၂၀၁၆ ခုနှစ် သြဂုတ်လ ၈ ရက်နေ့က သြစတြေးလျ နိုင်ငံ ဆစ်ဒနီမြို့တွင် ပြုလုပ်ခဲ့သော မြန်မာမိသားစုများ တွေ့ဆုံပွဲ၌ တရားဥပဒေစိုးမိုးရေး၊ ငြိမ်းချမ်းစွာ အတူယှဉ်တွဲနေထိုင်ရေး နှင့် ပတ်သက်ပြီး မေးမြန်းချက်ကို တရားလွှတ်တော်ရှေ့နေ ဦးကိုနီမှ ပြန်လည်ဖြေကြားချက်ဖြစ်ပါတယ်။
ရိုက်ကူး- ကိုမြင့်မိုရ်မဏ္ဍိုင်
ဇူလိုင် ၁၄ ၊ ၂၀၁၆
ရေးသားသူ- ဦးခင်မောင်ချို (တရားလွှတ်တော်ရှေ့နေ)
.
NLD ဦးဆောင်တဲ့ အရပ်သားတစ်ပိုင်း အစိုးရအနေနဲ့ ရက်ပေါင်း (၁၀၀)အတွင်း ဆောင်ရွက်ချက်တွေထဲမှာ တရားဥပဒေစိုးမိုးရေးကို ဦးစာပေးဆောင်ရွက်နိုင်ခြင်း မရှိသေးကြောင်း တွေ့ရှိရပါတယ်။ တရားဥပဒေစိုးမိုးရေးဟာ NLDရဲ့ဦးစားပေးအစီအစဉ်ထဲမှာ အမြဲတန်းပါဝင်ခဲ့ပါတယ်။ ဒေါ်အောင်ဆန်းစုကြည် ကလည်း လွှတ်တော်ကိုယ်စားလှယ် ဖြစ်စဉ်ကပင် “တရားဥပဒေစိုးမိုးရေးနှင့် တည်ငြိမ်အေးချမ်းရေး”ကော်မတီ ဥက္ကဌ အဖြစ် ဆောင်ရွက်ခဲ့တာကြောင့်၊ ယခု နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အနေနဲ့ တရားဥပဒေစိုးမိုးရေးကို လိုလားမှာဖြစ်ပါတယ်။သူမကိုယ်တိုင်လည်း လူစုလူဝေးနဲ့ တိုက်ခိုက်တာ ခံခဲ့ရဘူးတော့ ကိုယ်ချင်းစာနာစိတ်ရှိမှာကိုတော့ ယုံမှားသံသယဖြစ်ဖွယ်ရာ မရှိပါဘူး။
.
တရားဥပဒေစိုးမိုးရေးကို ပျက်ပြားအောင် ပြုလုပ်ခြင်းဟာ ယနေ့နိုင်ငံတော်ရဲ့နိုင်ငံရေးဦးတည်ချက်များကို ထိခိုက်စေရုံသာမက အသွင်ကူးပြောင်းရေးကာလကိုလည်း ဖျက်လိုဖျက်စီးပြုရာ ရောက်ပါတယ်။ အဲဒီလိုအခြေအနေမှာ ဘာသာရေးလူနည်းစုများဟာ တည်ကြက်ကဲ့သို့ မြေဇာပင်များ ဖြစ်နေပါတယ်။
.
အစိုးသစ်မှာ နိုင်ငံရေးအာဏာ အပြည့်အဝ မရှိသေးတာကိုလည်း သတိချပ်ဖို့ လိုပါတယ်။ အုပ်ချုပ်ရေးနဲ့ တရားစီရင်ရေးကဏ္ဍများကလည်း အစိုးရသစ်ကို အပြည့်အဝ အထောက်အကူပြုဖို့လည်း အရေးကြီးပါတယ်။
.
အစိုးရသစ်ရဲ့မူဝါဒများကို စိတ်ရောကိုယ်ပါ အကောင်အထည်ဖေါ်ဖို့ တာဝန်ရှိပါတယ်။ မကြာခင်က ဖြစ်ပွားခဲ့တဲ့ အစ္စလာမ်ဘာသာဝင်များနဲ့ ပတ်သက်တဲ့ အချို့ကိစ္စများကိုဆန်းစစ်ကြည့်မယ်ဆိုရင်အုပ်ချုပ်ရေးပိုင်းက အစပြုထားတဲ့ကိစ္စများကို လူစုလူဝေးက အဆုံးသတ်ထားတာ တွေ့ရှိရပါတယ်။
.
ကချင်ပြည်နယ်၊ ဖါးကန့်မြို့နယ်၊ လယ်ပြင်ကျေးရွာ၊မန္တလေးတိုင်းဒေသ၊ ရမည်းသင်းမြို့နယ်၊မိတ္ထီလာမြို့နယ်၊နဲ့ ကရင်ပြည်နယ်၊မြဝတီတို့မှာ ဝတ်ပြုဆောင်၊ စာသင်ကျောင်း၊သုသာန်များကို ဖျက်သိမ်းဖို့ အောက်ခြေ အုပ်ချုပ်ရေးပိုင်းကညွှန်ကြားခဲ့ကြောင်း သိရှိရပါတယ်။NLD အစိုးရသစ်ရဲ့ ရက်ပေါင်း (၁၀၀) အတွင်းဖြစ်ပျက်နေတာ ဖြစ်ပြီး၊ တိုက်တိုက်ဆိုင်ဆိုင် အစ္စလာမ်ဘာ သာဝင်များရဲ့ရာမ်ဇန် ဥပုဒ်လအတွင်း မှာဆောင်ရွ က်နေတာဖြစ်ပါတယ်။ နိုင်ငံတော်ရဲ့ အတိုင်ပင်ခံပုဂ္ဂို လ် ဒေါ်အောင်ဆန်းစုကြည် ဦးဆောင်တဲ့ အမျိုသားပြန်လည်သင့်မြတ်ရေး နဲ့ ၂၁ရာစု ပင်လုံညီလာခံ ကြိုးပမ်း ချက်များနဲ့လည်း တိုက်ဆိုင်နေတာကို သတိပြုမိပါတယ်။
.
သူရဲသမိန်ရွာဗလီကိစ္စကို ဆန်းစစ်ကြည့်မယ်ဆိုရင် ပုဂ္ဂိုလ်တစ်ဦးနဲ့တစ်ဦး စကားများတာကစပြီး၊ ဗလီကို လူစုလူဝေးနဲ့ ဖျက်ဆီးတာနဲ့ အဆုံးသတ်တာ တွေ့ရှိရပါတယ်။ ဘာမှမဆိုင်ပါဘူး။ ဖျက်ဆီးပြီးတော့လည်း ဗလီမှာ ပြန်ပြီး ဝတ်ပြုခွင့် လည်း မပြုတော့ပါဘူး။ ပုဂ္ဂိုလ်တစ်ဦးနဲ့တစ်ဦး စကားများတာကြောင့်ဆိုရင် ဖျက်ဆီးခံရတဲ့ဗလီကို ပြန်ဖွင့်ပြီး ဝတ်ပြုခွင့်ပြုသင့်ပါတယ်။ တိုင်တန်းခြင်း မရှိလို့ အရေးယူခြင်းလည်း မရှိပါဘူးလို့ ဆိုပါတယ်။ ဒီလိုပြောဆိုမှုတွေဟာ ဥပဒေနဲ့ ညီညွှတ်မှု ရှိရဲ့လား? ဆိုတာကို သုံးသပ်ဖို့ လိုလာပါတယ်။
.
ဖားကန့်မြို့နယ်၊လယ်ပြင်ကျေးရွာဝတ်ပြုဆောင်ရဲ့ နောက်ဆုံးသတင်းကတော့၊ အစ္စလာမ်ဝတ်ပြုဆောင် ကိုဖျက်ဆီးခဲ့တယ်လို့ သံသယရှိသူ (၆) ဦးကိုဖမ်းဆီးပြီး၊ ပုဒ်မ-၁၄၅၊ ၄၃၆၊ ၁၁၄ အရအမှုဖွင့်ထားတယ်လို့ သိရှိရပါတယ်။ ခုလိုဘာသာရေးနဲ့ သက်ဆိုင်တဲ့ အဆောက်အအုံများကို လူစုလူဝေးနဲ့ ဖျက်ဆီးမှုများကို ပုဒ်ထီး၊ ပုဒ်မတွေတန်းစီပြီး၊ တည်ဆဲတရားဥပဒေများနဲ့အညီ ထိထိရောက်ရောက်အရေး ယူရမှာ ဖြစ်ပါတယ်။
.
လူစုလူဝေးနဲ့ သောင်းကျန်းတဲ့ ပြစ်မှုများကျူးလွန်လို့ အရေးယူနိုင်တဲ့ ပုဒ်မတွေကတော့ ပြစ်မှုဆိုင်ရာဥပဒေ အခန်း-၈၊ နိုင်ငံတော် ငြိမ်ဝပ်ရေးကို ပျက်စေသော ပြစ်မှုများအောက်မှာဖော်ပြထားပါတယ်။
.
ပုဒ်မ-၁၄၃(ဥပဒေနှင့် ဆန့်ကျင်သောအစုအဝေးတွင် ပါဝင်သူဖြစ်ခြင်း) ထောင်ဒဏ် ၆လထိ/ငွေဒဏ်/ ဒဏ်နှစ်ရပ်လုံး
.
ပုဒ်မ-၁၄၄ (ဥပဒေနှင့် ဆန့်ကျင်သော အစုအဝေးတွင် သေစေလောက်သော လက်နက်ကိုင်စွဲကာပါဝင်ခြင်း) ထောင်ဒဏ်၂နှစ်ထိ/ငွေဒဏ်/ဒဏ်နှစ်ရပ်လုံး
.
ပုဒ်မ-၁၄၅ (လူစုခွဲရန်အမိန့်ပေးပြီးကြောင်းသိပါလျက်၊ ဥပဒေနှင့်ဆန့်ကျင်သော အစုအဝေး၌ ပါဝင်ခြင်း၊သို့တည်းမဟုတ် ဆက်လက်ပါဝင်နေခြင်း ) ထောင်ဒဏ် နှစ်နှစ်ထိ/ ငွေဒဏ်/ဒဏ်နှစ်ရပ်လုံး
.
ပုဒ်မ-၁၄၇ (ရုန်းရင်းဆန်ခတ်မှု) ထောင်ဒဏ်၂နှစ်ထိ်/ငွေဒဏ်/ဒဏ်နှစ်ရပ်လုံး
.
ပုဒ်မ-၁၄၈ (သေစေလောက်သောလက်နက်ကိုင်လျက် ရုန်းရင်းဆန်ခတ်မှုပြုခြင်း) ထောင်ဒဏ်၃နှစ်ထိ် /ငွေဒဏ်/ ဒဏ်နှစ်ရပ်လုံး
.
ပုဒ်မ-၁၅၀ (ဥပဒေနှင့် ဆန့်ကျင်သော အစုအဝေးတွင် ပါဝင်စေရန် လူကိုငှားရမ်းခြင်း၊ စေခိုင်းခြင်း) အစုအဝေးတွင် ကိုယ်တိုင်ပါဝင်ဘိ သကဲ့သို့၊ ပြစ်မှုကိုကိုယ်တိုင် ကျူးလွန်ဘိသကဲ့သို့ ပြစ်ဒဏ်ချမှတ်ခံရမည်။
.
ပုဒ်မ-၁၅၃-က (ပြည်ထောင်စုမြန်မာနိုင်ငံတွ င် နေထိုင် သူအမျိုးအစားတစ်ခုနှင့်တစ်ခုရန်ငြိုးထားစေရန်၊ မုန်းတီးစေရန် အားပေးအားမြှောက်ပြုခြင်း) ထောင်ဒဏ်၂နှစ်ထိ/ငွေဒဏ်/ဒဏ်နှစ်ရပ်လုံး
.
အခန်း-၁၅၊ ဘာသာသာသနာဆိုင်ရာ ပြစ်မှုများကတော့၊
————————————————-
ပုဒ်မ-၂၉၅ (ကိုးကွယ်ဝတ်ပြုသောနေရာကိုဖျက်ဆီးခြင်း၊ ယုတ်ညံ့စေခြင်း) ထောင်ဒဏ် ၂နှစ်ထိ/ငွေဒဏ်/ဒဏ်နှစ်ရပ်လုံး
.
ပုဒ်မ-၂၉၅-က (နိုင်ငံတော်တွင်နေထိုင်ေ သာလူတစားကိုးကွ ယ်ယုံကြည်သောဘာသာ၊ ယုံကြည်မှုကိုစကား/စာဖြင့်/ ထင်ရှားသောပုံသဏ္ဍန်ဖြင့်စော်ကားမှု) ) ထောင်ဒဏ် ၂နှစ်ထိ/ငွေဒဏ်/ဒဏ်နှစ်ရပ်လုံး
.
ပုဒ်မ၂၉၆(ဘာသာရေးအခမ်းအနားအစုအဝေးကိုနှောက်ယှက်ခြင်း) ထောင်ဒဏ် ၁နှစ်ထိ/ငွေဒဏ်/ဒဏ်နှစ်ရပ်လုံး
.
ပုဒ်မ-၂၉၇ (ကိုးကွယ်ဝတ်ပြုသောနေရာ/ သင်္ချိုင်း/ မသာအခမ်းအနားများကို ကျူးကျော်စော်ကားခြင်း) ) ထောင်ဒဏ် တစ်နှစ်ထိ/ငွေဒဏ်/ဒဏ်နှစ်ရပ်လုံး
.
ပုဒ်မ-၂၉၈ (ဘာသာရေးစိတ်ကိုနာစေရန် တမင်ကြံရွယ်၍ စကားပြောဆိုခြင်းကိုယ် အမူအရာပြုခြင်း၊ အရာဝတ္တုတစ်ခုခုကိုထားခြင်း ) ထောင်ဒဏ်တစ်နှစ်ထိ/ငွေဒဏ်/ဒဏ်နှစ်ရပ်လုံး
.
အခန်း-၁၇၊အများပြည်သူကိုဖြစ်စေ၊လူတစ်ဦးတစ်ယောက်ကိုဖြစ်စေ၊ အကျိုးဖျက်စီးမှုတွေကတော့…
.
..ပုဒ်မ-၄၂ရ (အကျိုးဖျက်ဆီးမှု )ထောင်ဒဏ်နှစ်နှစ်ထိ/ငွေဒဏ်/ဒဏ်နှစ်ရပ်လုံး
.
ပုဒ်မ-၄၃၆(ကိုးကွယ်ဝတ်ပြုသည့်နေရာ/နေအိမ်/ပစ္စည်းသိုလှောင်ရာနေရာကို မီး (သို့)ပေါက်ကွဲစေသော အရာဖြင့် အကျိုးဖက်ဆီးမှု) တစ်သက်တစ်ကျွန်း/ထောင်ဒဏ်ဆယ်နှစ်ထိ + ငွေဒဏ်
.
ပုဒ်မ-၄၄၀ (သေစေမှု/နာကျင်စေမှု အတွက်ပြင်ဆင်ပြီး အကျိုးဖျက်ဆီးမှု) ထောင်ဒဏ်ငါးနှစ်ထိ + ငွေဒဏ်
.
အခန်း-၁၇၊ရာဇဝတ်မကင်းသော ကျော်နင်းမှုများမှာ……
.
ပုဒ်မ-၄၄၇ (ရာဇဝတ်မကင်းသော ကျော်နင်းမှု) ထောင်ဒဏ် သုံးလထိ/ငွေဒဏ်/ဒဏ်နှစ်ရပ်လုံး
.
ပုဒ်မ-၄၄၈ (လူနေအိမ်/ကိုးကွယ်ဝတ်ပြုသောနေရာ/ပစ္စည်းသိုလှောင် ရာနေရာသို့ ဝင်ရောက်ခြင်း) ထောင်ဒဏ် တစ်နှစ်ထိ/ငွေဒဏ်/ဒဏ်နှစ်ရပ်လုံး
.
အခန်း-၂၂၊ ရာဇဝတ်မကင်းသော ချောက်လှန့်မှု၊ စော်ကားမှုများနဲ့ စိတ်ငြိုငြင်စေမှုများကတော့…..
.
ပုဒ်မ-၅၀၄ (ငြိမ်ဝပ်ရေးကို ပျက်ပြားစေရန် အကြံဖြင့် တမင်စော်ကားခြင်း) ထောင်ဒဏ် နှစ်နှစ်ထိ/ငွေဒဏ်/ဒဏ်နှစ်ရပ်လုံး
.
ပုဒ်မ-၅၀၅(ခ) (နိုင်ငံတော် ငြိမ်ဝပ်ရေးကို ထိခိုက်သည့်ပြစ်မှုကို တစ်ဦးတစ်ယောက်က ကျူးလွန်ချင်လာအောင် အများပြည်သူ၏အကျိုးကို ပျက်စီးစေမှု) ထောင်ဒဏ်နှစ်နှစ်ထိ/ငွေဒဏ်/ဒဏ်နှစ်ရပ်လုံး
.
ပုဒ်မ-၅၀၅(ဂ) (လူအမျိုအစား/လူမျိုးစုအချင်းချင်း၊ တစ်ဖက်နှင့်တစ်ဖက် ကျူးလွန်ချင်လာအောင် လှုံ့ဆော်ခြင်း) ထောင်ဒ ဏ်နှစ်နှ စ်ထိ / ငွေဒဏ်/ဒဏ်နှစ်ရပ်လုံး
.
ခွင့်ပြုချက်မရဘဲ မြို့နယ်အသီးသီးကိုဖြတ်ကျော်ပြီး၊ ဆန္ဒပြတဲ့အမှုများမှာ တစ်မြို့နယ်ချင်း ငြိမ်း-စု-စီ နဲ့ အမှုဖွင့်ပါတယ်။ အဲ့ဒီအမှုများမှာ သီးခြားပြစ်ဒဏ်ကျခံစေပါတယ်။ ခုလဲ ပြစ်မှူအင်္ဂါရပ်များနဲ့ အကျုံးဝင်တဲ့ပုဒ်မများနဲ့စွဲဆိုပြီး သီးခြားကျခံစေခြင်းဖြင့် ထိရောက်ဟန့်တားတဲ့ ပြစ်ဒဏ်များ ချမှတ်နိုင်ပါတယ်။
.
နောက်တစ်ချက် ရှင်းရပါအုံးမယ်။ တိုင်ကြားသူမရှိလို့ အရေးမယူဘူးဆိုတဲ့ကိစ္စ။ ရဲအရေးပိုင်တဲ့ အမှုများမှာ ပြစ်မှုကျူးလွန်သူကို ရဲက ဝရမ်းမပါဘဲ ဖမ်းဆီးနိုင်ပါတယ်။ ဥပမာ၊ လူသတ်မှုကျူးလွန်တယ်ဆိုရင် တိုင်ကြားသူ ရှိရှိမရှိရှိ ရဲကအမှုဖွင့်ပြီး နိုင်ငံတော်က တရားလိုအဖြစ် အမှုမှာ ဦးဆောင်ပါဝင်ရမှာဖြစ်ပါတယ်။ တာဝန်ရှိသူတွေကိုယ်တိုင်က ဥပဒေကို အလေးမထားဘဲ ပြောနေတာတွေက တရားဥပဒေစိုးမိုးရေးကို ချိနဲ့အားပျော့စေပါတယ်။
.
ပြည်သူ့ဝန်ထမ်းရဲများရှေ့မှာ ပြစ်မှုကျူးလွန်ခဲ့ရင်လည်း အဲဒီရဲများမှာ တာဝန်ရှိပါတယ်။
.
အခန်း-၅၊အားပေးကူညီမှုတွင်
.
ပုဒ်မ-၂၂၁ (ဖမ်းဆီးရန်တာဝန်ရှိသော ပြည်သူ့ဝန်ထမ်းသည် မဖမ်းဆီးဘဲ တမင်ပျက်ကွက်ခြင်း) သေဒဏ်ထိုက်သော ပြစ်မှုဖြစ်လျှင် ထောင်ဒဏ်ခုနစ်နှစ်ထိ+ငွေဒဏ်/ငွေဒဏ်မပါထောင်ဒဏ်ဆယ်နှစ်အော က်လျှော့သောပြ စ်မှုဖြစ်လျှင် ထောင်ဒဏ်နှစ်နှစ်ထိ/ငွေဒဏ်/ငွေဒဏ်မပါ
.
ပုဒ်မ-၁၁၄ကတော့ အားပေးကူညီမှု ဖြစ်ပါတယ်။
.
ချုပ်ပြီးပြောရရင်၊
.
လူစုလူဝေးနဲ့ သောင်းကျန်းရင် နိုင်ငံတော် ငြိမ်ဝပ်ရေးကို ပျက်စေသော ပုဒ်မများနဲ့ အရေးယူပါ။
.
ဘာသာသာသနာကို စော်ကားရင် ဘာသာ သာသနာဆိုင်ရာပုဒ်မများနဲ့ အရေးယူပါ။
.
ကိုးကွယ်ဝတ်ပြုသည့်နေရာ/နေအိမ်/ပစ္စည်းသိုလှောင်ရာနေရာများကို ဖျက်ဆီးရင် ဘာသာ အကျိုးဖျက်ဆီးမှု ပုဒ်မများနဲ့ အရေးယူပါ။
.
အများပြည်သူရဲ့အကျိုးကို ထိခိုက်ပျက်ဆီးစေရင် ငြိမ်ဝပ်ပိပြားရေးကို ထိခိုက်ပျက်ပြားစေတဲ့ပုဒ်မများနဲ့ အရေးယူပါ။
.
ပြစ်မှုတစ်မျိုးစီ ကျူးလွန်ရင် ပုဒ်မတစ်မျိုးစီတပ်ပြီး၊ အရေးယူပါ။ရဲအရေးပိုင်တဲ့ အမှုများကို ရဲက ဖမ်းဆီး အရေးယူပါ။
.
မိမိတို့ကိုယ်တိုင် နစ်နာသူများကလည်း တိုင်တန်း တရားစွဲဆိုနိုင်ပါတယ်။ ပြည်သူ့ဝန်ထမ်းရဲများလည်း တည်ဆဲဥပဒေများကို လေးစားလိုက်နာဖို့လိုပါတယ်။ ရာဇဝတ်မှုဆိုတာ ကာလစည်းကမ်းသတ်လည်းမရှိ၊ ရာဇဝတ်မှုတွေ ရဲ့လက်တံက တော်တော်ရှည်ပါတယ်။ လူစုလူဝေးနဲ့ တရားစီရင်ရေးကို ဖိအားပေးတာကိုလည်း တားဆီးဖို့ လိုအပ်ပါတယ်။
.
နိုင်ငံတော်မှလည်း ဘာသာရေးပဋိပက္ခဆိုင်ရာ ဖြေရှင်းမည့် ကော်မရှင်အဖွဲ့ကို မကြာမီ ဖွဲ့စည်းမည်ဟု သိရှိရပါတယ်။၂၀၀၈ခြေ/ဥ ပုဒ်မ-၃၆၄ ကိုလည်းဥပဒေ ပြဌာန်းဖို့ အရပ်ဖက် လူမှုအဖွဲ့အစည်းများက ကြိုးပမ်းနေကြပါပြီ။ထိခိုက်နစ်နာသူများ အနေနဲ့လည်း စတင်တရားစွဲဆိုနေကြပါပြီ။ တရားဥပဒေစိုးမိုးရေးအတွက် အားကောင်းမောင်းသန်ဖြစ်စေတဲ့ အလားအလာတွေ ဖြစ်ပါတယ်။
.
၂၀၀၈ ခြေ/ဥ ပုဒ်မ-၂၁(ဂ)နဲ့ ပုဒ်မ-၃၈၇တို့ အရ ‘ပြည်သူတို့ ၏ အေးချမ်းသာယာရေးနှင့် တရားဥပဒေစိုးမိုးရေးတို့သည် နိုင်ငံသားတိုင်း၏ တာဝန် ဖြစ်ပါတယ်။’တရားဥပဒေစိုးမိုးရေးအတွက် အရပ်ဖက် လူမှုအဖွဲ့အစည်းများအနေဖြင့် ကြိုးပမ်းဆောင်ရွက်နေကြ သကဲ့သို့ ရှေ့နေရှေ့ရပ် အသင်းအဖွဲ့များ၊ကွန်ယက်များ၊ လူ့အခွင့်အရေးလှုပ်ရှားသူများ ကလည်း မိမိတို့အနေနှင့် တာဝန်ရှိကြသည့်အလျှောက် ဦးဆောင်ပါဝင် ဆောင်ရွက်ကြပါရန် တိုက်တွန်းလိုပါတယ်။
.
အကောင်းဆုံးကတော့ တရားဥပဒေစိုးမိုးရေးကို တက်ညီလက်ညီ ဖေါ်ဆောင်ကြပြီး၊ အားလုံး ဥပဒေဘောင်အတွင်းနေထိုင်ခြင်း ဖြစ်ပါတယ်။ “ဥပဒေဘောင်တွင်း နေထိုင်ခြင်း ဘေးကင်းရန်ကွာ လွန်ချမ်းသာ”မဟုတ်ပါလား။
.
ခင်မောင်ချို
၁၄-၇-၂၀၁၆
မြန်မာနိုင်ငံမှာ လတ်တလော ဖြစ်ပေါ်ခဲ့တဲ့ ဘာသာရေး အကြမ်းဖက်မှုတွေနှင့် ပတ်သက်ပြီး သာသနာရေးနှင့် ယဉ်ကျေးမှု ပြည်ထောင်စု ဝန်ကြီး သူရဦးအောင်ကို၏ ဖြေကြားမှုဖြစ်ပါတယ်။
၉-၇-၂၀၁၆ နေ့တွင် ကျင်းပသော အီးဒ်မိတ်ဆုံညစာ စားပွဲ သို့ တက်ရောက်လာတဲ့ သာသနာရေးနှင့် ယဉ်ကျေးမှု ပြည်ထောင်စု ဝန်ကြိး သူရဦးအောင်ကို အား မီဒီယာများမှ မေးမြန်းခဲ့မှု အစီအစဉ်တွင် ဖြေကြားခဲ့ခြင်းဖြစ်ပါတယ်။
ရိုက်ကူး- မိုးစက်
တချို့ ဘုန်းတော်ကြီးတွေကလည်း ဘာသာရေးဆိုင်ရာ အစည်းအဝေးတွေမှာ အကြမ်းဖက်ဖို့ လှုံ့ဆော်တာမျိုးလည်း လုပ်ကြပါတယ်။ အဲလို အကြမ်းဖက်ဖို့ လှုံ့ဆော်လို့ဆိုပြီး တစ်စုံတစ်ယောက် အရေးယူခံရတယ် ဆိုတာမျိုးလည်း ဒီကနေ့ အချိန်ထိ မကြားမသိကြရပါဘူး။
စည်သူအောင်မြင့် ရေးသားသည်။
.
ပြီးခဲ့တဲ့ ဇွန်လ ၂၃ ရက်က ပဲခူးတိုင်း၊ ဝေါမြို့နယ်၊ သူရဲသမိန် ကျေးရွာမှာ ဘာသာရေး လူမျိုးရေးဆန်တဲ့ အကြမ်းဖက်မှု တစ်ခု ဖြစ်ပွားခဲ့ပါတယ်။ အိမ်နီးနားချင်းကို ဆဲဆိုတယ်လို့ ဆိုတဲ့ အစ္စလာမ် ဘာသာဝင် တစ်ယောက် လူအုပ်စုရဲ့ ဝိုင်းဝန်း ရိုက်နှက်တာ ခံရတဲ့အပြင် သူ့ရဲ့နေအိမ်နဲ့ ကျေးရွာက ဗလီလည်း ဖျက်ဆီးခံလိုက်ရပါတယ်။
.
နောက်ပိုင်း ရဲတပ်ဖွဲ့ရဲ့ ထိန်းသိမ်းမှုကြောင့် အခြေအနေတွေ ပြန်တည်ငြိမ်သွားတယ်လို့ ဆိုပေမဲ့ နေအိမ်နဲ့ ဗလီကို အကြမ်းဖက် ဖျက်ဆီးခဲ့သူ ဘယ်သူမှ အရေးယူ မခံရပါဘူး။ အခုဖြစ်ရပ်ဟာ ဒေါ်အောင်ဆန်းစုကြည် ဦးဆောင်တဲ့ အင်န်အယ်လ်ဒီ အစိုးရ လက်ထက်မှာ ဖြစ်ပွားတဲ့ အကြမ်းဖက်မှု ဖြစ်ပေမဲ့ အရင် သမ္မတ ဦးသိန်းစိန် အစိုးရလက်ထက်မှာ ဖြစ်ပျက်ခဲ့တဲ့ အကြမ်းဖက်မှုတွေနဲ့ ဘာမှ ကွဲပြားခြားနားတာမျိုး မရှိပါဘူး။
.
ဖြစ်စဉ်၊ စ၊ လယ်၊ ဆုံး အားလုံး ဆင်တူယိုးမှားတွေပါပဲ။ အင်န်အယ်လ်ဒီ အစိုးရလက်ထက်မှာ ဘာသာရေး လူမျိုးရေးဆန်တဲ့ အကြမ်းဖက်မှုတွေ ဆက်ပြီး ဖြစ်ပွားလာဦးမလား၊ ဒီ ပြဿ နာနဲ့ ပတ်သက်ပြီး အင်န်အယ်လ်ဒီ အစိုးရအတွက် ဖိအားတွေ ဖြစ်စေမလား၊ ပြဿ နာတွေ ပြေလည်အောင် ဘယ်လို ဖြေရှင်းရင် ဖြစ်နိုင်မလဲ ဆိုတာ ဒီတစ်ပတ် ဆွေးနွေး တင်ပြသွားပါ့မယ်။
.
အရင်က ဖြစ်ပွားခဲ့တဲ့ ပဋိပက္ခ ဖြစ်စဉ်တွေမှာတော့ ဗုဒ္ဓဘာသာဝင်နဲ့ အစ္စလာမ် ဘာသာဝင် ရွှေဆိုင်မှာ အရောင်းအဝယ် လုပ်တာကနေ စပြီး စကားများကြတယ်၊ အစ္စလာမ် ဘာသာဝင်တစ်ယောက်ရဲ့ စက်ဘီးနဲ့ ဗုဒ္ဓဘာသာ ကိုရင်လေး တိုက်မိကြတယ်၊ အစ္စလာမ် ဘာသာဝင် ဆိုင်ရှေ့မှာ ဆိုင်ကယ်ပါကင် ထိုးရင်း စကားများကြတယ် စတဲ့ သာမန် အဖြစ်အပျက်လေးတွေကနေ အစ ပြုပါတယ်။
.
အခု သူရဲသမိန်က ဖြစ်စဉ်မှာလည် မူဆလင် တစ်ယောက်က အိမ်နီးနားချင်းကို ဆဲတာကနေ အစ ပြုပါတယ်။ အရင် ဖြစ်ခဲ့ဖူးတဲ့ ဖြစ်စဉ်တွေတုန်းကလိုပဲ လူတစ်ယောက်က ဆဲဆိုတဲ့ ပြဿ နာကနေ လူအုပ်စုကြီးက အဲဒီ လူကို ဝိုင်းရိုက်၊ နောက်တော့ အဲဒီလူရဲ့ နေအိမ်ကို လူအုပ်နဲ့ အကြမ်းဖက် ဝင်ရောက် ဖျက်ဆီးရုံမက ဗလီကိုပါ ဝင်ဖျက်ခဲ့တဲ့ ဖြစ်စဉ်မျိုး ဖြစ်ပါတယ်။
.
ထုံးစံအတိုင်း နောက်ပိုင်း ရဲတပ်ဖွဲ့ ရောက်လာပြီး ပဋိပက္ခ ပိုမကြီးထွားအောင် ထိန်းသိမ်းပါတယ်။ ဒါပေမဲ့လည်း ထုံးစံအတိုင်း တိုင်ကြားသူ မရှိလို့ ဆိုပြီး နေအိမ်နဲ့ ဗလီ အကြမ်းဖက် ဖျက်ဆီးသူတွေကို စစ်ဆေး၊ အရေးယူ ဖမ်းဆီးတာမျိုး မလုပ်ခဲ့ပါဘူး။ နောက်ဆက်တွဲအဖြစ် အဲဒီကျေးရွာမှာ လူနည်းစု မူဆလင် တချို့ မနေရဲတော့ပါဘူး။ ပဋိပက္ခ ဖြစ်ပွားပြီး ရက်ပိုင်းမှာပဲ မူလဆင် ၄၄ ယောက် ရွာကနေ တခြား နေရာတွေဆီ ရွှေ့ပြောင်းသွားပါတော့တယ်။
.
သူရဲသမိန် ကျေးရွာက ဖြစ်စဉ်ဟာ ရှေ့ပိုင်းက အဖြစ်အပျက်တွေလို သာမန်ပြဿနာကို ဥပဒေအတိုင်း မဖြေရှင်းဘဲ လူအုပ်စုနဲ့ အကြမ်းဖက် ဖြေရှင်းရာကနေ အခုလို ပြဿ နာမျိုး ပေါ်ပေါက်လာတာပါ။ အခုဖြစ်စဉ်ကိုကြည့်ရင် သူရဲသမိန်ရွာမှာ အိမ်ခြေ တစ်ထောင်ကျော်၊ လူဦးရေ ၆ ထောင်ကျော်ရှိတဲ့အနက် မူဆလင်က အိမ်ခြေ ၅၀၊ လူဦးရေ ၁၅၀ လောက်ပဲ ရှိတာမို့ တကယ့်ကို လူနည်းစုလေးပါ။ ဒါကြောင့် အဲဒီ ဖြစ်ပွားခဲ့တဲ့ ပဋိပက္ခမှာ အပြန်အလှန် အကြမ်းဖက်မှု ဖြစ်ဖို့ဆိုတာ သိပ်မဖြစ်နိုင်ပါဘူး။ လူများစုကနေ လူနည်းစုကို အကြမ်းဖက်ဖို့ ဖြစ်နိုင်သလို တကယ်လည်း အဲဒီလိုပဲ ဖြစ်သွားခဲ့တာပါ။
.
လက်ရှိ ဖြစ်ပွားခဲ့တဲ့ အကြမ်းဖက်မှုမှာရော၊ အရင်က ဖြစ်ပွားခဲ့တဲ့ အကြမ်းဖက်မှု ဖြစ်စဉ်တွေကို ပြန်ကြည့်ရင် အကြမ်းဖက်မှုတွေ မဖြစ်ပွားခင် အမုန်းတရား ပျံ့ပွားမှုက အရင် ရှိနေနှင့်ပြီး သာမန် ပဋိပက္ခ ဖြစ်လိုက်တာနဲ့ အကြမ်းဖက်မှုအဖြစ် အလွယ်တကူ အသွင်ကူးပြောင်းသွားတာ တွေ့ကြရမှာ ဖြစ်ပါတယ်။
.
ဒီအတွက် ဒီလို ဘာသာရေး လူမျိုးရေးဆန်တဲ့ အကြမ်းဖက်မှုတွေ ထပ်ပြီး မဖြစ်ပွားဖို့၊ လျော့နည်း ပပျောက်ဖို့ ဆိုရင် အကြမ်းဖက်မှုတွေကို ထိထိရောက်ရောက် အရေးယူ ကိုင်တွယ်ဖို့၊ တရားဥပဒေ စိုးမိုးရေးကို ကောင်းကောင်း အကောင်အထည်ဖော်ဖို့ လိုပါတယ်။ အကြမ်းဖက်ဖို့ လှုံ့ဆော်တာကို ဥပဒေနဲ့အညီ အရေးယူဖို့ လိုပါတယ်။ အရေးအကြီးဆုံး အချက်ကတော့ နည်းပေါင်းစုံနဲ့ အမုန်းတရား ဖြန့်ဖြူးမှု လုပ်နေတာတွေကို ကာကွယ်၊ တားဆီး၊ အရေးယူ၊ ပညာပေးကြဖို့ ဖြစ်ပါတယ်။
.
၂၀၁၂ လောက် စခဲ့တဲ့ ဘာသာရေး လူမျိုးရေးဆန်တဲ့ အကြမ်းဖက်မှုတွေ ပျောက်ကွယ် မသွားတာဟာ တရားဥပဒေ စိုးမိုးမှုကို ကောင်းကောင်း အကောင်အထည် မဖော်လို့ပဲ ဖြစ်ပါတယ်။ တနည်းပြောရရင် လူစုလူဝေးနဲ့ အကြမ်းဖက်တာကို ထိထိရောက်ရောက် အရေးယူတာမျိုး မလုပ်ခဲ့တဲ့အတွက် လူအများစုကြီးဟာ တစ်ဦးချင်း တစ်ယောက်ချင်း အကြမ်းဖက်မှု မလုပ်ရဲရင်သာ ရှိမယ်၊ လူအုပ်စုနဲ့ အကြမ်းဖက်ဖို့ကိုတော့ ဝန်မလေးကြတာ၊ မကြောက်ရွံ့ကြတာ တွေ့နိုင်ပါတယ်။ အရင် သမ္မတ ဦးသိန်းစိန် လက်ထက်မှာ အကြမ်းဖက်သူတွေကို အဲလို တိတိကျကျ အရေးမယူခဲ့လို့ အကြမ်းဖက်မှုတွေ ထပ်ကာ ထပ်ကာ ဖြစ်ပွားနေတာ ဖြစ်ပါတယ်။
.
ဒုတိယ တစ်ချက်ကတော့ အကြမ်းဖက်ဖို့ လှုံ့ဆော်တာကို အရေးယူဖို့ ဖြစ်ပါတယ်။ အခုနောက်ပိုင်းဆိုရင် ပြဿ နာ ဖြစ်လိုက်ပြီဆိုတာနဲ့ အကြမ်းဖက်ဖို့ လှုံ့ဆော်မှုတွေကို တွေ့ရမှာဖြစ်သလို တချို့ ဖေ့စ်ဘွတ်ခ် Facebook လို လူမှုကွန်ရက် စာမျက်နှာကနေ အကြမ်းဖက်ဖို့ လှုံ့ဆော်ကြတာမျိုးလည်း ရှိပါတယ်။
.
တချို့ ဘုန်းတော်ကြီးတွေကလည်း ဘာသာရေးဆိုင်ရာ အစည်းအဝေးတွေမှာ အကြမ်းဖက်ဖို့ လှုံ့ဆော်တာမျိုးလည်း လုပ်ကြပါတယ်။ အဲလို အကြမ်းဖက်ဖို့ လှုံ့ဆော်လို့ဆိုပြီး တစ်စုံတစ်ယောက် အရေးယူခံရတယ် ဆိုတာမျိုးလည်း ဒီကနေ့ အချိန်ထိ မကြားမသိကြရပါဘူး။
.
တတိယ အရေးကြီး အချက်ကတော့ အမုန်းတရား ဖြန့်ဖြူးနေမှုတွေ ဖြစ်ပါတယ်။ အထူးသဖြင့် ၂၀၁၂ ခုနှစ်က စပြီး ဘုန်းတော်ကြီး တချို့နဲ့ ဗုဒ္ဓဘာသာ အသိုင်းအဝိုင်းအကြားမှာ မူဆလင် မုန်းတီးရေး လှုပ်ရှားမှုတွေ လုပ်ကိုင်လာကြပါတယ်။ တရားပွဲတွေမှာ အမုန်းတရား ဖြန့်ဖြူးတာ လုပ်သလို၊ အဲဒီ တရားပွဲမှာ ပြောဆိုတာတွေကို စီဒီဓာတ်ပြားတွေနဲ့ ဖြန့်တာ၊ အွန်လိုင်းကနေ ဖြန့်တာမျိုးလည်း လုပ်ကြပါတယ်။
.
တချို့နေရာတွေမှာတော့ အမုန်းတရား ဖြစ်စေတဲ့ စာသားနဲ့ ဓာတ်ပုံတွေကို မိတ္တူကူးပြီး ဖြန့်ဝေတာ ရှိသလို ဗီနိုင်းပိုစတာတွေ ကပ်ပြီး ဖြန့်ဖြူးလှုံ့ဆော်တာလည်း ရှိပါတယ်။ တချို့နေရာတွေမှာတော့ အရွယ်မရောက်သေးတဲ့ ကလေးသူငယ်လေးတွေကို ယဉ်ကျေးလိမ္မာ သင်တန်းဆိုပြီး အမုန်းတရား ဖြန့်ဖြူးနေတာမျိုးလည်း ရှိနေပါတယ်။
.
လက်ရှိ သာသနာရေး ပြည်ထောင်စုဝန်ကြီး သူရဦးအောင်ကို ကတော့ ဒီလို အမုန်းတရား ဖြန့်ဖြူးနေတာကို ဥပဒေရေးဆွဲ အရေးယူဖို့ လုပ်သွားမယ်လို့ ဆိုပါတယ်။ ဒါပေမဲ့ အမုန်းတရား ဖြန့်ဖြူးနေတဲ့ဆီမှာ ဗုဒ္ဓဘာသာ ဘုန်းကြီးတချို့ ပါဝင်နေတာ၊ လူတွေရဲ့ စိတ်ပိုင်းဆိုင်ရာ ခံစားချက် ပြဿ နာ ဖြစ်နေတာမို့ အလွယ်တကူ ကိုင်တွယ်လို့ ရနိုင်မယ့် ပြဿ နာမျိုးတော့ မဟုတ်ပါဘူး။
.
ခုလို အမုန်းတရား ဖြန့်ဖြူးတာ အပါအဝင် အကြမ်းဖက်ဖို့ လှုံ့ဆော်တာ၊ အကြမ်းဖက်တာတွေကို အရေးယူ ကိုင်တွယ်လို့ မရနိုင်သေးမချင်း မြန်မာနိုင်ငံမှာ ဘာသာရေး လူမျိုးရေးဆန်တဲ့ အကြမ်းဖက်မှုတွေ ဆက်ဖြစ်ပွားဖို့ အခြေအနေ ရှိနေဦးမှာဖြစ်ပြီး ဒေါ်အောင်ဆန်းစုကြည်ရဲ့ တရားဥပဒေ စိုးမိုးရေး ကြွေးကြော်သံဟာလည်း စိန်ခေါ်ခံနေရဦးမှာ ဖြစ်ပါကြောင်း သုံးသပ်တင်ပြလိုက်ရပါတယ်။
.
Frontier Myanmar. မှ ကူးယူဖော်ပြသည်။
http://frontiermyanmar.net/mm/news/2186
လတ်တလော ဖြစ်ပေါ်နေသည့် အခြေအနေများအား သုံးသပ်ထားသော ဆောင်းပါးတပုဒ် အမ်မီဒီယာ စာဖတ်ပရိတ်သတ် ဖတ်ရှု ဝေဖန်သုံးသပ်နိုင်ဖို့ ထပ်ဆင့် မျှဝေပေးလိုက်ပါတယ်။
ဆိုရေးရှိက ဆိုရပေအုံးမည်။
NLD အစိုးရတက်လာပြီး ၃လခန့်အတွင်း ဥပဒေစိုးမိုးရေးကို စိန်ခေါ်နေသော ဘာသာရေးနှင့်ဆက်နွှယ်သည့် ပြသနာများဆက်တိုက်ပေါ်လာနေသည်။ အစိုးရအဖွဲ့အားမူဝါဒများချမှတ်ထိန်းမောင်းပေးနေသည့် ဒေါ်အောင်ဆန်းစုကြည်သည် ဥပဒေစိုးမိုးရေးအား အလွန်အလေးထားသူဖြစ်ပြီး ကိုယ်တိုင်လဲ ပြီးခဲ့သည့်အစိုးရလက်ထက် လွှတ်တော်တွင် တရားဥပဒေစိုးမိုးရေးကော်မတီဥက္ကဌဖြစ်ခဲ့သည်။ ပြသနာအားလုံးကို ဥပဒေစိုးမိုးရေးရှုထောင့်မှ ကြည့်မြင်ပြီး မျှတစွာသုံးသပ် ပြောဆိုလုပ်ဆောင်တတ်သူဖြစ်သည်မှာအားလုံးအသိ။ Rule of law ဆိုသည့်စကားကို ယခင်ကလုံးဝ မသုံးစွဲခဲ့သည့်နိုင်ငံမှာ နိုင်ငံတော်သမ္မတဟောင်း ဦးသိန်းစိန်ကိုယ်တိုင်နှင့် သူ့အစိုးရသည်ပင် rule of law ဆိုသည့်စကားကို ဒေါ်အောင်ဆန်းစုကြည်သုံးစွဲသည့်အတိုင်း တွင်တွင်ကျယ်ကျယ်လိုက်လံသုံးစွဲခဲ့ကြရသည်အထိဖြစ်ခဲ့သည်။
ယခုအခါအစိုးရ၏ ပထမဦးစားပေးမှာ ၂၁ရာစုပင်လုံညီလာခံကြီးဖြစ်သည်။ အဲသည်အတွက် အစိုးရသည်အားသွန်ခွန်စိုက်လုပ်ဆောင်နေရင်း အခြားပဋိပက္ခဟူသမျှကို သတိကြီးစွာရှောင်ရှားလုပ်ဆောင်နေသည့် သဘောရှိသည်။ သို့သော် ငြိမ်းချမ်းရေးကဲ့သို့ high priority ကိစ္စများကို ဦးစားပေးဆောင်ရွက်နေရသဖြင့် သာမာန်ပြည်သူများ၏ နေ့တဓူဝဘ၀အားထိခိုက်စေသည့် အောက်ခြေပဋိပက္ခများကို လျစ်လျူရှုထား၍မရပေ။ အောက်ခြေမှာ ဥပဒေစိုးမိုးမှု၊ တရားမျှတမှုကင်းမဲ့လျှင် ထိပ်ပိုင်းတွင် သဘောတူညီချက်မှရရှိသည့် ငြိမ်းချမ်းရေးသည် အနှစ်သာရကင်းမဲ့နေမည်။
ဥပမာ NLD အစိုးရတာဝန်စယူသည့် April လအတွင်းမှာ အိပ်မက်အရဟုဆိုကာ မြိုင်ကြီးငူဆရာတော် ဦးသုဇနညွှန်ကြားချက်ဖြင့် ဗလီအနီး၊ ခရစ်ယန်ကျောင်းတော်ဝန်းအတွင်းစသည်နေရာတွေမှာ ဘုရားစေတီတွေ အတင်းအဓမ္မတည်ဆောက်ခဲ့ပါသည်။ ဆရာတော်နှင့် တွေ့ဆုံပြီး မေတ္တာရပ်ခံ လျှောက်ထားဖို့ ကရင်ပြည်နယ်အစိုးရအဖွဲ့က ကြိုးစားပေမယ့် အဆင်မပြေ ဖြစ်ခဲ့ပါသည်။ အဲဒီဖြစ်ရပ်အပေါ်မှာ သာသနာရေးဝန်ကြီး သူရဦးအောင်ကိုက စိတ်ရှည်သည်းခံဖို့ပြောကြားတာပဲရှိခဲ့ပြီး မည်သို့မှ အရေးယူဆောင်ရွက်တာမျိုးမရှိခဲ့ပါ။ နောက်ဆုံးမှာ ခရစ်ယန်ကျောင်းအာဏာပိုင်များက သဘောထားကြီးစွာဖြင့် ဘုရားဆောက်လုပ်ထားသည့်မြေကို လှုလိုက်ပါသည်။
April လ ၄ရက်နေ့မှာ သာသနာရေးဝန်ကြီးဟာ မဘသဦးဆောင်ဆရာတော်များကိုတွေ့ဆုံပြီး ဘာသာမတူညီသည့် အုပ်စုများအကြား အမုန်းတရားများ မပြန့်ပွားစေရေး လျှောက်ထားဆွေးနွေးခဲ့ပါသည်။ သို့သော် မဘသ၏ ၃နှစ်ပြည့် ညီလာခံတွင် ဘာသာခြားများအပေါ်အမုန်းပွားစေမည့်တရားများ ဟောကြားခဲ့သလို၊ လူအများမြင်နိုင်သည့် Facebook တွင် ဘာသာခြားများနှင့် နိုင်ငံခေါင်းဆောင်များအား သတ်မယ်ဖြတ်မယ်ခြိမ်းခြောက်နေသူ အစွန်းရောက် ဦးနေမျိုးဝေအား လွှတ်ပေးရေးအထိ စည်းဘောင်ကျော်ကာ တောင်းဆိုသည်များရှိခဲ့ပါသည်။ မဘသ၏ ထိုသို့ သာသနာတော် အဆုံးအမများနှင့် ဆန့်ကျင်နေသည့် ကြေညာချက်၊ လုပ်ဆောင်ချက်များအား သာသနာရေးမှ မည်သည့်တုံ့ပြန်လုပ်ဆောင်မှုမျှ မရှိခဲ့ပါ။
June ၂၅ရက်နေ့မှာ ပဲခူးတိုင်းဒေသကြီး ဝေါမြို့နယ် သူမိန်သရဲကျေးရွာမှာ NLD အစိုးရလက်ထက် ပထမဆုံးအကြိမ်အဖြစ် အရပ်ထဲရန်ဖြစ်ရာမှအစပြုကာ ဗလီနှင့်စာသင်ကျောင်းများ အဖျက်ဆီးခံရသည်အထိဖြစ်ခဲ့သည်။ အဖျက်စီးခံခဲ့ရသည့် မွတ်ဆလင်မိသားစုသည် သူတို့နှစ်ပေါင်းများစွာ အခြေချနေထိုင်လာသည့် ဒေသမှာ ပြန်လည်နေထိုင်လိုသဖြင့် ဗုဒ္ဓဘာသာဒေသခံများနှင့် မလိုလားအပ်သည့် ရန်မီးငြိမ်းစေရန် အမှုဖွင့်တရားစွဲဆိုခြင်း မပြုဖို့ရွေးချယ်ခဲ့သည်။ ပဲခူးတိုင်းရဲတပ်ဖွဲ့မှလည်း နစ်နာသူ ကာယကံရှင်၏ ရွေးချယ်မှုအတိုင်း ဖျက်ဆီးခဲ့သူများအား အရေးမယူဖို့ဆုံးဖြတ်ခဲ့သည်။ ဒီမှာ ဥပမာတစ်ခုပေးလိုပါသည်။ ၂၀၁၃ခုနှစ် စင်္ကာပူနိုင်ငံ Little India ဟုခေါ်သည့် India နိုင်ငံသားအများအပြားနေထိုင်သည့် နေရာမှာ လူပေါင်း၃၀၀ခန့်ပါဝင်သည့် အဓိကရုဏ်းဖြစ်ပေါ်ခဲ့သည်။ စဖြစ်တာက India နိုင်ငံသားတစ်ယောက် ဘတ်စ်ကား အက်ဆီးဒန့်ကြောင့် သေဆုံးရာကနေဖြစ်တဲ့အမှုဖြစ်ပါသည်။ ရဲကားများပါ မီးရှို့ခံရသည်အထိ အလွန်သေးငယ်တဲ့ ကျွန်းနိုင်ငံဖြစ်သည့် စင်္ကာပူမှာ အလွန်ကြီးမားသည့် အဓိကရုဏ်းကြီးဖြစ်ပါသည်။ ၀န်ကြီးချုပ် လီရှန်လွန်းက – ဘယ်လိုပြသနာကြောင့်ပဲ အဓိကရုဏ်းဖြစ်ဖြစ် အခုလို ဖျက်လိုဖျက်ဆီးလုပ်တဲ့ အကြမ်းဖက်မှုများကို လုံးဝသီးခံမှာမဟုတ်ပါ။ အဲဒီလို ဥပဒေမဲ့ကျူးလွန်သူတွေကို ဘယ်သူဖြစ်ဖြစ် ဖော်ထုတ်ပြီး တရားဥပဒေအရ ရင်ဆိုင်ခိုင်းရပါလိမ့်မယ်။ ” ဟု ရဲရဲတောက်ပြောကြားခဲ့ပြီး ပြောသည့်အတိုင်းလဲ တကယ်လုပ်ခဲ့သည်။ နစ်နာသူ ကိုယ်စား တိုင်ကြားသူမရှိသော်လည်း ရဲများက တစ်နှစ်ကြာ စနစ်တကျ ဖော်ထုတ်ခဲ့ပါသည်။ ဓါတ်ပုံ၊ ဗီဒီယိုများမှတဆင့် ဖျက်ဆီးမှု လုပ်သူများကို စနစ်တကျ ဖော်ထုတ်ပြီး တရားရုံး အရောက်ပို့ခဲ့ပါသည် ။ အဲ့ဒီအဖြစ်အပျက်မှာ ၂၇ ယောက် ဒါဏ်ရာရ၊ ၄၀ ယောက် ဖမ်းပြီး ၃၁ ယောက်ကို ပြစ်ဒါဏ်ချမှတ်ခဲ့ပါသည်။ မြန်မာနိုင်ငံတွင် ဥပဒေစိုးမိုးရေးဖော်ဆောင်ရာမှာ အထူးအလေးထား လေ့လာသင့်သည့် Case study တစ်ခုဖြစ်သည်။ ယခုခဲ့သို့ လူအုပ်စုကြီးဖြင့် လုပ်ချင်ရာလုပ်သွားပါစေ ကာယံရှင်ဆန္ဒအရ အရေးမယူဆိုသည်မှာ ဥပဒေစိုးမိုးရေးအတွက် ကြီးစွာသော အန္တရယ်ဖြစ်ပါသည်။ အနည်းဆုံးတော့ဖြင့် ဖျက်ဆီးရေး လုပ်ဆောင်သွားသူများအား ဖေါ်ထုတ်ကာ ခံဝန်ချက်ရေးထိုးခိုင်းခြင်း စသည်တို့ပြုလုပ်ခြင်းဖြင့် မိမိတို့ (ပြည်သူ့ရဲများ) အမြဲမပြတ်စောင့်ကြည့်နေကြောင်း သက်ဆိုင်သူတို့အား သိစေအပ်သည်။
တမြန်မနေ့ကပဲ မန္တလေးတိုင်းဒေသကြီး၊ မြင်းခြံမြို့နယ်၊ ရသာကျေးရွာ ရွာထိပ်ဝင်ဝင်ချင်းမှာ ကုလားမဝင်ရ ဆိုင်းဘုတ်ကြီးအား ဗုဒ္ဒဘာသာဘုန်းတော်ကြီးများ အပါအ၀င်ဒေသခံများက ဂုဏ်ယူဝံ့ကြွားစွာ စိုက်ထူလိုက်လေသည်။ ထိုဆိုင်းဘုတ် သည်နိုင်ငံတော်၏ အခြေခံဥပဒေပြဌာန်းချက်များအား ဆန့်ကျင်နေသည်မှာ အထင်အရှားဖြစ်သည်။ အခြေခံဥပဒေ ပုဒ်မ ၃၄၇၊ ၃၄၈ အရကိုးကွယ်ရာဘာသာ၊ လူမျိုးစု ကြောင့်ခွဲခြားဆက်ဆံခြင်းအား လုံးဝခွင့်ပြုမထားပါ။ ထို့ကြောင့် ယခုလိုလုပ်ရပ်များအား တားဆီးဖို့ ရဲတပ်ဖွဲ့နှင့်တကွ အစိုးရတွင်တာဝန်ရှိသည်။ ဒေသကိုယ်စားပြု အမတ်များမှလည်း ထိုကိစ္စအား ထုတ်ဖော်ပြောဆို အရေးတယူလုပ်သည်ကို မတွေ့ရပေ။
July ၁ ရက်နေ့တွင်တော့ ဖျက်သိမ်းဖို့ ချိတ်ပိတ်ခံထားရသည့် ဖားကန့် (လုံးခင်း)မှ ဗလီအား ဖျက်ဆီးပြီး မီးရှို့ခံရသည့် သတင်းများတက်လာသည်။ ကချင်ပြည်နယ်အစိုးရမှ အဆိုပါ နေရာအနီး လုံခြုံရေး ရဲဝန်ထမ်းအယောက် ၁၀၀ခန့် ချထားသည်ဆိုသော်လည်း ဖျက်ဆီးမှုများအား တားဆီးနိုင်ခြင်း မရှိခဲ့။ ထိုဗလီသည် တရားမ၀င်ခိုးဆောက်ထားသည့် ဗလီဟုဆိုသည်။ ထို့ကြောင့် ချိတ်ပိတ်ခံထားရသည်။ သို့သော် လုပ်ပိုင်ခွင့်ရှိသည့် အာဏာပိုင်အဖွဲ့မှမဟုတ်ပဲ အခြားသူများက ဖျက်လိုဖျက်ဆီလုပ်မှုသည် ဥပဒေချိုးဖောက်မှုဖြစ်သည်။
အထက်ဖေါ်ပြပါ ဥပမာများသည် လူများစုကိုးကွယ်သည့် ဘာသာမှ လူအုပ်စုများက လူနည်းစုအပေါ်ကျူးလွန်သည့် ဖျက်ဆီးသည့် လုပ်ရပ်များဖြစ်သည်။ ထိုလုပ်ရပ်များသည် NLD အစိုးရအား ဒုက္ခရောက်စေရန် တမင်ဖန်တီးသည့် နိုင်ငံရေး မသမာမှုများလည်း ပါနိုင်သလို ပြည်တွင်းစစ်ပြေငြိမ်းရေးအတွက် ကြိုးပမ်းနေသည့် အစိုးရအား အလုပ်ရှုပ်အောင် လမ်းကြောင်းလွဲအောင် ဖန်တီးမှုများလည်းရှိနိုင်သည်။
မည်သို့ဆိုစေကာမူ NLD အစိုးရသည် ထိုကဲ့သို့ကိစ္စများအား ပြေလည်အောင်မဖြေရှင်းနိုင်လျှင် ဥပဒေစိုးမိုးရေးမှ အစပြုကာ တိုင်းပြည်ငြိမ်းချမ်းရေးလုပ်ငန်းကိုပါ အောင်မြင်စွာ လုပ်ဆောင်နိုင်ပါ့မလားဟု အများသံသယဖြစ်ဖွယ်ရှိသည်။ ထို့ကြောင့် ငြိမ်းချမ်းရေးလုပ်ငန်းစဉ်များကို ဆောင်ရွက်ရင်း အောက်ခြေမှာ ဥပဒေစိုးမိုးရေးအားကောင်းဖို့ အားထည့်ကာလုပ်ဆောင်နိုင်မှသာ ငြိမ်းချမ်ရေးအတွက် အထောက်အကူဖြစ်မှာဖြစ်သလို သာမန်ပြည်သူလူထု၏ နေ့တဓူဝ ဘ၀လုံခြုံမှာဖြစ်ကြောင်း တိုက်တွန်းလိုက်ပေသည်။
အရေးအသား #HaveASay
မူရင်းလင်ခ်
https://www.facebook.com/HaveASaySoyaySoyar/posts/1038031612971493