စက်တင်ဘာ ၄၊ ၂၀၁၈
M-Media
အစ္စရေးကျူးကျော်အိမ်ယာတွင် ပါလက်စတိုင်းတစ်ဦး ပစ်သတ်ခံရ
==============
ပါလက်စတိုင်းပိုင် အနောက်ဖက်ကမ်း ဟီဘရွန်မြို့က အစ္စရေးရဲ့ ကျူးကျော်အိမ်ယာမှာ ဓားနဲ့တိုက်ခိုက်ဖို့ ကြိုးစားတယ်ဆိုတဲ့စွဲချက်နဲ့ အစ္စရေးစစ်တပ်က အသက် ၂၈ နှစ်အရွယ် ပါလက်စတိုင်းအမျိုးသားတစ်ဦးကို မနေ့မှာ ပစ်သတ်လိုက်ပါတယ်။ နိုင်ငံတကာဥပဒေအရ တရားမ၀င်ဘဲ၊ ကမ္ဘာကလည်း ကန့်ကွက်ထားပေမယ့် အစ္စရေးဟာ ပါလက်စတိုင်းပိုက်နက်တွေမှာ ကျူးကျော်အိမ်ယာဆောက်လုပ်မှုကို ရပ်တန့်ခြင်း မရှိပါဘူး။ အဲဒီအိမ်ယာတွေကြောင့် ပါလက်စတိုင်းပြည်သူတွေနဲ့ အစ္စရေးအကြားမှာ မကြာခဏ တင်းမာမှုတွေ ဖြစ်ပွားလေ့ရှိပါတယ်။ မနေ့ကအဖြစ်အပျက်တွင်း သေဆုံးသူရဲ့အလောင်းကို သယ်ဖို့အတွက် ပါလက်စတိုင်း လူနာတင်ယာဉ်ကို အစ္စရေးက ၀င်ခွင့်မပေးခဲ့ပါဘူး။
နိုက်ဂျီးရီးယားတွင် လူ ၁၁ သန်း အရေးပေါ်အကူအညီ လိုအပ်နေ
===============
နိုက်ဂျီးရီးနိုင်ငံ အရှေ့မြောက်ပိုင်းမှာရှိနေတဲ့ Lake Chad ဒေသမှာ ဘိုကိုဟရမ် အကြမ်းဖက်သမားတွေရဲ့ရန်ကြောင့် ဒုက္ခရောက်နေတဲ့ လူပေါင်း ၁၁ သန်းလောက်ဟာ အရေးပေါ် အကူအညီတွေ လိုအပ်နေတယ်လို့ ကုလက ပြောကြားလိုက်ပါတယ်။ အဲဒီဒေသက နေရပ်စွန့်ခွာသူတွေ ပြန်လည်ရောက်ရှိလာပေမယ့် တိုက်ခိုက်မှု ထပ်ဖြစ်မှာကို ကြောက်နေရတာပါ။ အစားအစာ ပြတ်လတ်မှုကြောင့် ပြီးခဲ့တဲ့ ၃ နှစ်အတွင်း လူ ရာချီ သေဆုံးခဲ့ပြီး ကျန်တဲ့သူတွေကလည်း လိုအပ်နေတဲ့ အကူအညီတွေ မရဘူးဆိုရင် အသက်ဆုံးရှုံးနိုင်ချေ ရှိတယ်လို့ ကုလက ဆိုပါတယ်။
အာဖရိကကို ကန်ဒေါ်လာ ဘီလီယံ ၆၀ ထောက်ပံ့ရန် တရုတ်က ကတိပြု
=================
ဘေဂျင်းမှာ မနေ့က စတင်ကျင်းပတဲ့ အာဖရိက-တရုတ် ပူးပေါင်းဆောင်ရွက်ရေး အစည်းအဝေးအတွင်း အာဖရိကကို ရင်းနှီးမြှုပ်နှံမှု၊ အတိုးမဲ့ချေးငွေတွေကနေတစ်ဆင့် ကန်ဒေါ်လာ ဘီလီယံ ၆၀ ဘဏ္ဍာရေးအကူအညီပေးဖို့ တရုတ်သမ္မတ ရှီကျင့်ဖျင်က ကမ်းလှမ်းခဲ့ပြီး၊ ဆင်းရဲတဲ့နိုင်ငံတွေရဲ့ အကြွေးတွေကို လျော်ပေးမယ်လို့ ပြောကြားခဲ့ပါတယ်။ လာမယ့် ၃ နှစ်အတွင်း တရုတ်ကုမ္ပဏီတွေ အာဖရိကမှာ ရင်းနှီးမြှုပ်နှံဖို့ တိုက်တွန်းသွားမှာဖြစ်သလို၊ အာဖရိကတိုက်အတွင်း သဘာဝပတ်ဝန်းကျင် ကာကွယ်ရေး စီမံကိန်း အခု ၅၀ လောက် လုပ်ဆောင်သွားမယ်လို့လည်း ရှီက ဆိုပါတယ်။ တရုတ်ဟာ အာဖရိကသမဂ္ဂအဖွဲ့ကို လက်နက်အကူအညီတွေ အခမဲ့ ပေးသွားဖို့လည်း ရှိနေပါတယ်။
အမြန်ရထားလိုင်းစီမံကိန်း ရပ်တန့်ရန် မလေးနှင့် စင်ကာပူ သဘောတူ
=============
ကွာလာလမ်ပူ-စင်ကာပူ အမြန်ရထားလိုင်း ဆောက်လုပ်မှုကို ၂ နှစ် ဆိုင်းငံ့သွားဖို့အတွက် မလေးရှားနဲ့ စင်ကာပူတို့က သဘောတူလိုက်ပါတယ်။ မလေးရှား စီးပွားရေးဝန်ကြီးက နိုင်ငံစီးပွားရေး ပြန်လည် ကောင်းမွန်လာတဲ့အထိ ဒီစီမံကိန်းကို သုံးသပ်သွားမှာဖြစ်ပြီး၊ လက်ရှိမှာ လျော်ကြေးပေးစရာ မလိုသေးကြောင်း ဆိုင်းငံ့ကာလနောက်ပိုင်း စီမံကိန်းကို လုံးဝရပ်ဆဲမှ ပေးရမှာဖြစ်ကြောင်း ပြောကြားခဲ့ပါတယ်။ အသေးစိတ်ကို မကြာခင် ထုတ်ပြန်ဖို့ ရှိနေပါတယ်။
Ref: Aljazeera, CNA