ဇွန် ၁၈၊ ၂၀၁၃
M-Media
နေပိုင်
ပုသိမ်မြို့ ။ ။ ပုသိမ်မြို့ အစ္စလာမ့်လူမှုကူညီ စောင့်ရှောက်ရေးအသင်းမှ သံဃာ့ဆေးရုံတွင်တက်ရောက် ဆေးကုသနေသော သံဃာများအား လှူဖွယ်ပစ္စည်းများ ဆက်ကပ်ပြီး ဆေးဝါးပဒေသာပင်အား ငွေကျပ် ၁၀၀၀၀၀ ထည့်ဝင် လှူဒါန်းမှုကို ဒီကနေ့မှာ ပြုလုပ်ခဲ့ကြောင်း သိရှိရပါသည်။
ဧရာဝတီတိုင်းဒေသကြီး၊ ပုသိမ်မြို့ရှိ အစ္စလာမ့်လူမှုကူညီ စောင့်ရှောက်ရေး အသင်းမှအသင်းသူ အသင်းသားများမှ ပုသိမ်မြို့ သံဃာ့ဆေးရုံ၌ တက်ရောက် ဆေးကုသနေသော သံဃာငါးပါးအား လှုဖွယ်ပစ္စည်းများ ဆပ်ကပ် လှုဒါန်းခဲ့ပြီး၊ ဆေးရုံ၌ ဖွင့်လှစ်ထားရှိသော ဆရာတော်ဦးကောဝိဒ ပဒေသာပင် စိုက် လှုဒါန်းထားသော ဆေးရုံတက် သံဃာများအတွက် ဆေးဝါးပဒေသာပင်အား ငွေကျပ် ၁၀၀၀၀၀ တစ်သိန်းကျပ်တိတိထည့်ဝင် လှုဒါန်းခဲ့ကြပါသည်။ အစ္စလာမ့်လူမှုကူညီရေး အသင်းသည် ပုသိမ်မြို့တွင် ကျင်းပပြုလုပ်ခဲ့သော ရွှေညဝါဆရာတော်ကြီး၏ ငြိမ်းချမ်းရေး တရားပွဲ၌လည်း အလှုငွေများ ထည့်ဝင်လှုဒါန်းခဲ့ပြီး ယခုလှုဒါန်းမှုမှာ ဒုတိယ အကြိမ် လှုဒါန်းမှုဖြစ်ကြောင်းသိရှိရပါသည်။
ဆက်လက်၍ လှုဒါန်းမှုအဖြစ် ကလေးငယ်များ ပညာရေးအတွက် တစ်တပ်တအား ပါဝင် လှုဒါန်းမည်ဖြစ်ကြောင်းလည်းသိရှိရပါသည်။
Leave a Reply
You must be logged in to post a comment.