ဇန်န၀ါရီ ၁၈၊ ၂၀၁၈
M-Media
– အစ္စရေးနှင့် အမေရိကန်တို့က ဝေဖန်မှုများရှိနေသော်လည်း ကုလ၏ ပါလက်စတိုင်းအကူအညီပေးရေးအဖွဲ့ UNRWA ကို ဆက်လက်ထောက်ပံ့သွားမည်ဖြစ်ပြီး၊ နှစ်နိုင်တည်ရှိရေးအဖြေကိုပင် အပြည့်အ၀ ရပ်တည်သွားမည်ဟု ဥရောပသမဂ္ဂက ပြောကြားလိုက်သည်။
“၁၉၇၁ ခုနှစ်ကတည်း ဥရောပသမဂ္ဂနဲ့ အဖွဲ့ဝင်နိုင်တွေဟာ UNRWA ကို ခိုင်မာပြီး၊ လုပ်နိုင်ကိုင်နိုင်တဲ့ပံ့ပိုးမှုတွေ လုပ်လာတာ ဆယ်စုနှစ်နဲ့ချီ ရှိနေပါပြီ” ဟု ဥရောပ သမဂ္ဂ၏ ပြောရေးဆိုခွင့်ရှိသူ မာဂျာ ကိုစီဂျန်စစ်က အင်္ဂါနေ့တွင်ပြုလုပ်သည့် ဥရောပကော်မရှင်တွင် သတင်းထောက်များအား ပြောကြားခဲ့သည်။
အမေရိကန်အစိုးရက ပါလက်စတိုင်းအား ကူညီထောက်ပံ့ငွေ ကန်ဒေါ်လာ သန်း ၆၀ သာပေးအပ်ပြီး ၆၅ သန်း လျှော့ချမည်ဟု ပြောကြားပြီးနောက်ပိုင်း ဥရောပသမဂ္ဂက ယခုကဲ့သို့ ထုတ်ပြန်ခြင်းဖြစ်သည်။ အစ္စရေးကလည်း UNRWA ကို ဖျက်သိမ်းရန် ဆော်သြထားသည်။
UNRWA ၏ ကော်မရှင်နာမင်းကြီး ပီယာရီ ကရာဟန်ဘူလ်က အမေရိကန်၏ ယခုကဲ့သို့ ဖြတ်တောက်မှုမှာ အရှေ့အလယ်ပိုင်းတွင် အအောင်မြင်ဆုံးနှင့် အဆန်းသစ်ဆုံး လူသားချင်းစာနာထောက်ထားမှုဆိုင်ရာ ကြိုးပမ်းအားထုတ်မှုများကို ထိခိုက်စေမည်ဟု ပြောကြားခဲ့သည်။
ဥရောပသမဂ္ဂနှင့် အဖွဲ့ဝင်နိုင်ငံများမှာ UNRWA ၏ လုပ်ငန်းများအတွက် အဓိက ကူညီပံ့ပိုးပေးသည့် နိုင်ငံများထဲတွင် ပါဝင်သည်။ ၂၀၁၇-၂၀၂၀ ကာလအတွက် EU-UNRWA ၏ ပူးတွဲသဘောတူညီချက်ကို ပြီးခဲ့သည့်နှစ် ဇွန်လတွင် လက်မှတ်ရေးထိုးခဲ့သည်။
မာဂျာ ကိုစီဂျန်စစ်က ဥရောပသမဂ္ဂအနေဖြင့် နှစ်နိုင်ငံအဖြေကိုသာ ထောက်ခံသွားမည်ဟု ပြောဆိုခဲ့သည်။
“အစ္စရေးနဲ့ ပါလက်စတိုင်း ပဋိပက္ခအတွက် လက်တွေ့ကျတဲ့ တစ်ခုတည်းသောအဖြဟာ ဂျေရုစလင်ကို နှစ်နိုင်ငံစလုံးရဲ့ မြို့တော်အဖြစ်ထားတဲ့ နှစ်နိုင်တည်ရှိရေးကို အခြေခံတယ်ဆိုတာ အီးယူက ယုံကြည်ပါတယ်”
ပါလက်စတိုင်းသမ္မတ မဟ်မူးဒ်အဘတ်စ်မှာ လာမည့် တနင်္လာနေ့တွင် ဘရပ်ဆဲလ်သို့ သွားရောက်ကာ ဥရောပနိုင်ငံခြားရေးဝန်ကြီးများနှင့် အရှေ့အလယ်ပိုင်းကိစ္စကို ဆွေးနွေးမည်ဖြစ်သည်။
Ref: Alarabiya
