Tag: Qatar

ဒီဇင်ဘာ ၁၄၊ ၂၀၁၆
M-Media

– နိုင်ငံအတွင်းရှိ နိုင်ငံခြားအလုပ်သမားများအတွက် ပိုမိုအကျိုးဖြစ်ထွန်းစေမည့် အလုပ်သမားဥပဒေအသစ်ကို ကာတာနိုင်ငံက ယမန်နေ့တွင် စတင်ကျင်သုံးခဲ့သည်ဟု သိရသည်။

ယခုဥပဒေအသစ်ကြောင့် ရွှေ့ပြောင်းလုပ်သားများမှာ သက်တမ်းပြည့်ပါက အလုပ်အကိုင်များ အလွယ်တကူ ပြောင်းလဲနိုင်ကာ၊ တိုင်းပြည်မှ ထွက်သွားချင်ပါကလည်း ထွက်သွားနိုင်မည်ဖြစ်သည်။

“ဒီဥပဒေအသစ်ဟာ ကာတာနိုင်ငံက ရွှေ့ပြောင်းလုပ်သားတိုင်းရဲ့ အခွင့်အရေးနဲ့ ကာကွယ်မှုတိုးတက်စေဖို့ နောက်ဆုံး ပေါ်ထွက်လာတဲ့ ခြေလှမ်းလည်းဖြစ်ပါတယ်” ဟု ကာတာအလုပ်သမားဝန်ကြီး အီဆာ အလ်-နူအိုင်မီက ပြောကြားခဲ့သည်။

ပင်လယ်ကွေ့နိုင်ငံတစ်ခုဖြစ်သော ကတာတာမှာ ကမ္ဘာ့အကြွယ်ဝဆုံး တိုင်းပြည်များထဲတွင် ပါဝင်ပြီး ၂၀၂၂ ကမ္ဘာ့ဖလားပြိုင်ပွဲ ကျင်းပရန် အခြေခံအဆောက်အဦး ဆောက်လုပ်ရေးလုပ်ငန်းများတွင် နိုင်ငံခြားသား အလုပ်သမားများအပေါ် ထားရှိသည့် ပေါ်လစီများကြောင့် ဖေ၀န်မှုများနှင့် ရင်ဆိုင်နေရသည်။

လက်ရှိတွင် နိုင်ငံခြားအလုပ်သမားများမှာ အလုပ်ပြောင်းခြင်း၊ နိုင်ငံအတွင်း ခရီးသွားခြင်းတို့အတွက် အလုပ်ရှင်၏ ခွင့်ပြုချက်လိုအပ်ပြီး၊ ထိုနည်းလမ်းက အလုပ်ပြောင်းသွားသည့် အလုပ်သမားများမှာ ခေါင်းပုံဖြတ်ခံရခြင်းနှင့် အဓမ္မခိုင်းစေခံရခြင်းတို့ကို ဖြစ်စေည်ဟု လူ့အခွင်အရေးအဖွဲ့များက ပြောကြားထားသည်။

လက်ရှိဥပဒေသစ်တွင် ထိုနစ်နာမှုများအတွက် တိုင်ကြားနိုင်မည့် ကော်မတီတစ်ခုကို အစိုးရက ထားရှိပေးထားပြီး အလုပ်ရှင်က အလုပ်သမားများ၏ ရပိုင်ခွင့်များကို ငြင်းပယ်မှုအတွက် ဖြေရှင်းပေးမည်ဖြစ်သည်။ ထို့ပြင် ခန့်အပ်ထားသည့် နှစ်အပိုင်းအခြားပြည့်ပါက အလုပ်ရှင်မှာ အလုပ်သမားများကို အလုပ်ပြောင်းခွင့် ပြုရမည်ဖြစ်ပြီး၊ အလုပ်သမား၏ နိုင်ငံကူးလက်မှတ် သိမ်းထားသည့် အလုပ်သမားများကို ရီယဲလ် ၂၅၀၀၀ (ကန်ဒေါ်လာ ၆၈၆၀) ဒဏ်ရိုက်သွားမည်ဖြစ်သည်။

သို့သော်လည်း အဆိုပါဥပဒေအသစ်က နိုင်ငံခြားသားအလုပ်သမားများ၏ အခြေအနေကို အမှန်တကယ် တိုးတက်စေမည်လားဆိုသည့်ကိစ္စနှင့်ပတ်သက်၍ စောင့်ကြည့်ရမည်ဟု နိုင်ငံခြားသား အလုပ်သမားအချို့က မှတ်ချက်ပြုခဲ့သည်။

Ref: Aljazeera

အောက်တိုဘာ ၂၄၊ ၂၀၁၆
M-Media

– ကာတာနိုင်ငံ၏ ဘုရင်ဟောင်းဖြစ်သူ ရှိခ် ခါလီဖာ ဘင် ဟာာမဒ် အလ်-သာနီမှာ ယမန်နေ့က ကွယ်လွန်သွားခဲ့ပြီဟု သိရသည်။

အသက် ၈၄ နှစ်အရွယ်ရှိပြီဖြစ်သည့် ရှိခ်ခါလီဖာ ကွယ်လွန်မှုကို နန်းတော်က ကြေငြာခဲ့ခြင်းဖြစ်ပြီး ၃ ရက်တာ နိုင်ငံတော်ဝမ်းနည်းဖွယ်နေ့အဖြစ် သတ်မှတ်ခဲ့သည်။

ရှိခ်ခါလီဖာမှာ ၁၉၇၂ ခုနှစ်မှ ၁၉၉၅ ခုနှစ်အထိ ကာတာနိုင်ငံအား အုပ်ချုပ်ခဲ့သူဖြစ်ပြီး ဆွစ်ဇာလန်သို့ အလည်အပတ်ရောက်ရှိချိန် သားဖြစ်သူ ရှိခ် ဟာမဒ် ဘင် ခါလီဖာ အလ်-သာနီ၏ သွေးမြေမကျသော နန်းချခြင်းကို ခံခဲ့ရသည်။

ရှိခ်ဟာမဒ်မှာ ကာတာနိုင်ငံကို ခေတ်မီအောင် လျင်မြန်စွာ ဆောင်ရွက်နိုင်ခဲ့ပြီး နိုင်ငံ၏ သာဘ၀ဓာတ်ငွေ ပေါကြွဝမှုကို အသုံးချ၍ ကမ္ဘာပေါ်တွင် တစ်ဦးချင်းကြွယ်ဝမှု အမြင့်ဆုံးနိုင်ငံဖြစ်အောင် ပြုလုပ်နိုင်ခဲ့သည်။

ထို့ပြင် ရေနံထုတ်လုပ်သည့်နိုင်ငံများအဖွဲ့ဖြစ်သော အိုပက်အဖွဲ့တွင်လည်း ကာတာမှာ အရေးပါသည့် အဖွဲ့ဝင်နိုင်ငံ ဖြစ်လာခဲ့သည်။

နန်းချခံလိုက်ရပြီးနောက် ၎င်း၏ နေရာအား မည်သည့်နည်းနှင့်မဆို ပြန်ရအောင် ကြိုးစားမည်ဟု ပြောကြားခဲ့ပြီး ၂၀၀၄ ခုနှစ်အထိ နိုင်ငံရပ်ခြားတွင် နေထိုင်ခဲ့ကာ နောက်ပိုင်းမှ ကာတာသို့ ပြန်လာခဲ့သည်။ ထို့ပြင် ယခုကွယ်လွန်သည့်အချိန်အထိ သိုသိပ်စွာ နေထိုင်ခဲ့သည်။

Ref: The Guardian

စက်တင်ဘာ ၁၉၊ ၂၀၁၆
M-Media

– အေအိုင်ဒီအက်စ်၊ တီဘီရောဂါနှင့် ငှက်ဖျားရောဂါတိုက်ဖျက်ရေးဆိုင်ရာ ကမ္ဘာ့ရံပုံငွေအဖွဲ့သို့ ကာတာနိုင်ငံက ကန်ဒေါ်လာ ၁၀ သန်း လှူဒါန်းခဲ့ပြီး ထိုအဖွဲ့သို့ ကာတာ၏ ပထမဆုံးအကြိမ် လှူဒါန်းမှုလည်း ဖြစ်သည်။

လှူဒါန်းမှုကို ကာတာ လူထုကျန်းမာရေးဝန်ကြီး ဒေါက်တာ ဟာနန် အလ်-ကူဝေရီက ကနေဒါတွင် မကြာသေးမီက ကျင်းပခဲ့သည့် ၎င်းရံပုံငွေအဖွဲ့၏ နှစ်ပတ်လည်ညီလာခံ၌ ကြေငြာခဲ့ခြင်းဖြစ်သည်။

“အရှေ့အလယ်ပိုင်းဒေသက ဒုက္ခသည်တွေနဲ့ စစ်ဘေးရှောင်ပြည်သူတွေအတွက် တီဘီရောဂါတိုက်ဖျက်ရေးနဲ့ အခြား ကျန်းမာရေးအကူအညီတွေ ထောက်ပံ့ပေးဖို့က ကာတာအတွက် ဦးစားပေးလုပ်ရမယ့် အရာတစ်ခု ဖြစ်ပါတယ်” ဟု ဒေါက်တာ အလ်-ကူဝေရီက ပြောသည်။

အေအိုင်ဒီအက်စ်၊ တီဘီရောဂါနှင့် ငှက်ဖျားရောဂါတိုက်ဖျက်ရေးဆိုင်ရာ ကမ္ဘာ့ရံပုံငွေအဖွဲ့ကို ၂၀၀၂ ခုနှစ်တွင် စတင်တည်ထာင်ခဲ့ပြီး အစိုးရများ၊ အရပ်ဖက်အဖွဲ့အစည်းများ၊ သီးသန့်အလှူရှင်များအနေဖြင့် အဆိုပါ ကူးစက်ရောဂါကြီး သုံးခုအား အတူလက်တွဲတိုက်ဖျက်ရန် ရည်ရွယ်ခြင်းဖြစ်သည်။

ထိုအဖွဲ့မှာ အီရတ်၊ ဂျော်ဒန်၊ လက်ဘနွန်၊ ပါလက်စတိုင်း၊ ဆီးရီးယားနှင့် ယီမင်တို့ရှိ ဒုက္ခသည်များ၊ ပြည်တွင်း အိုးအိမ်စွန့်ခွာ ထွက်ပြေသူများ၊ အမျိုးသမီးများ၊ ကလေးငယ်များအပါအ၀င် အခြား ထိခိုက်ခံစားလွယ်သည့် လူ့အဖွဲ့အစည်းများအတွက် HIV၊ တီဘီ၊ ငှက်ဖျားရောဂါများ တိုက်ဖျက်ရေး အစီအစဉ်များကို ကူညီထောက်ပံ့ပေးနေသည်။

Ref; IINA