Tag: Philippines

အောက်တိုဘာ ၂၅၊ ၂၀၁၅
M-Media

– အင်ဒိုနီးရှား တောမီးလောင်ကျွမ်းမှုမှ ထွက်လာသော မီးခိုးများမှာ နိုင်ငံ၏ အလယ်ပိုင်းနှင့် တောင်ပိုင်းအထိ ရောက်ရှိကာ အန္တရာယ်ရှိသော အနေအထား ဖြစ်လာသောကြောင့် ဖိလစ်ပိုင်မှာ ယနေ့တွင် လေကြောင်းခရီးစဉ်များကို ဖျက်သိမ်းခဲ့ပြီး၊ ဆေးရုံများကိုလည်း သတိပေးထားသည်။

ထိုတောမီးမှ မီးခိုးများမှာ အရှေ့တောင်အာရှဒေသတစ်ဝှမ်းတွင် ပြန်နှံ့နေပြီး အနည်းဆုံး လူ ၁၀ ဦး သေဆုံးခဲ့ကာ အခမ်းအနားများ ဖျက်သိမ်းရခြင်း၊ ကျောင်းများပိတ်ထားရခြင်းတို့အထိ ဖြစ်စေခဲ့သည်။ ထိုတောမီးကို ငြှိမ်းသက်ရန် နိုင်ငံတကာမှ ကြိုးစားမှုများမှာလည်း အရာမထင်ခဲ့ပေ။

“မီးခိုးတွေဖုံးလွှမ်းနေတဲ့ဒေသတွေမှာ အသက်ရှူလမ်းကြောင်းဆိုင်ရာ ပြဿနာတွေရှိတဲ့ သူတွေအနေနဲ့ မျက်နှာဖုံးတွေ ၀တ်ဆင်ကြဖို့ ကျန်းမာရေးဝန်ကြီးဌာနက အကြံပြုထားပါတယ်” ဟု ဖိလစ်ပိုင် သမ္မတရုံးမှ ပြောရေးဆိုခွင့်ရှိသူ ဟာမီနီယို ကိုလိုမာက သတင်းထောက်များအား ယနေ့တွင် ပြောကြားခဲ့သည်။

ထို့ပြင် နိုင်ငံတောင်ပိုင်းရှိ ဆေးရုံများအားလုံးမှာ ထိုမီးခိုးများကြောင့် ပြဿနာရှိသူများကို ကုသရန် အသင့်အနေအထားတွင် ရှိနေသည်ဟု ၎င်းက ထည့်သွင်းပြောကြားခဲ့သည်။

Ref: Channelnewsasia

အောက်တိုဘာ ၁၉၊ ၂၀၁၅
M-Media

– ဖိလစ်ပိုင် မြောက်ပိုင်းသို့ အင်အားပြင်းထန်သည့် တိုင်ဖုန်း ကော့ပူ ယမန်နေ့က စတင်ဝင်ရောက်ခဲ့ပြီး ကမ်းရိုးတမ်းဒေသများတွင် လေပြင်းများ တိုက်ခတ်မှုကြောင့် အနည်းဆုံး လူ ၃ ဦး သေဆုံးခဲ့ကာ ပြည်သူ ၁၆၀၀၀ ကျော်မှာ အိုးအိမ်စွန့်ခွာ ထွက်ပြေးခဲ့ရသည်ဟု အမျိုးသား သဘာဝကပ်ဘေး အေဂျင်စီက သတင်းထုန်ပြန်ခဲ့သည်။

မြောက်ပိုင်းရှိ အဓိကကျွန်း လူဇွန်မှာ မုန်တိုင်းဒဏ်ကို အဓိကခံစားခဲ့ရပြီး နေအိမ်များ၊ တံတားများ ပြိုကျပျက်ဆီးခြင်း၊ သစ်ပင်များ ပြိုလဲခြင်းတို့လည်း ရှိခဲ့သည်။ လျှပ်စစ်ဓာတ်တိုင်များ ကျိုးကျခြင်းကြောင့် ဓာတ်အားပြတ်တောက်မှုများလည်း ရှိနေပြီး အဆိုပါ မုန်တိုင်းမှာ ၃ ရက်ခန့် ဆက်လက် ကြာမြင့်မည်ဟု ခန့်မှန်းထားသည်။

မုန်းတိုင်းပြင်းထန်သည့် ဒေသတွင် ပိတ်မိနေသူများ ရှိနေကာ၊ လုံခြုံရေးနှင့် ဘေးအန္တရာယ်ကင်းရှင်းရေးအတွက် စိုးရိမ်ရမှုများလည်း ရှိနေပြီး သေဆုံးသူများလည်း ဆက်လက်မြင့်တက်လာနိုင်သည်။

Ref: Aljazeera

ဇူလိုင် ၆၊ ၂၀၁၅
M-Media

– ဇွန်လ ၁၉ ရက်နေ့က ဒူဘိုင်းမှ မနီလာသို့ ရောက်ရှိလာသည့် အသက် ၃၆ နှစ်အရွယ် နိုင်ငံခြားသား အမျိုးသားတစ်ဦးတွင် မားစ်ရောဂါပိုး ရှိနေသည်ဟု ဖိလစ်ပိုင်တာဝန်ရှိသူများက အတည်ပြုခဲ့သည်။

မနီလာသို့ ရောက်ရှိစဉ် ၎င်းမှာ မားစ်ရောဂါလက္ခဏာများ ပြခဲ့ပြီးနောက် ဇူလိုင်လ ၄ ရက်နေ့တွင် ဆေးရုံသို့ တင်ပို့ခဲ့ကာ စောင့်ကြည့်မှုများ ပြုလုပ်နေသည်ဟု ကျန်းမာရေးဝန်ကြီးဌာနမှ ပြောရေးဆိုခွင့်ရှိသူ လင်ဒွန် လီဆေးက ယနေ့တွင် ပြောကြားခဲ့သည်။

ထို့ပြင် ရောဂါပြန့်နှံ့မှုအား တားဆီးရန် ရောဂါပိုးရှိသူများနှင့် ထိတွေ့ခဲ့သူများကို နောက်ကြောင်းလိုက်မှုများ ပြုလုပ်နေသည်ဟုလည်း ဆိုသည်။

အဆိုပါအမျိုးသားမှာ ဆော်ဒီအာရေဗျသို့လည်း သွားရောက်ခဲ့ပြီး လက်ရှိအခြေအနေမှာ တိုးတက်နေကြောင်း၊ ပြည်သူလူထုအတွင်း ကူးစက်ပြန့်နှံ့မှုသတင်းကို ယခုအချိန်အထိ မကြားရသေးကြောင်း လီဆေးက ထည့်သွင်းပြောကြားခဲ့သည်။

ယခုကဲ့သို့ မားစ်ရောဂါကူးစက်နေသူကို ဖိလစ်ပိုင်တွင် တွေ့ရှိရခြင်းမှာ ဒုတိယအကြိမ်မြောက်ဖြစ်ပြီး ပြီးခဲ့သည့် ဇန်န၀ါရီလကလည်း ဆော်ဒီအာရေဗျတွင် အလုပ်လုပ်ခဲ့သည့် ဖိလစ်ပိုင်သူနာပြုတစ်ဦးတွင် ရောဂါပိုးတွေ့ခဲ့ရကာ ယခုအချိန်တွင် ပျောက်ကင်း သက်သာသွားပြီဖြစ်သည်။

အာရှတွင် မားစ်ရောဂါ အဆိုးရွားဆုံး ကူးစက်ပြန့်နှံ့နေသည့် တောင်ကိုရီးယားတွင် သေဆုံးသူမှာ ၃၃ ဦး ရှိလာပြီး ကူးစက်နေသူမှာ ၂၀၀ ခန့် ရှိနေသည်။

ရောဂါပိုးကူးစက်ပြန့်နှံ့မှုကို တားဆီးရန်အတွက် တောင်ကိုရီးယားက ဥပဒေအသစ်များကို ပြဌာန်းခဲ့ပြီး ထိုဥပဒေအရ ရောဂါပိုးသံသယဖြင့် သီးသန့်ခွဲထားခြင်းနှင့် ကာကွယ်ရေးလုပ်ငန်းများအား မလိုက်နာသူများကို အာဏာပိုင်များက ဖမ်းဆီးကာ ထောင်ချနိုင်မည်ဖြစ်သည်။

Ref: Aljazeera