ဇွန် ၅၊ ၂၀၁၇
M-Media
– ဆော်ဒီအာရေဗျ၊ ယူအေအီး၊ အီဂျစ်နှင့် ဘာရိန်းနိုင်ငံတို့က ၎င်းတို့အနေဖြင့် ကာတာနိုင်ငံနှင့် သံတမန်အဆက်အသွယ် ဖြတ်တောက်တော့မည်ဟု ပြောကြားလိုက်သည်။
ဆော်ဒီက နိုင်ငံပိုင် Saudi Press Agency မှတစ်ဆင့် ယနေ့မနက်ပိုင်းတွင် ယခုကဲ့သို့ ကြေငြာလိုက်ခြင်းဖြစ်ပြီး၊ အမျိုးသားလုံခြုံရေးကို ကာကွယ်ရန်အတွက် ထိုကဲ့သို့ ဆောင်ရွက်ရခြင်းဖြစ်သည်ဟု ပြောကြားခဲ့သည်။
ထို့ပြင် ယီမင်စစ်ပွဲမှ ကာတာတပ်ဖွဲ့များအားလုံးကိုလည်း ထုတ်ပယ်လိုက်ပြီဟုလည်း ဆိုသည်။
ဘာရိန်းနိုင်ငံခြားရေးဝန်ကြီးဌာနက ယနေ့မနက်အစောပိုင်းတွင် ထုတ်ပြန်သော ကြေငြာချက်၌ မိမိတို့၏ သံအဖွဲ့ကို ကာတာမြို့တော် ဒိုဟာမှ ၄၈ နာရီအတွင်း ပြန်လာခိုင်းမည်ဟုဆိုပြီး၊ ဘာရိန်းရှိ ကာတာ သံတမန်များကလည်း ထိုအချိန်အတွင်း နိုင်ငံအတွင်းမှ ထွက်ခွာရမည်ဟု ဖော်ပြထားသည်။
ကာတာနှင့် ပင်လယ်ကွေ့ အာရပ်နိုင်ငံများအကြား ယခုကဲ့သို တင်းမာမှုများမှာ ကာတာ အစိုးရသတင်းဌာန QNA တွင် ဟက်ကာများက ကာတာနိုင်ငံခေါင်းဆောင် ရှိခ် တာမင် ဘင် ဟာမဒ် အလ်သာနီ၏ ပြောကြားသော စကားများဟုဆိုသော မှတ်ချက်များကို လွှင့်တင်ခဲ့ပြီးနောက်ပိုင်း ပေါ်ပေါက်လာခြင်းဖြစ်သည်။
အလ်သာနီမှာ အီရန်၊ ဟားမက်စ်၊ ဟစ်ဇ်ဘိုလာနှင့် အစ္စရေးတို့အား ထောက်ခံကြောင်း၊ အမေရိကန်သမ္မတ ဒေါ်နယ်ထရမ့်မှာ ရာထူးကြာကြာခံမည်မဟုတ်ကြောင်း ပြောကြားခဲ့သည်ဆိုသော အဆိုပါ သတင်းမှားများနှင့်ပတ်သက်၍ ကာတာအစိုးရက ပြင်းပြင်းထန်ထန် ငြင်းဆိုထားသည်။
သို့သော်လည်း ယူအေအီးနှင့် ဆော်ဒီရှိ သတင်းဌာနများကမူ အဆိုပါသတင်းများကို ထပ်ဆင့်ဖော်ပြနေကြသည်။
Ref: Aljazeera
