ဖေဖော်ဝါရီ ၂၁၊ ၂၀၁၈
M-Media
– ရပ်တန့်နေတဲ့ အစ္စရေး-ပါလက်စတိုင်း ဆွေးနွေးပွဲ ပြန်စရေးအတွက် ၂၀၁၈ ခုနှစ် နှစ်လယ်ပိုင်းမှာ နိုင်ငံတာ ငြိမ်းချမ်းရေးညီလာခံတစ်ခု ကျင်းပပေးဖို့ ပါလက်စတိုင်းသမ္မတ မဟ်မူးဒ်အဘတ်စ်က တောင်းဆိုလိုက်ပါတယ်။
မနေ့က ကုလ လုံခြုံရေးကောင်စီမိန့်ခွန်းမှာ အခုလို ပြောကြားလိုက်တာဖြစ်ပြီး တိုက်ခိုက်မှုတွေကို စွန့်လွှတ်ကာ အစ္စရေးနဲ့ ညှိနှိုင်းဆွေးနွေးမှုကသာလျှင် ရှေ့ဆက်ဖို့အတွက် တစ်ခုတည်းသောနည်းလမ်းဖြစ်တယ်လို့ ထပ်လောင်း ပြောဆိုခဲ့ပါတယ်။
“ဆွေးနွေးညှိနှိုင်းမှုက ငြိမ်းချမ်းရေးအတွက် ရှေ့ဆက်ဖို့ တစ်ခုတည်းသော နည်းလမ်းဖြစ်တယ်လို့ ကျွန်တော်တို့ ယုံကြည်ပါတယ်။ ဒါ့ကြောင့် ဆွေးနွေးမှုတွေကို ဘယ်လို ပယ်လို့ရမှာလဲ”
ပြီးခဲ့တဲ့နှစ် ဒီဇင်ဘာမှာ အမေရိကန်က ဂျေရုစလင်ကို အစ္စရေးမြို့တော်အဖြစ် သတ်မှတ်ကြောင်း ကြေငြာခဲ့တာကြောင့် ပါလက်စတိုင်းကိစ္စ နိုင်ငံရေးတင်းမာမှုဟာ လက်ရှိမှာ အမြင့်ဆုံးကို ရောက်ရှိနေတာပါ။ ပါလက်စတိုင်းခေါင်းဆောင်ပိုင်းကတော့ အမေရိကန်ဟာ အစ္စရေးနဲ့ ဆွေးနွေးမှုမှာ ယုံကြည်လို့ရတဲ့ စေ့စပ်ပေးသူ မဟုတ်တော့ဘူးလို့ ပြောကြားထားပါတယ်။
အစ္စရေးရဲ့ နယ်မြေကျူးကျော်သိမ်းပိုက်မှု၊ တိုက်ခိုက်မှုတွေကြောင့် အိုးအိမ်စွန့်ခွာ ထွက်ပြေးရတဲ့ ပါလက်စတိုင်း ဒုက္ခသည်တွေကို ကူညီနေတဲ့ ကုလရဲ့ UNRWA အဖွဲ့အပေါ် ထောက်ပံ့ငွေ ပေးနေတာကိုလည်း အမရိကန်အစိုးရက လျှော့ချခဲ့ပါတယ်။
သမ္မတအဘတ်စ်ကတော့ ညှိနှိုင်းမှုမှာ အားလုံးပါဝင်နိုင်မယ့် လမ်းစဉ်တစ်ခု ထွက်လာဖို့ တိုက်တွန်းခဲ့ပြီး ကုလရဲ့အမြဲတမ်းအဖွဲ့ဝင်နိုင်ငံ ဖြစ်လာရေး မိမိတို့ ကြိုးပမ်းအားထုတ်သွားမယ်လို့ ထည့်သွင်း ပြောကြားခဲ့ပါတယ်။ လက်ရှိ ပါလက်စတိုင်းဟာ ကုလမှာ အမြဲတမ်းအဖွဲ့ဝင် မဟုတ်သေးပါဘူး။
ပါလက်စတိုင်းတွေရဲ့ အခွင့်အရေးနဲ့ပတ်သက်ပြီး ၁၉၄၈ ခုနှစ်ကတည်းက ကုလ လုံခြုံရေးကောင်စီမှာ ဆုံးဖြတ်ချက်မူကြမ်း ၈၆ ခုကို အတည်ပြုထားပေမယ့် တစ်ခုမှ အကောင်အထည် မဖော်နိုင်သေးတာကိုလည်း အဘတ်စ်က ထောက်ပြပါတယ်။
“အစ္စရေးဟာ ဥပဒေကို ဂရုမစိုက်တဲ့နိုင်ငံတစ်ခုလို ဖြစ်နေပါတယ်။ နိုင်ငံတကာ ဥပဒေကို အသုံးချပြီး တစ်ချို့အခြေအနေတွေမှာ ကျူးကျော်သိမ်းပိုက်ထားတဲ့ နေရာတွေကို၊ အမြဲတမ်းအခြေချအိမ်ယာတွေ တည်ဆောက်ပြီး ကိုလိုနီပြုကာ၊ တစ်နိုင်ငံတည်းဖြစ်လာအောင် ပြောင်းလဲနေပါတယ်”
ကုလဆိုင်ရာ အစ္စရေးသံအမတ် ဒန်နီ ဒါနွန်က သမ္မတအဘတ်စ်ဟာ ပါလက်စတိုင်းလူ့အဖွဲ့အစည်းမှာ အမုန်းယဉ်ကျေးမှုကို လှုံ့ဆော်ပေးနေတယ်လို့ စွပ်စွဲပြောဆိုခဲ့ပါတယ်။
အမေရိကန်သံအမတ် နစ်ကီဟာလေးကလည်း အစ္စရေး-ပါလက်စတိုင်း ကိစ္စမှာ ကုလဟာ မလိုအပ်ဘဲ အချိန်ဆွဲနေတယ်လို့ ဆိုပြီး၊ ကုလဟာ အစ္စရေးနဲ့ ပတ်သက်လာရင် အမြဲတမ်း ဘက်လိုက်တယ်လို့ ပြောကြားခဲ့ပါတယ်။
ဂျေရုစလင်ကို အစ္စရေးမြို့တော်အဖြစ် အမေရိကန်ရဲ့ အသိအမှတ်ပြုမှုကို ပြောင်းလဲမှာမဟုတ်ဘဲ ဒီကိစ္စကို ဆန့်ကျင်မလား၊ ပါလက်စတိုင်းပြည်သူတွေရဲ့ ဘ၀တွေ တိုးတက်လာစေမယ့် အလားလာရှိတဲ့ ဆွေးနွေးမှုကို ရွေးချယ်မလားလို့လည်း ပါလက်စတိုင်း အာဏာပိုင်အဖွဲ့ကို နစ်ကီဟာလးက မေးခွန်းထုတ်ခဲ့ပါတယ်။
Ref: Aljazeera
