Tag: russia

သြဂုတ် ၂၈၊ ၂၀၁၈
M-Media

– ၁၉၈၁ ခုနှစ်နောက်ပိုင်း အကြီးမားဆုံး စစ်ရေးလေ့ကျင်မှုတစ်ခုကို နောက်လမှာ ပြုလုပ်ဖို့ စီစဉ်နေတယ်လို့ ရုရှား ကာကွယ်ရေးဝန်ကြီး ဆာဂျီရှီဂူက ပြောကြားလိုက်ပါတယ်။

စစ်သားပေါင်း ၃ သိန်းလောက်ပါဝင်မယ့် အဲဒီ စစ်ရေးလေ့ကျင့်မှုကို Vostok-2018 လို့ အမည်ပေးထားပြီး ရုရှားနိုင်ငံ အလယ်ပိုင်းနဲ့ အရှေ့ပိုင်းတို့မှာ ပြုလုပ်သွားမှာ ဖြစ်ပါတယ်။ စက်တင်ဘာ ၁၁ ရက်နေ့ကနေ ၁၅ ရက်နေ့အထိ ကျင်းပမှာဖြစ်ပြီး တရုတ်နဲ့ မွန်ဂိုလီးယားတို့က တပ်ဖွဲ့တွေလည်း စစ်ရေးလေ့ကျင့်မှုမှာ ပူးပေါင်းဖို့ ရှိနေပါတယ်။

ရုရှားဟာ အခုနှစ်ပိုင်းအတွင်းမှာ အမေရိကန်ဦးဆောင်တဲ့ နေတိုးအဖွဲ့နဲ့ တင်းမာမှုတွေ မြင့်တက်လာခဲ့ပြီးတဲ့နောက် စစ်ရေးလေ့ကျင့်မှုတွေကို ခပ်စိပ်စိပ် ပြုလုပ်လာပါတယ်။

လာမယ့်လ စစ်ရေးလေ့ကျင့်မှုမှာ စစ်သုံးယဉ် ၃၆၀၀၀၊ လေယာဉ် တစ်ထောင်ကျော် သုံးစွဲသွားမှာ ဖြစ်ပြီး လေထီးတပ်ဖွဲ့တွေနဲ့ ရေတပ်တွေလည်း ပါဝင်မှာ ဖြစ်ပါတယ်။ ရုရှားရဲ့ စစ်သည်အင်အားဟာ ၁ သန်းလောက်ရှိတယ်လို့ ခန့်မှန်းရပါတယ်။

Vostok-2018 စစ်ရေးလေ့ကျင့်မှုမှာ ပါဝင်မယ့် စစ်အင်အားဟာ ဒုတိယကမ္ဘာစစ်က ဖြစ်ပွားခဲ့တဲ့ စစ်ပွဲကြီး ၃ ပွဲက တစ်ပွဲမှာ သုံးစွဲခဲ့တဲ့ အရေအတွက်လောက် ရှိနေပါတယ်။

Ref: BBC

သြဂုတ် ၂၇၊ ၂၀၁၈
M-Media

– အသံထက်မြန်တဲ့ ကိုယ်ပျောက်တိုက်လေယာဉ်တွေကို ပစ်ချနိုင်မယ့် ဒုံးကျည်တစ်မျိုးကို ရုရှားက မော်စကိုမှာပြုလုပ်ခဲ့တဲ့ ‘၂၀၁၈ စစ်လက်နက်ပြပွဲ’ မှာ ထုတ်ပြလိုက်ပါတယ်။

40N6E လို့ အမည်ပေးထားတဲ့ အဲဒီ ဒုံးကျည်ဟာ ရုရှားရဲ့ နာမည်ကျော် ဒုံးခွင်းစနစ် S-400 နဲ့ နောက်မျိုးဆက် S-500 တို့မှာ အသုံးပြုနိုင်ဖို့ ရည်ရွယ်တာဖြစ်ပြီး မြေပြင်အထက် ၁၀ မီတာလောက်ကနေ ပျံသန်းတဲ့ လေယာဉ်ကိုတောင် ပစ်ချနိုင်တယ်လို့ ဆိုပါတယ်။

အလေးချိန် ၁၈၉၃ ကီလိုဂရမ်ရှိပြီး ပစ်လွှတ်လိုက်တဲ့အချိန်မှာ တစ်စက္ကန့်ကို ပျမ်းမျှ ၁၁၉၀ မီတာနှုန်းနဲ့ သွားနိုင်ပါတယ်။ ကီလိုမီတာ ၃၀ လောက်မြင့်တဲ့ နေရာမှာရှိတဲ့ အရာတွေကို ပစ်ချနိုင်ပြီး ဂြိုဟ်တုနဲ့ ဖမ်းယူလို့မရတဲ့စနစ်မျိုး ဒုံးကျည်မှာ ထည့်သွင်းထားတယ်လို့ သတင်းတွေလည်း ထွက်နေပါတယ်။

40N6E ဒုံးကျည်ဟာ လေယာဉ်ပျံဆိုရင် ကီလိုမီတာ ၃၈၀ အကွာအဝေးလောက်ကနေ ပစ်ချနိုင်ပြီး၊ ဒုံးကျည်ဆိုရင်တော့ ၁၅ ကီလိုမီတာအကွာအဝေးကနေ ပစ်ချနိုင်တယ်လို့ သရုပ်ပြမှုမှာ ပြောကြားခဲ့ပါတယ်။

ဒုံးကျည်ကို ဇူလိုင်လမှာ အောင်မြင်စွာ စမ်းသပ်နိုင်ခဲ့ပြီး လာမယ့် သီတင်းပတ်အနည်းငယ်အတွင်း S-400 ဒုံးခွင်းစနစ်တွေမှာ တပ်ဆင်သွားမှာ ဖြစ်ပါတယ်။

S-400 အတွက် ဒုံးကျည်တွေကို ထုတ်လုပ်ရာမှာ 40N6E ဟာ ပဉ္စမမြောက် ထွက်ရှိလာတဲ့ ဒုံးကျည်ဖြစ်ပြီး အရင်ကထွက်ခဲ့တဲ့ ဒုံးကျည်တွေထက် ပိုဝေးဝေး ပစ်ခတ်နိုင်ပါတယ်။ S-400 ကို ဆက်ခံမယ့် S-500 ဒုံးခွင်းစနစ်မှာလည်း ဒီဒုံးကျည်ကို အသုံးပြုမှာ ဖြစ်ပါတယ်။

Ref: RT