Tag: Qatar

နိုဝင်ဘာ ၃၊ ၂၀၁၇
M-Media

– ကာတာတွင် F-15 တိုက်လေယာဉ်များအား ပံ့ပိုးကူညီရေး ကန်ဒေါ်လာ ၁.၁ ဘီလီယံတန် အစီအစဉ်ကို အမေရိကန် ကာကွယ်ရေးဌာန ပင်တဂွန်က အတည်ပြုလုပ်သည်ဟု သိရသည်။

ဇွန်လတွင် ကာတာနှင့် အမေရိကန်တို့မှာ ကန်ဒေါ်လာ ၁၂ ဘီလီယံဖိုး ဘက်စုံသုံးတိုက်လေယာဉ် ၇၂ စီး ၀ယ်ယူရန် လက်မှတ်ရေးထိုးခဲ့သည်။

အဆိုပါသဘောတူညီချက်တွင် ဆိုက်ဘာလုံခြုံရေး ကာကွယ်ရေး၊ ပံ့ပိုးကူညီရေး၊ အခြား ဆက်စပ်သော ၀န်ဆောင်မှုများအပါအ၀င် လေယာဉ်များ ဒီဇိုင်းဆွဲ တည်ဆောက်ရေးလုပ်ငန်းများလည်း ပါဝင်သည်ဟု အောက်လွှတ်တော်ကို တင်ပြထားကြောင်း ပင်တဂွန်က ပြောကြားခဲ့သည်။

အဆိုပါ သဘောတူညီချက်ကို ပယ်ချရန်အတွက် အောက်လွှတ်တော်တွင် ရက် ၃၀ အချိန်ရှိနေသည်။

အမေရိကန် လုံခြုံရေးနှင့် ပူးပေါင်းဆောင်ရွက်ရေး အေဂျင်စီက ထုတ်ပြန်သော ကြေငြာချက်တွင် ပင်လယ်ကွေ့ဒေသအတွင်း နိုင်ငံရေး တည်ငြိမ်ရန်နှင့် စီးပွားရေး ဖွံ့ဖြိုးတိုးတက်ရန်အတွက် ကာတာမှာ အဓိကကျသည့် နိုင်ငံဖြစ်ကြောင်း၊ အမေရိကန်နှင့် ကာတာလေတပ်တို့၏ ဆက်ဆံရေးမှာ ကောင်းမွန်ခိုင်မြဲနေကြောင်း ဖော်ပြထားသည်။

၂၀၁၆ ခုနှစ် နိုဝင်ဘာလကတည်းက ဆွေးနွေးခဲ့သည့် လေယာဉ်များဝယ်ယူရေး သဘောတူညီချက်မှာ ကာတာ၏ နည်းပညာစွမ်းအား တိုးတက်ရေး၊ အမေရိကန်နှင့် ကာတာတို့အကြား လုံခြုံရေးဆိုင်ရာ ပူးပေါင်းဆောင်ရွက်မှု တိုးမြှင့်ရေးအတွက်လည်း ရည်ရွယ်သည်။

Ref; Aljazeera

အောက်တိုဘာ ၂၇၊ ၂၀၁၇
M-Media

– နိုင်ငံအတွင်းရှိ ပြည်ပလုပ်သားအင်အား ၂ သန်းအား ထောက်ပံ့နိုင်မည့် ရန်ပုံငွေထူထောင်ရေးအတွက် ကာတာမှာ ဥပဒေမူကြမ်းအသစ်တစ်ခုကို ဗုဒ္ဓဟူးနေ့တွင် အတည်ပြု ပြဌာန်းလိုက်သည်။

‘အလုပ်သမားများ ဖူလှုံရေးနှင့် အာမခံရန်ပုံငွေ’ ဟု အမည်ပေးထားသည့် အဆိုပါရန်ပုံငွေသည် သတ်မှတ်ချိန်ထက် အလုပ်ပိုလုပ်ရသည့် လုပ်သားများကို လုပ်အားခ ရှင်းပေးရန်ဖြစ်ပြီး၊ အစိုးရအဖွဲ့၏ ကြီးကြပ်မှုအောက်တွင် လွတ်လပ်စွာ လည်ပတ်မည်ဟု ကာတာအလုပ်သမားရေးရာဝန်ကြီး Issa al-Nuaimi က ပြောကြားခဲ့သည်။

အတည်ပြုခဲ့သည့် အခြားဥပဒေများတွင် ပြည်ပလုပ်သားများ နေထိုင်စားသောက်စရိတ်နှင့် ကာမိသော အနည်းဆုံးလုပ်ခ ရရှိရေးလည်း ပါဝင်သည်။

ကာတာနိုင်ငံမှာ နိုင်ငံခြားအလုပ်သမားအင်အားအတွက် ပြည်ပတိုင်းပြည်များနှင့် အပြန်အလှန်သဘောတူညီချက် ၃၆ ခု လက်မှတ်ရေးထိုးထားပြီး ရည်ရွယ်ချက်မှာ အလုပ်သမားများ တရားဥပဒေအရ အကာအကွယ်ရရှိရေး ဖြစ်သည်။

၂၀၂၂ ကမ္ဘာ့ဖလားဘောလုံးပွဲကျင်းပရန် အခြေခံအဆောက်အဦးများ တည်ဆောက်နေရသည့်အချိန်တွင် အိန္ဒိယ၊ နီပေါနှင့် ဘင်္ဂလားဒေ့ရ်ှတို့မှ နိုင်ငံခြားအလုပ်သမားများအပေါ် အစိုးရက အကာအကွယ်မပေးသည့် ကိစ္စနှင့်ပတ်သက်၍ ကာတာမှာ ဝေဖန်စောင့်ကြည့်မှုများကို ခံနေရသည်။

Ref : Aljazeera

အောက်တိုဘာ ၂၆၊ ၂၀၁၇
M-Media

– ကာတာနှင့်ဖြစ်ပွားနေသည့် ပြဿနာကို မဖြေရှင်းနိုင်ပါက ပင်လယ်ကွေ့ ပူးပေါင်းဆောင်ရွက်ရေးအဖွဲ့ (GCC) ပြိုလဲသွားနိုင်သည်ဟု ကူဝိတ်ခေါင်းဆောင် ရှိုက် ဆာဘာ အလ် အဟ်မဒ် အလ် ဆာဘာက သတိပေးလိုက်သည်။

အင်္ဂါနေ့ပြုလုပ်သည့် ကူဝိတ်လွှတ်တော်အစည်းအဝေးတွင် ထိုကဲ့သို့ ပြာကြားလိုက်ခြင်းဖြစ်ပြီး နိုင်ငံရေးအရ မတိုးသာမဆုတ်သာအခြေအနေမျိုး ဖြစ်လာသော ကာတာပြဿနာကြောင့် အန္တရာယ်ရှိသော စစ်ရေးနှင့် နိုင်ငံရေးအရ ကြားဝင်ဆောင်ရွက်မှု ဖြစ်လာနိုင်ဖွယ်ရှိသည်ဟု GCC ခေါင်းဆောင်များကို သတိပေးခဲ့သည်။

GCC မှာ အာရေဗျကျွန်းဆွယ်မှ ဘာရိန်း၊ ကူဝိတ်၊ အိုမန်၊ ကာတာ၊ ဆော်ဒီအာရေဗျနှင့် ယူအေအီးတို့ပါဝင်သည့် နိုင်ငံရေးနှင့် စီးပွားရေး ပူးပေါင်းဆောင်ရွက်မှု အဖွဲ့ဖြစ်သည်။ ၁၉၈၁ ခုနှစ်က ဖွဲ့စည်းခဲ့ပြီး အဖွဲ့ဝင်နိုင်ငံများအချင်းချင်း စီးပွားရေး၊ လုံခြုံရေး၊ ယဉ်ကျေးမှုနှင့် လူမှုရေးဆိုင်ရာ ပူးပေါင်းဆောင်ရွက်မှုကို အားပေးမြှင့်တင်ခဲ့သည်။

သို့သော်လည်း ဇွန်လ ၅ ရက်နေ့က ဘာရိန်း၊ ဆော်ဒီ၊ ယူအေအီးနှင့် အီဂျစ်တို့က ကာတာနိုင်ငံကို ကုန်း၊ ရေ၊ လေ ပိတ်ဆို့မှုများ ပြုလုပ်ခဲ့မှုကြောင့် စိတ်ဝမ်းကွဲမှုဖြစ်ပေါ်ခဲ့ပြီး ယင်းလုပ်ရပ်နှင့်ပက်သက်၍ GCC ၏ ကံကြမ္မာကို မေးခွန်းထုတ်စရာ ဖြစ်လာခဲ့သည်။

လက်ရှိတွင် ထိုပြဿနာအတွက် ကူဝိတ်က ကြားဝင်ညှိနှိုင်းပေးနေပြီး ရှိခ် အလ် ဆာဘာက ဆွေးနွေးညှိနှိုင်းမှုမှာ ပင်လယ်ကွေ့နိုင်ငံများအကြား မိသားစုကဲ့သို့ ရင်းနှီးမှုခေါင်းစဉ်အောက်မှ ကြည့်ရှုသင့်သည်ဟု ပြောကြားခဲ့သည်။

ထို့ပြင် GCC ပြိုကွဲခြင်းမှာ အာရပ်ပူးပေါင်းဆောင်ရွက်ရေးမှု နောက်ဆုံးခံတပ် ပြိုကွဲခြင်းဖြစ်ကြောင်း သတိပေးခဲ့ကာ ကူဝိတ်နိုင်ငံအနေဖြင့် GCC ကို မပြိုလဲအောင် ကာကွယ်သွားမည်ဟု ထည့်သွင်းပြောဆိုခဲ့သည်။

Ref : Aljazeera

အောက်တိုဘာ ၂၅၊ ၂၀၁၇
M-Media

– ဒိုဟာနှင့် ပါရှန်းပင်လယ်ကွေ့နိုင်ငံများအကြား သံတမန်ရေးရာ တင်းမာမှုများဖြစ်ပေါ်နေသည့်အချိန်တွင် ကာတာက အမေရိကန်ပြည်ထောင်စု၌ စစ်ဖက်ရေးရာ ရုံးတစ်ခု ဖွင့်လှစ်ခဲ့သည်ဟု သိရသည်။

ဝါရှင်တန်ရှိ ကာတာသံရုံးအနီးတွင် တည်ရှိသည့် အဆိုပါ စစ်ရုံးကို တနင်္လာနေ့က ဖွင့်လှစ်ခဲ့ခြင်းဖြစ်ပြီး ကောင်စစ်ဝန် ဗိုလ်မှူးချုပ် ယူဆက်ဖ် အလ်-ကူဝေရီက ဦးဆောင်မည်ဖြစ်သည်။

ထိုရုံးမှာ ကာတာနှင့် အမေရိကန်ပြည်ထောင်စုအကြား ကာကွယ်ရေးဆိုင်ရာ သံတမန်ဆက်သွယ်မှု ပိုမိုအားကောင်းလာစေရေး နည်းလမ်းသစ်တစ်ခု၏ အစိတ်အပိုင်းဖြစ်သည်ဟု ကာတာ ကာကွယ်ရးဝန်ကြီးဌာန၏ စိတ်ဓာတ်စစ်ဆင်ရေး ညွှန်ကြားရေးမှူးက ပြောကြားခဲ့သည်။

ကာတာကြည်းတပ်၊ ရေတပ်၊ လေတပ်နှင့် အထူးတပ်ဖွဲ့ကိုယ်စားပြု အရာရှိ ၆ ဦးနှင့် လုပ်ငန်းတာဝန်မသတ်မှတ်ထားသော အရာရှိ တစ်ဦးတို့ကို အဆိုပါရုံးတွင် ခန့်အပ်ထားမည်ဟု ကူဝေရီက ဆိုသည်။

စစ်သားပေါင်း တစ်သောင်းခန့်ရှိပြီး အရှေ့အလယ်ပိုင်း၏ အကြီးဆုံး အမေရိကန်လေတပ်စခန်းမှာ ကာတာနိုင်ငံတွင် ရှိနေသည်။

အကြမ်းဖက်ဝါဒကို ထောက်ပံ့နေသည်ဟုဆိုကာ ဆော်ဒီ၊ အီဂျစ်၊ ဘာရိန်းနှင့် ယူအေအီးတို့က ဇွန်လတွင် ကာတာနှင့် သံတမန်အပါအ၀င် အဆက်အသွယ်အားလုံးကို ဖြတ်တောက်ခဲ့သည်။ ကာတာကမူ စွပ်စွဲချက်များကို ငြင်းဆိုခဲ့သည်။

အမေရိကန် နိုင်ငံခြားရေးဝန်ကြီး ရက်စ်တစ်လာဆန်က အဆိုပါ သံတမန်အကြပ်အတည်းအား ပြေလည်ရန် ကြားဝင်ညှိနှိုင်းပေးလျက်ရှိနေသည်။

Ref : Press TV