘက်ရ်ှဟာ သူတို့အဖွဲ့ရဲ့ အဖွဲ့ဝင်ဖြစ်ကြောင်း အတည်ပြုခဲ့ပါတယ်။
ဟားမက်စ်က Twitter ကနေထုတ်ပြန်တဲ့ကြေငြာချက်မှာ အလ်-ဘက်ရ်ှဟာ ဂါဇာကမ်းမြှောင် ဂျာဘာလီယာက လူငယ်ပညာရှင်တစ်ဦးဖြစ်ပြီး ဂါဇာက စွမ်းအင်ကဏ္ဍအတွက် ကူညီပေးနေတဲ့ ထူးချွန်တဲ့ သိပ္ပံပညာရှင်တစ်ဦး ဖြစ်ကြောင်း ပြောကြားခဲ့ပါတယ်။ အလ်-ဘက်ရ်ှဟာ အာဇာနည်တစ်ယောက်ဖြစ်တယ်လို့လည်း ဟားမက်စ်က ကင်ပွန်းတပ်ခဲ့ပါတယ်။
မလေးရှားရဲတပ်ဖွဲ့အကြီးအကဲ ဒါတွတ်ဆရီ မန်ဆူရ် လာဇင်က သေနတ်သမားနှစ်ဦးဟာ အလ်-ဘက်ရ်ှကို သူ့အိမ်အရှေ့မှာ မိနစ် ၂၀ လောက် စောင့်နေကြပြီး ခေါင်းနဲ့ ခန္ဓာကိုယ်ကို ၁၀ ချက်လောက်ပစ်ခဲ့ကြောင်း၊ အကြမ်းဖက်ဝါဒအပါအ၀င် ရှုထောင့်ပေါင်းစုံကနေ ဒီကိစ္စကို စုံစမ်းစစ်ဆေးနေကြောင်း ပြောကြားခဲ့ပါတယ်။
မလေးရှားနိုင်ငံဆိုင်ရာ ပါလက်စတိုင်းသံအမတ် အန်ဝါရ် အိက်ခ်ျ အလ်-အဂ်ဟာက အလ်-ဘက်ရ်ှဟာ ဗလီဝတ်ကျောင်းတော်က ဒုတိယရှေ့ဆောင်ဖြစ်ပြီး မလေးရှားမှာနေထိုင်နေတာ ၁၀ နှစ်လောက်ရှိပြီဖြစ်တယ်လို့ ပြောကြားခဲ့ပါတယ်။
အလ်-ဘက်ရ်ှမှာ ဇနီးနဲ့ သားသမီး ၃ ဦး ကျန်ရစ်ခဲ့ပါတယ်။
Ref: Aljazeera
