News @ M-Media

Tag: Palestine

  • ဗလီထဲမ၀င်ရသည့်အတွက် အပြင်တွင်ဝတ်ပြုနေသည့် ပါလက်စတိုင်းတစ်ဦးကို အစ္စရေးစစ်သားက ကန်ကျောက်

    ဇူလိုင် ၂၂၊ ၂၀၁၇
    M-Media

    – ပါလက်စတိုင်းပိုင် အရှေ့ဂျေရုစလင်က အလ်-အက်ဆာ ဗလီဝတ်ကျောင်းတော်ကို အစ္စရေးရဲ့ သိမ်းပိုက်လိုတဲ့ လုပ်ရပ်တွေကို မကျေနပ်လို့ မနေ့က ဆန္ဒပြမှုအတွင်း ဗလီဝတ်ကျောင်းတော်အပြင်ဘက်မှာ ၀တ်ပြုနေတဲ့ ပါလက်စတိုင်းတစ်ဦးကို အစ္စရေးရဲတပ်ဖွဲ့က ပြင်းပြင်းထန်ထန် ကန်ကျောက်ခဲ့တာဖြစ်ပါတယ်။

    ပြီးခဲ့တဲ့သောကြာနေ့က အလ်-အက်ဆာ ဗလီအပြင်ဘက် အစ္စရေးစစ်ဆေးရေးဂိတ်မှာ ပါလက်စတိုင်း ၃ ဦးက ပစ်ခတ်မှုတွေ ပြုလုပ်ခဲ့တာကြောင့် အစ္စရေးရဲတပ်ဖွဲ့ဝင် ၂ ဦး သေဆုံးခဲ့ပြီး၊ ပါလက်စတိုင်း သေနတ်သမားတွေလည်း အပြန်အလှန်ပစ်ခတ်မှုအတွင်း သေဆုံးခဲ့ပါတယ်။

    အဲဒီနောက်ပိုင်းမှာ အစ္စရေးက သောကြာနေ့ဝတ်ပြုမှုကို ပိတ်ပင်ကာ ဗလီဝတ်ကျောင်းတော်ကို ပိတ်ပစ်ခဲ့ပါတယ်။ ဒီလုပ်ရပ်ကြောင့် အာရပ်နိုင်ငံတွေနဲ့ ကမ္ဘာတစ်ဝှမ်းက ရှုတ်ချမှုတွေ ရှိလာတာကြောင့် တနင်္ဂနွေနေ့မှာ ဗလီကို ပြန်ဖွင့်ပေးခဲ့ပေမယ့် သတ္တုရှာဖွေရေးစက်တွေ၊ လုံခြုံရေးကင်မရာတွေ မြောက်များစွာ တပ်ဆင်ခဲ့ပြီး ပါလက်စတိုင်းတွေကတော့ ဒါကို လက်မခံတဲ့အတွက် ဆန္ဒပြမှုတွေပြုလုပ်ခဲ့ကာ အစ္စရေးလုံခြုံရေးတပ်ဖွဲ့တွေကလည်း ပြင်းပြင်းထန်ထန် နှိမ်နင်းခဲ့ပြီး ဒဏ်ရာရှိသူတွေ တော်တော်များများ ရှိခဲ့ပါတယ်။

    မနေ့က သောကြာနေ့ဝတ်ပြုမှုအတွက်လည်း အလ်-အက်ဆာ ဗလီဝတ်ကျောင်းတော်အတွင်း အသက် ၅၀ အောက် အမျိုးသားတွေကို အစ္စရေးက ၀င်ခွင့်မပြုတဲ့အတွက် ပါလက်စတိုင်းပြည်သူတွေဟာ ဗလီအပြင်ဘက်မှာ ၀တ်ပြုခဲ့ရပါတယ်။

    ၀တ်ပြုမှုအပြီးမှာ အစ္စရေးရဲ့ အလ်-အက်ဆာဗလီကို အပိုင်စီးလိုတဲ့လုပ်ရပ်ကို မကျေနပ်တဲ့အတွက် ပါလက်စတိုင်းတွေက အကြီးအကျယ် ဆန္ဒပြခဲ့ပြီး အစ္စရေးလုံခြုံရေးတပ်ဖွဲ့တွေရဲ့ ပစ်ခတ်မှုနဲ့ ဂျူး အခြေချနေထိုင်သူတွေရဲ့ သတ်ဖြတ်မှုကြောင့် ပါလက်စတိုင်း ၃ ဦး သေဆုံးခဲ့ပါတယ်။

    စနေနေ့မနက်မှာ ပါလက်စတိုင်းပိုင်နက် အနောက်ဖက်ကမ်းက အစ္စရေးရဲ့ တရားမ၀င်အခြေချနေအိမ်ယာမှာ နေထိုင်သူတွေကို ပါလက်စတိုင်းတစ်ချို့က ဓားနဲ့လိုက်ထိုးတာကြောင့် ၃ ဦး သေဆုံးခဲ့ပါတယ်။

  • အလ်-အက်ဆာဗလီပြန်ရရေး ယနေ့ဆန္ဒပြမှုအတွင်း အနည်းဆုံး ပါလက်စတိုင်း ၂ ဦး အသတ်ခံရ

    အလ်-အက်ဆာဗလီပြန်ရရေး ယနေ့ဆန္ဒပြမှုအတွင်း အနည်းဆုံး ပါလက်စတိုင်း ၂ ဦး အသတ်ခံရ

    ဇူလိုင် ၂၁၊ ၂၀၁၇
    M-Media

    – အလ်-အက်ဆာဗလီအား အစ္စရေးက အပိုင်စီးလိုသည့် လုပ်ရပ်များကို ဆန့်ကျင်သည့် အနေဖြင့် ယနေ့ပြုလုပ်သည့် ပါလက်စတိုင်းများ၏ ဆန္ဒပြမှုအတွင်း အနည်းဆုံး ၂ ဦး သေဆုံးခဲ့သည်ဟု သိရသည်။

    အစ္စရေးက သိမ်းပိုက်ထားသည့် ပါလက်စတိုင်းပိုင် အရှေ့ဂျေရုစလင်ရှိ ရက်စ် အလ်-အေမွဒ်ရပ်ကွက်တွင် အသက် ၁၈ နှစ်အရွယ် ပါလက်စတိုင်းတစ်ဦးကို အစ္စရေးအခြေချသူတစ်ဦးက သတ်ဖြတ်ခဲ့ပြီး အစ္စရေး လုံခြုံရေးတပ်ဖွဲ့နှင့် လခြမ်းနီအဖွဲ့တို့ကလည်း ထိုအဖြစ်အပျက်ကို အတည်ပြုခဲ့သည်။

    အခြားတစ်ဦးမှာ သောကြာနေ့ဝတ်ပြုမှုအပြီးနောက် ပြုလုပ်သည့် ဆန္ဒပြမှုအတွင်း အစ္စရေးလုံခြုံရေးတပ်ဖွဲ့များ၏ ပစ်ခတ်မှုကြောင့် သေဆုံးခဲ့ခြင်းဖြစ်သည်။

    ပြီးခဲ့သည့်တစ်ပတ် သောကြာနေ့က အလ်-အက်ဆာဗလီအပြင်ဘက်ရှိ အစ္စရေးစစ်ဆေးရေးဂိတ်ကို ပါလက်စတိုင်း သေနတ်သမား ၃ ဦးက တိုက်ခိုက်မှုအတွင်း အစ္စရေးရဲတပ်ဖွဲ့ဝင် ၂ ဦး သေဆုံးခဲ့ပြီး၊ အပြန်အလှန်ပစ်ခတ်မှုကြောင့် သေနတ်သမား ၃ ဦးလည်း သေဆုံးခဲ့သည်။

    ထိုနောက်ပိုင်းတွင် အစ္စရေးက သောကြာနေ့ဝတ်ပြုမှုကို ပိတ်ပင်ကာ၊ အလ်-အက်ဆာဗလီကိုလည်း ပိတ်ပစ်ခဲ့သည်။ ပြီးခဲ့သည့် တနင်္ဂနွေနေ့မှစ၍ ဗလီကို ပြန်လည်ဖွင့်ပေးခဲ့သော်လည်း သတ္တုရှာဖွေရေးစက်များ၊ ကင်မရာများကဲ့သို့ လုံခြုံရေးဆောင်ရွက်မှုများ တင်းကြပ်စွာပြုလုပ်ခဲ့ပြီး ပါလက်စတိုင်းများကမူ အလ်-အက်ဆာဗလီဝတ်ကျောင်းတော်၏ မူလအခြေအနေကို ပြောင်းလဲကာ အပိုင်စီးသည့်လုပ်ရပ်ဟု ယူဆခဲ့သည်။

    ထို့ကြောင့် နေ့စဉ် ဆန္ဒပြခဲ့ကြပြီး ယနေ့ သောကြာဝတ်ပြုမှုအပြီးအတွင် လူထောင်သောင်းချီပါဝင်သည့် ကြီးမားသည့် ဆန္ဒပြမှုကြီးကို ပြုလုပ်ခဲ့ကာ အစ္စရေးတပ်ဖွဲ့များက ကျည်အစစ်များ၊ မျက်ရည်ယိုဗုံးများ၊ ရာဘာကျည်ဆံများဖြင့် ပစ်ခတ်နှိပ်နှင်းခဲ့သည်။

    ပါလက်စတိုင်း လခြမ်းနီအဖွဲ့က ထိုနှိမ်နင်းမှုအတွင်း အနည်းဆုံး ပါလက်စတိုင်းပြည်သူ ၁၄၀ ဒဏ်ရာရရှိခဲ့သည်ဟု အတည်ပြုခဲ့သည်။

    ယခုနောက်ဆုံးရရှိသည့် သတင်းများအရ သေဆုံးသူအရေအတွက်မှာ ၃ ဦးအထိ ရှိလာပြီဟု ပါလက်စတိုင်းအာဏာပိုင်များက သတင်းထုတ်ပြန်ခဲ့သည်။

    Ref: Aljazeera

  • အလ်-အက်ဆာဗလီကို အစ္စရေးက အပိုင်စီးထားမှုကြောင့် ဂျေရုစလင်တွင် တင်းမာမှုများ မြင့်တက်

    အလ်-အက်ဆာဗလီကို အစ္စရေးက အပိုင်စီးထားမှုကြောင့် ဂျေရုစလင်တွင် တင်းမာမှုများ မြင့်တက်

    ဇူလိုင် ၂၁၊ ၂၀၁၇
    M-Media

    အလ်-အက်ဆာဗလီအား အစ္စရေးက အပိုင်စီးထားမှုကြောင့် ဗလီအပြင်ဘက်တွင် ပါလက်စတိုင်းပြည်သူများ ၀တ်ပြုနေစဉ်

    – အစ္စရေးက သိမ်းပိုက်ထားတဲ့ ပါလက်စတိုင်းပိုင် ဂျေရုစလင်မြို့ဟောင်းက အလ်-အက်ဆာ ဗလီဝတ်ကျောင်းတော်ကို အစ္စရေးက တင်းတင်းကျပ်ကျပ် ပိတ်ပင်ထားမှုအတွက် တင်းမာမှုတွေ မြင့်တက်နေတဲ့အချိန် ဒီနေ့ သောကြာဝတ်ပြုမှုမှာ ကန့်သတ်ချက်တစ်ခု ထပ်ထုတ်လိုက်တဲ့အတွက် အခြေအနေက ပိုပြီးဆိုးမယ့် အနေအထားတွေ ရှိနေပါတယ်။

    ပြီးခဲ့တဲ့တစ်ပတ် သောကြာနေ့က အလ်-အက်ဆာ ဗလီအပြင်ဘက် အစ္စရေးစစ်ဆေးရေးဂိတ်မှာ ပါလက်စတိုင်း ၃ ဦးက ပစ်ခတ်မှုတွေ ပြုလုပ်ခဲ့တာကြောင့် အစ္စရေးရဲတပ်ဖွဲ့ဝင် ၂ ဦး သေဆုံးခဲ့ပြီး၊ ပါလက်စတိုင်း သေနတ်သမားတွေလည်း အပြန်အလှန်ပစ်ခတ်မှုအတွင်း သေဆုံးခဲ့ပါတယ်။

    အဲဒီနောက်ပိုင်းမှာ အစ္စရေးက သောကြာနေ့ဝတ်ပြုမှုကို ပိတ်ပင်ကာ ဗလီဝတ်ကျောင်းတော်ကို ပိတ်ပစ်ခဲ့ပါတယ်။ ဒီလုပ်ရပ်ကြောင့် အာရပ်နိုင်ငံတွေနဲ့ ကမ္ဘာတစ်ဝှမ်းက ရှုတ်ချမှုတွေ ရှိလာပြီး တနင်္ဂနွေနေ့မှာ ဗလီကို ပြန်ဖွင့်ပေးခဲ့ပေမယ့် သတ္တုရှာဖွေရေးစက်တွေ၊ လုံခြုံရေးကင်မရာတွေ မြောက်များစွာ တပ်ဆင်ခဲ့ပြီး ပါလက်စတိုင်းတွေကတော့ ဒါကို လက်မခံတဲ့အတွက် ဆန္ဒပြမှုတွေ ပြုလုပ်ခဲ့ကာ အစ္စရေးလုံခြုံရေးတပ်ဖွဲ့တွေကလည်း ပြင်းပြင်းထန်ထန် နှိမ်နင်းခဲ့ပါတယ်။

    ဒီနေ့ သောကြာဝတ်ပြုမှုအတွက် အသက် ၅၀ အောက် ပါလက်စတိုင်းအမျိုးသားတွေ ဗလီထဲ ၀င်ရောက်ခွင့်မပြုဘူးလို့ အစ္စရေးက အမိန့်ထုတ်ပြန်ခဲ့ပါတယ်။

    “အသက် ၅၀နဲ့အထက် အမျိုးသားတွေကိုသာ မြို့ဟောင်းနဲ့ Tempole Mount အတွင်း ၀င်ရောက်ခွင့်ပြုပါတယ်။ အမျိုးသမီးတွေကိုတော့ အသက်ကန့်သတ်ထားခြင်း မရှိပါဘူး” လို့ အစ္စရေးရဲတပ်ဖွဲ့က ထုတ်ပြန်တဲ့ ကြေငြာချက်မှာ ဖော်ပြထားပါတယ်။

    သောကြာနေ့မနက်ပိုင်း ပါလက်စတိုင်းရပ်ကွက်တွေမှာ အစ္စရေးလုံခြုံရေးတပ်ဖွဲ့ဟ အင်အားတော်တော်များများနဲ့ ၀န်းရံထားပြီး ထူးသဖြင့် ဗလီဝတ်ကျောင်းတော်တစ်ဝိုက်မှာ ဖြစ်ပါတယ်။

    နေ့စဉ် ဆန္ဒပြမှု

    ဆန္ဒပြသူများအား အစ္စရေးရဲတပ်ဖွဲ့ နှိမ်နှင်းမှု

    အစ္စရေးက ဗလီဝတ်ကျောင်းတော်တစ်ဝိုက်မှာ သတ္တုရှာဖွေရေးစက်တွေ၊ တစ်ဦးချင်းသာ ၀င်ရောက်ရမယ့် စက်တွေ၊ လုံခြုံရေးကင်မရာတွေ တပ်ဆင်ခဲ့တာကို ပါလက်စတိုင်းပြည်သူတွေက မကျေနပ်ဘဲ အလ်-အက်ဆာဗလီရဲ့ အမှတ်သညာကို ပြောင်းလဲဖို့ ကြိုးစားတဲ့လုပ်ရပ်လို့ မှတ်ယူခဲ့ကြပါတယ်။

    ဒါ့ကြောင့် ပြီးခဲ့တဲ့ တနင်္ဂနွေနေ့ကစလို့ နေ့တိုင်းလိုလို ဗလီဝတ်ကျောင်းတော်ရှေ့မှာ ဆန္ဒပြခဲ့ကြပြီး အစ္စရေးရဲတပ်ဖွဲ့ကလည်း ရာဘာကျည်ဆံတွေ၊ မျက်ရည်ယိုဗုံးတွေနဲ့ ပြန်လည်နှိမ်နင်းတာကြောင့် ထိခိုက်ဒဏ်ရာရသူတွေ ရှိခဲ့ပါတယ်။

    အစ္စရေးလုံခြုံရေးကက်ဘိနတ်က ဗလီဝတ်ကျောင်းတော်မှာ ချထားတဲ့ လုံခြုံရေးဆိုင်ရာပစ္စည်းတွေကို ဘယ်အချိန်မှာ ဖယ်ရှားမလဲဆိုတာကိုတော့ ရဲတပ်ဖွဲ့က ဆုံးဖြတ်မယ်လို့ ဆိုပါတယ်။

    အင်္ဂါနေ့က အစ္စရေးလုံခြုံရေးတပ်ဖွဲ့တွေရဲ့ ရာဘာကျည်တွေနဲ့ ပစ်ခတ်မှုအတွင်း ဒဏ်ရာရသူတွေထဲမှာ အလ်-အက်ဆာ ဗလီဝတ်ကျောင်းတော်ရဲ့ ရှေ့ဆောင်အီမာမ်ဖြစ်ပြီး၊ မွတ်စလင်ကောင်စီရဲ့ အကြီးအကဲဖြစ်တဲ့ ရှိခ် အက်ရီမာ ဆဘ်ရီလည်း ပါဝင်ခဲ့ပါတယ်။

    မနေ့က အစ္စရေးဝန်ကြီးချုပ် နေတန်ယာဟုဟာ အစ္စရေးလုံခြုံရေးဌာနတွေရဲ့ အကြံပြုချက်တွေကို ရရှိခဲ့ပြီး အချို့ဌာနတွေက ဗလီမှာထားရှိတဲ့ လုံခြုံရေးအဆီးအတားတွေကို ဖယ်ရှားပစ်ဖို့ အကြံပြုခဲ့ပေမယ့် ဂျေရုစလင်ရဲတပ်ဖွဲ့ကတော့ သူတို့ ဆက်ရှိနေမယ်လို့ ဆိုပါတယ်။

    လက်ရှိ ဂျေရုစလင်မှာ ထင်ရှားတဲ့ ပါလက်စတိုင်းတက်ကြွလှုပ်ရှားသူ ၁၀ ဦလောက် အဖမ်းခံထားရပြီး ပါလက်စတိုင်းသမ္မတ မဟ်မူးဒ်အဘတ်စ်ရဲ့ ဖာတာပါတီက ဂျေရုစလင်အဖွဲ့ခွဲခေါင်းဆောင်လည်း ဖမ်းဆီးခံရမှုမှာ ပါဝင်ပါတယ်။

    ဒေါသများမြင့်တက်

    ဆန္ဒပြသူများအား အစ္စရေးရဲတပ်ဖွဲ့ နှိမ်နှင်းမှု

    အလ်-အက်ဆာဗလီကို အပိုင်စီးတဲ့သဘောမျိုး ဖြစ်နေတဲ့ အစ္စရေးရဲ့လုပ်ရပ်အတွက် ပါလက်စတိုင်းက ဟားမက်စ်အဖွဲ့နဲ့ ကမ္ဘာ့ခေါင်းဆောင်တွေက ဒီနေ့မှာ အကြီးအကျယ် ဆန္ဒပြဖို့ တိုက်တွန်းထားပါတယ်။

    ဗုဒ္ဓဟူးနေ့က ဟားမက်စ်ခေါင်းဆောင် အစ္စမေးလ် ဟာနီယာက အစ္စရေးရဲ့လုပ်ရပ်တွေဟာ ဘောင်ကျော်နေပြီလို့ သတိပေးခဲ့ပါတယ်။

    ဒိုဟာအခြေစိုက် နိုင်ငံတကာ မွတ်စလင်ဓမ္မပညာရှင်များအစည်းအရုံးကလည်း အလ်-အက်ဆာဗလီမှာ ၀တ်ပြုသူတွေနဲ့ တစ်သားတည်းရှိကြောင်း ပြသဖို့ ကမ္ဘာတစ်ဝှမ်းက မွတ်စလင်တွေကို တိုက်တွန်းထားပါတယ်။

    “ဂျေရုစလင်မှာ ဇိုင်ယွန်တွေရဲ့ လုပ်ရပ်ကို ဆန့်ကျင်တဲ့ သဘောထားကို သောကြာနေ့မှာ ပြသဖို့အတွက် မွတ်စလင်အားလုံးနဲ့ အဲဒီမှာ နေထိုင်သူအားလုံးကို ကျွန်တော်တို့ တိုက်တွန်းပါတယ်” လို့ ဒီအဖွဲ့က ထုတ်ပြန်တဲ့ ကြေငြာချက်မှာ ဖော်ပြခဲ့ပါတယ်။

    အခုသီတင်းပတ်အစောပိုင်းကလည်း ဂျေရုစလင်က ထိပ်တန်း မွတ်စလင်ခေါင်းဆောင် မွဖ်သီကြီး မိုဟာမက် ဟူစိန်က ဒီတစ်ပတ်သောကြာနေ့မှာ မြို့တွင်းက ဗလီတွေအားလုံးပိတ်ပြီး အလ်-အက်ဆာဗလီရဲ့ ဂိတ်ပေါက်ဝတွေမှာ သောကြာနေ့ ၀တ်ပြုမှုကို ဆုပေါင်းဝတ်ပြုကြဖို့ တိုက်တွန်းခဲ့ပါတယ်။

    နိုင်ငံတကာက ကြားဝင်ရန်

    အလ်-အက်ဆာဗလီအား အစ္စရေးက အပိုင်စီးထားမှုကြောင့် ဗလီအပြင်ဘက်တွင် ပါလက်စတိုင်းပြည်သူများ ၀တ်ပြုနေစဉ်

    အစ္စရေးဝန်ကြီးချုပ် နေတန်ယာဟုက သူတို့အနေနဲ့ အလ်-အက်ဆာဗလီရဲ့ လက်ရှိအနေအထားကို ပြောင်းလဲလိုတဲ့ဆန္ဒ မရှိဘူးလို့ ပြောထးပေမယ့် ပါလက်စတိုင်းပြည်သူတွေကတော့ သူတို့ပိုင်ဆိုင်တဲ့ အဲဒီနေရာကို အစ္စရေးက သိမ်းယူလိုက်မှာ စိုးရိမ်နေပါတယ်။

    ဂျေရုစလင်မှာ တင်းမာမှုတွေ မြင့်တက်လာတာကြောင့် ပါလက်စတိုင်းသမ္မတ မဟ်မူးဒ်အဘတ်စ်ဟာ ဗုဒ္ဓဟူးနေ့က တရုတ်နိုင်ငံကိုသွားမယ့်အစီအစဉ် ဖျက်သိမ်းကာ အနောက်ဖက်ကမ်းကို ပြန်ရောက်လာပါတယ်။

    ဒီကိစ္စနဲ့ပတ်သက်ပြီး နိုင်ငံတကာအသိုင်းအ၀ိုင်းက ကြားဝင်ပေးဖို့ကိုလည်း အဘတ်စ်က တိုက်တွန်းဆော်သြထားပါတယ်။

    ပါလက်စတိုင်းပိုင် ဂျေရုစလင်မြို့ဟောင်းပြ မြေပုံ

    Ref: Aljazeera

  • အစ္စရေး-ပါလက်စတိုင်း နှစ်နိုင်ငံတည်ရှိရေးမူဖြင့် ဆွေးနွေးပွဲပြန်စရန် ပြင်သစ်တိုက်တွန်း

    အစ္စရေး-ပါလက်စတိုင်း နှစ်နိုင်ငံတည်ရှိရေးမူဖြင့် ဆွေးနွေးပွဲပြန်စရန် ပြင်သစ်တိုက်တွန်း

    ဇူလိုင် ၁၇၊ ၂၀၁၇
    M-Media

    – အစ္စရေးနှင့် ပါလက်စတိုင်းအကြား နှစ်နိုင်ငံတည်ရှိရေးအဖြေကို အခြေခံသည့် ငြိမ်းချမ်းရေးဆွေးနွေးပွဲ ရပ်တန့်နေမှုကို ပြန်လည်စတင်ရန်အတွက် ပြင်သစ်သမ္မတ အီမန်နျူယဲလ် မာခရွန်က တိုက်တွန်းလိုက်သည်။

    ယမန်နေ့က အစ္စရေးဝန်ကြီးချုပ် ဘင်ဂျမင် နေတန်ယာဟုနှင့် ပဲရစ်တွင် တွေ့ဆုံပြီးနောက် ယခုကဲ့သို့ ပြောကြားခဲ့ခြင်းဖြစ်ပြီး သံတမန်ရေးအရ တွန်းအားအဖြစ် ဆောင်ရွက်ပေးရန် အဆင်သင့်ရှိနေသည်ဟုလည်း ဆိုသည်။

    “ဂျေရုစလင်ကို မြို့တော်အဖြစ်ထားပြီး အပြန်အလှန်အအသိအမှတ်ပြုမှု၊ လုံခြုံနဲ့ နယ်နမိတ်တွေနဲ့အတူ အစ္စရေးနဲ့ ပါလက်စတိုင်း နှစ်နိုင်ငံအတူတည်ရှိရေးဆိုတဲ့ အဖြေတစ်ခုကို ရှာနိုင်မယ့် မူဘောင်အောက်မှာ အစ္စရေးနဲ့ ပါလက်စတိုင်းအကြား ဆွေးနွေးညှိနှိုင်းမှု ပြန်လည်စတင်ဖို့ ကျွန်တော် တိုက်တွန်းပါတယ်” ဟု မာခရွန်က ပြောကြားခဲ့သည်။

    ပြင်သစ်မှာ အခုနှစ်အစောပိုင်းက ထိုပြဿနာဖြေရှင်းရေး ဦးဆောင်ခဲ့သော်လည်း မည်သည့်ရလဒ်မှ ထွက်ပေါ်လာခြင်းမရှိဘဲ၊ မာခရွန်ကမူ ဆွေးနွေးမှုများကို ထပ်မံဦးဆောင်ရန် စိတ်အားထက်သန်မှုမျိုး မပြခဲ့ပေ။

    ထို့ပြင် ပါလက်စတိုင်းပိုင်နက်များတွင် အစ္စရေးက တရားမ၀င် အခြေချအိမ်ယာများကို ဆက်လက်ဆောက်လုပ်နေမှုမှာ ဆွေးနွေးညှိနှိုင်းမှုများ၊ ငြိမ်းချမ်းရေးလုပ်ငန်းစဉ်များကို ခြိမ်းခြောက်လာနိုင်သည်ဟု မာခရွန်က ထည့်သွင်း သတိပေးခဲ့သည်။

    နေတန်ယာဟုက အရှေ့အလယ်ပိုင်းငြိမ်းချမ်းရေး မိမိတို့နှစ်ဦးမှာ အမြင်တူသော်လည်း ငြိမ်းချမ်းရေးဆွေးနွေးမှုအတွက် မာခရွန်က အသေးစိတ် ပြောကြားခဲ့ခြင်းမရှိဟု ဆိုသည်။

    ပြင်သစ်သမ္မတရုံးက မိမိတို့အနေဖြင့် အစ္စရေး၏ လုံခြုံရေးကို စိုးရိမ်သော်လည်း နှစ်နိုင်ငံတည်ရှိရေး ကတိက၀တ်နှင့် ဆန့်ကျင်သော လုပ်ရပ်များကို နေတန်ယာဟုက ကျောထောက်နောက်ခံပြုနေမှုအတွက် စိုးရိမ်မှုဖြစ်ရသည်ဟု ထုတ်ပြန်ခဲ့သည်။

    ပြင်သစ်သို့ နေတန်ယာဟု လာရောက်မှုကို ပါလက်စတိုင်းအရေး တက်ကြွလှုပ်ရှားသူများက ကန့်ကွက်ခဲ့ကြပြီး ပါလက်စတိုင်းပိုင်နက်များတွင် အစ္စရေးက တရားမ၀င်အိမ်ယာများ ဆောက်လုပ်နေမှု၊ ဂါဇာအား ပိတ်ဆို့ထားမှုများအတွက် ဝေဖန်ခဲ့သည်။

    Ref : Aljazeera

  • အလ်-အက်ဆာဗလီကို ပိုမိုထိန်းချုပ်ထားသည့် အနေအထားဖြင့် အစ္စရေးက ပြန်ဖွင့်ပေး

    အလ်-အက်ဆာဗလီကို ပိုမိုထိန်းချုပ်ထားသည့် အနေအထားဖြင့် အစ္စရေးက ပြန်ဖွင့်ပေး

    ဇူလိုင် ၁၆၊ ၂၀၁၇
    M-Media

    – ဂျေရုစလင်မြို့ဟောင်းတွင် သောကြာနေ့က ဖြစ်ပွားခဲ့သည့် ပစ်ခတ်မှုနောက်ပိုင်း ပိတ်ပစ်ခဲ့သော အလ်-အက်ဆာဗလီဝတ်ကျောင်းတော်ကို အစ္စရေးက ယနေ့တွင် ပြန်လည်ဖွင့်ပေးခဲ့သော်လည်း ဗလီဝတ်ကျောင်းတော်ကို ပိုမိုထိန်းချုပ်ရေး ဆောင်ရွက်မှုများကြောင့် ပါလက်စတိုင်းများက ပရဝုဏ်အတွင်းသို့ ၀င်ရောက်ရန် ငြင်းဆိုခဲ့သည်။

    အစ္စရေးရဲ ၂ ဦးနှင့် ပါလက်စတိုင်း လက်နက်ကိုင် ၃ ဦးသေဆုံးခဲ့သည့် ပစ်ခတ်မှုနောက်ပိုင်း အစ္စရေးက အလ်-အက်ဆာ ဗလီကို ပိတ်မှုနှင့် သောကြာနေ့ဝတ်ပြမှုအား ပယ်ဖျက်ခြင်းကို ဒေသတွင်းနိုင်ငံများက ရှုတ်ချခဲ့သည်။

    ယနေ့နေ့လည်ပိုင်းတွင် အစ္စရေးက ဗလီကို ပြန်လည်ဖွင့်လှစ်ပေးခဲ့သော်လည်း ဗလီဝတ်ကျောင်းတော်၏ ဂိတ်ပေါက်ဝတွင် သတ္တုစစ်ဆေးရေး စက်များ၊ ကင်မရာများကို တပ်ဆင်ထားသောကြောင့် ပါလက်စတိုင်းပြည်သူများမှာ အတွင်းသို့ ၀င်ရောက်ရန် ငြင်းဆန်ခဲ့ပြီး အပြင်ဘက်တွင်ပင် နေ့လည်ခင်းဝတ်ပြုမှုကို ဆောင်ရွက်ခဲ့သည်။

    “အစ္စရေးအစိုးရက ပြုလုပ်တဲ့ ပြောင်းလဲမှုတွေကို ကျွန်တော်တို့ လက်မခံပါဘူး။ ဒီ သတ္တုစစ်ဆေးရေးစက်တွေကို ဖြတ်ပြီး ကျွန်တော်တို့ အထဲမ၀င်နိုင်ပါဘူး” ဟု ဗလီဝတ်ကျောင်းတော်၏ ဒါရိုက်တာ ရှိခ် အိုမာရ် ကစ္စ၀ါနီက ပြောကြားခဲ့သည်။

    နိုင်ငံတကာက ပါလက်စတိုင်းပိုင်နက်အဖြစ် သတ်မှတ်ထားသည့် ဂျေရုစလင်မြို့ဟောင်းကို ၁၉၆၇ ခုနှစ်တွင် ကျူးကျော်သိမ်းပိုက်ပြီးနောက်ပိုင်း အစ္စရေးမှာ အလ်-အက်ဆာဗလီဝတ်ကျောင်းတော်၏ အနေအထားကို ပြောင်းလဲရန် ကြိုးပမ်းမှုများ ပြုလုပ်ခဲ့သည်။

    အစ္စရေးဝန်ကြီးချုပ် နေတန်ယာဟုက ယခု ထပ်တိုးလုံခြုံရေးဆောင်ရွက်မှုကြောင့် ဗလီပရ၀ုဏ်အတွင်း ဖြစ်ပျက်နေသည်များကို အစ္စရေးက လုံးဝထိန်းချုပ်နိုင်မည်ဟု ပြောကြားခဲ့သည်။

    အစ္စရေးမှာ ပစ်ခတ်မှုဖြစ်ပွားခဲ့ပြီးနောက်ပိုင်း ဂျေရုစလင်မြို့ဟောင်း၏ အစိတ်အပိုင်းအချို့ကိုလည်း ပိတ်ပစ်ခဲ့သည်။

    Ref: Aljazeera