ရေးသူ- Zaw Min Oo
.
၂၀၁၃ ခုနှစ် ဒီဇင်ဘာ ၈ ရက်နေ့က စင်္ကာပူနိုင်ငံ Little India မှာ ယဉ်တိုက်မှုကို အစပြုပြီး လူ ၃၀၀ လောက်ပါဝင်တဲ့ ဆူပူအုံကြွမှု ဖြစ်ခဲ့ပါတယ်။ ရဲကားပါ မီးရှို့ခံလိုက်ရတယ်။ ဖြစ်တဲ့ညမှာ ရဲတွေဟာ ဝိုင်းထားပြီး လူစုခွဲဖို့ကိုဘဲ သတိပေးခဲ့ပါတယ်။
.
တိုင်ကြားသူမရှိပေမယ့် ရဲတွေကပဲ တစ်နှစ်ကြာ စနစ်တကျ ဖော်ထုတ်ခဲ့ပါတယ်။ လူတွေဆီမှာ ရှိတဲ့ ဓာတ်ပုံတွေ ဗွီဒီယိုတွေကို တောင်းခံပြီး ဖျက်ဆီးမှု လုပ်သူများကို စနစ်တကျ ဖော်ထုတ်ပြီး တရားရုံး အရောက်ပို့ခဲ့ပါတယ်။ အဲ့ဒီအဖြစ်အပျက်မှာ ၂၇ ယောက် ဒါဏ်ရာရ၊ ၄၀ ယောက် ဖမ်းပြီး ၃၁ ယောက်ကို ပြစ်ဒါဏ်ချမှတ်ခဲ့ပါတယ်။
.
ဒီအဖြစ်အပျက်ကို စနစ်တကျ သုတေသနေပြုတဲ့ အဖွဲ့ ဖွဲ့လေ့လာပြီး နောက်နောင် ထပ်မဖြစ်အောင် အစီအမံတွေ လုပ်ခဲ့ပါတယ်။ ည ၁၀:၃၀ နောက်ပိုင်း အရက် ဘီယာ ရောင်းမပေးတော့တာ၊ အများပြည်သူ နားနေရာတွေမှာ ၁၀:၃၀ နောက်ပိုင်း အရက်မသောက်ခိုင်းတော့တာ၊ အလုပ်သမားအဆောင်တွေမှာ အားကစားလုပ်ဖို့ ကစားကွင်း ထောက်ကူပစ္စည်းတွေ ထည့်ပေးတာ၊ ပိတ်ရက်တွေမှာ ရုပ်ရှင်ပြပေးတာတွေအပြင် အများစုက အန္ဒိယတွေ ဖြစ်ခဲ့လို့ အန္ဒိယ သံအမတ်ပါခေါ်ပြီး ကျန်တဲ့ လူတွေကို လိုက်လံ အားပေးမှုတွေ လုပ်ခဲ့ပါတယ်။ တချိန်တည်းမှာ ပြည်သူတွေကိုလည်း နိုင်ငံခြားသားတွေကို မမုန်းဖို့ အစိုးရ မီဒီယာတွေအပြင် လူမှုကွန်ယက်တွေသုံးပြီး ပညာပေးတွေ လုပ်ပါတယ်။
.
ဒါဟာ အာဏာရှင်ဆန်တဲ့ ဒီမိုကရေစီနိုင်ငံရဲ့ တရားဥပဒေစိုးမိုးမှုနဲ့ တရားမျှတမှုပါ…
Tag: Rule of Law
-
အာဏာရှင်ဆန်တဲ့ ဒီမိုကရေစီနိုင်ငံရဲ့ တရားဥပဒေစိုးမိုးမှုနဲ့ တရားမျှတမှု
-
“လူကိုကြည့်ပြီး၊ တရားစီရင်မှာလား၊ လူမျိုးနဲ့ဘာသာကိုကြည့်ပြီး ဆုံးဖြတ်မှာလား?”
ဧပြီ ၂၃ ၊ ၂၀၁၆
M-Media
ရေးသားသူ-ဦးအုန်းမောင်(ရန်ကင်း) တရားလွှတ်တော်ရှေ့နေ
မြေကွက်တစ်ကွက်အတွင်းမှာ(က)နှင့်(ခ)ဆိုတဲ့ သီးခြားစီအဆောက်အဦး ၂ခု ရှိပါတယ်။ အဆောက် အဦးနံပါတ်မတူပါ။ ဒီမြေကွက်နဲ့ အဆောက်အဦးတွေရဲ့ပိုင်ရှင်တွေက A ပါဝင်သောပုဂ္ဂိုလ်များဆိုပါစို့။ ဒီအဆောက်အဦးတွေကို လက်ရှိထားစီမံခန့်ခွဲနေသူတွေကတော့ B ပါဝင်သောပုဂ္ဂိုလ်များဆိုပါစို့။ ဒီမြေကွက်နဲ့ အဆောက်အဦးတွေကဖြစ်ပေါ်လာတဲ့ အကျိုးအမြတ်အသီးအပွင့်တွေကိုလည်း A နှင့် B ပုဂ္ဂိုလ်များက ခံစားရယူနေကြသည်ဆိုပါစို့။ဒီအဆောက်အဦး(က)ဟာ အများပြည်သူဝင်ထွက်အသုံးပြုရာ နေရာတစ်ခုဖြစ်ပြီး A နှင့် B အုပ်စုက ပုဂ္ဂိုလ်များလက်ရှိထား စီမံခန့်ခွဲကြီးကြပ်ကွပ်ကဲ လျှက်ရှိပါတယ်။ အဆောက်အဦး(ခ)ကတော့ ကျောင်း အိပ် ကျောင်းစား၊ စာသင်ကျောင်းတစ်ကျောင်းဖြစ်ပြီး၊ A နှင့် B အုပ်စုကပုဂ္ဂိုလ်တွေကပဲ လက်ရှိထား စီမံခန့်ခွဲအုပ်ချုပ် လျှက်ရှိပါတယ်။ ဒီမြေကွက်နဲ့အဆောက်အဦး ၂ခုမှာရှိတဲ့ ရွှေ့ပြောင်းနိုင်သော ပစ္စည်း၊ မရွှေ့ပြောင်းနိုင်သောပစ္စည်းတွေကလည်း A နှင့် B အုပ်စုက ပုဂ္ဂိုလ်များပိုင်ဆိုင်ခြင်း၊ လက်ရှိထားခြင်း၊စီမံခန့်ခွဲအသုံးပြုခြင်း ပြုလုပ်လျှက်ရှိပါတယ်။
ဒီအဆောက်အဦး(ခ)မှာ ကျောင်းတက်တဲ့ကျောင်းသားတွေနဲ့ ပြင်ပကပုဂ္ဂိုလ်တွေဟာ အဆောက်အဦး (က)မှာ A နှင့် B တို့ရဲ့ခွင့်ပြုချက်နဲ့ အတူဝင်ထွက်သွားလာ အသုံးပြုကြပါတယ်။ အဆောက်အဦး(ခ) မှာတော့ ကျောင်းသားများနေထိုင်၊ စာသင်ကြားကြ ပါတယ်။ ကျောင်းပိတ်တဲ့ ကာလမှာ ကျောင်းသားတွေဟာ ကိုယ့်မိဘရပ်ထံပြန်ကြပါတယ်။ စာသင်ဆရာတွေကလည်း တာဝန်ပြီးဆုံး လို့ ပြန်ကြပါတယ်။ စာသင်ဆရာတွေကိုတော့ တစ်နှစ်တစ်ကြိမ်ကျောင်းပြန်ဖွင့်ရင် အလုပ်ပြန်လျှောက်ထားချက်အရ ခန့်တဲ့
စနစ်ကိုကျင့်သုံးပါတယ်။ ကျောင်းပိတ်တဲ့ကာလမှာ လုပ်ခ၊ လစာ ခံစားခွင့်မရရှိကြတော့ပါဘူး။ကျောင်းပိတ်တဲ့ကာလမှာသာမန်အားဖြင့် နှစ်စဉ်ဝါတွင်းကာလဖြစ်ပါတယ်။ ၀ါတွင်းကာလ ကုန်ဆုံးရင်ကျောင်းပြန်ဖွင့်ပြီး၊ ကျောင်းပြန် အပ်ကြရပါတယ်။ စာသင်ဆရာတွေလည်း အလုပ်ပြန်ဝင်ကြရပါတယ်။ အုပ်ချုပ်ရေးတာဝန်ရှိတဲ့ A နှင့် B တို့က တာဝန်ခွဲဝေ သတ်မှတ်ပေးပါတယ်။ ယခုကျောင်းပိတ်ရက်က တော့ ပုံမှန်ကျောင်းပိတ်ရက်မဟုတ်ဘဲ အရေးပေါ် အခြေအနေ တစ်ခုကြောင့် ကျောင်းပိတ် ထားခြင်းဖြစ်ပြီး၊ ကာလသတ်မှတ်ချက်မရှိပါဘူး၊ တာဝန်ရှိသူတွေက ဆက်သွယ် အကြောင်းကြားမှ ကျောင်းပြန်တက်ကြရမှာ ဖြစ်ပါတယ်။
ကျောင်းပြန်ဖွင့်မယ်လို့သတင်းရပြီး တဆင့်စကားတဆင့်ကြားသိရှိကြတဲ့ကျောင်းသား အချို့ကျောင်းကို ရောက်လာကြ ပါတယ်။ ကျောင်းသားကြီးအချို့ကအဆောက်အဦး(က)မှာ ကျောင်းသားငယ်အချို့ကို ယာယီနေရာချထားပေး ပါတယ်။ ကျောင်း အုပ်ချုပ်ရေး တာဝန်ရှိသူတွေက ကျောင်းမဖွင့်သေးလို့ ကြိုတင်ရောက်နေတဲ့ ကျောင်းသားတွေကို အဆောက်အဦး(က)မှာ သင့်သလို အဆင်ပြေရန် ခေတ္တယာယီနေထိုင်ဖို့ စီစဉ်ပေးထားခြင်းဖြစ်ပါတယ်။ စာသင်ဆရာတွေကတော့ မရောက်ရှိကြသေးသလို အလုပ်တာဝန်ခန့်အပ်ခြင်း၊ တာဝန်ပေးထားခြင်းလည်း မရှိသေးပါဘူး။ ကြိုတင်ရောက်နေတဲ့ ကျောင်းသား အချို့ရဲ့နေထိုင်စားသောက်ရေးကို ကျောင်းအုပ်ချုပ်ရေးတာဝန်ရှိတဲ့ A နှင့် B ပုဂ္ဂိုလ်များကစီစဉ်ပေးပါတယ်။ ကျောင်းလဲ မဖွင့်ရသေး။ စာလည်းမသင်ရသေးပါဘူး။
ကျောင်းသားအချို့ရောက်ပြီး ၂ရက်၊ ၃ရက်လောက်အကြာ၊ ညသန်းခေါင်ကျော် နောက်တစ်နေ့အကူးလောက်မှာ အဆောက်အဦး(က)ရဲ့မီးအားမြှင့်စက်ထားတဲ့အခန်းကစပြီး မီးလောင်မှုဖြစ်ပါတယ်။ ကံအကြောင်းမလှလို့အဆောက်အဦး(က)မှာ ယာယီညအိပ်တဲ့ကျောင်းသားငယ်တွေထဲက ဆယ်ယောက်ကျော်မီးလောင်မှုကြောင့် အသက်သေဆုံးခဲ့ကြရပါတယ်။ အချိန်ကာလကတော့လူမျိုးရေး၊ ဘာသာရေးပဋိပက္ခအကြမ်းဖက်မှုတွေဖြစ်နေတဲ့ကာလလို့ဘဲဆိုကြပါစို့။ ယခုလိုဧပြီလ နွေရာသီကာလဆိုပါစို့။
တာဝန်ရှိသူတွေက မီးအားမြှင့်စက်အပူရှိန်လွန်ကဲရာမှမီးလောင်မှုဖြစ်ကြောင်း စုံစမ်းစစ်ဆေးတွေ့ရှိချက်အရ မီးလောင်မှုနဲ့လူသေမှုအရ အမှုဖွင့်လှစ်စစ်ဆေးခဲ့ပါတယ်။ စစ်ဆေးပေါ်ပေါက်ချက်အရမီးလောင်တဲ့ညက ညအိပ်ရောက်ရှိနေတဲ့ဆရာ C နဲ့ D ကိုဖမ်းဆီး အရေးယူတရားစွဲခဲ့ပါတယ်။ အမှုနဲ့ပတ်သက်ပြီး၊ သေဆုံးသူ ကျောင်းသားများရဲ့မိဘများက ကံအကြောင်းမလှလို့ သူတို့ရဲ့ကလေးတွေသေရခြင်းဖြစ်ပြီး စွပ်စွဲခံရတဲ့ဆရာ C နဲ့ D ရဲ့ပြုလုပ်မှုကြောင့်မဟုတ်၍ တရားနှင့်ဖြေခွင့်လွှတ်ပြီး ဆရာတွေအပေါ် အပြစ်ပေးအရေးယူခြင်း မပြုစေလိုသဖြင့် အမှုကြေအေးလွှာများ လက်မှတ်ရေးထိုးတင်ပြခဲ့ပါတယ်။ သက်သေခံဝင်ထားပါတယ်။
အမှုမှာတရားလိုဘက်မှတရားလိုပြသက်သေအယောက်(၄၀)ကျော် အစစ်ခံထွက်ဆိုခဲ့ပါတယ်။ တရားလိုပြသက်သေတွေထဲမှာ ရဲအရာရှိတွေ၊ မီးသတ်အရာရှိတွေ၊ လျှပ်စစ်ဌာနမှတာဝန်ရှိသူတွေ၊ မီးလောင်တဲ့အဆောက်အဦးက တာဝန်ရှိအုပ်ချုပ်သူတွေနဲ့ ၀န်ထမ်းဟောင်းအချို့၊ မီးလောင်စဉ်ကရှိနေတဲ့ကျောင်းသား အချို့၊ ရပ်ကွက်အုပ်ချုပ်ရေးမှူးရုံးမှတာဝန်ရှိသူတွေ၊ လမ်းလုံခြုံရေးတွေ၊ ကြက်ခြေနီနဲ့ရှာဖွေပုံစံသက်သေတွေပါဝင်ပါတယ်။ တရားလိုဘက်သက်သေများ အစစ်ခံထွက်ဆိုချက်များ အရ အောက်ပါ အချက်အလက် များပေါ်ပေါက်ပါတယ်။
– အပူရှိန်မြင့်တက်ရာမှ မီးစတင်လောင်ကျွမ်းပါတယ်ဆိုတဲ့ မီးအားမြှင့်စက်ကိုစွပ်စွဲခံရသူ C နဲ့ D ကပိုင်ဆိုင် ခြင်း၊ လက်ရှိထားခြင်း၊ စီမံခန့်ခွဲခြင်း၊ အသုံးပြုခြင်းဖြစ်ကြောင်း သက်သေခံချက်မရှိဘဲ ကျောင်းအုပ်ချုပ်ရေး တာဝန်ရှိသူ A နှင့် B ပုဂ္ဂိုလ်များကပိုင်ဆိုင်၊ လက်ရှိထား၊ အသုံးပြုခြင်းဖြစ်ကြောင်း
– အခင်းဖြစ်ချိန်ကကျောင်းပြန်မဖွင့်သေးဘဲ၊ ကျောင်းသားအချို့ ကြိုတင်ရောက်နေပြီး စွပ်စွဲခံရသူဆရာ(၂)ဦး C နဲ့ D မှာအခင်းဖြစ်ညကအဆောက်အဦး(က)သို့လာရာမှ တပည့်များဝိုင်းဝန်းတောင်းဆိုမေတ္တာရပ်ခံချက်အရ၊ ဆရာ C ကမီးလောင်တဲ့ အဆောက်အဦး(က)ရဲ့ အောက်ထပ်မှာကျောင်းသားငယ်အချို့နှင့် ညအိပ်ခဲ့ပြီး၊ ဆရာ D ကတော့မီးမလောင်တဲ့ သီးခြားအဆောက်အဦး(ခ)အပေါ်ထပ်မှာ ကျောင်းသားကြီးအချို့နှင့်ညအိပ်ခဲ့ကြောင်း
– ဆရာ C နဲ့ D တို့သည်အခင်းဖြစ်ချိန်က ကျောင်းမဖွင့်သေး၍ ဆရာအဖြစ်ပြန်လည်လျှောက်ထားခြင်း၊ ဆရာအဖြစ်ခန့်ထား ခံရခြင်းမရှိသေးသဖြင့် တာဝန်မရှိသေးကြောင်း၊ စွပ်စွဲခံရသူဆရာ C နဲ့ D တို့ဟာအချင်းဖြစ်ကာလကတာဝန်ရှိ လစာစားဝန်ထမ်းများမဟုတ်ကြောင်း ကျောင်းအုပ်ချုပ်ရေးအကြီးအကဲရဲ့ထွက်ဆိုချက်ရှိကြောင်း
– ဆရာ C နဲ့ D တို့အခင်းဖြစ်ချိန်က ကြီးကြပ်သူဆရာများအဖြစ်တာဝန်ရှိကြောင်း တရားဝင်ခန့်အပ်ပြီးသောဝန်ထမ်းဖြစ်ကြောင်း သက်သေခံချက်တစ်စုံတစ်ရာ တင်ပြထားနိုင်ခြင်းမရှိကြောင်း
– မီးစတင်လောင်သည့်အဆောက်အဦးမှာ သီးခြားအဆောက်အဦး(က)ဖြစ်ပြီး၊ ကျောင်းဆောင်(ခ)မှာမီးလုံးဝလောင်ခြင်းမရှိသည့် သီးခြားအဆောက်အဦးဖြစ်ကြောင်း
– အခင်းဖြစ်ကာလက အဆောက်အဦး(က) နှင့် (ခ) မှာအုပ်ချုပ်သူများဖြစ်ကြသည့် A နှင့် B ပုဂ္ဂိုလ်များ လက်ရှိထားစီမံခန့်ခွဲအုပ်ချုပ်လျှက်ရှိကြောင်း
– အခင်းဖြစ်မီးစတင်လောင်ကျွမ်းသည့်မီးအားမြှင့်စက်ထားရာ အခန်းတွင်ဒီဇယ်ဆီပုံးတွေ့ရှိသည်ဆိုရာတွင် ဒီဇယ်ဆီပုံးကို စွပ်စွဲခံရသူဆရာ C နဲ့ D က၀ယ်ယူထားရှိခြင်းဖြစ်ကြောင်း၊ ထိုသို့ထားရှိသည်ကိုသိကြောင်းလည်း လုံးဝသက်သေခံချက် မပေါ်ပေါက်ကြောင်း
– အခင်းဖြစ်မီးစတင်လောင်ကျွမ်းသည့်မီးအားမြှင့်စက်ကို အခင်းဖြစ်ညကစွပ်စွဲခံရသူဆရာ C နဲ့ D တို့ကကိုင်တွယ် အသုံးပြုခဲ့ခြင်းဖြစ်သည်ဟု သက်သေခံချက်များလုံးဝမပေါ်ပေါက်ကြောင်း
– စွပ်စွဲခံရသူ (C) နဲ့ (D) တို့၏ မဆင်မခြင်ပေါ့ဆစွာပြုလုပ်မှုကြောင့် မီးအားမြှင့်စက်အပူလွန်ကဲပြီး မီးစတင်လောင်ကျွမ်းရခြင်းဖြစ်သည်ဟု သက်သေခံချက်မပေါ်ပေါက်ကြောင်း
– စာသင်သားကလေးများသေဆုံးရခြင်းမှာ စွပ်စွဲခံရသူဆရာ (C) နဲ့ (D) တို့၏ပြုလုပ်မှုကြောင့်၊ မဆင်မခြင်ပေါ့ဆမှုကြောင့် မီးလောင်သေဆုံးရခြင်းဖြစ်သည်ဟု သက်သေခံချက်မပေါ်ပေါက်ကြောင်း
– စွပ်စွဲအရေးယူခြင်းခံရသည့်ဆရာ (၂)ဦးအနက်ဆရာ (C) ညအိပ်သည့်အဆောက်အဦး(က)သာ မီးလောင်ခြင်းဖြစ်ပြီး ဆရာ (D)ညအိပ်သည့် သီးခြားကျောင်းဆောင်(ခ) မှာလုံးဝမီးမလောင်ကြောင်း
– မီးလောင်သည့်အဆောက်အဦး(က)နှင့် မီးမလောင်သည့်ကျောင်းဆောင်(ခ)တို့မှာ စွပ်စွဲခံရသူဆရာ C နဲ့ D တို့ပိုင်ဆိုင်ခြင်းမရှိသည့်အပြင် လက်ရှိထားစီမံခန့်ခွဲအုပ်ချုပ်ကြီးကြပ်နေသော ပစ္စည်းလည်းမဟုတ်ကြောင်း
– မီးအားမြှင့်စက်အပူလွန်ကဲပြီး မီးစတင်လောင်ကျွမ်းခြင်းဖြစ်သည်ဆိုသော်လည်း အမှန်တကယ်မည်သည့်နေရာက မီးစတင်လောင်ကျွမ်းခြင်းဖြစ်ကြောင်း တိကျသေချာသည့် မျက်မြင်သက်သေအထောက်အထားလည်းမရှိ၊ မီးလောင်ကျွမ်းပြီးမှ သိမ်းဆည်းထားသောသက်သေခံမီးအားမြှင့်စက်မှာလည်း မီးအားမြင့်တက်ခဲ့ကြောင်း တိကျခိုင်လုံသည့် သိပ္ပံနည်းကျသက်သေခံချက်လည်းမရှိဘဲ ထင်မြင်ယူဆချက်သာရှိကြောင်း
– အခင်းဖြစ်မီးလောင်မှုတွင် စွပ်စွဲခံရသူဆရာ (C) နဲ့ (D) တို့၏ပေါ့ဆစွာမဆင်မခြင်ပြုလုပ်မှုကြောင့်ဖြစ်ကြောင်း မျက်မြင်သက်သေတစ်ဦးမျှမရှိကြောင်း၊ ကွင်းဆက်ပြတ်နေသောထင်မြင်ယူဆချက်သာရှိကြောင်း
– သေဆုံးသူစာသင်သားကျောင်းသားများကို စွပ်စွဲခံရသူဆရာ (C) နဲ့ (D) တို့ကစီမံခန့်ခွဲနေရာချထားပေးပြီး တာဝန်ယူကြီးကြပ်လျှက် ရှိစဉ် သေဆုံးရခြင်းဖြစ်သည်ဟု တရားဝင်တာဝန်ရှိကြောင်း၊ အထောက်အထားသက်သေ ခံချက်မရှိကြောင်း
– စွပ်စွဲခံရသူဆရာ (D) ညအိပ်သည့်သီးခြားကျောင်းဆောင်အဆောက်အဦး(ခ)မှာ မီးမလောင်သည့်အပြင် ကျောင်းသား တစ်ဦးမျှသေဆုံးခြင်းမရှိကြောင်း
– စွပ်စွဲခံရသူဆရာ(၂)ဦးသည် မီးငြိမ်းသတ်ရေးနှင့် ကျောင်းသားများလွတ်မြောက်ရေးအတွက် ကြိုးစားလုပ်ဆောင်ခဲ့ကြောင်း
– အထက်ပါသက်သေခံချက်များပေါ်ပေါက်နေပါလျှက် ဆရာ(C)နှင့်(D)တို့သည် ဆရာဟောင်းမဖြစ်ကြ၍ မီးအားမြှင့်စက်နှင့် ဒီဇယ်ဆီပုံးထားရှိသည်ကို မသိနိုင်စရာအကြောင်းမရှိကြောင်းနှင့် မီးအားမြှင့်စက်နှင့် ဒီဇယ်ဆီပုံးကိုစစ်ဆေးရန်ပျက်ကွက်ကြောင်း သုံးသပ်ပြီး အပြစ်ပေးထားကြောင်း
အကယ်၍သင်သာတရားသူကြီးဖြစ်သည်ဆိုလျှင် ဤအချက်များပေါ်ပေါက်နေပါက စွဲချက်တင်မည်လား?
စွပ်စွဲခံရသူဆရာ(၂)ဦးစလုံးကိုပြစ်မှုဆိုင်ရာဥပဒေပုဒ်မ-၂၈၅(ဒုတိယပိုဒ်)နှင့် ပုဒ်မ-၃၀၄(က)တို့အရ စွဲချက်တင်ခဲ့သည်ဆိုပါစို့။ ဆရာ(၂)ဦးက အပြစ်မရှိကြောင်းငြင်းဆိုပြီး သက်သေအဖြစ် အစစ်ခံခဲ့ကာ တရားခံပြသက်သေများတင်ပြခဲ့ပါတယ်။ တရားခံပြသက်သေများက စွပ်စွဲခံရသူဆရာ(၂)ဦးအပေါ် ထောက် ခံထွက်ဆိုခဲ့ပါတယ်။ တရားလိုပြသက်သေ အများစုရဲ့ထွက်ချက်နဲ့လည်း ထပ်တူဖြစ်နေတာရှိပါတယ်
ဒီအချက်တွေကိုတရားခံတွေရဲ့ ရှေ့နေကအသေးစိတ်ထောက်ပြပြီးဥပဒေပြဌာန်းချက်၊ စီရင်ထုံးတွေနဲ့ အညီ အပြစ် မပေးထိုက်ကြောင်းလျှောက်လဲ တင်ပြခဲ့တယ်လို့ ဆိုပါစို့။
တရားရုံးက စွပ်စွဲခံရသူဆရာ(၂)ဦးအပေါ်ပြစ်မှုဆိုင်ရာဥပဒေပုဒ်မ-၂၈၅(ဒုတိယပုဒ်)အရအလုပ်နှင့် ထောင်ဒဏ်(၂)နှစ်စီ၊ ပုဒ်မ-၃၀၄(က)အရအလုပ်နှင့်ထောင်ဒဏ်(၆)နှစ်စီကို သီးခြားစီကျခံစေရန် အမိန့် ချမှတ်ခဲ့လို့ ဆရာ(၂)ဦး ဟာ ပြစ်ဒဏ်(၈)နှစ်စီကျခံနေရသည်ဆိုပါစို့။
ဆရာ(၂)ဟာအထက်တရားရုံးအဆင့်ဆင့်သို့ အယူခံနှင့်ပြင်ဆင်မှုတွေ ၀င်ရောက်ရာမှာလည်းပယ်ခြင်း၊ ပလပ်ခြင်းခံရပြီး ယခုအထူးခုံရုံး(စုံညီ) ၀င်ရောက်ခွင့်သာ ကျန်ရှိတော့သည်ဆိုပါစို့။
ကဲ……ဒီလိုဆို
– ဒီအဆာက်အဦး(က) မီးလောင်မှုမှာအဆောက်အဦး(၂)ခု၌ တာဝန်မရှိဘဲ သီးခြားစီညအိပ်ခဲ့မိတဲ့ဆရာ (၂)ဦးမှာတာဝန်ရှိပါသလား? အပြစ်ရှိပါသလား?
– မီးမလောင်၊ လူမသေတဲ့သီးခြားအဆောက်အဦး(ခ)မှာ တာဝန်မရှိသေးဘဲ ညအိပ်ခဲ့မိတဲ့ဆရာ(D)မှာ ရောတာဝန်ရှိပါသလား? အပြစ်ရှိပါသလား?
– ဆရာ(၂)ဦးမှာအပြစ်မရှိဘူးလို့ယူဆရင် ဘယ်သူတွေမှာတာဝန်ရှိပါသလဲ? (မဖြေဘဲနေနိုင်ပါသည်။)
– မီးလောင်၊ လူသေတဲ့အဆောက်အဦး(က) မှာတာဝန်မရှိဘဲ ညအိပ်ခဲ့မိတဲ့ဆရာ(C)မှာရော တာဝန်ရှိပါသလား? အပြစ်ရှိပါသလား?
– ဒီဆရာ(၂)ဦးဟာမီးစတင်လောင်သည်ဆိုသည့် မီးအားမြှင့်စက်ကိုပေါ့ဆစွာမဆင်မခြင်အသုံးပြုခဲ့ကြ တယ်။ မီးမြှင့်စက်နဲ့ ဒီဇယ်ပုံးကိုစစ်ဆေးရန်ပျက်ကွက်ခဲ့ကြတယ်လို့စွပ်စွဲ၊ သုံးသပ်ချက်ဟာအထက်ပါ ပေါ်ပေါက်ချက်များအရ ခိုင်လုံပါသလား? ဥပဒေနဲ့ညီညွှတ်ပါသလား?
– မိဘတွေကကျေအေးလွှာတင်ထားပါလျှက်ပြင်းထန်တဲ့ ပြစ်ဒဏ်ချမှတ်ခံရတာ ဘာကြောင့်လို့ထင်ပါလဲ?
– တစ်ဆက်တည်းဖြစ်တဲ့ဖြစ်ရပ်(၂)ခုအတွက် ပြစ်ဒဏ်ကိုသီးခြားစီကျခံခိုင်းတာရော၊ တရားပါသလား? မှန်ပါသလား?
– ပြစ်မှုဆိုင်ရာဥပဒေပုဒ်မ-၂၈၅(ဒုတိယပုဒ်)မှာ မီးကြောင့်လူ့အသက်အန္တရာယ်ဖြစ်စေလျှက် ပြစ်ဒဏ်ပေး ရန်သတ်မှတ် ထားခြင်းဖြစ်ကြောင်း ထင်ရှားနေရာယခုဖြစ်ရပ်မှာလည်း မီးလောင်မှုကြောင့်အသက်ဆုံးရှုံး ရသည့် တစ်ဆက်တည်းဖြစ်ရပ်ဖြစ်ခြင်းကြောင့် ယင်းပုဒ်မဖြင့်သာစီရင်နိုင်ပါလျှက် ပုဒ်မ-၃၀၄(က) လူ သေမှုဖြင့် သီးခြားပြစ်ဒဏ်ထပ်ပေးသင့်ပါသလား? ဥပဒေနဲ့ညီညွှတ်ပါသလား?
– ပုဒ်မ-၃၀၄(က)မှာ မီးကြောင့်လူသေစေမှုမဟုတ်ဘဲယင်းပုဒ်မပါ အရမ်း သို့မဟုတ် မဆင်မခြင်ပေါ့လျှော့ သောပြုလုပ်မှုဆိုသည့် စကားရပ်သည် ပုဒ်မ-၂၈၅တွင်ပါဝင်ပြီးဖြစ်ရာ မီးကြောင့်လူသေရခြင်းသည် ပုဒ်မ-၂၅၈(ဒုတိယပိုဒ်) အပြင်ပုဒ်မ-၃၀၄(က) တွင်ပါအကြုံးဝင်နေပါသလား?
– စွပ်စွဲခံရသူတွေပြုလုပ်မှုကြောင့်၊ ပေါ့ဆမှုကြောင့်၊ မဆင်မခြင်ပြုလုပ်မှုကြောင့်၊ တရားဝင်တာဝန်ရှိမှု ကြောင့်မီးလောင်မှု၊ လူသေရမှုဖြစ်ကြောင်းတိုက်ရိုက်မျက်မြင်သက်သေခံချက်မရှိဘဲ ထင်မြင်ချက်၊ ယူဆချက်ဖြင့် ကွင်းဆက်ပြတ်နေသော သက်သေခံချက်ကို ထင်ကြေးဖြင့်ပြစ်ဒဏ်ချမှတ်လျှင် ဥပဒေနဲ့ညီညွှတ်ပါသလား? မှန်ပါသလား? ဘာသာရေးကိုနိုင်ငံရေး အတွက်အလွဲသုံးစားပြုခြင်း ဖြစ်ပါသလား?
အကယ်၍စာဖတ်သူလူကြီးမင်းသာ ဒီအမှုကိုတရားစီရင်ရမယ်ဆိုရင်ဘ…….
– လူကိုကြည့်ပြီး၊ စီရင်မှာလား၊ လူမျိုးနဲ့ဘာသာကိုကြည့်ပြီးဆုံးဖြတ်မှာလား? အပြစ်ဒဏ်ချမှတ်မှာလား။?
– လူကြီးမင်းသာရှေ့နေဆိုရင်ရော ဘာဆက်လုပ်မလဲ။? ဒီပုစ္ဆာကိုဖြေပါ။
* ထည့်သွင်းလေ့လာသုံးသပ်ရမည့် ဥပဒေပြဌာန်းချက်ကတော့
ပြစ်မှုဆိုင်ရာဥပဒေ(ရာဇသတ်ကြီး)
ပုဒ်မ-၂၈၅(ဒုတိယပိုဒ်)
(၁) တရားခံသည်မီးသို့မဟုတ် မီးလောင်လွယ်သောအရာဝတ္ထုကို လက်ရှိဖြစ်ခြင်း
(၂) မီးသို့မဟုတ် မီးလောင်လွယ်သောအရာဝတ္ထုကြောင့် လူ့အသက်အန္တရာယ်ဖြစ်ခြင်းမှ ကာကွယ်ရန် လုံလောက်အောင် နေရာတကျမထားဘဲပျက်ကွက်ခြင်း
(၃) ယင်းပျက်ကွက်မှုသည် သိလျက်နှင့်သော်လည်းကောင်း၊ ပေါ့ဆ၍သော်လည်းကောင်းဖြစ်ခြင်းစီရက်ထုံးများ
(၁) “အခင်းဖြစ်နေရာမှစတင်၍မီးလောင်မှုဖြစ်ပွားသည့် အကြောင်းကြောင့်တရားခံသည် ဤပုဒ်မအရ ပြစ်မှုကျူးလွန်သည်ဟု ယူဆရန်မဟုတ်ကြောင်း”အစိုးရနှင့် မအုန်း၊ ရွေးချယ်ထားသည့်စီရင်ချက်များ၊ အောက်မြန်မာပြည်၊ ၁၃၄အမှု။
အစိုးရနှင့် မောင်စိန်၊ ရွေးချယ်ထားသည့်စီရင်ချက်များ၊ အောက်မြန်မာပြည်၊ ၅၆၉အမှု။(၂) “တရားခံက အရမ်းပြုမူ၊ ပေါ့လျော့မှု သို့မဟုတ် ပြုသင့်သည်ကိုမပြုဘဲ ပျက်ကွက်မှုကြောင့်ဖြစ်သည် ဟု တရားလိုဘက်မှ သက်သေအထင်အရှားတင်ပြရန်လိုသည်။”
အစိုးရနှင့်မောင်ဏ(၁၉၀၂-၀၃)၊ အတွဲ-၁၊ အထက်မြန်မာပြည်စီရင်ထုံး၊ ၇ (ပြစ်မှု)။
မတင်ရွှေနှင့်ပြည်ထောင်စု၊ ၁၉၆၅၊ မြန်မာပြည်စီရင်ထုံး၊ ၆၅၀ပုဒ်မ-၃၀၄(က)
“မည်သူမဆိုပြစ်မှုပြစ်ဒဏ်ထိုက်သောလူသေမှုအဖြစ်ဖြင့်သော်လည်းကောင်း၊ လူသတ်မှုအဖြစ်ဖြင့်သော်လည်း၊ အပြစ်ဒဏ်ချမှတ်ခြင်း မခံထိုက်သောအရမ်းပြုလုပ်မှုကိုသို့တည်းမဟုတ် ပေါ့လျော့သောပြုလုပ်မှု ကိုပြု၍ လူကိုသေစေလျှင်ထိုသူကို ခုနစ်နှစ်အထိ ထောင်ဒဏ် တစ်မျိုးမျိုးချမှတ်ရမည့်အပြင် ငွေဒဏ်လည်းချမှတ်နိုင်ပါသည်။”စီရင်ထုံးများ
————–
(၃) “လူသေသည့်အမှုတိုင်းတွင် တရားခံ၏အရမ်းပြုလုပ်မှုကြောင့်ဖြစ်ရသည် ဟုတထစ်ချ ယူဆရန်မဟုတ်ကြောင်း၊ တရားခံ၏အရမ်း သို့မဟုတ် ပေါ့လျော့သော ပြုလုပ်မှုကြောင့်သေဆုံးရကြောင်း သက်သေအခိုင်အလုံတင်ပြရန်လိုကြောင်း၊ ထို့အပြင်အခြားလူ တစ်ဦး၏ပေါ့လျော့မှုကြောင့် သေဆုံးရခြင်း မဟုတ်ဘဲ တရားခံ၏ပြုလုပ်မှုနှင့် တိုက်ရိုက်သက်ဆိုင်ကြောင်းပြသရန်လိုသည်။”
မောင်ဘိုကေနှင့် ပြည်ထောင်စု၊ ၁၉၅၆၊ မြန်မာပြည်စီရင်ထုံး၊ ၁၀၁(လွှတ်တော်)* အရမ်း သို့မဟုတ် ပေါ့လျော့သောပြုလုပ်မှုအဓိပ္ပါယ်
“အရမ်းသို့မဟုတ်ပေါ့လျော့သော ပြုလုပ်မှုဆိုသည်မှာ ဆင်ခြင်တုံတရားရှိသည့် သာမန်အသိဥာဏ်ရှိသောသူတစ်ဦး၏ ပြုလုပ်မှုမျိုးကို မပြုလုပ်ဘဲပျက်ကွက်ခြင်း သို့မဟုတ် တစ်ခုခုကို လုပ်ကိုင်ဆောင်ရွက်ရာ၌
ထိုကဲ့သို့သောသူမျိုး ပြုလုပ်လိမ့်မည်မဟုတ်သည့် ပြုမူမှုများကိုပြုလုပ်ခြင်းကို ဆိုလိုသည်။” မောင်ဘိုကြည် နှင့် ပြည်ထောင်စု၊ ၁၉၆၇၊ မြည်မာပြည်စီရင်ထုံး၊ စာ-၅၆၅စီရင်ထုံးများ
————–
(၁) “ပြစ်မှုမြောက်စေမည့်အကြောင်းအင်္ဂါရပ်များစုံလင်အောင် တင်ပြသက်သေထူရန် မူလရုံးတရားလိုဘက်၌ တာဝန်ရှိသည်။ ကွင်းဆက်ပြတ်နေပါက ထိုကွင်းဆက်ကိုထင်ကြေးဖြင့် မဆက်နိုင်ပေ”
မောင်ဟန်စိုးနှင့်ပြည်ထောင်စုမြန်မာနိုင်ငံတော်၊ ၁၉၈၀၊ မတစ၊ ၆(အထူး)(၂) “တရားခံသည်၊ တကယ်ပင်ပြစ်မှုကျူးလွန်ကြောင်းခိုင်လုံသော သက်သေမရှိဘဲ သံသယကြောင်းဖြင့် ၎င်းအားပြစ်ဒဏ် စီရင်ခြင်းမပြုနိုင်…”
အော်ဒရော်ဖမန်နှင့် ပြည်ထောင်စုမြန်မာနိုင်ငံတော်၊ ၁၉၆၅၊ မတစ၊ ၅၃၈(၃) “လျှောက်ထားသူများသည် အမှန်တကယ်ပင်ပြစ်မှုကျူးလွန်ကြောင်းခိုင်လုံသော သက်သေအထောက် အထားမရှိဘဲ သံသယနှင့်အပြစ်ဒဏ်စီရင်မည့်အစား တရားလိုဘက်မှ တရားခံအပြစ်ရှိကြောင်း သက်သေ
ထူရန်ပျက်ကွက်သည် ဟု သုံးသပ်၍ တရားခံသက်သာစေမည့် ကောက်ချက်ကို လက်ခံခြင်းဖြင့်ပို၍ တရား မျှတ ရာရောက်မည်။”
အမ်အေအာ ရာဇ်နှင့် နိုင်ငံတော် (၁၉၇၀၊ အထူးအယူခံအဖွဲ့၊ ၁၆)* ၁၉၇၃-ခုနှစ် စကားရပ်များအနက်အဓိပ္ပါယ်ဖွင့်ဆိုရေး ဥပဒေပုဒ်မ-၂၂
“ပြုလုပ်မှု သို့မဟုတ် ပျက်ကွက်မှုတစ်ခုခုသည် ဥပဒေနှစ်ရပ် သို့မဟုတ် နှစ်ရပ်ထက်ပိုသော ဥပဒေများအ ရပြစ်မှုမြောက်လျှင် ပြစ်မှု ကျူးလွန်သူကို ယင်းဥပဒေများအနက် ဥပဒေတစ်ရပ်ရပ်ဖြင့်သာ တရားစွဲဆိုအပြစ်ပေးရမည်။ ပြစ်မှု တစ်ရပ်တည်း အတွက် ပြစ်ဒဏ်တစ်ကြိမ်ထက်ပို၍ မခံစေရ”
ဦးအုန်းမောင်(ရန်ကင်း) တရားလွှတ်တော်ရှေ့နေ
-
Structural Determinism နှင့် လက်တွေ့ဘ၀ လွတ်မြောက်မှု
ဇူလိုင် ၄ ၊ ၂၀၁၅
M-Media
ကျော်ဇေယျာဝင်း ရေးသည်။
၂၀၁၂ တုန်းက Anti-Muslim Violence တွေ အဆက်မပြတ် ဖြစ်ပွားနေတာနဲ့ပက်သက်ပြီး သမ္မတဦးသိန်းစိန်နဲ့ မှုးဇော် (ဗိုလ်မှုးဇော်ဌေး) တို့ နှစ်ယောက်လုံးက ဒါဟာ ဒီမိုကရက် တိုက်ဇေးရှင်းရဲ့ Risk တစ်ခုပဲလို့ ဆိုခဲ့တယ်။ ဒီမိုကရက် တိုက်ဇေးရှင်းဖြစ်စဉ် တစ်ခုမှာ ဒါမျိုး ပဋိပက္ခတွေဟာ ဖြစ်လေ့ဖြစ်ထရှိတယ်လို့ ပြောလိုရင်းပေါ့။ (တကယ်တမ်း မြန်မာပြည်နိုင်ငံရေး အလှည့်အပြောင်းက ဒီမိုကရက်တိုက်ဇေးရှင်း ဟုတ်၊ မဟုတ် ဒီနေရာမှာ ရှည်ရှည်ဝေးဝေး မရေးတော့ဘူး။ ကျနော်ရေးမှာ အဲဒီအကြောင်းနဲ့လည်း မသက်ဆိုင်လို့)။ အဲဒီဆင်ခြေနဲ့အတူ နောက်ထပ်ပေါ်လာတာက “Rule of Law မရှိလို့ Anti-Muslim Violence တွေဖြစ်နေတာ” ဆိုတဲ့ဆင်ခြေပဲ။ အဲဒီ arguments တွေကို ဆန်းစစ်ကြည့်ဖို့ကောင်းတယ်။အခုဆောင်းပါးမှာ `မွတ်ဆလင် ဆန့်ကျင်မုန်းတီးမှုတွေ၊ Anti-Muslim Violence တွေ ဖြစ်နေတာဟာ Rule of Law မရှိလို့´ဆိုတဲ့ ဆင်ခြေနဲ့ပက်သက်ပြီး အခြေခံကျတဲ့ Hypothesis ၊ causal mechanism နဲ့ construct တွေ premise တွေက ဘာဖြစ်နိုင်မလဲ… ကိုယ့်ဟာကိုယ် ဥာဏ်မီသလောက် စဉ်းစားကြည့်တယ်။
# ပထမဆုံးအနေနဲ့ “ဒီမိုကရက်တစ်အင်စတီကျုးရှင်းတွေ အားမကောင်းတဲ့အခါ “Rule of Law” မရှိတဲ့ အတွက် မွတ်ဆလင် ဆန့်ကျင်ရေး အကြမ်းဖက်မှုတွေ ပိုမိုဖြစ်ပွားတယ်” ဆိုတဲ့ အနုမာနတွေးဆချက် (Hypothesis)ကို စတင်ဖန်တီးတယ်။ အဲဒီ Hypothesis ကို သီအိုရီအဖြစ် တည်ဆောက်ဖို့ အတွက် အကြောင်းရင်း၊ အကျိုးရလဒ် နဲ့ အဲဒီနှစ်ခုကြားက ကြောင်း-ကျိုးဆက်သွယ်ချက်တွေကို အောက်ပါ အတိုင်း တွေးမိတယ်။
၁ – (အကြောင်းရင်း) – ဒီမိုကရေစီစနစ် မထွန်းကားတဲ့အတွက် “Rule of Law” ထိထိရောက်ရောက် မကျင့်သုံးနိုင်ဘူး။
၂ – (ကြောင်း-ကျိုး ဆက်သွယ်ချက်) – “Rule of Law” မရှိတဲ့ အခြေအနေမျိုးမှာ ပြစ်မှုကျူးလွန်သူတွေက အရေးယူ အပြစ်ပေးခံရမှုကနေ လွှတ်ကင်းနေလေ့ရှိတဲ့အတွက် ပြစ်မှုကျူးလွန်နိုင်ချေပိုများတယ်။
၃ – (အကျိုးဆက်) – ဒါကြောင့် “Rule of Law” အားမကောင်းတဲ့အတွက် Anti-Muslim Violence တွေ ဖြစ်ပွားနေခြင်း ဖြစ်တယ်။
### အဲဒီကနေ နောက်ဆုံးကောက်ချက်ချလိုက်တော့ – “ဒီမိုကရေစီစနစ် ပီပီပြင်ပြင်ဖြစ်လာရင် ဒီလို မွတ်ဆလင် ဆန့်ကျင်မုန်းတီးရေး လှုပ်ရှားမှုတွေ ပပျောက်သွားမယ်။ ဒါ့ကြောင့် ဒီမိုကရေစီစနစ် အပီအပြင် ဖြစ်လာဖို့ အင်စတီကျူးရှင်းတွေ ခိုင်မာအားကောင်းအောင် လုပ်ဆောင်ဖို့လိုတယ်” ဆိုတဲ့ဆင်ခြေတစ်ရပ် ဆွဲထုတ်လာတယ်။ ဒီဆင်ခြေတွေက ဘယ်လောက်ထိ မှန်ကန်မှုရှိသလဲ၊ ဘယ်အရာတွေကို မသိကျိုးကျွန် ပြုထားသလဲဆိုတာ ပေါ်လွင်လာစေဖို့ ကျနော်မေးခွန်းထုတ်ရင်း ဆန်းစစ်ကြည့်မယ်။
ပထမဆုံး စ မေးရမှာက ဘယ်အင်စတီကျူးရှင်းတွေ အားကောင်းအောင် လုပ်မှာလဲ? လက်ရှိ မြန်မာပြည်မှာ ရှိနေတာတွေက ၂၀၀၈ အခြေခံဥပဒေ အရဖြစ်လာတဲ့ စစ်တပိုင်း အင်စတီကျူးရှင်းတွေချည်းပဲ။ ဒါကို အားကောင်းအောင်လုပ်ရင် ဒီမိုကရေစီစနစ် ပီပြင်လာနိုင်မလား။ ထားပါတော့.. မပြောကောင်း မဆိုကောင်း ဒီမိုကရေစီစနစ် ခန့်ခန့်ထည်ထည်ကြီး ပေါ်ထွန်းလာပြီဆိုရင်ကော လူ့အဖွဲ့အစည်းတွင်းမှာ အမြစ်တွယ်နေတဲ့ လူမျိုး၊ ဘာသာ၊ အသားအရောင် စတဲ့အပေါ်မူတည်တဲ့ ခွဲခြားဆက်ဆံမှုတွေ ဆုံးခန်းတိုင်သွားလိမ့်မယ်လို့ အမှန်တကယ် ယုံကြည်ပါသလား။
ဆိုပါတော့ဗျာ… နိုင်ငံတစ်နိုင်ငံရဲ့ အခြေခံဥပဒေဆိုတာလည်း အဓိကကျတဲ့ အင်စတီကျူးရှင်း တစ်ရပ်ပဲ။ ဒီတော့ ၂၀၀၈ အခြေခံဥပဒေထဲက အခန်း(၈) နိုင်ငံသားများ၏ မူလ အခွင့်အရေးဆိုတဲ့ အခန်းက ပုဒ်မ(၃၄၇)မှာ “နိုင်ငံတော်သည် မည်သူ့ကိုမဆို ဥပဒေအရာတွင် တန်းတူညီမျှ အခွင့်အရေး ရရှိစေရမည်။ ထို့ပြင် ဥပဒေ၏အကာကွယ်ကိုလည်း တန်းတူညီမျှစွာ ရယူပိုင်ခွင့်ပေးရမည်။” လို့ ရေးထားတယ်။ ပုဒ်မ(၃၄၈)မှာလည်း နိုင်ငံသားတွေကို လူမျိုး၊ ဘာသာ၊ အသားအရောင်၊ ယဉ်ကျေးမှု စတာတွေကို အကြောင်းပြုပြီး ခွဲခြားမှုမရှိစေရလို့ ဖေါ်ပြထားတယ်။ နိုင်ငံသားအားလုံး တန်းတူဖြစ်တယ်ဆိုတဲ့ အဓိပ္ပါယ်ကို ဖေါ်ညွှန်းထားတဲ့ တခြားပုဒ်မတွေလည်း ရှိသေးတယ်။ ဒါတွေ တကယ်လက်တွေ့မှာရော သက်ရောက်မှုရှိသလား..။ အခြား ဘာသာဝင်တစ်ယောက်က ဗုဒ္ဓဘာသာဝင်တွေနဲ့ တန်းတူအခွင့်အရေး မရလို့ဆိုပြီး ဒီပုဒ်မတွေကိုင်ပြီး အရေးဆိုရင်ရော လွယ်မတဲ့လား..။ ပုဒ်မ(၃၅၅)မှာ နိုင်ငံသား မှန်ရင် နိုင်ငံတော်ရဲ့ဘယ်နေရာမှာမဆို အခြေဆိုက်နေထိုင်ခွင့်ရှိတယ်လို့ ထည့်ရေးထားပေမယ့် တကယ့်လက်တွေ့မှာ မွတ်ဆလင်ဆိုရင် အိမ်ခန်း မရောင်းဘူး ဆိုတာတွေ၊ မွတ်ဆလင်ကင်းမဲ့ဇုံ ဆိုတာတွေ ဘယ်လိုကြောင့် ဖြစ်နေတာလဲ…။
ကျနော့်အမြင်ပြောရရင် အပေါ်မှာပြောခဲ့တဲ့ ဆင်ခြေတွေက Structural Determinism (စနစ်ရဲ့ပြဌာန်းခံ) ဆိုတဲ့ အယူအဆ သက်သက်ပဲ ဖြစ်တယ်။ ဦးသိန်းစိန်၊ မှုးဇော်တို့ ပြောခဲ့တာလည်း ဒီသဘောပဲ။ မကြာသေးခင် က ဒီဗွီဘီအင်တာဗျူးမှာ ဦးခင်ညွှန့်က `သူကျူးလွန်ခဲ့တာတွေက စစ်အစိုးရခေတ်မို့လို့ပါ´ လို့ ပြောသွားတာမှာလဲ ဆိုလိုရင်းက ဒါပဲဗျ။ ခင်ဗျား၊ ကျနော် ကြုံတွေ့ခံစားနေရတဲ့ ခွဲခြားဆက်ဆံမှုတွေ၊ ဒုက္ခတွေက ဘယ်သူ့ကြောင့်မှ မဟုတ်၊ တကယ့်လက်သည်က စနစ်ဆိုးကြောင့်လို့ ဆိုချင်တာ။ ဒါဟာ အမှန်တ၀က်နဲ့ နှစ်ပေါက်တစ်ပေါက် ရိုက်တာ။ နိုင်ငံရေးပါဝါယူထားတဲ့ Actors တွေ၊ လူတွေရဲ့ စိတ်နေသဘာဝနဲ့ လုပ်ကိုင်ဆောင်ရွက်မှုတွေကို လုံးဝထည့်မတွက်တဲ့ သဘောဖြစ်နေတယ်။
ဒီအကြောင်းနဲ့ပက်သက်ပြီး သမိုင်းတစ်ကွက်ကို ကျနော်တို့တို့ ပြန်ကြည့်ဖို့လိုမယ်။ ၁၈၆၀ ခုနှစ်မှာ အမေရိကန် ပြည်ထောင်စု သမိုင်းရဲ့ လူအသေအပျောက် အများဆုံး ပြည်တွင်းစစ်ကြီး ဖြစ်ခဲ့တယ်။ ဒီစစ်ကြီး ဖြစ်ပွားစေတဲ့ အဓိကအကြောင်းရင်း တစ်ချက်တည်းကိုပြော ပါဆိုရင် ပြောဖို့ ခက်တယ်။ သို့ပေမယ့် အဓိကကျတဲ့ အကြောင်းရင်းတစ်ခုကတော့ ကျွန်စနစ်ဖျက်သိမ်းမှုနဲ့ သက်ဆိုင်တယ်။ ကျွန်စနစ်ကို ပြင်းပြင်းထန်ထန် ဆန့်ကျင်နေတဲ့ ရီဗက်ဗလစ်ကန်သမ္မတ အေဘရာဟမ်လင်ကွန်း အာဏာရလာတဲ့အချိန်မှာ စစ်ကြီး စဖြစ် ခဲ့တယ်။ အတိုချုပ်ပြောရရင် ၁၈၆၁ ခုနှစ်မှာ အမေရိကန်ပြည်ထောင်စုမှာ ကျွန်စနစ်ကို တရားဝင်ဖျက်သိမ်း ပေးခဲ့တယ်။ စစ်ပွဲ တရားဝင်ပြီးဆုံးသွားတာကတော့ ၁၈၆၅ ခုနှစ်မှာပါ။ အဲဒီနောက်ပိုင်း အမေရိကန်မှာ လူမည်းကျွန်ဆိုတာ မရှိတော့ဘူး။ လူဖြူဖြစ်ဖြစ် လူမည်းဖြစ်ဖြစ် ဥပဒေအရ နိုင်ငံသားချင်း အတူတူပဲလို့ ပြောလို့ရပြီ ဆိုပါတော့။ ဒါပေမယ့် ဒီလိုပြောတာဟာ လက်တွေ့အခြေအနေကို အမှန်တကယ်ရော ထင်ဟပ် သလား။ တကယ့်လက်တွေ့မှာလည်း ဒီတိုင်းပဲဆိုရင် နောင်နှစ်ပေါင်း ၁၀၀ လောက်မှာ `မာတင်လူသာကင်း´ လို ပုဂ္ဂိုလ်မျိုးလည်း ပေါ်ထွက်လာစရာ အကြောင်းမရှိဘူး။ “I had a dream” ဆိုတဲ့ ကမ္ဘာကျော်မိန့်ခွန်းရှည် ကြီးလည်း ကျနော်တို့ ကြားခွင့်ရမှာမဟုတ်ဘူး။ တကယ်တမ်း ပြန်ကြည့်ရင် ကျွန်စနစ်ဖျက်သိမ်းပြီး နှစ်ပေါင်း (၁၀၀)ကျော်ထိတိုင် ၁၉၆၀ ပြည့်လွန်နှစ်များအထိ အမေရိကန် လူမည်းတွေက နိုင်ငံသားအခွင့်အရေး၊ လူ့အခွင့်အရေးအတွက် ရုန်းကန်တိုက်ပွဲ ၀င်နေကြရတုန်းပဲ။ မနေ့တနေ့ကထိတောင် လူမည်းတွေ ပစ်သတ် ခံရတဲ့ သတင်းတွေ မြင်နေရသေးတာပဲ။ အဲဒါ ဘာကြောင့်လဲ..။ အမေရိကန်နိုင်ငံလို Strong State တစ်ခုမှာ အင်စတီကျူးရှင်းအားမကောင်းလို့၊ Rule of Law မရှိလို့ ဒါမျိုးတွေ ဖြစ်နေတာလို့ပြောရင် လူရယ်စရာဖြစ်မယ်။ အမှန်က ကျနော်တို့ကိုယ်တိုင် ကိုယ်ကျင်လည်ရာ လူ့အဖွဲ့အစည်းအတွင်းက social norms သဖွယ်ဖြစ်နေတဲ့ ခွဲခြားဆက်ဆံမှုတွေ မမျှတမှုတွေကို မေ့ထားကြတာပါ။
ဒီနေရာမှာ ကျနော်ထောက်ပြချင်တဲ့အချက်က ခွဲခြားဆက်ဆံဖိနှိပ်ထားတဲ့ ဥပဒေတွေနိဂုံးချုပ်သွားတာဟာ လူ့အဖွဲ့အစည်းအတွင်းက လူမျိုး၊ ဘာသာ၊ အသားအရောင် ခွဲခြားဆက်ဆံမှုတွေ ဆုံးခန်းတိုင်သွားတာ မဟုတ်ဘူး ဆိုတာပါ။ ဒီလို ခွဲခြားဖိနှိပ်ထားတဲ့ဥပဒေတွေ ပယ်ဖျက်ပေးလိုက်တဲ့အတွက် `အမေရိကန်မှာ လူ လူချင်း ခွဲခြားဆက်ဆံမှုတွေ မရှိတော့ဘူး´ဆိုတဲ့ အပေါ်ယံ အမြင်မှားမှု ဖြစ်လာစေတယ်။ အဲဒီ အမြင်မှောက်မှား မှုက တကယ်တမ်း လူ့အဖွဲ့အစည်းထဲက ခွဲခြားဆက်ဆံနေမှုတွေကို ပိုပြီး မသိကျိုးကျွန်ပြု လာကြတယ်။ဒီအမေရိကန် လူဖြူလူမည်းသမိုင်းက `ဥပဒေအရလွတ်မြောက်မှု´နဲ့ `တကယ့်ကျင်လည်ရတဲ့ နေ့စဉ် လူမှုဘဝမှာ လွတ်မြောက်မှု´… ဒီနှစ်ခုဟာ တခုနဲ့တခု ဘယ်လိုမှမဆက်စပ်ဘူးဆိုတာ ဖေါ်ညွှန်းနေတယ်။ နိုင်ငံတော်အတွင်းမှာ ခွဲခြားဖိနှိပ်တဲ့ဥပဒေတွေမရှိတော့လို့ တန်းတူဖြစ်သွားပြီ ဆိုရင်တောင်၊ ကျနော်တို့ တကယ်ကျင်လည်နေရတဲ့ နေ့စဉ်ဘဝမှာ ခွဲခြားဆက်ဆံခံရတာတွေ၊ ဖိနှိပ်ခံရတာတွေကနေ အမှန်တကယ် လွတ်မြောက်ဖို့ အာမမခံနိုင်ဘူးလို့ ပြောနိုင်တယ်။ ဥပဒေအားဖြင့် ခွဲခြားဆက်ဆံမှုက လွတ်မြောက်ပေမယ့် တကယ့်ကျင်လည်ရတဲ့ နေ့စဉ်လူမှုဘဝမှာ လွတ်မြောက်ချင်မှ လွတ်မြောက်မှာ။
အမှန်တကယ်က နိုင်ငံတော်ကို ဒီမိုကရေစီစနစ် အားကောင်းအောင်လုပ်ယုံနဲ့ ဒီလိုခွဲခြားဆက်ဆံမှုတွေ၊ အမုန်းတရားတွေ၊ ပဋိပက္ခတွေ ပြေလည် သွားလိမ့်မယ် မဟုတ်ဘူး။ Rule of Law ရှိယုံသက်သက်နဲ့လည်း မရနိုင်သေးဘူး။ မြန်မာ့လူ့အဖွဲ့အစည်းအတွင်း အမှန်တကယ် ရှင်သန်ကြီးထွားနေတဲ့ မုန်းတီးမှုတွေ၊ ခွဲခြားမှုတွေ ရှိနေတယ်ဆိုတာ ၀န်ခံအသိအမှတ်ပြုဖို့လိုတယ်။ ဒါကိုမျက်ကွယ်ပြုပြီး စနစ်ကိုချည်း လွှဲချနေလို့ မရပေဘူး။ နှစ်ပေါင်းများစွာ socialized လုပ်ခံထားရတဲ့အတွက် အမြစ်တွယ်ခိုင်မာနေပြီဖြစ်တဲ့ narratives တွေ၊ မှားယွင်းနေတဲ့ အချက်အလက်တွေ၊ ခံစားချက်တွေကို ပြန်လည်ဖေါ်ထုတ်ဖို့လိုတယ်။ ဒါတွေကို ရဲရဲဝံ့ဝံ့ ထောက်ပြမယ့်သူတွေလည်း များများပေါ်ထွက်လာဖို့ လိုအပ်တယ်။ ပိုပြီးတိတိကျကျပြောရရင် လူ့အဖွဲ့အစည်း ထဲမှာပျော်ဝင်နေတဲ့ တချို့သောနှုန်းစံတန်ဖိုးတွေ၊ ideas တွေ၊ social norms တွေကို တော်လှန်ပြောင်းလဲပစ်ဖို့ လိုမယ်။ ဒီလိုပြောင်းလဲဖို့ဆိုရင် ပညာရေးသင်ရိုးတွေကို အခြေခံက စ ပြောင်းလဲပစ်ရမယ်။ လွတ်လပ်ပွင့်လင်း တဲ့ သုတေသနလုပ်ငန်းတွေ များများလုပ်ဖို့လိုမယ်။ ရင်ဘတ်ကျယ်ပြီး အမှန်တရားကို လက်ခံရဲတဲ့သတ္တိရှိ ဖို့လည်း လိုမယ်။
ဒီလိုမှမဟုတ်ရင်တော့ ဘယ်ခေတ်ဘယ်အခြေအနေမျိုးပဲ ရောက်ရောက်၊ ဘယ်လို အင်စတီကျူးရှင်းတွေပဲ အားကောင်းလာ ပါစေ.. နိုင်ငံရေးအရ ဒီမိုကရေစီ စနစ်ဖြစ်လာပြီ.. ခွဲခြားဖိနှိပ်ထားတဲ့ဥပဒေတွေ ပယ်ဖျက် လိုက်ပြီ.. တန်းတူညီမျှမှုတွေ ရှိလာပြီဆိုစေဦးတော့၊ ကျနော်တို့ တကယ်ကျင်လည်နေရတဲ့ နေ့စဉ်လူမှုဘ၀ တွေမှာ တန်းတူညီမျှမှုတို့ တရားမျှတမှုတို့ ရှိလာလိမ့်မယ်လို့ မျှော်လင့်လို့မရနိုင်ပေဘူး။ ။
ကျော်ဇေယျာဝင်း
July 3, 2015 -
မွတ်စလင် အကျဉ်းသား ၂၀ ထောင်ပြောင်း
ဇန်နဝါရီ ၃၀ ၊ ၂၀၁၅
DVB (မြန်မာပိုင်း) မှ ကူးယူဖော်ပြသည်။
ရှမ်းပြည်နယ် တောင်ကြီးခရိုင်တရားရုံးမှာ ပြစ်ဒဏ်အသီးသီးစီရင်ခဲ့တဲ့ သတို့သား သတို့သမီး နဲ့ ကလေးငယ်တဦး အပါအ၀င် မွတ်စလင် အယောက် ၂၀ ကို သက်ဆိုင်ရာက မကြာသေး ခင်ရက်ပိုင်းအတွင်း နယ်အသီးသီးက ထောင်တွေကို ဖြန့်ခွဲပို့ဆောင်ခဲ့ပါတယ်။
လွန်ခဲ့တဲ့ ၅ လခန့်က ရှမ်းပြည်နယ် ကွန်ဟိန်းမြို့မှာ မင်္ဂလာဆောင်တဲ့ သတို့သမီးနဲ့ သတို့သား၊ နှစ်ဘက် မိဘဆွေမျိုးအပါအ၀င်၊ အချက်အပြုတ်သမား၊ ကားမောင်းသူနဲ့ မင်္ဂလာပွဲလာသူ မွတ်စလင်တွေဖြစ်ကြပြီး သူတို့ကို လက်နက်တစုံတရာနဲ့ တိုင်းပြည်ဆူအောင်လုပ်ဆောင်မှု ပုဒ်မ ၅ (ဋ္ဌ) နဲ့ ပြည်ထောင်စု ငြိမ်ဝပ်ပိပြားရေးကို ထိခိုက်အောင်လုပ်ဆောင်မှု ပုဒ်မ ၅(ည) နဲ့ တောင်ကြီးခရိုင်တရားရုံးမှာ ပြစ်ဒဏ်စီရင်ခဲ့တာပါ။
ဒီလ ၁၂ ရက်နေ့က ပြစ်ဒဏ်စီရင်ရာမှာ ၁၇ နှစ်အရွယ်ကလေးကို ၇ နှစ်၊ သတို့သမီးတွေ၊ သတို့သားတွေနဲ့ အမျိုးသမီးတွေ အပါအ၀င် ကျန်သူတွေက ၁၄ နှစ်စီ၊ တဦးကတော့ တရားမ၀င် အဖွဲ့အစည်းနဲ့ ဆက်သွယ်မှုနဲ့ပါ ထောင်ဒဏ် စုစုပေါင်း ၁၉ နှစ်ချမှတ်ခဲ့ပါတယ်။ သယ်ဆောင်တဲ့ light truck တစီးနဲ့ ပရိုဘောက်စ်ကားတစီး၊ သတို့သမီးဆင်ယင်တဲ့ ရွှေထည် ပစ္စည်းတွေကို နိုင်ငံဘဏ္ဍာအဖြစ် သိမ်းဆည်းခဲ့ပါတယ်။
တရားခံရှေ့နေ ဒေါ်ခင်မိုးမိုးက “ဒီလ ၂၅ ရက်နေ့က ဒီလူတွေကို ထောင်တွေ အသီးသီးခွဲပို့လိုက်ပြီ။ မြောင်းမြထောင်မှာ ၆ ယောက်၊ အဲဒီမှာ ကျမလူ ၅ ယောက်ပါတယ်၊ ပုသိမ်ထောင်မှာ ခြောက်ယောက်က လက်ပံကျေးရွာက သတို့သားရဲ့မိဘတွေ တဆွေမျိုးလုံး၊ သာယာဝတီထောင်မှာ ၄ ယောက်၊ တောင်ကြီးထောင်မှာက ၃ ယောက်ကျန်ခဲ့တယ်။ မန္တလေးထောင်က လူငယ်တယောက်၊ အားလုံးပေါင်း ထောင် ၅ ထောင်ဖြစ်သွားတာပေါ့ လူ ၂၀ က” လို့ ပြောပါတယ်။
လွန်ခဲ့တဲ့ရက်ပိုင်းက တရားခံ ၃ ဦးအတွက်တာဝန်ယူတဲ့ ရှေ့နေ ဦးသိန်းရွှေက ပြည်နယ်တရား လွှတ်တော်မှာ အယူခံတက်ခဲ့ပြီး ကျန် ၁၇ ဦးအတွက်လည်း အယူခံတက်ကြမှာဖြစ်ပါတယ်။
ခရိုင်တရားရုံးက မနှစ်အောက်တိုဘာလမှာ စွဲချက်စတင် ကတည်းက ဒေါ်ခင်မိုးမိုးက သူ့အမှုသည် ၇ ဦးအတွက် ပြည်နယ်တရား လွှတ်တော်မှာ အယူခံတက်ရာမှာ နေ့ချင်း အယူခံ ပယ်ခံရတာကြောင့် ပြည်ထောင်စု တရား လွှတ်တော်ချုပ်ကို ဆက်တက်ခဲ့ပါတယ်။ ဒီလ ၂၀ ရက်နေ့မှာ ပြည်ထောင်စု တရားလွှတ်တော်ချုပ် က လက်ခံခဲ့ပါတယ်။
ဒေါ်ခင်မိုးမိုးက “စွဲချက်တင်ခံရတဲ့ပုဒ်မတွေနဲ့ ညိစွန်းခြင်းမရှိဘဲနဲ့ စွဲချက်တင်ခံရတဲ့ အ တွက်ကြောင့် ကျမတက်တာ။ အမျိုးသမီးလေး ၃ ယောက်ရယ်၊ ၁၇ နှစ်သားလေး ၁ ယောက်ရယ်၊ ကျန်တာက ကားအငှားလိုက်မောင်းပေးတဲ့ ကလေး ၁ ယောက်၊ တကယ့်ကို လုံးဝညိစွန်းခြင်းမရှိတဲ့ ၇ ယောက်ကို ရွေးတက်တာပါ။ အဲဒါတော့ လက်ခံရေး ရထားတယ်။ အပြီးသတ်ပြောပြီးရင်တော့ ဘယ်လိုဖြစ်မလဲမသိဘူး” လို့ ပြောပါတယ်။
သူတို့တတွေကို စတင်ဖမ်းဆီးစဉ်က တရားမ၀င်အဖွဲ့အစည်းနဲ့ ဆက်သွယ်တယ်ဆိုပြီး အမှုဖွင့်ရာက နောက်ပိုင်းမှာ အမှုပြောင်းလဲ တရားစွဲဆိုပြီး ထောင်ဒဏ်စီရင်ခဲ့တာဖြစ်ပါတယ်။
ဓါတ်ပုံအညွှန်း- ဇန်နဝါရီလ ၁၁ ရက်နေ့က စွပ်စွဲခံရသူများကို အမိန့်ချမှတ်ရန် တရားရုံးသို့ ခေါ်ဆောင်လာစဉ် (Photo Credit- 7Day)
http://burmese.dvb.no/archives/79386
ဖြည့်စွက်ဖော်ပြချက်
=============
စွပ်စွဲ ထောင်ချခံရသည့် မွတ်စလင် ၂၀ ဦး စာရင်း
—————————————————–
၁။ ဦးကောင်းရှင် ၆၇ နှစ် (ဘ- ဦးဘရှင်) လက်ပံကျေးရွာ ၊ ကျောက်ဆည်
၂။ ဦးမင်းနိုင် ၃၇ နှစ် (ဘ- ဦးကောင်းရှင်) လက်ပံကျေးရွာ ၊ ကျောက်ဆည်
၃။ အောင်ဆန်းဝင်း (၁၇)နှစ် (ဘ-ဦးခင်မောင်ဌေး) လက်ပံကျေးရွာ ၊ ကျောက်ဆည်
၎။ မျိုးမင်းထွန်း (၂၄)နှစ် (ဘ-ဦးမြင့်ဟန်) လက်ပံကျေးရွာ ၊ ကျောက်ဆည်
၅။ ဒေါ်ခင်သန်းမြင့် (၆၅)နှစ် (ဘ-ဦးမိုးဇင်) လက်ပံကျေးရွာ ၊ ကျောက်ဆည်
၆။ မဖြူဖြူခိုင် (၂၆)နှစ် (ဘ-ဦးကောင်းရှင်) လက်ပံကျေးရွာ ၊ ကျောက်ဆည်
၇။ မအေးအေးဆန်း (၂၂)နှစ် (ဘ-ဦးသာထွန်း) ၃ ၇ပ်ကွက်၊ ကွန်ဟိန်းမြို့၊
၈၊ ဦးပိုက်ကမ်း(ခ) ဘုန်းရှင် (၅၅)နှစ် (ဘ-ဦးဘရှင်) သမ္မတရုံးဝန်း၊ နေပြည်တော်
၉။ သန့်ဇင်ထွေး (၂၅)နှစ် (ဘ-ဦးခင်မောင်လေး) မ/၂၀ ပြည်တော်အေးလမ်း နယ်မြေ(၁၁) မြို့မရပ် တောင်ကြီးမြို့၊
၁၀။ ဦးခင်မောင်ဦး (၅၂) နှစ် (ဘ-ဦးအဇစ်) ရုံးကြီးလမ်း၊ ရွှေနဒီ လက်ဖက်ရည်ဆိုင် သစ်တောရပ်၊ တောင်ကြီးမြို့၊
၁၁။ ဒေါ်ခိုင်ခိုင် (၅၄)နှစ် (ဘ-ဦးအဇစ်) ရုံးကြီးလမ်း၊ ရွှေနဒီ လက်ဖက်ရည်ဆိုင် သစ်တောရပ်၊ တောင်ကြီးမြို့၊
၁၂။ မြတ်သူ (၃၉)နှစ် (ဘ-ဦးဘချို) နယ်မြေ(၇)၊ ရွှေရည်ဝင်းလမ်းကြား၊ စိန်ပန်းရပ်၊ တောင်ကြီးမြို့၊
၁၃၊ ဘိုဘိုအောင် (၃၆)နှစ် (ဘ-ဦးတင်အောင်) လ/၁၂၈ နယ်မြေ(၇) တက်ခေတ်လမ်း၊ လမ်းမတော်ရပ်၊ တောင်ကြီးမြို့
၁၄။ စည်သူဟိန်း (၁၉) နှစ် ၊ (ဘ-ဦးဘမောင်) မ-၂ ဂျိုးဖြူလမ်း၊ကံသာရပ်၊ တောင်ကြီးမြို့၊
၁၅၊ သန်းခိုင် (၃၂)နှစ် (ဘ-ဦးဘိုငွေ) မ-၅၇၊ အုတ်ဖိုလမ်း၊ နယ်မြေ(၁၀) မြို့မရပ်၊ တောင်ကြီးမြို့
၁၆၊ နောင်နောင် (၂၆)နှစ် (ဘ-ဦးစိုးမြင့်) မ-၈၈ နယ်မြေ(၁၀) ဂျိုးဖြူလမ်း ၊ ကံသာရပ်၊ တောင်ကြီးမြို့၊
၁၇။ အောင်ထူးသက် (၄၇) နှစ်၊ (ဘ-ဦးခင်မောင်လတ်) မ-၃၀၈ ရေမဲလမ်း၊ မြို့မရပ်၊ တောင်ကြီးမြို့၊
၁၈။ ဌေးဝင်း (၄၄) နှစ် ၊ (ဘ-ဦးမြ) မ-၃၉ နယ်မြေ(၁၀)၊ ဂျိုးဖြူလမ်း၊ ကံသာရပ်၊ တောင်ကြီးမြို့၊
၁၉။ မျိုးမင်းနိုင် ၊ (၃၂)နှစ် (ဘ-ဦးကောင်းရှင်) မြို့မရပ်၊ တောင်ဗလီဆရာ၊ တောင်ကြီးမြို့၊
၂၀၊ သိန်းဇော်(ခ) ခံဖ (၅၃)နှစ် (ဘ-ဦးမောင်မောင်) မ-၅၆၁ ဒေါနလမ်း၊ စိန်ပန်းရပ်၊ တောင်ကြီးမြို့၊ဆက်စပ်သတင်းများ ဖတ်ရန်
===================
အကြမ်းဖက် ဆက်နွှယ်မှု စွဲချက်ဖြင့် အစ္စလမ် ဘာသာဝင် ၂၀ ဦးကိုထောင်ဒဏ်နှစ်ရှည် ချမှတ်
http://www.m-mediagroup.com/news/36320တောင်ကြီးမှာ ဖမ်းခံထားရတဲ့ မွတ်စလင်၂၀ဦး အကြောင်း ၄င်းတို့ ရှေ့နေနှင့်တွေ့ဆုံခန်း
http://www.m-mediagroup.com/news/32824မွတ်ဆလင်တွေဘက်ကလိုက်သည့် အမှုလိုက်ရှေ့နေ ခြိမ်းခြောက်ခံရ
http://www.m-mediagroup.com/news/35186တောင်ကြီးမြို့ အစ္စလမ်ဘာသာဝင်များ အမှု ပြည်ထောင်စု တရားလွှတ်တော်ချုပ် သို့ ဆက်လက် တင်ပြမည်
http://www.m-mediagroup.com/news/34148မွတ်စလင် ၂၀ ဦးကို ထောင်ဒဏ်အသီးသီး ချမှတ်
http://burmese.dvb.no/archives/76870 -
အစ္စလာမ်ဘာသာဝင် ၁၁ ဦးအား ထောင်ဒဏ် ၁၀ နှစ်ကျော်စီ ချမှတ်
မန္တလေး အကြမ်းဖက်မှုဖြစ်စဉ်တွင် ကိုထွန်းထွန်း အသတ်ခံရမှု နှင့် ပတ်သက်ပြီး စွပ်စွဲ ဖမ်းဆီးထားသည့် အစ္စလာမ်ဘာသာဝင် ၁၁ ဦးအား ထောင်ဒဏ် ၁၀ နှစ်ကျော်စီ ချမှတ်
ဒီဇင်ဘာ ၃၁ ၊၂၀၁၄
ယခုနှစ် ဇူလိုင်လအတွင်း ဖြစ်ပွားခဲ့သော မန္တလေး ပဋိပက္ခတွင် အသတ်ခံခဲ့ရသော ကိုထွန်းထွန်း အမှုနှင့် ပတ်သက်ပြီး ဖမ်းဆီးထားသည့် တရားခံ ၁၁ ဦးကို မနေ့က မန္တလေးခရိုင် တရားရုံးတွင် ထောင်ဒဏ် ၁၀ နှစ် ချမှတ်လိုက်ကြောင်း ဧရာဝတီ သတင်းဌာနရဲ့ ဖော်ပြချက်အရ သိရပါတယ်။
“ဒီအမှုမှာ ပါဝင်ခဲ့ကြတဲ့ ၁၁ ယောက်ကုို အလုပ်ကြမ်းနဲ့ ထောင်ဒဏ် ၁၀ နှစ် ကနေ ၁၃ နှစ် အထိ အမိန့်ချမှတ်ခဲ့တာပါ။ အခု အမိန့်ချမှတ်လိုက်တဲ့ လူ ၁၁ ဦးဟာ ကိုထွန်းထွန်းကို သတ်တဲ့အမှုမှာ အားပေးကူညီမှုနဲ့ တချို့က လက်နက်မှု ပါတယ်။ လူသတ်မှုနဲ့တော့ မစွဲထားဘူး” ဟု အမ်ိန့်ချမှတ်ခံရသူထဲတွင် ပါဝင်သူတဦးဖြစ်သည့် ဗိုလ်မှူးဟောင်း ဦးမြင့်ဦး ( မန္တလေးတိုင်းဒေသကြီး ဘာသာပေါင်းစုံ ချစ်ကြည်ရေး အဖွဲ့၏ တွဲဖက်အတွင်းရေးမှူး ) ကို ကူညီဆောင်ရွက် ပေးနေသည့် ရှေ့နေ ဦးသိန်းသန်းဦးက ဧရာဝတီကို ပြောပါတယ်။
ထိုသို့ အမိန်ချခံရသူထဲတွင် ပါဝင်သည့် တရားခံ ၅ ဦးသည် အမှုတွင် ပါဝင်ပတ်သတ်မှု မရှိဘဲ ထောင်ဒဏ် ချခံနေရကြောင်း၊ တရားခံများ အတွက် ဆက်လက်ပြီး အယူခံ ဝင်သွားမည် ဖြစ်ကြောင်း ၎င်းက ပြောကြားကြောင်း ဖော်ပြထားပါတယ်။
ပဋိပက္ခတွင် အဓိက ပါဝင်ပတ်သက်နေသည့် လူသတ်တရားခံ ၇ ဦးမှာ ယခုအချိန်အထိ လွတ်မြောက်နေသေးကြောင်း၊ ၎င်းတို့ကို တရားခံပြေး ကြေညာပြီး ဝရမ်းထုတ်ထားဆဲ ဖြစ်သည်ဟု ရှေ့နေ ဦးသိန်းသန်းဦးက ဆက်ပြီးပြောပါတယ်။
ယခုနှစ် ဇူလိုင်လ အတွင်းက မန္တလေးမြို့ ချမ်းအေးသာစံ အလယ်ရပ်ကွက်ရှိ “နေ” ကဖေး၊ “ဆန်း” ကဖေး လက်ဖက်ရည်ဆိုင်ပိုင်ရှင် အစ္စလာမ် ဘာသာဝင် ညီအစ်ကို နှစ်ယောက်သည် ဆိုင်မှ အလုပ်သမကို မုဒိန်းမှု ကျူးလွန်သည်ဆိုသော လုပ်ကြံထားသည့် သတင်းများကို သစ်ထူးလွင် ဘလောဂ်နှင့် မွတ်စလင်မ်ဆန်ကျင်ရေး ဝါဒီ ဆရာတော် ဦးဝီရသူတို့မှ ၄င်းတို့၏ ဆိုရှယ်မီဒီယာစာမျက်နှာများတွင် ဖော်ပြခဲ့ပြီးနောက်ပိုင်း အကြမ်းဖက်မှုများ ဖြစ်ပွားပြီး အစ္စလာမ်ဘာသာဝင်တို့၏ သုဿန်မှ သင်္ချိုင်းဂူနှင့် အဆောက်အအုံများ မီးရှို့ခံရခြင်း၊ မန္တလေးမြို့ပေါ်ရှိ ဆိုင်ခန်းအချို့နှင့် ယာဉ်များ ဖျက်ဆီး ခံရခြင်းများ ဖြစ်ပွားခဲ့ပြီး ပဋိပက္ခ ဖြစ်ပွားကာ အစ္စလာမ် ဘာသာဝင် တဦး၊ ဗုဒ္ဓဘာသာဝင် တဦး သေဆုံးခဲ့ရပါတယ်။
ထိုအမှုနှင့် ပတ်သတ်ပြီး အမိန့်ချ ခံခဲ့ရသည့် ဗိုလ်မှူးဟောင်း ဦးမြင့်ဦး၏ မိသားစုဝင်ဖြစ်သူ ကိုဖြိုးက “အခင်းဖြစ်တဲ့ အထဲမှာ ကျနော်အဖေနဲ့ ကျနော် အစ်ကို မပါခဲ့ဘူး။ ကျနော်ရဲ့ အစ်ကို ကိုနိုင်လင်းထွန်းက အခင်းဖြစ်တဲ့ ဇူလိုင် ၂ ရက်မှာ ရန်ကုန်မှာပဲ ရှိသေးတယ်။ ဇူလိုင် ၃ ရက်မှာ သူက မန္တလေးကို ရောက်လာတယ်။ အခင်းဖြစ်စဉ်ထဲမှာပါတဲ့ ကိုဖိုးလုံး ဆိုတဲ့သူက ကျနော်အိမ်မှာ ဥပုဉ်ဖြေဖို့အတွက် ညစာလာစားတာ။ ပြီးတော့ ၇ ရက်မှာ ကိုဖိုးလုံးကို လက်နက်မှုနဲ့ တရားစွဲ သွားတယ်။ ဇူလိုင်လ ၂၉ ရက်မှာ အဖေကို စစ်စရာရှိတယ်ဆိုလို့ ကျနော်ရဲ့ အစ်ကို ကိုနေလင်းထွန်းက လိုက်ပို့ရင်းနဲ့ နှစ်ယောက်စလုံးကို ဖမ်းလိုက်တာပါ” ဟု ပြောကြားကြောင်း ဧရာဝတီသတင်းဌာနရဲ့ ဖော်ပြချက်အရသိရပါတယ်။
အမိန့်ချခံခဲ့ရသည့် တရားခံများမှာ မော်လဝီခမ်းလေး (ခ) သောင်းမြင့်ထူး၊ အောင်ဇော်ထွန်း (ခ) မော်ရက်၊ သန်းဝင်း(ခ) ဖိုးဇော် တို့သည့် ပုဒ်မ ၃၀၂ (၂) /၁၁၄ ထောင်ဒဏ် ၁၀ နှစ်၊ ပုဒ်မ ဥပဒေ ၃၂၄ အရ ထောင်ဒဏ် ၂ နှစ်၊နှင့် ၄၂၇ အကျိုးပျက်ရာ ပျက်စီးကြောင်း ထောင်ဒဏ် ၆ လတို့ ဖြစ်ပြီး၊ အောင်ခန့်၊ ထွန်းထွန်း (ခ) ဖိုးညို၊ သီဟ၊ ဗိုလ်မှူးဟောင်း ဦးမြင့်ဦး၊ နိုင်လင်းဦးတို့အား ၃၀၂ (၂) / ၁၀၉ ထောင်ဒဏ် ၁၀ နှစ်နှင့် အောင်မြတ်ဦး၊ ရဲထက်အောင်တို့ကို ၃၀၂ (၂) / ၁၀၉ ထောင် ၁၀ နှစ်နှင့် ဦးဇော်ထွေး (ခ) ဖိုးလုံး ကို ၃၀၂ (၂) /၁၀၉ ထောင်ဒဏ် ၁၀နှစ်နှင့် လက်နက် ကိုင်ဆောင်မှုဖြင့် ၁၉ (စ) ထောင်ဒဏ် ၃နှစ် ချမှတ်ခံခဲ့ရပါတယ်။ တရာခံ ၁၁ ဦးစလုံးသည် အစ္စလာမ် ဘာသာဝင်များ ဖြစ်ကြပါတယ်။
ထိုပဋိပက္ခ ဖြစ်စဉ်နှင့် ပတ်သက်ပြီး သေဆုံးခဲ့သည့် အစ္စလာမ် ဘာသာဝင် ကိုစိုးမင်းကို သတ်သည့် တရားခံ ၄ ဦးကို ပြီးခဲ့သည့် အောက်တိုဘာ လက ထောင်ဒဏ် ၁၀ နှစ်စီ ချမှတ်ခဲ့ပြီးဖြစ်ပါတယ်။
ကိုးကား – ဧရာဝတီသတင်းဌာန
တရားခံအဖြစ် စွပ်စွဲပြီး ထောင်ဒဏ် ၁၀ ကျော်ချမှတ်ခံရသည့် အသက် ၆၀ ကျော် ဗိုလ်မှူးဟောင်း ဦးမြင့်ဦး တရားရုံးရှေ့ ရဲအချူပ်ကားပေါ် တက်နေစဉ် (ဓာတ်ပုံ – ဧရာဝတီ)