ဇန်န၀ါရီ ၂၀၊ ၂၀၁၈
M-Media
– ဆော်ဒီဦဆောင်သည့် အုပ်စုက ပိတ်ဆို့မှုပြုလုပ်ခြင်းမှာ ကာတာ၏ ပိုင်ဆိုင်မှုများကို သိမ်းယူရန် ကြိုးစားခြင်းဖြစ်သည်ဟု ကာတာ တော်ဝင်မိသားစုဝင်တစ်ဦးဖြစ်သူ ရှိခ် အဘ်ဒူလာ ဘင် အလီ အလ် သာနီက ပြောကြားလိုက်သည်။
ပြီးခဲ့သည့်နှစ် ကာတာအား ဆော်ဒီနှင့်အဖွဲ့က ပိတ်ဆို့မှု ပြုလုပ်ပြီးနောက် ရှိခ် အဘ်ဒူလာကို ကာတာနိုင်ငံ၏ နောက်တက်မည့်ခေါင်းဆောင်အဖြစ် ဆော်ဒီနှင့် ယူအေအီးတို့က ဖော်ပြခဲ့သည်။ သို့သော်လည်း ပြီးခဲ့သည့်တစ်ပတ်တွင် ယူအေအီးက ၎င်းအား ကာတာနိုင်ငံသို့ ပြန်ခွင့်မပြုဘဲ ထိန်းသိမ်းထားခဲ့သည်ဟု သတင်းထွက်ခဲ့သည်။
ဇန်န၀ါရီ ၁၅ ရက်နေ့က အလ်ဂျာဇီးရားသတင်းဌာနမှ ရရှိသော အသံမှတ်တမ်းတွင် ရှိခ် အဘ်ဒူလာက ကာတာ၏ သံမန်ရေးအကြပ်အတည်းမှာ ဆော်ဒီနှင့် အီမရိတ် အိမ်ရှေ့မင်းသားတို့က ဖန်တီးသောကိစ္စဖြစ်ပြီး ကာတာ၏ ချမ်းသာကြွယ်ဝမှုကို အင်အားသုံး ရယူရန် ဆောင်ရွက်ခြင်းဖြစ်သည်ဟု စွပ်စွဲခဲ့သည်။
“ပင်လယ်ကွေ့ပြဿနာဟာ (ယူအေအီး အိမ်ရှေ့မင်းသား) မိုဟာမက် ဘင် ဇာယဒ်နဲ့ (ဆော်ဒီအိမ်ရှေ့မင်းသား) မိုဟာမက် ဘင် ဆလ်မန်တို့ရဲ့ ကိုယ်ကျိုးစီးပွား၊ ဆန္ဒတွေကို အခြေခံပြီး ကာတာရဲ့ ချမ်းသာ ကြွယ်ဝမှုကို အနိုင့်အထက် ရယူဖို့ ဆောင်ရွက်မှုပါ။ ကျရာနေရာက ဒါကို ခုခံကာကွယ်ဖို့ ကာတာနိုင်ငံသားတွေကို ကျွန်တော် တိုက်တွန်းပါတယ်”
ထို့ပြင် အဆိုပါ အိမ်ရှေ့မင်းသားနှစ်ဦးမှာ ‘မိမိတို့၏ နိုင်ငံကို ဖျက်ဆီးရန်အတွက် ငွေဖြင့် နိုင်ငံသားများကို နှုတ်ပိတ်မည်’ ဟုလည်း ရှိခ် အဘ်ဒူလာက သတိပေးခဲ့သည်။
ယူအေအီးတွင် ထိန်းသိမ်းခံရခြင်းနှင့် ပတ်သက်၍ ၎င်းက ယူအေအီး အိမ်ရှေ့မင်းသား မိုဟာမက် ဘင် ဇာယဒ်ကို အပြစ်တင်ခဲ့ပြီး ‘မိမိသားစုနှင့်တွေ့ဆုံရေး အိမ်ပြန်မည်ကိစ္စကို မိုဟာမက် ဘင် ဇာယဒ်က ဖိအားပေး တားမြစ်ခဲ့ကြေင်း၊ အခြားသူများအား ထိခိုက်နာကျင်မှု မဖြစ်စေရန်အတွက် မိမိ၏အသက်ကို ပေးဆပ်ရန်ပင် ဆုံးဖြတ်ထားကြောင်း’ အဆိုပါ အသံမှတ်တမ်းတွင် ရှိခ် အဘ်ဒူလာက ပြောကြားခဲ့သည်။
ရှိခ် အဘ်ဒူလာအား ထိန်းသိမ်းထားသည်ဆိုသည့် သတင်းကို ယူအေအီးက ငြင်းဆိုထားသည်။
ဗုဒ္ဓဟူးနေ့တွင် ရှိခ် အဘ်ဒူလာမှာ ကူဝိတ်နိုင်ငံသို့ ဘီးတပ်ကုလားထိုင်ဖြင့် ရောက်ရှိလာခဲ့ပြီး နောက်ပိုင်းတွင် ဆေးရုံတင်ခဲ့ရသည်။
Ref: Aljazeera
