News @ M-Media

Tag: Pathein

  • တက္ကသိုလ် ဝင်တန်းအောင်တဲ့ မွတ်စလင်မ် လူငယ်တွေအတွက် ဂုဏ်ပြုပွဲ ပုသိမ်မှာ ပြုလုပ်

    တက္ကသိုလ် ဝင်တန်းအောင်တဲ့ မွတ်စလင်မ် လူငယ်တွေအတွက် ဂုဏ်ပြုပွဲ ပုသိမ်မှာ ပြုလုပ်

    အောက်တိုဘာ ၁၀၊ ၂၀၁၇
    M-Media
    မိုးစက်

    ပုသိမ်။ ။ ၂၀၁၆-၂၀၁၇ တက္ကသိုလ်ဝင်တန်းအောင် မြန်မာမွတ်စလင်ကျောင်းသား၊ ကျောင်းသူများကို ဂုဏ်ပြုတဲ့ အစီအစဉ်တစ်ခုကို ပုသိမ်မြိုမှာ အောက်တိုဘာလ (၈) ရက်နေ့က ပြုလုပ်ခဲ့ကြပါတယ်။

    “ကျွန်မတို့ ထူးချွန်တဲ့ကျောင်းသားတွေကို ဂုဏ်ပြုပေးချင်တာရယ်၊ ကျွန်မတို့ရဲ့ အဖွဲ့အစည်း အသိုင်းအဝိုင်းကို ပညာရေးနဲ့ တိုးတက်စေချင်တာရယ်၊ နောက်တက်လာမယ့် ကလေးတွေကို ဒီလိုပွဲတွေကနေ message တစ်ခုခု ရသွားစေချင်တာရယ် ဒီရည်ရွယ်ချက်တွေနဲ့ ဒီလို ဂုဏ်ပြုပွဲလေးကို ပြုလုပ်ပေးရတာ ဖြစ်ပါတယ်” လို့ ဂုဏ်ပြုပွဲကျင်းပပြုလုပ်ပေးတဲ့ ကော်မတီမှ အဖွဲ့ဝင်တစ်ဦးဖြစ်တဲ့ မသီတာသန်းက ဆိုပါတယ်။

    အဆိုပါ ဂုဏ်ပြု ချီးမြှင့်ပွဲကို ယခုတစ်ကြိမ်တွင် ဒုတိယအကြိမ်မြောက် ကျင်းပတာဖြစ်ပြီး ပုသိမ်မြို့ အစ္စလာမ်သာသာနာရေးရာ ကောင်စီနှင့် ပုသိမ်မြို့မှ စီးပွားရေး လုပ်ငန်းရှင်များက ပူးပေါင်းပြီး ဂုဏ်ပြုခဲ့ကြတာလည်း ဖြစ်ပါတယ်။

    ၂၀၁၆-၂၀၁၇ တက္ကသိုလ်ဝင်တန်းအောင် မြန်မာမွတ်စလင်ကျောင်းသား၊ ကျောင်းသူ (၄၀) ကို ဂုဏ်ပြုခဲ့ကြတာ ဖြစ်ပြီး တက္ကသိုလ်ဝင်တန်းကို ရိုးရိုးအောင်မြင်သူများကို ဆုတံဆိပ်နဲ့ ငွေကျပ်နှစ်သောင်း၊ ဂုဏ်ထူးဖြင့် အောင်မြင်သူများကို ဆုတံဆိပ်နှင့် ငွေကျပ်နှစ်သောင်းအပြင် ဂုဏ်ထူး တစ်ဘာသာကို ငွေ တစ်သောင်းကျပ်ဖြင့် ဂုဏ်ပြုခဲ့ကြပါတယ်။

  • Pathein: မွတ်စလင်မ်တို့၏ အီးဒ်နေ့၌ ပုသိမ်တွင် ၉၆၉ တရားပွဲ စီစဉ်မှုကြောင့် ဒေသခံများ စိုးရိမ်နေ

    အောက်တိုဘာ ၁၀
    M-Media
    သုတ

    MaHa Na

    ပုသိမ် ။          ။ ဧရာဝတီတိုင်းဒေသကြီး ပုသိမ်မြို့နယ်တွင် ၉၆၉ တရားပွဲပြုလုပ်မည့်ရက်မှာ မွတ်စလင်မ်တို့၏ အီးဒ်နေ့ကျရောက်သော အောက်တိုဘာ ၁၆-ရက်နေ့ကို စီစဉ်နေသည်ဟု သိရသဖြင့် ဒေသခံများမှ စိုးရိမ်မှုများ ရှိနေတယ်လို့ သိရပါတယ်။

    အဆိုပါအကြောင်းအရာနှင့်ပတ်သက်၍ ပုသိမ်မြို့သို့ ဆက်သွယ်စုံစမ်းခဲ့ရာ ၉၆၉-တရားပွဲအား အောက်တိုဘာ ၁၆-ရက်နေ့တွင် ကျရောက်သော အီးဒ်နေ့နဲ့ တိုက်ဆိုင်ပြီး ပြုလုပ်ရန် စီစဉ်နေကြောင်းကြားသိရပြီး ၁၆-ရက်နေ့ လုပ်မည်ဟု အတိအကျ မသိရသေးသော်လည်း ၎င်းနေ့တွင် လူစုလူဝေးဖြင့် အကြမ်းဖက်မှုများပြုလုပ်ရန် လှုံ့ဆော်လာမည်ကို စိုးရိမ်နေကြကြောင်း ပြောပါတယ်။

    ထို့ပြင် အီးဒ်နေ့နှင့် ပတ်သက်ပြီး ခရိုင် အုပ်ချုပ်ရေးမှူးမှ စည်းကမ်းချက်များ ထုတ်ပြန်ထားရာတွင်လည်း “ယဇ်ပူဇော်မည့် သားကောင်” ဆိုသည့်စကားလုံးကို ရှေးယခင်နှစ်များက မသုံးဘဲ ယခုနှစ်မှ ထပ်ပြန်တလဲလဲ သုံးနှုန်းထားသည်မှာ မွတ်စလင်မ် မဟုတ်သော အခြားဘာသာဝင်များ ပိုမိုအမြင်စောင်းစေရန် ရည်ရွယ်ချက်ရှိရှိ လုပ်ဆောင်ထားသလို ဖြစ်နေကြောင်း၊ မိမိတို့ကိုးကွယ်ရာ ဖန်ဆင်းရှင်ကို ယဇ်ပူဇော်ရန် မလိုအပ်ကြောင်း၊ ကုရ်ဘာနီ ပြုလုပ်ခြင်းမှာ မိမိတို့ ကိုးကွယ်ရာ အလ္လာဟ်အရှင်မြတ်၏ အမိန့်တော်ကို နာခံခြင်းဖြစ်ကြောင်း၊ မရှိ ဆင်းရဲသားများကို လှူဒါန်းရန်ဖြစ်ကြောင်း ဒါကြောင့် ယခုကဲ့သို့ အသုံးအနှုန်းမျိုး လုံးဝ မသုံးနှုန်းသင့်ဘူးဟု ပုသိမ်မြို့ခံများက ဆိုပါတယ်။

    ဇူလိုင် ၁၅-ရက်တွင်ကျင်းပသော သတ္တမအကြိမ် နိုင်ငံတော် သံဃမဟာ နာယကအဖွဲ့ ၄၇-ပါ စုံညီ ဒုတိယအစည်းအဝေးတွင်  ဗုဒ္ဓဘာသာ၏ အမှတ် တံဆိပ်အဖြစ် ၉၆၉ ကို အသုံးပြုလှုပ်ရှားနေခြင်းနှင့် သံဃာ့ကွန် ရက်အဖွဲ့အစည်းများ ဖွဲ့စည်းဆောင်ရွက်နေခြင်းသည် သံဃမဟာ နာယကအဖွဲ့မှ ထုတ်ပြန်ထားသည့် စည်းမျဉ်း၊ ဥပဒေများအရ ဖွဲ့စည်းဆောင်ရွက်ခွင့် မရှိကြောင်း နိုင်ငံတော်သံဃ မဟာနာယကအဖွဲ့က  သြဂုတ် ၁၄-ရက် ညွှန်ကြားချက် ထုတ်ပြန်ထားပြီးဖြစ်ပါတယ်။

     

    Image: 7-Day Daily

  • ပုသိမ်မြို့ အစ္စလာမ့်လူမှုကူညီ စောင့်ရှောက်ရေးအသင်းမှ သံဃာ့ဆေးရုံတွင်လှူဒါန်း

    ဇွန် ၁၈၊ ၂၀၁၃
    M-Media
    နေပိုင်

    ပုသိမ်မြို့ ။ ။ ပုသိမ်မြို့ အစ္စလာမ့်လူမှုကူညီ စောင့်ရှောက်ရေးအသင်းမှ သံဃာ့ဆေးရုံတွင်တက်ရောက် ဆေးကုသနေသော သံဃာများအား လှူဖွယ်ပစ္စည်းများ ဆက်ကပ်ပြီး ဆေးဝါးပဒေသာပင်အား ငွေကျပ် ၁၀၀၀၀၀ ထည့်ဝင် လှူဒါန်းမှုကို ဒီကနေ့မှာ ပြုလုပ်ခဲ့ကြောင်း သိရှိရပါသည်။

    1014274_537511489638867_722982911_n
    ဧရာဝတီတိုင်းဒေသကြီး၊ ပုသိမ်မြို့ရှိ အစ္စလာမ့်လူမှုကူညီ စောင့်ရှောက်ရေး အသင်းမှအသင်းသူ အသင်းသားများမှ ပုသိမ်မြို့ သံဃာ့ဆေးရုံ၌ တက်ရောက် ဆေးကုသနေသော သံဃာငါးပါးအား လှုဖွယ်ပစ္စည်းများ ဆပ်ကပ် လှုဒါန်းခဲ့ပြီး၊ ဆေးရုံ၌ ဖွင့်လှစ်ထားရှိသော ဆရာတော်ဦးကောဝိဒ ပဒေသာပင် စိုက် လှုဒါန်းထားသော ဆေးရုံတက် သံဃာများအတွက် ဆေးဝါးပဒေသာပင်အား ငွေကျပ် ၁၀၀၀၀၀ တစ်သိန်းကျပ်တိတိထည့်ဝင် လှုဒါန်းခဲ့ကြပါသည်။ အစ္စလာမ့်လူမှုကူညီရေး အသင်းသည် ပုသိမ်မြို့တွင် ကျင်းပပြုလုပ်ခဲ့သော ရွှေညဝါဆရာတော်ကြီး၏ ငြိမ်းချမ်းရေး တရားပွဲ၌လည်း အလှုငွေများ ထည့်ဝင်လှုဒါန်းခဲ့ပြီး ယခုလှုဒါန်းမှုမှာ ဒုတိယ အကြိမ် လှုဒါန်းမှုဖြစ်ကြောင်းသိရှိရပါသည်။

    ဆက်လက်၍ လှုဒါန်းမှုအဖြစ် ကလေးငယ်များ ပညာရေးအတွက် တစ်တပ်တအား ပါဝင် လှုဒါန်းမည်ဖြစ်ကြောင်းလည်းသိရှိရပါသည်။

    More Photo

  • ဧရာဝတီတိုင်း ငပုတောမြို့နယ်မှ မတရား အသိမ်းခံ လယ်မြေတချို့ ပြန်လည်ရရှိ

    ဇွန် ၁၄၊ ၂၀၁၃
    M-Media
    နေပိုင်

    ငပုတော  ။        ။        ဧရာဝတီတိုင်းဒေသကြီး ငပုတောမြို့နယ် တောင်ကလေးကျေးရွာအုပ်စု မယ်သီလကျေးရွာတွင် မတရားအသိမ်း ခံထားရသော လယ်မြေတချို့ ပြန်လည်ရရှိပြီဖြစ်ကြောင်း သတင်းရရှိသည်။

    U win naing
    တောင်သူလယ်သမား အရေး ဆောင်ရွက်ပေးသူ ဦးဝင်းနိုင်

    ဧရာဝတီတိုင်းဒေသကြီး ငပုတောမြို့နယ် တောင်ကလေးကျေးရွာအုပ်စု မယ်သီလကျေးရွာရှိ စပါးအကြွေး ငွေအကြွေးတို့ဖြင့် မတရားသိမ်းယူခြင်းခံထားရသော လယ်သမားကြီး မန်းသံဖေပိုင် လယ်ယာမြေအား မူလပိုင်ရှင် ဖြစ်သူ မန်းသံဖေမှ ထွန်တုံးချ ပြန်လည် လုပ်ကိုင်ပြီဖြစ်သည်မှာ ခြောက်ရက်ခန့် ရှိပြီဖြစ်ကြောင်းသိရှိရပါသည်။

    ငပုတောမြို့နယ်အတွင်းတွင် မန်းသံဖေကဲ့သို့ မတရားသိမ်းယူခြင်းခံထားရသော လယ်မြေဧကပေါင်း များစွာကျန် ရှိနေပါသေးသော်လည်း အချို့သောလယ်ယာမြေများမှာ ညှိနှိုင်း၍ အဆင်ပြေခဲ့ပြီး အချို့သောလယ်ယာမြေများမှာ ညှိနှိုင်းဆောင်ရွက်ခွင့်ပင် မရရှိသေးကြောင်း လယ်သမားအရေး အခမဲ့ကူညီပေးနေသော ဦးဝင်းနိုင်မှ ပြောကြားခဲ့ပါသည်။ ဦးဝင်းနိုင်၏ ကူညီပေးမှုကြောင့် ခရင်ချောင်းကျေးရွာ ရေကျော်ကြီး အုပ်စုရှိ လယ်ယာမြေ အချို့သည်လည်း ပြန်လည် ထွန်ယက်နိုင်ကြပြီဖြစ်ကြောင်း သိရပါသည်။

  • တရားဥပဒေ စိုးမိုးရေးအတွက် ပုသိမ်မြို့တွင် ဆန္ဒ ထုတ်ဖော်

    ဇွန် ၃၊ ၂၀၁၃
    M-Media
    နေပိုင်

    ပုသိမ် ။           ။   ဧရာဝတီတိုင်းဒေသကြီး ပုသိမ်မြို့တွင် ယနေ့မနက်ပိုင်းက ဆန္ဒထုတ်ဖော်ပွဲတစ်ရပ်ကို ပြုလုပ်ခဲ့ကြသည်။

    ဆန္ဒထုတ်ဖော်ပြသရခြင်းမှာ ဘာသာပေါင်းစုံအတူ ယှဉ်တွဲနေထိုင်ရေး၊လယ်ယာမြေ မတရားအသိမ်းခံထားရမှုများနှင့် တရားဥပဒေစိုးမိုးရေး နှင့် မောင်ကျော်မျိုးလှိုင်နှင့်မအေးအေးမွန်တို့ လင်မယားအား ချမ်းမြေ့အေးကြို/ပို့ ယာဉ်ဖြင့်တိုက်မိပြီး နောက် တစ်နှစ်ကြာသည့် အထိ တာဝန်ယူမှု ကင်းမဲ့ခဲ့သော ချမ်းမြေ့အေး ယာဉ်လိုင်းအား ဆန္ဒပြခြင်း တို့အတွက် ဆန္ဒထုတ်ဖော်ကြခြင်းဖြစ်ကြောင်း သိရှိရပါသည်။

    IMG_20130603_075818

    ၂၀၁၃-ခုနှစ်၊ ဇွန်လ(၃)ရက်၊ ၁၃၇၅-ခုနှစ်၊ ကဆုန်လဆုတ်(၁၀)ရက်နေ့တွင် ဧရာဝတီတိုင်းဒေသကြီး ပုသိမ်မြို့တွင်ပြုလုပ်ခဲ့သော ဆန္ဒ ထုတ်ဖော်ပွဲတွင် မယ်သီလကျေးရွာ၊ဖိုး ကြာအိုင်ကျေးရွာ၊ ကုလားမတောင်၊ ဘုန်းကလေး၊ ကွင်းချောင်းလေး၊ ရေကျော်ကြီး၊ ဆိတ်ကြီး စသည့် ငပုတောမြို့နယ်အတွင်းရှိ ကျေးရွာများမှ ပူးပေါင်း ပါဝင်ခဲ့ကြပါသည်။ပန်းတနော်မြို့နယ်မှ လယ်သမားအစည်းအရုံးမှလည်း ပူးပေါင်းပါဝင်ခဲ့ကြပါသည်။

    ယခု ဆန္ဒထုတ်ဖော်ပွဲမှာ အမှန်တရား ဖော်ထုတ်ရှင်းလင်းပွဲသာကြောင်းကွန်ရက်ပေါင်းစုံနှင့် လယ်သမားများ၊ အလုပ်သမားများ၊ ပြည်သူများ စုပေါင်း၍ အမှုမှန်ပေါ်ပေါက်ရေး၊ဘာသာပေါင်းစုံငြိမ်းချမ်းစွာ အတူယှဉ်တွဲနေထိုင်ရေး၊ လယ်ယာမြေများပြန်လည်ရရှိ ထွန်ယက် စိုက်ပျိုးနိုင်ရေးတို့အတွက် စုစည်းဆောင်ရွက်ကြခြင်း ဖြစ်သည်။တရားမျှတသော တရားဥပဒေစိုးမိုးရေးကို ရည်ရွယ်ပါကြောင်းကို ဆန္ဒပြပွဲ ဦးဆောင်သူများ ပြောပြသည်။

    အဆိုပါဆန္ဒထုတ်ဖော်ပွဲ၌ ဘာသာပေါင်းစုံ အတူယှဉ်တွဲနေထိုင်နိုင်ရေးကွန်ရက်မှ ပြည်သူများသို့ ပန်ကြားချက်တစ်စောင် ထုတ်ပြန်ခဲ့ကြောင်းလည်း သိရသည်။ ယင်းပန်ကြားချက်အပြည့်အစုံမှာ –

    ၁။    မြန်မာနိုင်ငံအတွင်းမှီတင်းနေထိုင်ကြသည့်နိုင်ငံသားမှန်လျှင်လူမျိုး၊ဘာသာ၊အယူဝါဒ၊ယုံကြည်ချက်၊ ခံယူချက်မည်သို့ပင် မတူကွဲပြားစေကာမူ တို့မြန်မာနိုင်ငံသားဟူသော စိတ်ဓာတ်ဖြင့်အပြန်အလှန် လေးစားလိုက်နာသည်းခံ ခွင့်လွှတ်ငြိမ်းချမ်း ချစ်ကြည်စွာ အတူယှဉ်တွဲနေထိုင်ကြ၍ နိုင်ငံတော်ကိုသစ္စာထားရမည်။

    ၂။    အမျိုးဘာသာသာသနာကို ချစ်မြတ်နိုးစိတ်သည်မိမိလူမျိုး ဘာသာတွင်သာမကသူတစ်ပါး လူမျိုးတွင်လည်းရှိကြပေသည်။ မိမိသဒ္ဒါစိတ်ထက်သန် လွန်ကဲ အစွန်းရောက်မှုဖြင့် သူတစ်ပါးအမျိုး၊ ဘာသာ၊ သာသနာကိုထိပါးစော်ကားရာရောက်မည့် အပြုအမူ၊အပြောအဆို၊ အကြံအစည်မှန်သမျှကို ဆင်ခြင်စဉ်းစားသိနားလည်ကြစေလိုပါသည်။

    ၃။     မိမိနေထိုင်ရာတိုင်းဒေသကြီး၊မြို့နယ်၊ ရပ်ကွက်ကျေးရွာအတွင်းတွင် လူမျိုးရေး၊ ဘာသာရေး ပဋိပက္ခများဖြစ်ပေါ်စေရန်သွေးထိုး၊ လှုံ့ဆော် စည်းရုံး သိမ်းသွင်းမှုများကို တွေ့မြင် သိရှိရပါကခံစားမှုကိုရှေ့တန်းတင်၍ ကိုယ်တိုင်ပါဝင်ကျူးလွန်မှုမရှိစေရန် အထူးဂရုပြုရပါမည်။

    ၄။ ထိုသို့သောသွေးထိုးလှုံ့ဆော်စည်းရုံး သိမ်းသွင်းမှုများကိုတွေ့မြင်သိရှိရသည့် အတိုင်းသက်ဆိုင်ရာတာဝန်ရှိ အဖွဲ့အစည်းထံသို့လည်းကောင်း၊ ကျွန်ုပ်တို့ ဘာသာပေါင်းစုံ ငြိမ်းချမ်းစွာအတူ ယှဉ်တွဲနေထိုင်နိုင်ရေး ကွန်ရက်သို့လည်းကောင်း အသိပေးအကြောင်းကြားစေလိုပါသည်။ သက်သေခံအထောက်အထားရရှိပါကလည်းပေးအပ်စေလိုပါသည်။

    ၅။    မိမိနေထိုင်ရာတိုင်းဒေသကြီး၊ရပ်ကွက်၊ကျေးရွာအတွင်းတွင်လူမျိုးရေး၊ ဘာသာရေး ပဋိပက္ခ ဖြစ်စေမည့် ပြစ်မှုများ ဖြစ်ပွားနေပါက သက်ဆိုင်ရာ တာဝန်ရှိ အဖွဲ့အစည်းထံသို့လည်းကောင်း ကျွန်ုပ်တို့ဘာသာပေါင်းစုံ ငြိမ်းချမ်းစွာအတူယှဉ်တွဲ နေထိုင်ရေး ကွန်ရက်သို့လည်းကောင်း အသိပေး အကြောင်းကြးစေလိုပါသည်။ ကျွန်ုပ်တို့နှင့်ပူးပေါင်းကာ အမှန်တရားပေါ်ပေါက်ရေးကိုသာ ဦးတည်ညှိနှိုင်း ရှင်းလင်းစေလိုပါသည်။

    ၆။     ကျွန်ုပ်တို့ဘာသာပေါင်းစုံငြိမ်းချမ်းစွာအတူယှဉ်တွဲနေထိုင်ရေးကွန်ရက်(ယာယီ) ရုံးသို့အောက်ပါ ဖုန်းနံပါတ်များဖြင့် ဆက်သွယ်သတင်းပေးပို့၍ ပူးပေါင်းပါဝင်ဆောင်ရွက်စေလိုပါသည်။

    ဖုန်း-၀၉၅၂၀၃၀၄၇၊ ၀၄၂၂၂၀၁၇၊ ၀၉၅၀၆၉၀၂၆ သို့ ဆက်သွယ်နိုင်ပါသည်။

    IMG_20130603_071336 IMG_20130603_080625 IMG_20130603_080701 IMG_20130603_081031 IMG_20130603_082732