ဖေဖော်ဝါရီ ၁၅၊ ၂၀၁၈
M-Media
– ရခိုင်ပြည်နယ်မှာ ရိုဟင်ဂျာ အရပ်သားတွေ အစုလိုက်အပြုံလိုက် သတ်ဖြတ်မြှုပ်နှံခံရမှုကို ဖော်ထုတ်ဖို့ ကြိုးစားတဲ့အတွက် မြန်မာအစိုးရရဲ့ ဖမ်းဆီးမှုကို ခံထားရတဲ့ ရိုက်တာသတင်းထောက်နှစ်ဦးကို အမေရိကန်အခြေစိုက် လွတ်လပ်တဲ့ ထိပ်တန်း စာနယ်ဇင်းအဖွဲ့ PEN America က ဂုဏ်ပြုဆု ချီးမြှင့်မယ်လို့ သိရပါတယ်။
ရိုက်တာ သတင်းထောက်နှစ်ဦးဖြစ်တဲ့ ၀လုံးနဲ့ ကျော်စိုးဦးတို့ဟာ ရခိုင်ပြည်နယ်မြောက်ပိုင်း အင်းဒင်ရွာမှာ စစ်တပ်နဲ့ ပြည်သူ့စစ်တွေက ရိုဟင်ဂျာတွေရဲ့ အိမ်တွေကို မီးရှို့မှု၊ ပစ္စည်းတွေ လုယက်မှု၊ ရိုဟင်ဂျာ အရပ်သား ၁၀ ဦးကို သတ်ဖြတ်မြှုပ်နှံမှုတို့နဲ့ပတ်သက်ပြီး သတင်းရယူဖို့ ကြိုးစားနေစဉ်အတွင်း ၂၀၁၇ ခုနှစ် ဒီဇင်ဘာ ၁၂ ရက်နေ့မှာ ရဲတပ်ဖွဲ့ရဲ့ ထောင်ချောက်ဆင် ဖမ်းဆီးမှုကို ခံခဲ့ရတာပါ။
သူတို့ကို အမြင့်ဆုံး ထောင်ဒဏ် ၁၄ နှစ်အထိ ချမှတ်နိုင်မယ့် ကိုလိုနီခေတ် နိုင်ငံတော် လျှို့ဝှက်ချက်ဥပဒေနဲ့ တရားစွဲဆိုထားပါတယ်။
Pen America ကတော့ သူတို့နှစ်ယောက်ရဲ့ဒီလို ကြိုးပမ်းအားထုတ်မှုအတွက် မေလ ၂၂ ရက်နေ့မှာ PEN/Barbey Freedom to Write Award ဆု ချီးမြှင့်သွားမယ်လို့ အင်္ဂါနေ့က သူတို့ရဲ့ ၀ဘ်ဆိုက်မှာ ကြေငြာခဲ့ပါတယ်။
Freedom to Write Award ဆုဟာ အမှန်တရားကို ဖော်ထုတ်ရေးသားတာကြောင့် ဖမ်းဆီးထောင်ချခံရတဲ့ ဂျာနယ်လစ်တွေ၊ စာရေးဆရာတွေကို ဂုဏ်ပြုတဲ့အနေနဲ့ ချီးမြှင့်တာဖြစ်ပြီး ၁၉၈၇ ခုနှစ်ကနေ ယနေ့အချိန်အထိ ၄၂ ဦးကို ချီးမြှင့်ထားပြီး ဖြစ်ပါတယ်။
ဒီဆုဟာ ဖမ်းဆီးခံဂျာနယ်လစ်တွေ လွတ်မြောက်ရေး တွန်းအားပေးဖို့လည်း ရည်ရွယ်ပြီး ဆုချီးမြှင့်ခံရတဲ့ ၄၂ ဦးမှာ ၃၇ ဦးက ပြန်လည် လွတ်မြောက်ခဲ့ပါတယ်။
PEN America အမှုဆောင်ဒါရိုက်တာ ဆူဇန်နီ နိုဆဲလ်က ဆုရတယ်ဆိုတဲ့ ဒီသတင်းဟာ ၀လုံးနဲ့ ကျော်စိုးဦးတို့ဆီကို ရောက်ရှိပြီး သူတို့ အားတက်မယ်လို့ မျှော်လင့်ကြောင်း ပြောကြားခဲ့ပါတယ်။
“မြန်မာနိုင်ငံက လူမျိုးရေးအကြမ်းဖက်မှုဟာ လူမှုအသိုက်အ၀န်း၊ နိုင်ငံရေးအသိုက်အ၀န်းမှာ ရှုပ်ထွေးမှုကို ဖြစ်စေပြီး၊ အနာဂတ်နဲ့ နိုင်ငံတကာ မျက်နှာစာမှာ မျက်နှာပျက်စရာ ဖြစ်စေပါတယ်။ ဒီအဖြစ်အပျက်တွေကို ဖျောက်ဖျက်လိုက်လို့ မရပါဘူး။ ၀လုံးနဲ့ ကျော်စိုးဦးတို့ဟာ ပရော်ဖက်ရှင်နယ် ဂျာနယ်လစ်တွေပီပီ ဖျောက်ဖျက်ခံထားရတဲ့ အမှန်တရားတွေကို ဖော်ထုတ်ခဲ့တာဖြစ်ပါတယ်။ ပါဝင်ပတ်သက်သူတွေအားလုံးထဲက မျက်မြင်သက်သေတွေကို သူတို့ အင်တာဗျူးတယ်၊ ရုပ်ပိုင်းဆိုင်ရာနဲ့ ဓာတ်ပုံအထောက်ထားတွေကို ရယူခဲ့ကြပါတယ်”
ဖြစ်ခဲ့တယ်လို့ သတင်းထွက်တဲ့ ရက်စက်ကြမ်းကြုတ်မှုတွေကို ဖော်ထုတ်တဲ့အတွက် ၀လုံးနဲ့ ကျော်စိုးဦးတို့ကို ဖမ်းဆီးတရားစွဲဆိုလိုက်ခြင်းက မြန်မာနိုင်ငံမှာ လွတ်လပ်စွာ ထုတ်ဖော်ပြောဆိုခွင့် ရရှိရေး တိုက်ပွဲဟာ မပြီးဆုံးသေးဘူးဆိုတာကို သတိပေးနေတာဖြစ်ကြောင်း နိုဆဲလ်က ထည့်သွင်း ပြောကြားခဲ့ပါတယ်။
“ဒီလို ဘာမထီတဲ့ သတင်းထောက်တွေကို ဂုဏ်ပြုခွင့်ရတဲ့အတွက် ကျွန်မတို့ ဂုဏ်ယူမိပြီး၊ ဒီဆုဟာ မြန်မာနိုင်ငံက လူ့အခွင့်အရေးအခြေအနေတွေအတွက် နိုင်ငံတကာရဲ့ စိုးရိမ်မှု လျှော့ချလို့မရဘူးဆိုတာကို သိသာတဲ့ မီးမောင်းထိုးပြမှုတစ်ခု ဖြစ်ဖို့လည်း မျှော်လင့်ပါတယ်”
မြန်မာနိုင်ငံမှာ Freedom to Write Award ကို ရရှိခဲ့တဲ့ ဂျာနယ်လစ် ၄ ဦးရှိပြီး စစ်အာဏာရှင်လက်ထက်က ထောင်သွင်း အကျဉ်းချခံခဲ့ရသူတွေ ဖြစ်ပါတယ်။
Ref: PEN America, Washingtonpost
