News @ M-Media

Tag: Rohingya

  • မြန်မာနိုင်ငံမှ မွတ်စလင်မ်များအား မတရား ဖိနှိပ်မှုများ ရပ်တံ့ဖို့ ဆော်ဒီတောင်းဆို

    နိုဝင်ဘာ- ၁၉ ၂၀၁၃
    M-Media
    မြန်မာနိုင်ငံရှိ ရိုဟင်ဂျာအပါအဝင် မွတ်စလင်များအပေါ် ပြုလုပ်နေသည့် မတရားမှုများအား အဆုံးသတ်ရန်နှင့် ၎င်းတို့၏ လူအခွင့်အရေးများကို ကာကွယ်ရန်အတွက် နိုင်ငံတကာ အသိုင်းအ၀ိုင်းအနေဖြင့် လျင်မြန်သော လုပ်ဆောင်ချက်များပြုလုပ်ရန် ဆော်ဒီအာရေဗျနိုင်ငံ ၀န်ကြီးများကောင်စီက ယမန်နေ့တွင် မေတ္တာရပ်ခံခဲ့သည်။

    ထို့ပြင် ဆော်ဒီအိမ်ရှေ့မင်းသား ဆလ်မန်ဘင် အဗ္ဗဒူလ်အဇစ် ဦးဆောင်ပြီး ဒုတိယ၀န်ကြီးချုပ်နှင့် ကာကွယ်ရေး ၀န်ကြီးတို့ပါဝင်သည့် ကတ်ဘိနက်အဖွဲ့က မြန်မာနိုင်ငံအတွင်း ညှင်းပမ်းနှိပ်စက်ခံနေရသူများထံသို့ ကူညီသည့် အထောက်အပံ့များ လွတ်လပ်စွာ ၀င်ရောက်ခွင့်ရရန်နှင့် ထိုသူများအား သိက္ခာရှိသော ဘ၀တစ်ခုဖြစ်ပေါ်လာရေးအတွက် ကူညီရန်တို့ကို သေချာအောင်ဆောက်ရွက်ပေးရန် တိုက်တွန်းခဲ့ကြသည်။

    ယင်း ကတ်ဘိနက် အစည်းအဝေးတွင် မြန်မာနိုင်ငံ ရခိုင်ပြည်နယ်ရှိ ရိုဟင်ဂျာမွတ်စလင်များ၏ အခြေအနေများကို အကျဉ်းရုံးဆွေးနွေးခဲ့ကြောင်း ဆော်ဒီ သတင်းအေဂျင်စီ (SPA) မှ ရရှိခဲ့သည့် ကြေညာချက်တွင် ဆော်ဒီယဉ်ကျေးမှုနှင့် သတင်းအချက်အလက် ၀န်ကြီး ဒေါက်တာ အဗ္ဗဒူလ်အဇစ်ခိုဂျာက ပြောကြားခဲ့သည်။

    ထို့ပြင် လူ့အခွင့်အရေး၊ နိုင်ငံသားဖြစ်ခွင့်နှင့် စီးပွားရေး အခွင့်အလမ်းများနှင့် စပ်လျဉ်း၍ မြန်မာနိုင်ငံရှိ လူနည်းစု မွတ်စလင်များ ရင်ဆိုင်နေရသည့် ပြဿနာများအား ကိုင်တွယ်ဖြေရှင်းရန်အတွက် မြန်မာအစိုးရအား စွဲဆောင်ရန် အားထုတ်မှုများနှင့် ရခိုင်ဒေသရှိ အကြမ်းဖက်ခံ ပြည်သူများအား လူသားချင်း စာနာသည့် အကူအညီများပေးခြင်း၊ ပြည်လည်တည်ဆောက်ရေး လုပ်ငန်းများအား ကူညီလုပ်ဆောင်ပေးမှု စသည့် အစ္စလာမ့်မစ် ပူးပေါင်းဆောင်ရွက်ရေး အဖွဲ့ (OIC) ၏ လုပ်ဆောင်ချက်များကိုလည်း ကတ်ဘိနက်အဖွဲ့က ချီးကျူးခဲ့သည်ဟု ခိုဂျာက ထပ်လောင်းပြောကြားခဲ့သည်။

    hedstrom20130327051229607

    ဓါတ်ပုံအညွှန်း- ၂၀၁၃ ခုနှစ် မတ်လ အကုန်ပိုင်းတွင် အကြမ်းဖက်မီးရှို့ ခံရတော့ မြန်မာပြည်အလယ်ပိုင်း မိထ္ထီလာမြို့မှ မြင်ကွင်းတခု၊ အကြမ်းဖက်ခံ မွတ်စလင်မ်များမှာ ၈ လကြာမြင့်ပြီဖြစ်သော်လည်း ယနေ့တိုင် ဒုက္ခသည်စခန်းများတွင် နေထိုင်နေကြရသည်။

    Ref:Saudi Gazette

  • မြန်မာ့မြေမှ လူသတ်ကွင်းများ (ဘာသာပြန် ဆောင်းပါး)

    နိုဝင်ဘာ ၁၆ ၂၀၁၃
    M-Media
    ဘာသာပြန်ဆိုသူ- မြင့်မိုရ်မောင်မောင်

    691756552
    ဓာတ်ပုံ – အစိုးရမှ အရာမသွင်းဘဲ အပယ်ခံအဖြစ် သတ်မှတ်ထားသော ထောင်နှင့်ချီသည့် ဒုတိယတန်းစား နိုင်ငံသား ရိုဟင်ဂျာ ကလေးငယ်များ

    မွတ်စ်လင်မ်များကိုရှင်းထုတ်ရေးဟူသော အစွန်းရောက် ဗုဒ္ဓဘာသာဝင် အုပ်စုအမာခံတို့၏ အစွန်းရောက်လှိုင်း ဂယက်သည် လူနည်းစုဝင်များအပေါ်သို့လည်း ရိုက်ခတ်လာပြီဖြစ်၏။

    မြင်လေတိုင်းစိမ်းစိုနေသော စပါးပင်ဝန်းကျင်၌ ဘ၀မြုပ်နှံထားသူ အသက် ၉၀ နှစ်ပြည့်လုပြည့်ခင် ဦးအဗ်ဒုလ် စမာတ်သည် လမ်းလျှောက်တုတ် သုံးသွားလာနေရသည့် ဇရာအိုမွတ်စ်လင်မ်အဘိုးအိုကြီးတစ်ဦးဖြစ်သည်။

    သူ့ကျေးရွာသို့ ဓားတရမ်းရမ်းဖြင့် ၀င်ရောက်လာပြီး မွတ်စ်လင်မ်တို့ကို လိုက်လံရှာဖွေသတ်ဖြတ်ခဲ့သူတို့မှာကား ဗုဒ္ဓဘာသာဝင်များဖြစ်ကြ၏။ ယင်းလူရမ်းကားအုပ်စုသည် ဗုဒ္ဓဘာသာသာသနာ့ အလံဖြင့် အမှတ်အသားပြု မထားသော အိမ်ခြေပေါင်း ၁၀၀ ကျော်ကို မီးတင်ရှို့ခဲ့ကြသည်။ ဦးစမာတ်၏ ၀န်းကျင်ရှိလူများသည် ဗလီဝတ်ကျောင်းတော်သို့ တိမ်းရှောင်သွားသော်လည်း သူ့အဖို့ ထိုမျှ သွက်လက်စွာ မသွားလာနိုင်ခဲ့။ အသက်ရှင်သန် ကျန်ရစ်သူတစ်ဦး၏စကားအရ လက်မရွံ့အကြမ်းဖက်သူ တစ်ဦးသည် အဘိုးအိုအား သူ၏ ဦးခေါင်းနောက်ပိုင်းသို့ ဓားရှည်ဖြင့် ခုတ်ပိုင်းကာ သတ်ဖြတ်လိုက်သည်ဟု သိရ၏။

    လူများစုဗုဒ္ဓဘာသာဝင်တို့မှ လူနည်းစုမွတ်စ်လင်မ်တို့အပေါ် ရက်စက်ခြင်းကွင်းဆက်အဖြစ် ယခုနှစ်အောက်တိုဘာလ အတွင်း မြန်မာနိုင်ငံ ကမ်းခြေဒေသ၌ နောက်ဆုံး တိုက်ခိုက်မှု ဖြစ်ပွားခဲ့သည်။ လူမျိုးဘာသာခွဲခြားရေး အကြမ်းဖက်မှုကြောင့် ရာဂဏန်းမက လူ့အသက်များဆုံးရှုံးခဲ့သည်။ အများစုမှာ မွတ်စ်လင်မ်များ ဖြစ်၏။ လွန်ခဲ့သောသုံးနှစ်ခန့် မိမိ၏တိုင်းပြည်ကို အထီးကျန်အပယ်ခံဘ၀မှသည် ဒီမိုကရေစီနိုင်ငံအဖြစ်သို့ ထိန်းကျောင်းမောင်းနှင်သွားမည်ဟူသော ကတိက၀တ်ဖြင့် သမ္မတဦးသိန်းစိန်မှ ကမ္ဘာကို အံ့သြ၀မ်းသာဖြစ်စေခဲ့သည်။ စစ်ဗိုလ်ချုပ်ဟောင်းဖြစ်သူ သမ္မတဦးသိန်းစိန်၏ ပြန်လည်ထူထောင်ရေးကြိုးပမ်းချက်များအပေါ် ဤဖြစ်ရပ်များ၏အရိပ်လွှမ်းမှုကြောင့် အန္တရာယ်ရှိနေလေပြီ။

    နေအိမ်အကျယ်ချုပ်ဖြင့်အကျဉ်းကျနေသော ဒီမိုကရေစီဘက်တော်သား ငြိမ်းချမ်းရေးနိုဗယ်လ်ဆုရှင် ဒေါ်အောင်ဆန်းစုကြည်အား ၂၀၁၀ ခုနှစ်၌ ပြန်လွှတ်ခြင်းကိစ္စ အပါအ၀င် မြန်မာပြည်မှဆောင်ရွက်ခဲ့သည့် ပြန်လည်ပြုပြင်ရေးလုပ်ငန်းများမှာ အကောင်းဖက်ရှေ့ရှုလာသော ရှားရှားပါးပါး ဇာတ်လမ်းတစ်ပုဒ်ဖြစ်သည်။ ရဲတပ်ဖွဲ့၏ ကိုင်တွယ်မှုလျော့တိလျော့ရဲနိုင်ခြင်းအကျိုးဆက်ဖြစ်သော အကြမ်းဖက်မှုများက ယခုအခါ မြန်မာနိုင်ငံကို ဘာသာရေးနှင့်လူမျိုးရေးဖိနှိပ်နေသည့် တိုင်းပြည်တစ်ခုအဖြစ် ကမ္ဘာ့မြေပုံပေါ်သို့ တွန်းပို့နေပေသည်။

    မွတ်စ်လင်မ်တို့ကို အန္တရာယ်တစ်ရပ်ကဲ့သို့ရှုမြင်ထားသော ဗုဒ္ဓဘာသာဝင်နိုင်ငံရေးပါတီတစ်ခု (နှင့်) မိမိတို့နိုင်ငံအပေါ် အစ္စလာမ့်လွှမ်းမိုးမှုမှ ကာကွယ်နေပါသည်ဟုဆိုကြသော အစွန်းရောက် အမျိုးသားရေးဝါဒီ ဘုန်းတော်ကြီးအုပ်စု တစ်ခုတို့က မွတ်စ်လင်မ် ဆန့်ကျင်ရေး လှုပ်ရှားမှုများ ဖြစ်ပေါ်လာအောင် မီးမွှေးမှိုင်းတိုက်ခဲ့ကြသည်။ သံဃာများသည် မွတ်စ်လင်မ်ပိုင် စီးပွားရေးလုပ်ငန်းများကို သပိတ်မှောက်ရန် လှုံ့ဆော်ထားကြသည့်အပြင် ဗုဒ္ဓဘာသာဝင်အမျိုးသမီးများကို ဘာသာခြားတို့နှင့်ထိမ်းမြားခြင်းအပေါ် တားမြစ်မည့် ဥပဒေပြုရန် တွန်းအားပေးလျက်ရှိသည်။

    မြန်မာနိုင်ငံရှိအာဏာပိုင်များကို တင်းမာမှုများ ပြေလျော့အောင်ဆောင်ရွက်ကြရန်၊ ၂၀၁၂ နွေရာသီကတည်းက စတင်ခဲ့သော သွေးချောင်းစီးသတ်ဖြတ်ပွဲကြောင့် အိုးအိမ်မဲ့သူများအား ပြန်လည်နေရာချစီစဉ်ရန် အိမ်ဖြူတော်၊ ကမ္ဘာ့ကုလသမဂ္ဂ နှင့် လူ့အခွင့်အရေးအဖွဲ့အစည်းတို့မှ တိုက်တွန်းထားကြ၏။

    စက်တင်ဘာလအတွင်း လွှတ်တော်ကြားနာမှုတစ်ရပ်၌ အမေရိကန်အခြေစိုက် လူ့အခွင့်အရေးအဖွဲ့အစည်း United to End Genocide မှ တွမ် အင်ဒရူးစ် Tom Andrews က မြန်မာနိုင်ငံ၏လက်ရှိပြဿနာသည် လူဦးရေ ၅၅ သန်းကျော်အနက် ၅ ရာခိုင်နှုန်းမျှသာ ရှိသော မွတ်စ်လင်မ်တို့အပေါ် ဆယ်စုနှစ်များစွာ အစိုးရကျောထောက်နောက်ခံ ခွဲခြားချိုးနှိမ်ဆက်ဆံမှုနှင့်ချိတ်ဆက်နေကြောင်း ထုတ်ဖော်၍ “ မျိုးဖြုတ်သုတ်သင်မှုအဆောက်အဦရဲ့အုတ်ချပ်တွေ မြင်နေရပါပြီ ” ဟု ဆိုခဲ့သည်။

    မကြာသေးမီလများက ဦးသိန်းစိန်သည် ဘာသာတရားနှစ်ဖက်မှခေါင်းဆောင်များကို တွေ့ဆုံပြီး သွေးချောင်းစီးမှုအဆုံးသတ်ရေးအတွက် ဆွေးနွေးမှာကြားခဲ့သည်။ သို့သော်လည်း ရှေ့ဆက်လာသည့်အခြေအနေ၌ သူ့စကားရပ်များအပေါ် မေးခွန်းထုတ်စရာဖြစ်လာ၏။

    နိုင်ငံတစ်ဝှန်းရှိမွတ်စ်လင်မ်တို့ကို ပစ်မှတ်ထားကြသော်လည်း မွတ်စ်လင်မ်လူမျိုးစုတစ်စုဖြစ်သည့် ရိုဟင်ဂျာတို့မှာ အဓိက အကြမ်းဖက်ခံ သားကောင်များဖြစ်နေကြရသည်။ များစွာသော ဗုဒ္ဓဘာသာတို့နည်းတူ ဦးသိန်းစိန်သည်လည်း ဘင်္ဂလားဒေ့ရှ် နယ်စပ်အနီးနေထိုင်ကြသည့် ရိုဟင်ဂျာ မွတ်စ်လင်မ်တို့အား တရားမ၀င် ခိုးဝင်လာသူများအဖြစ် အမြင်ထားရှိနေ၏။ စင်စစ်၌ ၄င်းတို့သည် မြန်မာနိုင်ငံတွင် မျိုးဆက်အလီလီ နေထိုင်လာခဲ့ကြသူများ ဖြစ်သည်။ ဤပဋိပက္ခများ၏ တစ်ခုတည်းသော အဖြေသည် ရိုဟင်ဂျာတို့ကို နိုင်ငံမှမောင်းထုတ်ခြင်း သို့မဟုတ် ဖယ်ကြဉ်လိုက်ခြင်း ဖြစ်သည်ဟု သူမှ ယမန်နှစ်က ပြောဆိုခဲ့သည်။

    ယခုအခါ ရိုဟင်ဂျာ တစ်သိန်းလေးသောင်းခန့်မှာ ယာယီဒုက္ခသည်တဲစခန်းများတွင် နေထိုင်နေရပြီး လက်နက်ကိုင်ရဲတပ်ဖွဲ့ဝင်တို့၏ သွားလာမှုကန့်သတ် ထိန်းချုပ်ထားခြင်းကို ခံနေရသည်။ မလေးရှား သို့မဟုတ် ထိုင်းနိုင်ငံသို့ လှေငယ်လေးများဖြင့် သက်စွန့်ဆံဖျားအလွတ်ရုန်းခဲ့သူများမှာလည်း ထောင်ပေါင်းများစွာ ရှိသည်။

    ယမန်နှစ်က မြန်မာမွတ်စ်လင်မ်တို့အား အကြမ်းဖက်နေမှုများကို လက်စားချေတုန့်ပြန်မည်ဟု ပါကစ္စတန်တာလီဘန်အဖွဲ့မှ ကြိမ်းမောင်းသောအခါ အခြားနိုင်ငံများရှိ အစွန်းရောက်အစ္စလာမ်မစ်များက အကြမ်းဖက်မှုဖြစ်အောင် သွေးထိုးမှုကြောင့်လောဟု အချို့မှ အခြေအမြစ်မဲ့ ဆိုခဲ့သည်။ လက်ရှိကာလတွင် မြန်မာပြည်မှ မွတ်စ်လင်မ်ခေါင်းဆောင်အချို့သည် ပြည်တွင်းအစွန်းရောက်လှုပ်ရှားမှုကြီးထွားလာမှုအပေါ် စိုးရိမ်လျက်ရှိ၏။

    “ ဒီလူငယ်လေးတွေကို ဒီအတိုင်းသာ နေထိုင်ရှင်သန်သွားစေခဲ့ယင် တစ်နေ့ကျရင် သူတို့ အကြမ်းဖက်သမားတွေဖြစ်လာတော့မလားဆိုပြီး ကျွန်တော် စိုးရိမ်နေပါတယ် ” ဟု ရိုဟင်ဂျာအရေးလှုပ်ရှားသူ ဦးအောင်ဝင်းက ဆိုသည်။

    ကမ္ဘာ့အဆိုးဝါးဆုံး ညှင်းပန်းခံလူနည်းစု
    ——————————————
    လေးလဆက်တိုက်ခန့် မိုးရွာသွန်းနေရာ အေးအေးသန်းသည် သူမ၏အိမ်ကို ခြောက်သွေ့စေလိုသော်လည်း ကုလမှပေးထားသည့် ဆန်အိတ်အမိုး နှင့် ရွှံ့မံကြမ်းပြင်ဖြစ်နေသည့်အတွက် မလွယ်ကူလှပါချေ။

    သူမနှင့်အတူ သားချင်း ၁၉ ဦးသည် ဤယာယီစခန်း၌ နေထိုင်လာခဲ့သည်မှာ ၂၀၁၂ အောက်တိုဘာလကတည်းက ဖြစ်၏။ သူတို့သည် ဗုဒ္ဓဘာသာဝင်များ၏တိုက်ခိုက်မှုမှ လှေငယ်တစ်စီးဖြင့် ရောက်တတ်ရာရာ ရှောင်တိမ်းထွက်ပြေးခဲ့ကြ၏။ တစ်ညဥ့်လုံးကမ်းခြေတလျှောက် မျှောလာခဲ့ပြီး စစ်တွေမြို့သို့ ဆိုက်ရောက်ခဲ့ကြသည်။ ၄င်းတွင် ဘင်္ဂလားပင်လယ်အော်ကမ်းခြေ ရေကြမ်းမြေကြမ်းတစ်ကြောရှိ ယာယီစခန်းများတွင် ထောင်နှင့်ချီသော အိုးအိမ်မဲ့မွတ်စ်လင်မ်တို့ဖြင့် ပြည့်ကျပ်နေ၏။

    ၂၀၁၂ ခုနှစ်၌ ရိုဟင်ဂျာအမျိုးသားသုံးဦးသည် ဗုဒ္ဓဘာသာဝင်အမျိုးသမီးသမီးကို မုဒိန်းကျင့်ကြံသည်ဟု စွပ်စွဲပြီး ဤရခိုင်ပြည်နယ်အတွင်း စတင်ဖြစ်ပွားခဲ့သော ပဋိပက္ခသည် မြန်မာနိုင်ငံတစ်ဝှန်း ပျံ့နှံ့ကူးစက်သွားသည်။ ဗုဒ္ဓဘာသာဝင် လူရမ်းကားတစ်စုသည် မွတ်စ်လင်မ် ၁၀ ဦးကို ခရီးသည်တင် ဘတ်စ်ကားပေါ်မှဆွဲချ၍ သေသည်အထိ ရိုက်နှက်သတ်ဖြတ်လိုက်ကြသည်။ များမကြာမီ ရခိုင်ပြည်နယ်အတွင်း အခြားဒေသမှ မွတ်စ်လင်မ်တို့နှင့်ဗုဒ္ဓ ဘာသာဝင်ရွာသားများအကြားမှာလည်း တိုက်ခိုက်မှုများ ဖြစ်ပွားခဲ့သည်။

    လူ့အခွင့်အရေးလေ့လာစောင့်ကြည့်မှုအဖွဲ့၏အဆိုအရ ထို့နောက်တွင် လူ့အသိုင်းအ၀ိုင်းနှစ်ရပ်ကြားမှ တင်းမာမှုမီးတောက်သည် ကာလရှည်ချိုးနှိမ်ခံထားရသော ရိုဟင်ဂျာတို့အား နယ်နှင်ရေး တစ်ဖက်သတ်လှုပ်ရှားမှုအဖြစ်သို့ အသွင်ပြောင်းသွားပေသည်။ ရိုဟင်ဂျာတို့မှာ ကမ္ဘာ့အဆိုးဝါးဆုံးညှင်းပန်းနှိပ်စက်ခံရသည့် လူနည်းစုတစ်ခုအဖြစ် ကမ္ဘာ့ကုလသမဂ္ဂမှ သတ်မှတ်ထား၏။

    စံနစ်တကျပုံစံချထားသော တိုက်ခိုက်မှုများ ဆက်တိုက်ဖြစ်လာရာတွင် ရာဂဏာန်းထိ သတ်ဖြတ်ခံကြရတော့သည်။ အချို့သော တိုက်ခိုက်မှုများမှာ ဒေသခံလုံခြုံရေးတပ်ဖွဲ့ဝင်တို့၏အကာအကွယ်ကိုယူ၍ ပြုလုပ်ခြင်းဖြစ်ကြောင်း လူ့အခွင့်အရေးစောင့်ကြည့်လေ့လာမှုအဖွဲ့မှ ဆိုသည်။ လူမျိုးဖယ်ရှားရှင်းလင်းရေးအတွက် သံဃာများမှ လက်ကမ်းစာစောင်များ ဖြန့်ဝေကြပြီး၊ နိုင်ငံရေးခေါင်းဆောင်များကလည်း ဗုဒ္ဓဘာသာဝင်တို့ကို မွတ်စ်လင်မ်တို့အပေါ် ဖယ်ကြဉ်ကြရန် တွန်းတိုက်ခဲ့ကြသည်။

    ၁၉၆၀ ခုနှစ်များအတွင်း အာဏာရှင် ဗိုလ်ချုပ်နေ၀င်းသည် သောင်းနှင့်ချီသောရိုဟင်ဂျာတို့ကို အိန္ဒိယမှာလာရောက်အလုပ်လုပ်ကိုင်သူများဟု ဆိုကာ နယ်နှင်မောင်းထုတ်ခဲ့ရာမှ အတန်ကြာလေလျှင် ဘင်္ဂလားဒေ့ရ်ှဖက် နယ်စပ်၌ ဦးရေ နှစ်သိန်းကျော် သောင်တင်သွားခဲ့သည်။

    ဆယ်စုနှစ်များစွာ ခွဲထွက်ပုန်ကန်ခဲ့ကြသော တိုင်းရင်းသားအုပ်စုများအပါအ၀င် အခြားလူနည်းစုဝင်များနှင့် ခြားနားစွာ ရိုဟင်ဂျာတို့မှာကား မြန်မာနိုင်ငံသားအဖြစ် အသိအမှတ်အပြုမခံကြရ။ အချို့ဒေသများတွင် သူတို့သည် ခရီးသွားလာခြင်း၊ ထိမ်းမြားလက်ထပ်ခြင်း၊ အာဏာပိုင်ခွင့်ပြုချက်မရဘဲ ကလေးမွေးဖွားခြင်းတို့၌ တားမြစ်ပိတ်ပင်ခံနေကြရသည်။

    သုံးနှစ်သက်တမ်းရှိ ရခိုင်အမျိုးသားတိုးတက်ရေးပါတီ Rakhine Nationalities Development Party ၏ ခေါင်းဆောင်တစ်ဦးဖြစ်သူ ဦးရွှေမောင်က “ တကယ်လို့ ခင်ဗျားရဲ့ကလေးနှစ်ယောက်ရန်ဖြစ်နေကြတယ်ဆိုပါစို့။ သူတို့ကို အတူတွဲထားမှာလား ခွဲထုတ်လိုက်မှာလား ” ဟူ၍ ဥပမာပေးမေးမြန်းခဲ့သည်။

    ၄င်းပါတီသည် ရခိုင်ပြည်နယ်၏လူများစုဖြစ်သည့် ဗုဒ္ဓဘာသာဝင် ရခိုင်လူမျိုးစုကို ကိုယ်စားပြုထားသည်။ သို့သော် ရခိုင်လူမျိုးစု နိုင်ငံအတိုင်းအတာအရ လူနည်းစုဝင်အုပ်စုသာဖြစ်၏။ ၄င်းတို့သည် ရိုဟင်ဂျာမွတ်စ်လင်မ်တို့အား မောင်းထုတ်ဖယ်ရှားရေး နှင့် ကိုယ်ပိုင်အုပ်ချုပ်ခွင့်ထက်ပိုလွန်သောအခွင့်အရေးတို့ကို ဗဟိုအစိုးရထံမှ ရရန် ကြိုးစားလျက်ရှိ၏။ ဗဟိုအစိုးရအားချုပ်ကိုင်ထားသည်မှာ အခြားဗုဒ္ဓဘာသာဝင် အုပ်စုတစ်ခုဖြစ်သော ဗမာလူမျိုးများ ဖြစ်သည်။ ဗမာတို့သည် ရခိုင်နိုင်ငံအား ၁၇၆၄ ခုနှစ်က သိမ်းယူအုပ်ချုပ်ခဲ့ကြသည်။

    “ ကျွန်တော်တို့ဟာ ဗမာလူမျိုးတို့ရဲ့ တစ်ဆင့်နိမ့်ဆက်ဆံမှု နဲ့ မွတ်စ်လင်မ်တို့ရဲ့ အစ္စလာမ်ပြုမှုကြားထဲမှာ ညှပ်နေပါတယ် ” ဟု ဦးရွှေမောင်က ပြောကြားသည်။

    တစ်ချိန်တုန်းကဆိုလျှင် ထိုကဲ့သို့နိုင်ငံရေးစကားသည် သူ့အား ထောင်နန်းစံစေလိမ့်မည်ဖြစ်သည်။ သို့သော် အာဏာရှင်ထိန်းချုပ်မှုများကို ရုပ်သိမ်းပြီး လွတ်လပ်စွာပြောဆိုခွင့်ပြုလိုက်ခြင်းက အကြမ်းဖက်မှုများထံ ဦးတည်သွားစေသည်လော မဆိုတတ်လေပြီ။

    (မူရင်းအတိုင်း ဘာသာပြန်ဆို ဖော်ပြခြင်းဖြစ်သည်။ အမည်မှားယွင်းနေသည်ဟု ယူဆရပါသည်။ RNDP ပါတီ ခေါင်းဆောင်မှာ ဒေါက်တာ အေးမောင်ဖြစ်ပါသည်။)

    အမုန်းတရားမီး၏လောင်စာ
    ————————-
    အရှင်ဝီရသူသည် မန္တလေးရှိ သူ့ကျောင်းတိုက်တွင် လက်ဖက်ရည်တစ်ခွက်နှင့်ထိုင်နေလျက် သင်္ကန်းအောက်မှ ငြိမ်းချမ်းတည်ငြိမ်နေသယောင်ရှိ၏။ နံနက်ခင်းတစ်ပိုင်းလုံး ဦးချသူများ၊ ဆွမ်းကပ်သူများ နှင့် ငွေလာလှူသူများဖြင့် စည်ကားနေသည်။

    ယင်းဘုန်းတော်ကြီးသည် သိမ်မွေ့သောအသွင်ဖြင့် စကားပြောလေ့ရှိ၏။ သို့သော် သူ၏ မွတ်စ်လင်မ်ဆန့်ကျင်ရေး အမုန်းမီးမွှေးတရားပွဲများက သူ့အား ရေပန်းစားစေခဲ့သည်။

    မိမိ၏ပုံတူပန်းချီကား တစ်ဒါဇင်မက ချိတ်ဆွဲခင်းကျင်းထားရာ ဧည့်ဆောင်၌ပြုလုပ်သော အင်တာဗျူးတစ်ရပ်တွင် မွတ်စ်လင်မ်အမျိုးသားတို့သည် ဗုဒ္ဓဘာသာဝင်အမျိုးသမီးတို့အား မြူဆွယ်သိမ်းသွင်းလျက် မြန်မာပြည်အား သိမ်းပိုက်ရန် ယုတ်မာစွာ ကြံစည်နေကြောင်း ဦးဝီရသူမှ ဆိုလေသည်။ မိမိသည် အကြမ်းဖက်မှုဖြစ်အောင် မလှုံ့ဆော်ခဲ့၊ ကျူးကျော်စော်ကားလာပါက လက်စားချေတုန့်ပြန်နိုင်ကြောင်း ဗုဒ္ဓဘုရားရှင်မှ သွန်သင်ခဲ့သည်ဟုလည်း အခိုင်အမာပြောကြားခဲ့သည်။
    .
    ဦးဝီရသူသည် မွတ်စ်လင်မ်ဆန့်ကျင်ရေးအမုန်းမီးတိုက်မှုဖြင့် ထောင်နန်းစံခဲ့ပြီးနောက် ၂၀၁၀ ခုနှစ်တွင် အစိုးရ၏ပြန်လည်ပြုပြင်ရေးလုပ်ငန်းစဉ်ရှိ အထွေထွေလွတ်ငြိမ်းချမ်းသာမှုပေးခြင်းအစီအစဉ်အရ ပြန်လည်လွတ်မြောက်လာသည်။ ရခိုင်ပြည်နယ်မှပျံ့နှံ့လာသောပြဿနာသည် ယခုနှစ်တွင် မြန်မာပြည်တ၀ှန်း ရိုဟင်ဂျာ မဟုတ်သည့် မွတ်စ်လင်မ်များအပေါ် ပစ်မှတ်ထားလာခြင်း၌ ဦးဝီရသူ၏လှုပ်ရှားမှုများက အဓိကအခန်းကဏ္ဍတစ်ရပ်အဖြစ် ပါဝင်နေခဲ့၏။

    မြန်မာပြည်အလယ်ပိုင်း မိတ္ထီလာမြို့တွင် ရွှေဆိုင်အငြင်းပွားမှုတစ်ခုကိုအကြောင်းပြု၍ သုံးရက်တာ မွတ်စ်လင်မ်ဆန့်ကျင်ရေးအကြမ်းဖက်မှုဖြစ်ပွားပြီး လူ ၁၀၀ ၀န်းကျင် သတ်ဖြတ်ခံရ၏။ စီးနင်းအကြမ်းဖက်စဉ်ကာလ၌ အတင်းအဓမ္မ ၀က်သားစားခိုင်းခြင်း၊ ဗုဒ္ဓဘာသာဝင်များကဲ့သို့ ရှိခိုးဦချခိုင်းခြင်း ပြုကျင့်ခံရကြောင်း မွတ်စ်လင်မ်တို့က ဆိုသည်။ အလားတူ အကြမ်းဖက်မှုမျိုးမှာ မြို့ ၁၂ မြို့နှင့်အထက်တွင် ဖြစ်ပွားခဲ့သည်။

    ဦးသိန်းစိန်မှ “ဘုရားသားတော်” ဟုခေါ်တွင်ခြင်းနှင့်တစ်ကွ ဦးဝီရသူအား မြန်မာခေါင်းဆောင်များသည် ကိစ္စအများစု၌ ကာကွယ်ပေးခဲ့ကြ၏။

    ဗုဒ္ဓဘာသာဝင်နှင့် မွတ်စ်လင်မ်တို့အကြား ခွဲခြားမှုအက်ကြောင်း နက်ရှိုင်းသထက်နက်ရှိုင်းလာခြင်းအပေါ် အတိုက်အခံ ဒီမိုကရေစီခေါင်းဆောင် ဒေါ်စုကြည်၏ ထူးထူးခြားခြားနှုတ်ဆိတ်နေခြင်းက သူမ၏အပြည်ပြည်ဆိုင်ရာအားပေးထောက်ခံသူများစွာအဖို့ စိတ်ပျက်သွားစေသည်။

    နိုင်ငံတ၀ှန်းရှိ မွတ်စ်လင်မ်အမျိုးသားတို့သည်လည်း ဗလီဝတ်ကျောင်းတော်များကို ညလုံးပေါက်ကာကွယ်စောင့်ရှောက်ခြင်းများ ပြုလုပ်လာကြသည်။ မိတ္ထီလာ မြို့လယ်နေရာကောင်း၌ နေထိုင်ခဲ့သော မွတ်စ်လင်မ်ဦးရေ ၁၀၀၀ ခန့်မှာ ယခုသော် သံဆူးကြိုးခတ် အစ္စလာမ့်ကျောင်းဝင်းတွင် နေထိုင်နေကြရသည်။

    မိုဘိုင်းဖုန်းများမှတဆင့် အကြမ်းဖက် ပုံရိပ်များကို ကြည့်ရှုတတ်ကြကုန်သော အချို့လူငယ်များထံ အစွန်းရောက်မှုရှိနေခြင်းသည်လည်း အတိုင်းအတာ တစ်ရပ်အထိ အန္တရာယ်ရှိနေ၏။ ထို့ပြင် အစ္စလာမ့်အခက်အလက်တစ်ခုဖြစ်သော ရှေးရိုးစွဲ ၀ဟာဘီဝါဒသည်လည်း မြန်မာနိုင်ငံ စွန္နီမွတ်စ်လင်မ်အသိုင်းအ၀ိုင်းအကြား အခြေခိုင်လျက် ရှိနေပြန်သည်။ စစ်တွေရှိ ရွှံ့ညွှန်ကြားကစခန်းများရှိ အရေးပေါ်ယာယီဗလီများသည် ဆော်ဒီအာရေဗျရှိ ဘာသာရေးအုပ်စုများထံမှ ထောက်ပံ့ကြေးများ ရရှိနေကြသည်။

    အချို့မှာမူ လွတ်မြောက်ခြင်းကိုသာ လိုလားကြကုန်၏။ ကျဉ်းကြပ်လှသည့်နေရာမှခွာ၍ ယမန်နှစ်က လှေငယ်များဖြင့် ရိုဟင်ဂျာ တစ်သောင်းသုံးထောင် ရောက်ရှိခဲ့သော မလေးရှားသို့ သွားရန် အေးအေးသန်းသည် မိမိ၏မိသားစုကို လပေါင်းများစွာ ကြိုးစားစည်းရုံးနေပါသည်။ လမ်းခရီးတွင် အသက် ဆုံးရှုံးရသူများမှာလည်း ရာဂဏန်းမျှ ရှိနေလေပြီ။

    မိုးရာသီကျော်လွန်သည်နှင့် မိသားစုလိုက် ထွက်ခွာမည်ဟု သူမ၏ခင်ပွန်း ဇော်လှက ပြောကြားခဲ့ပေသည်။ သူ့စကားကို ရှုပါလေ။

    “ ပင်လယ်ပြင်ထဲနစ်မြုပ်သွားရင်လည်း ကျွန်တော်တို့အားလုံး တစုတပေါင်းတည်း သေခွင့်ရသွားတာပေါ့ဗျာ ”။

    ( မူရင်း ) ၂၀၁၃ ခုနှစ် နိုဝင်ဘာ ၁၄ ရက် Los Angeles Times မှ တင်ပြသော Kate Linthicum ၏ The killing fields of Myanmar ဆောင်းပါး
    ( မြန်မာပြန်ဆိုသူ ) မြင့်မိုရ်မောင်မောင်

  • လူမျိုးတုန်းသတ်ဖြတ်မှု မှတ်တမ်းတွေ ပြသထားတဲ့ ဟိုလိုကော့စ် ပြတိုက်တွင် ရိုဟင်ဂျာရုပ်ပုံများ ခင်းကျင်းပြသ

    နိုဝင်ဘာ- ၈ ၂၀၁၃
    M-Media
    Olaie Manzu
    US Myanmar Rohingya Exhibit.JPEG-09511
    အမေရိကန်ပြည်ထောင်စုမြို့တော် ဝါရှင်တန် ဒီစီ မှာရှိတဲ့ ဟိုလိုကော့စ်ပြတိုက်ရဲ့ အပြင်ပိုင်းနံရံတွေမှာ အကြမ်းဖက်ခြင်းခံနေရတဲ့ ရိုဟင်ဂျာ မွတ်စလင်တွေရဲ့ ဓါတ်ပုံတွေကို ခင်းကျင်းပြသနေပါတယ်။ ဟိုလိုကော့စ်ပြတိုက်ဟာ ဒုတိယကမ္ဘာစစ်ကာလအတွင်း နာဇီ ဂျာမဏီမှ ဂျူး ခြောက်သန်းခန့် စုပြုံသတ်ဖြတ်ခဲ့တဲ့ မှတ်တမ်းတွေကို ခင်ကျင်းပြသတဲ့ သမိုင်းဝင်ပြတိုက်ဖြစ်ပါတယ်။ ဒီပြတိုက်ဟာ အမေရီကန်ပြည်ထောင်စု အစိုးရက ထောက်ပံ့ပေးနေတဲ့ ပြတိုက်ကြီးလည်းဖြစ်ပါတယ်။

    ဟိုလိုကော့စ်လို့ခေါ်တဲ့ ဂျူးတွေကို စုပြုံသတ်ဖြတ်တဲ့ ဖြစ်ရပ်ကြီးဟာ ကမ္ဘာ့သမိုင်းမှာ အကျဉ်းတန်တဲ့ဖြစ်ရပ် တစ်ခုဖြစ်ပြီး နောက်ထပ် ဒီလိုဖြစ်ရပ်မျိုးတွေ ထပ်မံ မဖြစ်ရအောင် ဟိုလိုကော့စ်ပြတိုက်ကြီးက မီးမှောင်းထိုးပေးလေ့ရှိပါတယ်။ ဥပမာ ဘောစနီးယား၊ ရဝါန်းဒါးနဲ့ ဆူဒါန်မှာ ဖြစ်ပွားခဲ့တဲ့ လူမျိုးတုန်း သုတ်သင် ရှင်းလင်းမှု ရုပ်ပုံတွေကိုလည်း ကမ္ဘာက သိအောင် ခင်းကျင်းပြသခဲ့ဖူးပါတယ်။ ယခုအခါမှာတော့ မြန်မာနိုင်ငံ အနောက်ဖက် အခြမ်းမှာရှိတဲ့ ရိုဟင်ဂျာလူမျိုးတွေကို အကြမ်းဖက်တိုက်ခိုက်နေတာဟာ လူမျိုးတုန်းသတ်ဖြတ်မှု အသွင်ကူးပြောင်းသွားမှာကို စိုးရိမ်ပြီး ဟန့်တား သတိပေးတဲ့ သဘောနဲ့ အခုလို ပြသနေတာ ဖြစ်တယ်လို့ အေပီ သတင်းတစ်ရပ်မှာ ဖော်ပြထားပါတယ်။

    ပြတိုက်မှာ ခင်းကျင်းပြသနေတဲ့ ဓါတ်ပုံတွေကတော့ အင်ဒီယားနားနယ်ဖွား ဓါတ်ပုံဆရာ ဂရေခ့် ကောစတန်တင်း ကိုယ်တိုင် အကြမ်းဖက်ဒေသတွေဆီ သွားရောက် ရိုက်ကူးခဲ့တဲ့ ပုံရိပ်တွေဘဲ ဖြစ်ပါတယ်။ ကောစတန်တင်းဟာ မြန်မာ-ဘင်္ဂလားနယ်စပ်မှာ ခုနှစ် နှစ်ခန့် အချိန်ပေးပြီးဓါတ်ပုံတွေ ရိုက်ကူးလာခဲ့သူဖြစ်ပါတယ်။

    “မြန်မာနိုင်ငံမှာ အံ့မခန်းနိုင်လောက်အောင် ဖွံ့ဖြိုးတိုးတက်မှုတွေလုပ်ဆောင်ဖို့ ပြောဆိုနေကြတဲ့အချိန်ဖြစ်တဲ့အတွက် လူတွေက နိုင်ငံ အနှံ့မှာ ဖြစ်ပွားနေတဲ့ ဒီမိုကရေစီအသွင်ကူးပြောင်းမှုဖြစ်စဉ်တွေကိုဘဲ အာရုံစိုက်နေကြပြီး ဒီလို ဝမ်းနည်းကြေကွဲဖွယ်ရာဖြစ်ရပ်တွေက အမှောင်ထုထဲမှာ ဖုံးအုပ်နေတာကတော့ တော်တော်စိတ်ပျက်စရာကောင်းပါတယ်” လို့ ကောစတန်တင်းကပြောပါတယ်။

    ကောစတန်တင်းဟာ နိုင်ငံမဲ့ဖြစ်နေရသူတွေကို ကမ္ဘာလည့်မှတ်တမ်းနေခဲ့ပါတယ်။ မလေးရှား၊ နီပေါ၊ သီရီလင်္ကား၊ ကန်နီယား၊ အိုင်ဗရီကောစ်၊ ကူဝိတ်နဲ့ ဒိုမိနီကန် ရီပတ်ပလစ် နိုင်ငံတွေမှာလည်း အလားသဏ္ဍာန်တူတဲ့ အဖြစ်အပျက်တွေကိုမှတ်တမ်းတင်ခဲ့ပေမယ့် ရိုဟင်ဂျာတွေရဲ့ အခြေအနေကတော့ အဆိုးရွားဆုံးပါဘဲလို့ သူကဆိုပါတယ်။

    “အခုဆိုရင် စစ်တွေမြို့မှာ မွတ်စလင်တွေလုံးဝ မရှိတော့သလို ခံစားရတာကတော့ စိတ်မချမ်းမြေ့စရာဘဲ။ မွတ်စလင်တွေရဲ့ ဘုရားဝတ်ပြုဖို့ နိုးဆော်သံ လည်းမကြားရတော့ဘူး။ ဗလီကျောင်းတွေကလည်းပျက်ဆီးကုန်ပြီ။ လုံးဝမပျက်ဆီးတဲ့ဗလီတွေဆိုရင်လည်း မြန်မာစစ်တပ်က ဗလီတွေထဲမှာ ဝင်နေ နေကြတယ်။” လို့ မတ်လ က စစ်တွေကိုသွားလာခဲ့တဲ့အတွေ့အကြုံကို ကောစတန်တင်း ကပြောပြပါတယ်။ ပြောင်းရွေ့နေရာ ချထားပေးတဲ့ စခန်းတွေက ရိုဟင်ဂျာဒုက္ခသည်တွေကလည်း အားကိုးရာမဲ့ဖြစ်နေတာကိုတွေ့ခဲ့ရတယ်လို့ ပြောပါတယ်။

    “မြန်မာနိုင်ငံမှာ လူမျိုးတုန်းသတ်ဖြတ်နေပါတယ်လို့ ကျနော်တို့ပြောတာမဟုတ်ပါဘူး။ … ဒါပေမယ့် ဒီလိုဖြစ်ရပ်တွေ နောင်အနာဂါတ်မှာ တစ်ခြားလူတွေမကြုံတွေ့ရအောင် ကျနော်တို့ တက်နိုင်တဲ့ဖက်ကနေ ကြိုးစားကာကွယ်ချင်လို့ဘဲဖြစ်ပါတယ်။” လို့ ဟိုလိုကော့စ်ပြတိုက်ရဲ့ လူမျိုးတုန်းသတ်ဖြတ်မှုကာကွယ်ရေးဌာန ဒါရိုက်တာ မိုက်ကယ် အဘ္ဘရာမိုဝဇ် ကပြောပါတယ်။

    ရိုဟင်ဂျာတွေအပေါ်ကျူးလွန်နေတဲ့ အကြမ်းဖက်မှုတွေကတော့ လူမျိုးတုန်းသတ်ဖြတ်မှု (Genocide) မဟုတ်ဘူးလို့ အများစုက သုံးသပ်နေကြပေမယ့်၊ ဒီကျူးလွန်မှုတွေဟာ လူသားများအပေါ်ရာဇဝတ်မှုကျူးလွန်ခြင်း (Crime Against Humanity) ဖြစ်ကြောင်းကိုတော့ ကမ္ဘာ့ပညာရှင်အများက လက်ခံထားကြပါတယ်။ ရိုဟင်ဂျာလူမျိုးတွေကို သူတို့ရဲ့မွေးရပ်ဇာတိမြေမှ ထွက်ပြေးပြောင်ရွေ့သွားရအောင် ဦးနေဝင်းခေတ်ကတည်းက နည်းမျိုးစုံနဲ့ နှင်ထုတ်နေတာဖြစ်တဲ့အတွက် ယေဘုယအားဖြင့် လူမျိုးတုန်းသုတ်သင်ရှင်းလင်းမှု (Ethnic Cleansing) လို့လည်း အများစုကလက်ခံထားကြပါတယ်။ ရခိုင်လူမျိုးတွေဟာ ရိုဟင်ဂျာမွတ်စလင်တွေ မနေနိုင်လောက်အောင် ဇွဲကြီးကြီးနဲ့ ကြိုးပမ်းလုပ်ဆောင်နေပေမယ့် ရိုဟင်ဂျာတွေဖို့ကတော့ပြေးစရာမြေမရှိဘူးဖြစ်နေပါတယ်။

    ဒါကြောင့် ပြောင်းရွေ့ထွက်မပြေးနိုင်တော့တဲ့ အဆုံးမှာ ဂျောင်ပိတ်နေမိတဲ့ ရိုဟင်ဂျာတွေဟာ လူမျိုးတုန်း သတ်ဖြတ်မှုတွေနဲ့ ရင်ဆိုင်ရမှာကတော့ ကမ္ဘာ ပညာရှင်တွေက စိုးရိမ်နေကြပါတယ်။ ဒီကြားထဲ မကြာခဏဆိုသလို ရိုဟင်ဂျာတွေ ထွက်ပြေးကြရင်း လှေမှောက်သေဆုံးကြရတဲ့ သတင်းတွေကြောင့် စိုးရိမ်စရာတွေ ပိုမိုကြီးထွားလာနေပါတယ်။

    Photo-washingtonpost

    M-Media သို့ Olaie Manzu ပေးပို့သော ဘာသာပြန် သတင်းဆောင်းပါးဖြစ်ပါသည်။

  • “ လောင်မြိုက်နေဆဲ၊ ရခိုင် ” (ဆောင်းပါး- စည်သူအောင်မြင့်)

    မြန်မာတိုင်းမ် ဂျာနယ်၊ ၇-၁၁-၁၃။ စာ- ၁၀။
    ရေးသူ-စည်သူအောင်မြင့် FB စာမျက်နှာမှ ကူးယူဖော်ပြပါသည်။

    Photo- Zin Linn/asiancorrespondent.com
    Photo- Zin Linn/asiancorrespondent.com

    အခုရက်ပိုင်း ထွက်ပေါ်လာတဲ့ ရခိုင်ပြည်နယ်နဲ့ ပါတ်သက်တဲ့ သတင်းတွေက စိတ်မချမ်းမြေ့စရာပါ။ ပေါက်တောဘက်မှာ ပဋိပက္ခတွေဖြစ်ပြီး နှစ်ဖက် လူအသေအပျောက်တွေ ရှိခဲ့ပါတယ်။ ပေါက်တော ပဋိပက္ခအတွင်း ဒါဏ်ရာရလူနာတွေကို စစ်တွေဆေးရုံကို အမြန်သွားပို့တာနဲ့ ပါတ်သက်ပြီး မကျေနပ်လို့ ရခိုင်တိုင်းရင်းသားတွေ ဆန္ဒပြပါတယ်။ ရခိုင်ပြည်နယ် ၀န်ကြီးချုပ်က ရခိုင်ပြည်နယ်ထဲက အင်န်ဂျီအိုတွေ၊ အိုင်အင်န်ဂျီအိုတွေကို ဖြစ်ပွားခဲ့တာတွေနဲ့ ပါတ်သက်ပြီး ခေါ်ယူသတိပေးပါတယ်။ တစ်ပြိုင်နက်တည်း နိုဝင်ဘာ ၄ ရက်နေ့ ပြည်သူ့လွှတ်တော် အစည်းအဝေးမှာ ရသေ့တောင် အမတ် ဒေါ်ခင်စောဝေက ရခိုင်ပြည်နယ် လုံခြုံရေးနဲ့ ပါတ်သက်ပြီး အဆိုတစ်ခု တင်ပါတယ်။ အဆိုကို နယ်စပ်ရေးရာ ဒုဝန်ကြီးက ပြန်ဖြေရှင်းပေးပြီးနောက် လွှတ်တော်က မှတ်တမ်းတင်ရုံ တင်ပါတယ်။ ဒါကို နောက်ကျပြီးမှ ထ ကန့်ကွက်တဲ့ ဘူးသီးတောင် အမတ် ဦးရွှေမောင်ကို လွှတ်တော်ဥက္ကဌ သူရ ဦးရွှေမန်းက လုပ်ထုံးလုပ်နည်း မမှန်လို့ဆိုပြီး မှတ်တမ်းတင် သတိပေးပါတယ်။ အားလုံး စိတ်မချမ်းမြေ့စရာတွေ ချည်းပါပဲ။ လက်ရှိ ရခိုင်မှာ ဘာတွေဖြစ်ခဲ့သလဲ၊ လွှတ်တော်ထဲမှာ ဘာတွေ ပြောဆိုနေကြသလဲ၊ ဒီ ပြသနာ ဘယ်လို ဖြေရှင်းရင်ကောင်းမလဲဆိုတာ ခုတစ်ပါတ် ဆွေးနွေးတင်ပြသွားပါ့မယ်။

    ရခိုင်ပြည်နယ် ပေါက်တောမြို့နယ်မှာ ဖြစ်ပွားခဲ့တဲ့ ဖြစ်စဉ်က ဒီလိုပါ။ အစိုးရပိုင် သတင်းစာ နဲ့ နိုင်ငံတကာ သတင်းမီဒီယာတွေ ဖော်ပြချက်အရ နိုဝင်ဘာ ၂ ရက်နေ့ နေ့ခင်း ၂ နာရီခွဲလောက်မှာ ပေါက်တော ဆင်တက်မော် တောင်ကြားမှာ အမျိုးသား အလောင်းတစ်လောင်း တွေ့တယ်လို့ ဆိုပါတယ်။ ဒါဟာ ဒုက္ခသည် စခန်းကနေ တောင်ပေါ်တက် ၀ါးခုတ်ရင်းနဲ့ ပျောက်ဆုံးနေတယ်လို့ဆိုတဲ့ ဘင်္ဂလီ (၆) ယောက်ထဲက တစ်ယောက်ရဲ့ အလောင်းပဲ လို့ ဆိုပါတယ်။ အဲဒီအလောင်း တွေ့တာကနေ အစပြုပြီး ဆင်တက်မော် ကျေးရွာနဲ့ ဆင်တက်မော် (အထက်) ကျေးရွာကြားမှာ လူစုလူဝေး ဖြစ်ပေါ်ခဲ့တယ်လို့ ဆိုပါတယ်။ ဘင်္ဂလီတွေ ဖြစ်ပါတယ်။ ဒီ လူစုလူဝေးကို လူစုခွဲဖို့ လုံခြုံရေးတပ်ဖွဲ့က ညွှန်ကြားတာ မလိုက်နာလို့ ဆိုပြီး ပစ်ခတ် လူစုခွဲတယ်လို့ ဆိုပါတယ်။ လုံခြုံရေးတွေရဲ့ ပစ်ခတ် လူစုခွဲမှုကြောင့် ဘင်္ဂလီ (၁) ယောက် နေရာတင် သေဆုံးပြီး ဒါဏ်ရာရသူ သုံးယောက်ကို အိုင်အင်န်ဂျီအို အဖွဲ့ တစ်ဖွဲ့က စပိဘုတ်နဲ့ စစ်တွေ ဆေးရုံ အမြန် ပို့ပေးတယ်လို့ ဆိုပါတယ်။ နောက်ပိုင်း အဲဒီ သုံးယောက်ထဲက တစ်ယောက် ထပ်ပြီး သေဆုံးပါတယ်။

    ညနေ ၃ နာရီ မိနစ် ၅၀ လောက်မှာ အဲဒီ ပဋိပက္ခ ဖြစ်ရာကနေ ရောက်လာတဲ့ လူ(၃) ယောက်က မြစ်ကမ်းစပ်မှာ ဂုံးရှာပြီး ပြန်လာတဲ့ ရခိုင်အမျိုးသမီး (၅) ယောက်ကို ၀င်ရောက် တိုက်ခိုက်တယ်လို့ ဆိုပါတယ်။ အဲဒီမှာ အမျိုးသမီး တစ်ယောက် သေဆုံးပြီး တစ်ယောက် ဆေးရုံ ရောက်ပါတယ်။

    အားလုံးစုပေါင်းလိုက်ရင် ဖြစ်စဉ်တွေအတွင်း သေဆုံးသူ ဘင်္ဂလီ (၃) ယောက်၊ ရခိုင်အမျိုးသမီး တစ်ယောက်၊ ဒါဏ်ရာရသူ ဘင်္ဂလီ (၂)ယောက် ရခိုင်အမျိုးသမီး တစ်ယောက် ဖြစ်ပါတယ်။ သေဆုံးဒါဏ်ရာရ စာရင်းကလွဲပြီး နှစ်ဖက်ဖြစ်စဉ် အသေးစိတ်ကို နှစ်ဖက်စလုံးကနေ အတည်ပြုချက်တွေတော့ မရနိုင်ပါဘူး။ ဒါပေမယ့် အချိန်နဲ့ အခြေအနေကို ကြည့်ရင် ဖြစ်စဉ်ကို အကြမ်းဖျင်း သုံးသပ်နိုင်ပါတယ်။

    ပဋိပက္ခဟာ ဒီမှာတင် ပြီးမသွားပါဘူး။ ဒါဏ်ရာရတဲ့ ဘင်္ဂလီတွေကို စစ်တွေဆေးရုံ စပိဘုတ်နဲ့ ခေါ်သွားပြီး လက်မောင်းဒါဏ်ရာရတဲ့ ရခိုင်အမျိုးသမီးကို ခေါ်မသွားဘူး ဆိုတဲ့အတွက် ကူညီတဲ့ အိုင်အင်န်ဂျီအို အဖွဲ့ကို ရခိုင်ဒေသခံတွေက ကန့်ကွက်ကြပါတယ်။ နောက်ပိုင်း စစ်တွေဒေသခံတွေက အင်န်ဂျီအိုတွေ၊ အိုင်အင်န်ဂျီအိုတွေ အားလုံး ထွက်သွားကြဖို့ အထိ ဆိုင်းဘုတ်ထောင် တောင်းဆိုတာ ရှိခဲ့ပါတယ်။

    အလားတူ နိုဝင်ဘာ ၄ ရက်နေ့ ပြည်သူ့လွှတ်တော် အစည်းအဝေးမှာ ရသေ့တောင် အမတ် ဒေါ်ခင်စောဝေက ရခိုင်ပြည်နယ် လုံခြုံရေးနဲ့ ပါတ်သက်ပြီး အဆိုတစ်ခု တင်ပါတယ်။ ရခိုင်ပြည်နယ် နယ်စပ် တစ်ဖက်က ဘင်္ဂလားဒေ့ရှ် နိုင်ငံထဲမှာ အင်အား သိန်းဂဏန်းလောက်ရှိတဲ့ ဒုက္ခသည် အမည်ခံနေရာတွေမှာ အလုပ်လက်မဲ့ လူလတ်ပိုင်းအရွယ်တွေကို ရခိုင်ပြည်နယ်ကို တိုက်ခိုက်ဖို့ အင်အားစု တစ်ရပ်အဖြစ် အစွန်းရောက် အဖွဲ့တွေက အလုံးအရင်းနဲ့ ကူညီထောက်ပံ့မှုပြုလုပ် သိမ်းသွင်းပြီး သင်တန်းတွေ ဖွင့်လှစ် လေ့ကျင့်ပေးနေတယ်ဆိုတာကို သိရတဲ့အကြောင်း ပြောပါတယ်။ ( ဒါပေမယ့် ဒီအချက်အလက် ဘယ်က သိရတယ် ဆိုတာကိုတော့ ပြောဆို မသွားပါဘူး။ ) နောက် နှစ်ဖက် နိုင်ငံ အခြေအနေအရလည်း လုံခြုံရေး လျော့ရဲနေတဲ့ အခြေအနေ ဖြစ်နေတာကြောင့် “ရခိုင်ပြည်နယ်၏ အမျိုးသားအကျိုးစီးပွားကို ရှေးရှုပြီး ဘူးသီးတောင်၊ မောင်တော ဒေသတွင် ဘက်စုံထောင့်စုံမှ ထိရောက်သော ပေါင်းစပ်ညှိနှိုင်းထားသည့် လုံခြုံရေး၊ လူဝင်မှု ကြီးကြပ်ရေး၊ အုပ်ချုပ်ရေး အစီအမံများကို ယခင်ကထက် သာလွန်ကောင်းမွန်သည့် အစီအမံများဖြင့် အမြန်ဆုံးချမှတ် စတင်အကောင်အထည်ဖော် ဆောင်ရွက်ရန် ပြည်ထောင်စုအစိုးရအား တိုက်တွန်းကြောင်း ” အဆို တင်ပါတယ်။

    ဒီ အဆိုတင်တာနဲ့ ပါတ်သက်ပြီး ဘူးသီးတောင် အမတ် ဦးရွှေမောင်က ဖွဲ့စည်းပုံ အခြေခံဥပဒေ၊ ပြည်သူ့လွှတ်တော်ဆိုင်ရာ ဥပဒေ နည်းဥပဒေ တွေကို ကိုးကားပြီး “ ပြည်နယ်တစ်ခုအတွင်းမှာ လူမျိုးစုတစ်ခုကို နှိမ်ပြီး ခွဲခြားဆက်ဆံပြီး ထိုသို့ ဖိနှိပ်အုပ်ချုပ်စေလိုသော သဘောပါတဲ့ အဆိုတစ်ခုဟာ အမျိုးသား အကျိုးစီးပွားကို ရှေးရှုတဲ့ အဆိုတစ်ခု မဖြစ်နိုင်ပါဘူး။ ဒါ့အပြင် မဆီလျော်သော အကြောင်းပြချက်များ၊ ခိုင်လုံသော အထောက်အထား မပါရှိတဲ့ ယူဆချက်များ၊ ဥပမာ အနောက်တံခါး ကျိုးနေပါတယ် ဆိုတာကို ခဏခဏ တင်ပြခြင်း၊ မီဒီယာတွင် ပြောခြင်း၊ အဆိုရှင်ဇ။် ပါတီမှ ထုတ်ဝေသော စာစောင်တွင် ရေးသားဖော်ပြခြင်း စတာတွေဟာ မသင့်တော်ပါကြောင်း၊ လူတစ်စု လူမျိုးစု တစ်စုရဲ့ အကျိုးကို ရှေးရှုပြီး တင်ပြချက်တွေဟာ ရခိုင်ပြည်နယ်ဇ။် အကျိုးစီးပွား၊ နိုင်ငံတော်နဲ့ နိုင်ငံသား အကျိုးစီးပွားကို မဖြစ်စေနိုင်ပါ” ဆိုပြီး ပြန်လည် တင်ပြ ကန့်ကွက်ခဲ့ပါတယ်။ ဒါပေမယ့် ဦးရွှေမောင်ရဲ့ တင်ပြချက်ဟာ လွှတ်တော်ဆိုင်ရာ လုပ်ထုံးလုပ်နည်း မမှန်တဲ့အတွက် ဥက္ကဌ သူရ ဦးရွှေမန်းက မှတ်တမ်းတင် သတိပေးတာ ခံရပါတယ်။

    ဒီအချက်အလက်တွေကိုကြည့်ရင် ရခိုင်ပြည်နယ်မှာ ရခိုင်တိုင်းရင်းသားတွေထဲမှာရော ဘင်္ဂလီတွေထဲမှာပါ အမုန်းတရားတွေ၊ ဒေါသမီးတောက် မီးလျှံတွေ တောက်လောင်နေတာ ထင်ထင်ရှားရှားကြီး မြင်နေရပါတယ်။ ဒီနည်းနဲ့ ရခိုင်ပြည်နယ်ကို အေးချမ်းတဲ့ စည်ပင်သာယာ ၀ ပြောပြီး ဖွံ့ဖြိုးတိုးတက်တဲ့ ပြည်နယ် တစ်ခုအဖြစ် တည်ဆောက်လို့ ရနိုင်ပါ့မလား ဆိုတာ စဉ်းစားသုံးသပ်ကြဖို့ လိုပါတယ်။

    ဒီနေရာမှာ အကြိမ်ကြိမ် အထပ်ထပ် ပြောဆိုခဲ့ပြီးဖြစ်သလို ရခိုင်ပြည်နယ်က ဘင်္ဂလီတွေ ပြသနာဟာ ရခိုင်တိုင်းရင်းသားတွေ ဖန်တီးထားတာ မဟုတ်ပါဘူး။ အရာရာ လက်နက်နဲ့ ဖိနှိပ်ခံထားရတဲ့ စစ်တပ်ရဲ့ အုပ်ချုပ်မှု ခေတ်အဆက်ဆက်မှာ ရခိုင်တိုင်းရင်းသားတွေ ဘာမှ တတ်နိုင်ခဲ့တာ မဟုတ်ပါဘူး။ အခု ပြောပြောနေကြသလို မြန်မာနိုင်ငံသား မဟုတ်တဲ့ ဘယ်နိုင်ငံသားတွေလည်း ဆိုတာ အတည်မပြုနိုင်တဲ့ ဘင်္ဂလီတွေ မမှန်မကန်နည်းနဲ့ အမြောက်အများ ၀င်ရောက်လာခဲ့တယ် ဆိုရင် ဒီလို ဖြစ်လာတဲ့ကိစ္စ အရင် စစ်အစိုးရ အဆက်ဆက် တာဝန်ရှိသူတွေကပဲ လုံးလုံး တာဝန်ယူရမယ် ဖြစ်ပါတယ်။ လက်ရှိ အစိုးရနဲ့ ရခိုင်တိုင်းရင်းသား ခေါင်းဆောင်တွေကတော့ အခု ဖြစ်ပေါ်နေတဲ့ အခြေအနေကနေ အကောင်းဆုံး ဖြစ်အောင် ကြိုးစားရပါမယ်။

    ရခိုင်တိုင်းရင်းသားတွေ ဘင်္ဂလီတွေကို ဘာဖြစ်စေချင်ပါသလဲ။ ဘယ်လို ဖြစ်ချင်တဲ့ ဆန္ဒဖြစ်ပါစေ၊ မြန်မာနိုင်ငံရဲ့ ဖွဲ့စည်းပုံ အခြေခံဥပဒေ၊ တည်ဆဲ ဥပဒေ နဲ့ နိုင်ငံတစ်နိုင်ငံက စောင့်ထိန်းရမယ့် အခြေခံ ကျင့်ဝတ်တွေအောက်ကနေပဲ အကောင်အထည် ဖော်ရပါမယ်။ ဘင်္ဂလီတွေကို မြန်မာ့မြေ၊ ရခိုင်မြေ ပေါ်ကနေ အပြီးအတိုင် ဖယ်ရှားချင်နေသလား၊ အဲလို လုပ်ဖို့ အခြေခံဥပဒေ၊ တည်ဆဲဥပဒေ၊ နိုင်ငံတွေ စောင့်ထိန်းရမယ့် ကျင့်ဝတ် အရ ဖြစ်နိုင်မလား စဉ်းစားချင့်ချိန်ရပါမယ်။ မဖြစ်နိုင်ရင် ဘယ်ပုံစံနဲ့ သူတို့ကို ထားမလဲ။ အခုကာလမှာရော နောင်အနာဂတ် ကာလမှာပါ ရခိုင်တိုင်းရင်းသားတွေနဲ့ မြန်မာနိုင်ငံသားတွေရဲ့ ရန်သူတွေဖြစ်လာအောင် တွန်းပို့မှာလား။ သူတို့ရဲ့ပညာသင်ကြားခွင့် အပါအ၀င် လူ့အခွင့်အရေးတွေ အားလုံး ရုပ်သိမ်းပြီး အသိဥာဏ်နည်းတဲ့ လူသားတွေ၊ အကြမ်းဖက်သမားတွေ ဖြစ်လာအောင် ဖန်တီးပေးမှာလား။ အသေအခြာ စဉ်းစားဖို့ လိုပါပြီ။ အထူးသဖြင့် ရခိုင်တိုင်းရင်းသား ခေါင်းဆောင်တွေ ဖြစ်ပါတယ်။

    ဘင်္ဂလီတွေကို ဘယ်လို ပြုမူရင် ရခိုင်တိုင်းရင်းသားတွေ လုံခြုံမှုရှိရှိ နေထိုင်နိုင်မလဲ၊ ဘင်္ဂလီတွေကို ဘယ်လို သဘောထားရင် ရခိုင်တိုင်းရင်းသားတွေနဲ့ ရခိုင်ပြည်နယ် ဖွံ့ဖြိုးတိုးတက်လာမလဲ လေးလေးနက်နက် စဉ်းစားနိုင်မှသာ လောင်မြိုက်နေတဲ့ အခြေအနေကနေ ရုန်းထွက်ကျော်လွှားနိုင်ကြမယ် ဖြစ်ပါကြောင်း သုံးသပ်တင်ပြလိုက်ရပါတယ်။

    စည်သူအောင်မြင့်

    Link=>https://www.facebook.com/sithu.aungmyint/posts/217972188385589

  • တစ်ပတ်အတွင်း ရိုဟင်ဂျာ ၁၅၀၀ ကျော် ဘင်္ဂလား ပင်လယ်အော် အတွင်း လှေငယ်များနဲ့ ထွက်ပြေးကြဟု ကုလပြော

    နိုဝင်ဘာ ၁ ရက် -၂၀၁၃
    M-Media
    Ref: AP

    n_33644_4

    ပြီးခဲ့သည့်ရက်သတ္တပတ်က ရခိုင်ပြည်နယ်အတွင်း အခြေအနေများ ပြန်လည်တင်းမာလာမှုကြောင့် လှေငယ်လေးများဖြင့် ဘင်္ဂလားပင်လယ်အော်ကို ဖြတ်ကျော် ထွက်ပြေးသူ ၁၅၀၀ ကျော်ရှိကြောင်း ဒုက္ခသည်များဆိုင်ရာကုလသမဂ္ဂအဖွဲ့အစည်းမှ ပြောကြားလိုက်သည်။

    ယမန်နှစ်ကစ၍ အနောက်ပိုင်းရခိုင်ပြည်နယ်ရှိ ဗုဒ္ဓဘာသာဝင်များသည် ရိုဟင်ဂျာမွတ်စ်လင်မ်တို့အား နိုင်ငံတွင်း တရားမ၀င်ခိုးဝင်လာပြီး မိမိတို့နယ်မြေများကို လက်ဝါးကြီးအုပ်သည်ဟု စွပ်စွဲကာ အကြမ်းဖက်ခဲ့ကြသဖြင့် မတည်ငြိမ်မှုဖြစ်ပွားရသည်။

    အကြမ်းဖက်မှုကြောင့်  ဘင်္ဂလားပင်လယ်အော်သို့ ထွက်ခွာကြသူဦးရေမှာ ရုတ်တရက်များပြားလာသည်ဟု ကုလသမဂ္ဂပြောခွင့်ရပုဂ္ဂိုလ် မာတင် နီစာကီ Martin Nesirky မှ သောကြာနေ့တွင် ပြောကြားသည်။ ၄င်းတို့မှာ မည်သည်ဖက်သို့ ဦးတည်ထွက်ခွာသွားကြောင်းကိုမူ ပြောကြားခြင်း မရှိပေ။

    လွန်ခဲ့သည် ရက်သတ္တပတ်အတွင်း နယ်မြေစွန့်ခွာ ထွက်ပြေးသူများသာမက သေဆုံးသူများလည်းရှိကြောင်း သတင်းများကို ဒုက္ခသည်များဆိုင်ရာ ကုလသမဂ္ဂအဖွဲ့အစည်းမှ ရရှိခဲ့သည်ဟု သူကဆိုသည်။

    မိုးရာသီကုန်ဆုံး၍ ပင်လယ်ခရီးသွား ရာသီစတင်ဝင်ရောက်လာခြင်းက ရှောင်တိမ်း ထွက်ခွာလိုသူများအား လှေငယ်လေးများဖြင့် သေမထူးနေမထူး စွန့်စားထွက်ခွာမည့်သူများ ပိုမိုများပြားလာစေရန် တွန်းအားပေးသကဲ့သို့ဖြစ်နေမည်ကို UNHCR မှ စိုးရိမ်လျက်ရှိသည်ဟု နီစာကီမှ ပြောကြားခဲ့သည်။

    ဓါတ်ပုံ အညွှန်း- ရခိုင်ပြည်နယ်မှ ဘင်္ဂလာပင်လယ်အော်အတွင်း ထွက်ပြေးကြသည့် ရိုဟင်ဂျာမွတ်စလင်မ်များ