Tag: Rohingya

နိုဝင်ဘာ ၂၂၊ ၂၀၁၇
M-Media

– ရခိုင်ပြည်နယ်က ရိုဟင်ဂျာတွေအပေါ် ကျူးလွန်မှုတွေဟာ ‘လူမျိုးတုန်းသတ်ဖြတ်မှု’ ဖြစ်တယ်လို့ အမေရိကန်အစိုးရက ဒီနေ့မှာ ကြေငြာလိုက်ပါတယ်။

“ရရှိနိုင်သမျှ အချက်အလက်တွေကို စေ့စေ့စပ်စပ်နဲ့ ဂရုတစ်စိုက် လေ့လာဆန်းစစ်မှု လုပ်ပြီးတဲ့နောက်မှာတော့ ရခိုင်ပြည်နယ်မြောက်ပိုင်းမှာ ဖြစ်ပွားနေတဲ့ အခြေအနေဟာ ရိုဟင်ဂျာတွေအပေါ် လူမျိုးစုလိုက် ရှင်းလင်းမှု မြောက်နေတယ်ဆိုတာ ရှင်းရှင်းလင်းလင်း မှတ်ယူလို့ရပါတယ်” လို့ နိုင်ငံခြားရေးဝန်ကြီး ရက်စ်တီလာဆန်က ထုတ်ပြန်တဲ့ ကြေငြာချက်မှာ ဖော်ပြထားပါတယ်။

ရိုဟင်ဂျာတွေ ကြုံတွေ့နေရတာဟာ ‘သည်းမခံနိုင်ဖွယ်ရာ ထိခိုက်ခံစားမှုမျိုး’ ဖြစ်တယ်လို့ နိုင်ငံခြားရေး ၀န်ကြီးက ပြောကြားခဲ့ပြီး ဒါတွေကို မြန်မာလုံခြုံရေးတပ်ဖွဲ့တွေနဲ့ တုတ်၊ ဓားကိုင် အရပ်သားတွေက ဆောင်ရွက်တာဖြစ်တယ်လို့လည်း ပြစ်တင်ပြောဆိုခဲ့ပါတယ်။

မြန်မာစစ်တပ်က ပြဿနာကို ရိုဟင်ဂျာလက်နက်ကိုင်တွေက စတယ်လို့ ပြောထားပေမယ့် ထီလာဆန်က ‘ဖြစ်ခဲ့တဲ့ ဆိုးဆိုးရွားရွား ရက်စက်ကြမ်းကြုတ်မှုတွေဟာ ရန်စလို့ လုပ်လိုက်ရတယ် ဆိုတာမျိုးနဲ့ ဖာထေးလို့ မရနိုင်ဘူး’ လို့ ဆိုပါတယ်။

ဒီလိုကျူးလွန်သူတွေကို ‘မဖြစ်မနေ အပြစ်ပေးရမှာ’ ဖြစ်ကြောင်း၊ အမေရိကန်အနေနဲ့ ပြည့်ဝတဲ့ စုံစမ်းစစ်ဆေးမှုတစ်ခု ပြုလုပ်ချင်ပြီး ‘ပိတ်ဆို့မှု လုပ်ဆောင်နိုင်ချေ အပါအ၀င် အမေရိကန်ဥပဒေ’ အရ တရားမျှတအောင် ဆောင်ရွက်သွားမယ်လို့လည်း တီလာဆန်က ကြေငြာချက်မှာ ပြောကြားခဲ့ပါတယ်။

ရိုဟင်ဂျာတွေအပေါ် အကြမ်းဖက်မှုဟာ လူမျိုးစုလိုက် သုတ်သင်မှုလို့ ယူဆလို့ရတဲ့အဆင့် ရောက်နေပြီလားဆိုတာကို သမ္မတထရမ့်အစိုးရက အချိန်အတော်ကြာ လေ့လာသုံးသပ်ခဲ့ပြီးနောက်ပိုင်းမှာ အခုလိုကြေငြာချက် ပေါ်ထွက်လာတာဖြစ်ပါတယ်။

ကုလသမဂ္ဂက ရိုဟင်ဂျာတွေဟာ လူမျိုးစုလိုက် သုတ်သင်ရှင်းလင်းမှု ခံနေရတယ်လို့ စက်တင်ဘာလကတည်းက သတ်မှတ်ထုတ်ပြန်ခဲ့ပေမယ့် အမေရိကန်က ဒီလို ကြေငြာခြင်း မပြုသေးဘဲ သတင်းအချက်အလက်တွေ ပိုမိုလိုအပ်နေသေးတယ်လို့ တီလာဆန်ဟာ အဲဒီအချိန်တုန်းက ပြောကြားခဲ့ပါတယ်။

ပြီးခဲ့တဲ့တစ်ပတ်မှာ တီလာဆန်ဟာ မြန်မာနိုင်ငံကို လာရောက်ခဲ့ပြီး နိုင်ငံတော်အတိုင်ပင်ခံပုဂ္ဂိုလ်၊ ကာကွယ်ရေးဦးစီးချုပ် အပါအ၀င် တာဝန်ရှိသူတွေနဲ့တွေ့ဆုံကာ ရခိုင်ပြည်နယ်အရေးကို ဆွေးနွေးခဲ့ပါတယ်။

‘လူမျိုးစုလိုက်သုတ်သင်မှု’ လို့ အမေရိကန်က သတ်မှတ်လိုက်တာဟာ မြန်မာနိုင်ငံအပေါ် ပိတ်ဆို့မှုအသစ်တွေ ထပ်လုပ်ဖို့ ထရမ့်အစိုးရ၊ လွှတ်တော်တို့အပေါ် တိုက်တွန်းဆော်သြမှု အရှိန်မြှင့်လိုက်တာလည်း ဖြစ်ပါတယ်။

ရခိုင်ပြည်နယ်က ရိုဟင်ဂျာတွေ ခံစားနေရတဲ့ ဒုက္ခသုက္ခတွေနဲ့ပတ်သက်ပြီး စစ်ခေါင်းဆောင်တွေမှာ တာဝန်ရှိတယ်လို့ အမေရိကန်နိုင်ငံခြားရေးဝန်ကြီး ရက်စ် တီလာဆန်က စောစောပိုင်းမှာ ပြောကြားထားတာပါ။

အမေရိကန်လွှတ်တော်ကလည်း မြန်မာစစ်ခေါင်းဆောင်တွေအပေါ် ပစ်မှတ်ထား အရေးယူဖို့ ကြိုးပမ်းနေပါတယ်။

ရိုဟင်ဂျာတွေအပေါ် ကျူးလွန်မှုဟာ ‘လူသားထုအပေါ် ကျူးလွန်တဲ့ ရာဇ၀တ်မှု’ ‘လူမျိုးတုန်းသဖြတ်မှု’ ဆိုတဲ့ အဓိပ္ပါယ်သတ်မှတ်ချက်တွေနဲ့ ကိုက်ညီနေလားဆိုတာကိုလည်း အမေရိကန်အစိုးရက ဆန်းစစ်နေပြီး အခုအချိန်အထိတော့ ဆုံးဖြတ်ချက် မလုပ်ရသေးပါဘူး။

Ref: Washingtonpost

နိုဝင်ဘာ ၂၁၊ ၂၀၁၇
M-Media

– ရိုဟင်ဂျာတွေအပေါ် စစ်အာဏာရှင်တွေက နှစ်ပေါင်းများစွာ ဖိနှိပ်ချုပ်ချယ်မှုဟာ ‘ခွဲခြားရေးဝါဒ’ မြောက်နေပြီလို့ ၂ နှစ်တာကြာမြင့်ခဲ့တဲ့ သုတေသနကိုအခြေခံပြီး လူ့အခွင့်အရေးအဖွဲ့ Amnesty International က ဒီကနေ့မှာ ပြောကြားလိုက်ပါတယ်။

သြဂုတ်လနှောင်းပိုင်းကစလို့ ရခိုင်ပြည်နယ်မှာဖြစ်ပွားခဲ့တဲ့ မတည်ငြိမ်မှုကြောင့် ရိုဟင်ဂျာတွေ အစုလိုက်အပြုံလိုက် ဘင်္ဂလားဒေ့ရ်ှဖက်ကို ထွက်ပြေးခဲ့ရပြီး ဒီကိစ္စဟာ ကမ္ဘာ့အသိုင်းအ၀ိုင်းရဲ့ အာရုံစူးစိုက်မှုကို ခံခဲ့ရပါတယ်။

Amnesty International ကတော့ ခေတ်အဆက်ဆက် အစိုးရက ဦးဆောင်ကာ ရိုဟင်ဂျာတွေရဲ့ ဘ၀ရှင်သန်မှုနည်းလမ်းအားလုံးနီးပါးကို ကန့်သတ်ခဲ့ပြီး၊ အကျဉ်းစခန်းလိုနေရာမျိုးမှာ စုပြုံပြွတ်သိပ် ထားခဲ့ကြောင်း၊ ဒီလို ဖိနှိပ်ချုပ်ချယ်မှုက အခုလို အခြေအနေမျိုးကို ဦးတည်ခဲ့တာဖြစ်ကြောင်း စာမျက်နှာပေါင်း ၁၀၀ လောက်ပါဝင်တဲ့ အစီရင်ခံစာမှာ ဖော်ပြထားပါတယ်။

၂ နှစ်တာ သုတေသန ပြုလုပ်ပြီးနောက်ပိုင်းမှာ ဒီအစီရင်ခံစာကို ထုတ်ပြန်ခဲ့တာ ဖြစ်ပါတယ်။ ခေတ်အဆက်ဆက် စစ်အာဏာရှင်တွေရဲ့ ရိုဟင်ဂျာတွေအပေါ် ပြုလုပ်ခဲ့တဲ့ နည်းမျိုးစုံနဲ့ ထိန်းချုပ်ကန့်သတ်မှုဟာ ‘ခွဲခြားရေးဝါဒဆိုင်ရာ လူသားထုအပေါ်ကျူးလွန်တဲ့ ရာဇ၀တ်မှု’ သတ်မှတ်ချက်တွေနဲ့ ကိုက်ညီနေတယ်လို့လည်း ဆိုပါတယ်။

“ရခိုင်ပြည်နယ်ဟာ ရာဇ၀တ်မှုဖြစ်တဲ့ နေရာကြီးပါ။ လွန်ခဲ့တဲ့ ၃ လအရင် စစ်တပ်က ဆိုးဆိုးဝါးဝါး အကြမ်းဖက်မှု မကျူးလွန်ခင် အချိန်အတော်ကြာကတည်းက ဒီနေရာမှာ ဒါတွေဖြစ်ခဲ့တာပါ” လို့ Amnesty ရဲ့ သုတေသနဆိုင်ရာ အကြီးတန်းဒါရိုက်တာ အန်နာ နီစ်တတ်က ပြောကြားခဲ့ပါတယ်။

မြန်မာအာဏာပိုင်တွေဟာ ‘ရိုဟင်ဂျာ အမျိုးသမီးတွေ၊ အမျိုးသားတွေ၊ ကလေးတွေကို သီးသန့်ခွဲခြားဆက်ဆံရေးကာ၊ လူ့ဂုဏ်သိက္ခာကင်းမဲ့စေတဲ့ ခွဲခြားရေးဝါဒနဲ့ ချည်နှောင်ထားတယ်’ လို့လည်း သူမက ထည့်သွင်းပြောဆိုခဲ့ပါတယ်။

စစ်အာဏာရှင်က ပြဌာန်းခဲ့တဲ့ ၁၉၈၂ ခုနှစ် နိုင်ငံသားဥပဒေဟာ သိန်းနဲ့ချီတဲ့ရိုဟင်ဂျာတွေကို နိုင်ငံမဲ့ဖြစ်သွားအောင် ‘တမင်လုပ်ထားတာ’ ဖြစ်ပြီး၊ ရိုဟင်ဂျာတွေ မြန်မာနိုင်ငံမှာ ရှင်သန်နေထိုင်ခွင့်ကို ငြင်းပယ်ဖို့သာဖြစ်ကြောင်း၊ ရိုဟင်ဂျာတွေကို အာမခံချက်မရှိတဲ့ ကဒ်တွေပေးပြီး မျှော်လင့်ချက်မဲ့သွားအောင် ဖန်တီးထားကြောင်း
Amnesty ရဲ့ မြန်မာနိုင်ငံရေးရာသုတေသီ လော်ရာဟိုက်က ပြောကြားခဲ့ပါတယ်။

စစ်အာဏာရှင်အဆက်ဆက် ရိုဟင်ဂျာတွေကို လွတ်လပ်စွာသွားလာခွင့်မပေးတာ၊ တရားလက်လွတ်ဖမ်းဆီးတာ၊ ညှမ်းပမ်းတာ၊ အရှက်ခွဲတာမျိုးတွေ လုပ်ဆောင်ခဲ့ကြောင်း၊ ၂၀၁၂ အကြမ်းဖက်မှုပြီးတဲ့နောက် ရခိုင်ပြည်နယ်အလယ်ပိုင်းက ရိုဟင်ဂျာတွေကို မြို့ပြဒေသတွေကနေ မောင်းထုတ်ပြီး သံဆူးကြိုးကာထားတဲ့ ‘အမိုး
ဖွင့်အကျဉ်းထောင်တွေ’ မှာ ရဲအစောင့်အကြပ်နဲ့ ပိတ်လှောင်ထားကြောင်း၊ ပညာရေး၊ ကျန်းမာရေးစောင့်ရှောက်မှုတွေကို ရယူခွင့်မပေးဘဲ ဗလီဝတ်ကျောင်းတော်တွေကိုလည်း ချိတ်ပိတ်ထားကြောင်း Amnesty အဖွဲ့ရဲ့ အစီရင်ခံစာမှာ ထည့်သွင်းဖော်ပြထားပါတယ်။

Ref: CNA

နိုဝင်ဘာ ၂၁၊ ၂၀၁၇
M-Media

– ရခိုင်ပြည်နယ်က ရိုဟင်ဂျာတွေကို နိုင်ငံသားစီစစ်ရေးလုပ်ရာမှာ မိမိတို့အနေနဲ့ မြန်မာအစိုးရကို နည်းလမ်းပိုင်းဆိုင်ရာ အကူအညီတွေ ပေးသွားမယ်လို့ ကုလသမဂ္ဂ ဒုက္ခသည်များဆိုင်ရာ မဟာမင်းကြီး ဖိလစ်ပို ဂရန်ဒီက ယမန်နေ့မှာ ပြောကြားလိုက်ပါတယ်။

တိုကျိုမြို့က Japan National Press Club မှာ ပြုလုပ်တဲ့ သတင်းစာရှင်းလင်းပွဲမှာ ပြောကြားလိုက်တာဖြစ်ပြီး ရိုဟင်ဂျာပြဿနာဟာ ၁၉၉၀ ပြည့်နှစ်တွေက ဖြစ်ပွားခဲ့တဲ့ ဘောလ်ကန်စစ်ပွဲက လူမျိုးစုလိုက်သုတ်သင်မှု၊ ရ၀မ်ဒါ လူမျိုးတုန်းသတ်ဖြတ်မှုနောက်ပိုင်း အဆိုးဝါးဆုံးဖြစ်တယ်လို့လည်း ဆိုပါတယ်။

“အကြမ်းဖက်မှုတွေကို လုံးဝ ရပ်တန့်ရမှာဖြစ်ပြီး သူတို့ရဲ့ နိုင်ငံသားပြဿနာကို ဖြေရှင်းပေးရမှာပါ။ အနာဂတ်မှာ နေရပ်ပြန်လည်ပို့ဆောင်ရေးအတွက် ဘင်္ဂလားဒေ့ရ်ှနဲ့ မြန်မာနိုင်ငံအကြား ဆွေးနွေးမှုတွေ ပြုလုပ်နေပြီဆိုတာကိုလည်း ကျွန်တော်တို့ သိရှိထားပါတယ်”

ဘင်္ဂလားဒေ့ရ်ှဖက်က ရိုဟင်ဂျာဒုက္ခသည်တွေကို ပြန်ခေါ်ဖို့အတွက် ပွင့်ပွင့်လင်းလင်း ဆွေးနွေးချင်တယ်ဆိုတဲ့အကြောင်း မြန်မာအစိုးရက ရန်ကုန်မှာရှိတဲ့ UNHCR ရုံးကို ဆက်သွယ်အကြောင်းကြားထားတယ်လို့လည်း ဂရန်ဒီက ထည့်သွင်း ပြောကြားခဲ့ပါတယ်။

ဒီကိစ္စမှာ အကြံဉာဏ်ပေးဖို့ နှစ်နိုင်ငံစလုံးကို ဂရန်ဒီက ကမ်းလှမ်းထားပြီး မြန်မာအစိုးရဟာ ရိုဟင်ဂျာတွေကို နိုင်ငံသားအဖြစ် စီစဉ်ဖို့ ရည်ရွယ်ချက်ရှိပေမယ့် သူတို့အများစုမှာ အထောက်အထားတွေ မရှိကြောင်း၊ UNHCR အနေနဲ့ ဒီကိစ္စမှာ အတွေ့အကြုံရှိတာကြောင့် မြန်မာအစိုးရကို ကူညီသွားမှာဖြစ်ကြောင်းလည်း ဂရန်ဒီက ဆိုပါတယ်။

“မြန်မာနိုင်ငံကရောက်လာတဲ့ ရိုဟင်ဂျာတွေကို မှတ်ပုံတင်ဖို့အတွက် ဘင်္ဂလားဒေ့ရ်ှကို ကျွန်တော်တို့ လက်ရှိမှာ ကူညီပေးနေပါတယ်”

ရိုဟင်ဂျာလက်နက်ကိုင်အဖွဲ့ဟာ ရခိုင်ပြည်နယ်မြောက်ပိုင်းက ရဲကင်းစခန်း ၃၀ လောက်ကို သြဂုတ်လနှောင်းပိုင်းမှာ တိုက်ခိုက်ခဲ့ပြီးနောက်ပိုင်း စစ်တပ်ကပြုလုပ်တဲ့ စစ်ဆင်ရေးအတွင်းမှာ ရိုဟင်ဂျာ ၆ သိန်းကျော်လောက် ဘင်္ဂလားဒေ့ရ်ှဖက်ကို ထွက်ပြေးခဲ့ရတယ်လို့ ကုလက ပြောကြားထားပါတယ်။

အဲဒီမတိုင်ခင် အရင်တုန်းကလည်း စစ်အာဏာရှင်အစိုးရရဲ့ အဓမ္မမောင်းထုတ်မှုကြောင့် ဘင်္ဂလားဒေ့ရ်ှဖက်ကို ထွက်ပြေးရတဲ့ ရိုဟင်ဂျာအရေအတွက်ဟာ သိန်းချီရှိနေပါတယ်။

Ref: Nikkei