Tag: Refugee Crisis

ဇန်န၀ါရီ ၄၊ ၂၀၁၆

– ဒုက္ခသည်များကို အမြောက်အများတင်ဆောင်လာသော လှေတစ်စီးမှာ ဇန်န၀ါရီ ၂ ရက်နေ့က ဂရိနိုင်ငံ အဂ္ဂါသိုနီစီကျွန်းနှင့် မလှမ်းမကမ်းရှိ ကျောက်ဆောင်များနှင့်တိုက်မိကာ နစ်မြုပ်မှုအတွင်း အသက် ၂ နှစ်အရွယ် ကလေးငယ်တစ်ဦး သေဆုံးခဲ့ပြီး နှစ်သစ်တွင် ဒုက္ခသည်ပြဿနာ၏ ပထမဆုံး သေဆုံးသူလည်း ဖြစ်ခဲ့သည်။

ဒေသခံ ငါးဖမ်းသမားများမှ သတင်းပေးမှုကြောင့် လှေ၏အပြင်ဘက်သို့ ပြုတ်ကျခဲ့သည့် အမျိုးသမီးတစ်ယောက်အပါအ၀င် ကျန်တဲ့ ခရီးသည် ၃၉ ယောက်ကိုမူ အချိန်မီ ကယ်ဆယ်နိုင်ခဲ့သည်။ ၎င်းတို့အထဲမှ ၁၀ ဦးမှာ ကိုယ်အပူချိန် အလွန်အမင်းကျဆင်းခဲ့သည့်အတွက် ဆေးရုံသို့ ပို့ဆောင်ကုသခဲ့ရသည်။

ရာဘာဖြင့်ပြုလုပ်ထားသော အဆိုပါ ဒုက္ခသည်လှေမှာ မနက်စောစောပိုင်း လေပြင်းများ တိုက်ခတ်နေသည့်အချိန်တွင် တူရကီနိုင်ငံမှ ထွက်ခွာလာခဲ့ခြင်းဖြစ်ပြီး ရွှေ့ပြောင်းနေထိုင်သူများအတွက် စေတနာ့ဝန်ထမ်း ကယ်ဆယ်ရေးဌာန (MOAS) မှာ ဟယ်လင်နစ် ကမ်းခြေစောင့်တပ်ဖွဲ့များနှင့် ပူးပေါင်းဆောင်ရွက်၍ ခရီးသည်များကို အသက်ကယ်အမြန်လှေဖြင့် ဘေးကင်းရာသို့ ကယ်ဆယ်နိုင်ခဲ့သည်။

ကလေးငယ်၏ အလောင်းကို ငါးဖမ်းသမားများက ရေထဲမှသယ်ယူလာခဲ့သည်ဟု ကမ်းခြေစောင့်အဖွဲ့၏ ပြောကြားချက်အရသိရသည်။ ကလေး၏ မိခင်အပါအ၀င် အခြားရွှေ့ပြောင်းလာသူများကို မိုင် ၃၀ ကွာဝေးသော အနီးဆုံးကျွန်းတစ်ခုဖြစ်သည့် ဆာမိုကျွန်းရှိ ပိုက်သာဂိုရီယိုဆိပ်ကမ်းသို့ ပို့ဆောင်ခဲ့ကြသည်။

အဆိုပါ ဒုက္ခသည်များမှာ မည်သည့်နိုင်ငံမှ ဖြစ်သည်ဆိုသည်ကို အတိအကျ သိရှိရခြင်းမရှိပေ။

ပင်လယ်ပြင်တွင် အလွန်အေးစက်က လှိုင်းဒဏ်လေဒဏ် ရှိနေသော်လည်း ရွှေ့ပြောင်းသူများနှင့် ဒုက္ခသည် အမြောက်အများမှာ တူရကီနိုင်ငံမှနေ၍ ဂရိနိုင်ငံသို့ရောက်ရှိရန်အတွက် အေဂျီယန်ပင်လယ်ပြင်တစ်ခွင်တွင် အန္တရာယ်များအကြား ရွက်လွှင့်သွားလာနေဆဲဖြစ်သည်။

ဒုက္ခသည်အများစုမှာ ဆီးရီးယား၊ အာဖဂန်နစ္စတန်နှင့် အီရတ်နိုင်ငံတို့တွင် အကြမ်းဖက်မှုနှင့် စစ်ဘေးရှောင်လာကြသူများ ဖြစ်ကြသည်။ ဤသို့ရွှေ့ပြောင်းထွက်ခွာရန် ကြိုးပမ်းကြရာမှ လူ ၃၆၀၀ ကျော် သေဆုံးခဲ့ပြီးဖြစ်သည်။

ပြီးခဲ့သည့်နှစ်က သုံးနှစ်သားအရွယ်ရှိ ဆီးရီးယားနိုင်ငံသားကလေးငယ် အလန် ကုရ်ဒီ၏ တူရကီကမ်းခြေတွင် ရေနစ်သေဆုံးနေသော ခန္ဓာကိုယ်အလောင်းဓာတ်ပုံသည် ဒုက္ခသည်များပြဿနာများ၏ ကြေကွဲဖွယ်ရာ နိမိတ်ပုံတစ်ခု ဖြစ်လာခဲ့သည်။

Ref: AFP

နိုဝင်ဘာ ၂၄၊ ၂၀၁၅
M-Media

– ဂရိ-မက်ဆိုဒီုးနီးယား နယ်စပ်တွင် သောင်တင်နေသည့် ဒုက္ခသည်များမှာ အချို့သော ဘော်လ်ကန်နိုင်ငံများ၏ ကန့်သတ်မှုအစီအစဉ်ကို ဆန့်ကျင်သည့်အနေဖြင့် အစာငတ်ခံ ဆန္ဒပြမှုများ၊ နှုတ်ခမ်းအား အပ်ချည်ဖြင့် ချုပ်ကာ ဆန္ဒပြမှုများကို ပြုလုပ်နေသည်ဟု သိရသည်။

ပြီးခဲ့သည့် နိုင်ဝင်ဘာ ၁၇ ရက်နေ့က ဆလိုဗေးနီးယား၊ မက်ဆီဒိုးနီးယား၊ ခရိုအေးရှားနှင့် ဆားဘီးယားနိုင်ငံတို့မှာ ဒုက္ခသည်များ သွားလာခွင့်ကို ပိတ်ပစ်ခဲ့ပြီး ဆီးရီးယား၊ အာဖဂန်နှင့် အီရတ်နိုင်ငံတို့မှ ဒုက္ခသည်များကိုလည်း နိုင်ငံသားအဖြစ် သတ်မှတ်မည်မဟုတ်ဟု ကြေငြာခဲ့သည်။

ထိုကဲ့သို့ ပိတ်ပင်မှုများကြောင့် ဘော်လ်ကန်နိုင်ငံများ၏ နယ်ခြားများတွင် ဒုက္ခသည်များ ပိတ်မိခဲ့ကြပြီး အိုင်ဒိုမီနီနယ်ခြားတွင် ဒုက္ခသည် ထောင်ပေါင်းများစွာမှာ ထိုကိစ္စအတွက် အစာငတ်ခံ ဆန္ဒပြခဲ့ကြသည်။ အီရန်နှင့် ကာ့ဒ်ဒုက္ခသည်များကလည်း ၎င်းတို့အား ပိတ်ဆို့ထားမှုကို ဆန္ဒပြသည့်အနေဖြင့် ပါစပ်များကို အပ်ချည်ဖြင့်ချုပ်ခဲ့ကြပြီး ထိုဓာတ်ပုံများမှာ ဆိုရှယ်မီဒီယာများတွင် ပြန့်နှံ့ခဲ့သည်။

“အခုအချိန်မှာတော့ ဂရိက အိုင်ဒိုမီနီ နယ်ခြားဒေသမှာ အခြေအနေဟာ အဆိုးရွားဆုံး ဖြစ်နေပါတယ်။ ဆီးရီးယား၊ အာဖဂန်နဲ့ အီရတ်က ဒုက္ခသည်တွေကလွဲလို့ အခြားသူတွေအတွက် နယ်စပ်တွေ ပိတ်လိုက်တာကြောင့် အဲဒီမှာ အီရန်၊ မော်ရိုကိုနဲ့ အခြားနိုင်ငံသား အနည်းဆုံး ၂၀၀၀ လောက် ပိတ်မိနေပါတယ်” ဟု ဒုက္ခသည်များအရေး ဆောင်ရွက်ပေးနေသည့် ဇာဂရဘ်မြို့အခြေစိုက် Are You Syrious အဖွဲ့မှ ပြောရေးဆိုခွင့်ရှိသူ မီလီနာ ဇာဂျိုဗစ်က ပြောကြားခဲ့သည်။

“လွန်ခဲ့တဲ့ ရက်အနည်းငယ်အတွင်းမှာ စေတနာ့ဝန်ထမ်းတွေဟာ တော်တော်လေး တုန်လှုပ်ဖွယ်ကောင်းတဲ့ အခြေအနေတွေကို တွေ့ကြုံနေရပါတယ်။ ပါကစ္စတန်တစ်ယောက်ဆိုရင် စနေနေ့က အားလုံးအရှေ့မှာ ကြိုးဆွဲချသေဖို့ ကြိုးစားတယ်။ ဒီနေ့ (တနင်္လာနေ့) မှာတော့ အီရန်အုပ်စုတစ်ခုဟာ ဆန္ဒပြတဲ့အနေနဲ့ သူတို့ရဲ့ ပါးစပ်တွေကို အပ်နဲ့ ချုပ်ထားကြပါတယ်”

ထို့ပြင် ဘော်လ်ကန်နိုင်ငံများက ပြုလုပ်သော ထိုဆောင်ရွက်မှုများမှာ ဒုက္ခသည်များ ခိုလှုံ့မှု အခွင့်အရေးကို ဆုံးရှုံးစေသည်ဟုလည်း ဇာဂျိုဗစ်က ထည့်သွင်းပြောကြားခဲ့သည်။

နယ်စပ်များတွင် သောင်တင်နေသည့် ဒုက္ခသည်များ၏ ကျန်းမာရေးအတွက်လည်း စိုးရိမ်မှုများ ရှိနေပြီး အမေရိကန်ရှိ ဟားဗတ်တက္ကသိုလ်မှ လူ့အခွင့်အရေးနှင့် ဒုက္ခသည်များဆိုင်ရာ ပါမောက္ခ ဂျေးလ် ဂိုလ်ဒန်ဇီလ်က ဒုက္ခသည်များကို ဆန်းစစ်ခြင်းမှာ လုပ်သင့်သည့်အလုပ် ဖြစ်သော်လည်း နိုင်ငံကိုလိုက်၍ ဆောင်ရွက်၍မရဘဲ ဒုက္ခသည်များဆိုင်ရာ သဘောတူညီချက်က ဒုက္ခသည်တစ်ဦးချင်းစီ၏ အခွင့်အရေးကို အာမခံပေးထားသည်ဟု ပြောကြားခဲ့သည်။

Ref: Aljazeera