ဒီဇင်ဘာ ၃၊ ၂၀၁၇
M-Media
– အရှေ့အလယ်ပိုင်းနှင့် မြေထဲပင်လယ်ဒေမှ အာဏာကစားပွဲများက ဒေသတွင်း ပဋိပက္ခများနှင့် မတည်ငြိမ်မှုများကို ဖြစ်စေသည်ဟု ကာတာနိုင်ငံခြားရေးဝန်ကြီး ရှိခ် မိုဟာမက် ဘင် အဘ်ဒူလ်ရဟ်မန် အလ်-သာနီက ပြောကြားလိုက်သည်။
စနနေ့က ရောမမြို့တွင် ပြုလုပ်သည့် မြေထဲပင်လယ်ဆိုင်ရာ ဆွေးနွေးပွဲတွင် အလ်-သာနီက ယခုကဲ့သို့ ပြောကြားခဲ့ခြင်းဖြစ်ပြီး၊ ဒေသတွင်း ခေါင်းဆောင်များ အပြောင်းအလဲကို လက်မခံခြင်းကလည်း မတည်ငြိမ်မှုကို ဖြစ်စေသည်ဟု ဆိုသည်။
“အပြောင်းအလဲကို ခွင့်မပြုတာဟာ လူတွေကို မျှော်လင့်ချက် မဲ့သွားစေပြီး ဒေသကို အကြမ်းဖက်ဝါဒ သန္ဓေတည်ရာ ဖြစ်လာစေခဲ့ပါတယ်။ အဲဒီဝါဒဟာ နောက်ပိုင်းမှာ ဥရောပနဲ့ ကမ္ဘာတစ်ဝှမ်းလုံးကို ပြန့်နှံ့သွားပါတော့တယ်”
ထိုကဲ့သို့ ဒေသတွင်း မတည်ငြိမ်ဖြစ်စေသည့် အာဏာကစားပွဲများကို ရပ်တန့်ရန်အတွက် နိုင်ငံအားလုံးက ဒေသလုံခြုံရေးအတွက် ဆွေးနွေးကာ နိုင်ငံရေး မတည်ငြိမ်မှုများကြောင့် ပြောင်းလဲမသွားနိုင်မည့် နိုင်ငံရေး၊ လုံခြုံရေးနှင့် စီးပွားရေး သဘောတူညီချက်များ လိုအပ်သည်ဟုလည်း ကာတာနိုင်ငံခြားရေးဝန်ကြီးက ထည့်သွင်း ပြောဆိုခဲ့သည်။
အကြမ်းဖက်ဝါဒကို ပံ့ပိုးသည်ဟုဆိုကာ ဆော်ဒီ၊ ဘာရိန်း၊ ယူအေအီးနှင့် အီဂျစ်တို့မှာ ဇွန်လကလည်းက ကာတာနိုင်ငံကို အဆက်အသွယ်အားလုံး ဖြတ်တောက်ခဲ့သည်။ ကာတာကမူ ထိုစွပ်စွဲချက်များအား ငြင်းဆိုထားသည်။
Ref: Aljazeera