News @ M-Media

Tag: Saudi

  • အကြမ်းဖက်ဝါဒတိုက်ဖျက်ရေး ဆော်ဒီ၏ ပူးပေါင်းမှုကို ဂျာမနီချီးကျူး

    အကြမ်းဖက်ဝါဒတိုက်ဖျက်ရေး ဆော်ဒီ၏ ပူးပေါင်းမှုကို ဂျာမနီချီးကျူး

    သြဂုတ် ၁၃၊ ၂၀၁၆
    M-Media

    – ဂျာမနီနိုင်ငံ ဘာဗာရီးယားပြည်နယ်တွင် မကြာသေးမီက ဖြစ်ပွားခဲ့သည့် အကြမ်းဖက်လုပ်ရပ်များနှင့်ပတ်သက်၍ စုံစမ်းစစ်ဆေးမှု ပြုလုပ်နေရာတွင် ဆော်ဒီအာရေဗျနိုင်ငံ၏ ပူးပေါင်းဆောင်ရွက်မှုအပေါ် ဂျာမနီနိုင်ငံက ချီးကျူးပြောဆိုလိုက်သည်။

    ဂျာမန်နိုင်ငံခြားရေးဝန်ကြီးဌာနက ထုတ်ပြန်ခဲ့သည့် ကြေငြာချက်တွင် ထိုကဲ့သို့ ချီးကျူးလိုက်ခြင်းဖြစ်ပြီး ၀န်ကြီးဌာန၏ ပြောရေးဆိုခွင့်ရှိသူ ဆော်ဆန် ချက်ဘလီက ဂျာမနီတွင် ဖြစ်ပွားခဲ့သည့် အကြမ်းဖက်လုပ်ရပ်များကို ဖော်ထုတ်ရာတွင် ဆော်ဒီအစိုးရ၏ ပူးပေါင်းမှုအတွက် ကျေနပ်မိသည်ဟု ဆိုသည်။

    ထို့ပြင် ဂျာမနီနှင့် အခြားသော အနောက်နိုင်ငံများအနေဖြင့် အကြမ်းဖက်ဝါဒကို တိုက်ဖျက်ရေး အခြေခံကိစ္စများတွင် ဆော်ဒီနှင့်အတူ ဆောင်ရွက်လျက်ရှိနေကြောင်း၊ ဆော်ဒီလုံခြုံရေးတာဝန်ရှိသူများက ဂျာမနီလုံခြုံရေးအာဏာပိုင်များထံသို့ ပေးပို့ခဲ့သည် အချက်လက်များမှာ ဂျာမနီတွင် အကြမ်းဖက်မှုမဖြစ်ပွားခင် အချိန်မီ ဖြိုခွင်းမှုများ၌ အရေးပါသည့် အခန်းကဏ္ဍမှ ပါဝင်ခဲ့ကြောင်း ထပ်လောင်းပြောကြားခဲ့သည်။

    Ref : IINA

  • မက္ကာရှိ ၀တ်ကျောင်းတော်အတွက် လမ်းညွှန်စနစ်သစ်များကို ဆော်ဒီ ထားရှိ

    မက္ကာရှိ ၀တ်ကျောင်းတော်အတွက် လမ်းညွှန်စနစ်သစ်များကို ဆော်ဒီ ထားရှိ

    ဇူလိုင် ၂၊ ၂၀၁၆
    M-Media

    al haram

    – မက္ကာမြို့က မြင့်မြတ်သော မတ်စ်ဂျစ်ဒ်ဟရမ် ဗလီဝတ်ကျောင်းတော်ကို တိုးချဲ့ပြီးနောက်ပိုင်းမှာ ဘုရားဖူး လာရောက်သူတွေ အဆင်ပြေစေဖို့အတွက် လမ်းညွှန်မှုဆိုင်ရာ နည်းလမ်အသစ်တွေကို ဆော်ဒီအစိုးရက ဆောင်ရွက်ထားပြီး၊ ဖုန်းဆော့ဖ်ဝဲတစ်ခုကိုလည်း ဖန်တီးထားတယ်လို့ သိရပါတယ်။

    အဲဒီဆောင်ရွက်မှုတွေထဲမှာ ဗလီဝတ်ကျောင်းတော်တဲ့ အတွင်း၊ အပြင် အီလက်ထရောနစ် စခရင် ၇၅ ခု တပ်ဆင်ထားမှုလည်း ပါဝင်ပြီး အဲဒီစခရင်ကနေ ဘုရားဖူးလာရောက်သူတွေ သိရှိရမယ့် သတင်းအချက်အလက်တွေကို ဘာသာစကားပေါင်းစုံနဲ့ ဖော်ပြပေးမှာဖြစ်တယ်လို့ ဗလီဝတ်ကျောင်းတော် လည်ပတ်ရေးနဲ့ ပြုပြင်ထိန်းသိမ်းရေးဌာနက ညွှန်ကြားရေးမျူးဖြစ်သူ ဖာရစ် ဘင် မာဖူးဇ် အလ်-ဆာဒီက ပြောကြားခဲ့ပါတယ်။

    နောက်ပြီး Al-Maqsad လို့ အမည်ပေးထားတဲ့ လမ်းညွှန်ဆော့ဖ်ဝဲတစ်ခုကိုလည်း ဖန်တီးထားပြီး ဘယ်ဖုန်းမှာမဆို အသုံးပြုနိုင်မယ့် အဲဒီဆော့ဖ်ဝဲမှာ ဗလီဝတ်ကျောင်းတော်ရဲ့ ပထ၀ီအနေအထားတွေကို ထည့်သွင်းပေးထားပြီး ကအ်ဘာကျောင်းတော်နဲ့ အခြားအဓိကနေရာတွေ၊ ၀င်ပေါက်ထွက်ပေါက်တွေကို ရှာဖွေရာမှာ အထောက်အကူဖြစ်စေမှာဖြစ်ပါတယ်။

    အဲဒီဆော့ဖ်ဝဲကို ထီထွင်ထုတ်လုပ်ခဲ့တဲ့ Makkah Valley Company ကုမ္ပဏီက စီအီးအို ဆာလေဟ် ဘီဆာလာမ်ကတော့ ဆော့ဖ်ဝဲကို အာရဘီ၊ အင်္ဂလိပ် ၂ ဘာသာနဲ့ အသုံးပြုနိုင်မှာဖြစ်ပြီး အင်တာနက်ဖွင့်စရာ မလိုဘူးလို့ ပြောကြားခဲ့ပါတယ်။ လက်ရှိအချိန်မှာ ဒီဆော့ဖ်ဝဲကို မတ်စ်ဂျစ်ဒ်ဟရမ် ဗလီဝတ်ကျောင်းတော်ရဲ့ မြေညီထပ်မှာ အီလက်ထရောနစ်စကင်နဲ့ ပြသထားပြီး နောက်ပိုင်းမှာ ဒုတိယထပ်မှာ တပ်ဆင်သွားဖို့လည်း အစီအစဉ်ရှိနေပါတယ်။

    Ref:s ArabNews

  • ယီမင်ရှိ အီရန်သံရုံးကို ဆော်ဒီ တိုက်လေယာဉ်များက တိုက်ခိုက်

    ယီမင်ရှိ အီရန်သံရုံးကို ဆော်ဒီ တိုက်လေယာဉ်များက တိုက်ခိုက်

    ဇန်န၀ါရီ ၇၊ ၂၀၁၆
    M-Media

    iran

    – ပဋိပက္ခများဖြစ်ပွားနေသော ယီမင်နိုင်ငံ မြို့တော်ဆန်နာရှိ အီရန်သံရုံးကို ဆော်ဒီတိုက်လေယာဉ်များက တိုက်ခိုက်ခဲ့ပြီး၊ အစောင့်အနည်းငယ်မှာ ဒဏ်ရာရရှိခဲ့သည်ဟု အီရန်က ပြောကြားလိုက်သည်။

    ယီမင်နိုင်ငံတွင် လေကြောင်းတိုက်ခိုက်မှုများ ပြုလုပ်နေသည့် ဆော်ဒီဦးဆောင်သော မဟာမိတ်တပ်ဖွဲ့အနေဖြင့် ထိုစွပ်စွဲမှုအား စုံစမ်းစစ်ဆေးသွားမည်ဟု မဟာမိတ်အဖွဲ့၏ ပြောရေးဆိုခွင့်ရှိသူ ဗိုလ်မှူးချုပ် အဟ်မဒ် အက်စ်ရီက ပြောကြားခဲ့သည်။

    ထို့ပြင် မဟာမိတ်တပ်ဖွဲ့များက ယမန်နေ့က ဆန်နာတွင် လေကြောင်းမှတိုက်ခိုက်မှု ကြီးကြီးမားမားပြုလုပ်ခဲ့ပြီး ဟူသီပြည်သူ့စစ်များ အသုံးပြုသည့် လောင်ချာများကို ပစ်မှတ်ထားခဲ့ခြင်းဖြစ်သည်ဟု အက်စ်ရီက ၀န်ခံပြောကြားခဲ့သည်။ ထို့ပြင် အဆိုပါသူပုန်များမှာ စွန့်ပစ်ထားသော သံရုံများအပါအ၀င် အရပ်ဖက် အဆောက်အဦးများအား အသုံးပြုသည်ဟုလည်း ၎င်းက ထည့်သွင်းပြောကြားခဲ့သည်။

    မိမိတို့ မဟာမိတ်တပ်ဖွဲ့မှာ နိုင်ငံအားလုံးထံမှ ၎င်းတို့ သံရုံးများ၏ တည်နေရာများကို တောင်းထားသည်ဟုလည်း အက်စ်ရီက ဆိုသည်။

    ဆော်ဒီက ရှီအာဘာသာရေးခေါင်းဆောင် နီမာရ် အလ်-နီမာရ်ကို ပြီးခဲ့သည့်တစ်ပတ်က ကွပ်မျက်ခဲ့မှုကို မကျေနပ်သည့် အီရန်ပြည်သူများက တီဟီရန်ရှိ ဆော်ဒီသံရုံးကို တိုက်ခိုက်ခဲ့ပြီးနောက် ၎င်းတို့နှစ်နိုင်ငံအကြား တင်းမာမှုများ မြင့်တက်လာခဲ့သည်။

    Ref: RT

  • တိုက်ပွဲဝင် Black Hawk ရဟတ်ယာဉ်များကို ဆော်ဒီသို့ အမေရိကန် ရောင်းချမည်

    တိုက်ပွဲဝင် Black Hawk ရဟတ်ယာဉ်များကို ဆော်ဒီသို့ အမေရိကန် ရောင်းချမည်

    အောက်တိုဘာ ၁၅၊ ၂၀၁၅
    M-Media

    hlie

    – Sikorsky Aircraft လေယာဉ်ထုတ်လုပ်ရေးမှ ဖန်တီးသည့် တိုက်ပွဲဝင်သုံး နာမည်ကျော် UH-60M Black Hawk ရဟတ်ယာဉ် ၉ စီး (ကန်ဒေါ်လာ ၄၉၅ သန်းဖိုး)ကို ဆော်ဒီသို့ ရောင်းချရန် သဘောတူညီခဲ့သည်ဟု အမေရိကန် စစ်ဌာနချုပ် ပင်တဂွန်က ယမန်နေ့တွင် ပြောကြားခဲ့သည်။

    ထိုသဘောတူညီမှုမှာ အရှေ့အလယ်ပိုင်းတွင် အမေရိကန်၏ အဓိကမဟာမိတ်ဖြစ်သော ဆော်ဒီ၏ လုံခြုံရေး တိုးတက်အောင် ဆောင်ရွက်မှုကို အကူအညီ ဖြစ်စေလိမ့်မည်ဟု အမေရိကန်က ဆိုသည်။ အဆိုပါ ရဟတ်ယာဉ်များတွင် ဂျီပီအက်စ်စနစ်၊ စက်သေနတ်နှင့် ဒုံးကျည်သတိပေးစနစ်များ ပါဝင်သည်။

    ဆော်ဒီမြေပြင်တပ်ဖွဲ့လေကြောင်းစစ်ဌာနချုပ် RSLFAC ကမူ အဆိုပါ ရဟတ်ယာဉ်များကို ရှာဖွေကယ်ဆယ်ရေး၊ သဘာဝဘေးအန္တရာယ်တွင် ကူညီရေး၊ လူသားချင်းစာနာထောက်ထားမှုဆိုင်ရာ ကူညီထောက်ပံ့မှုများ၊ အကြမ်းဖက်တိုက်ဖျက်ရေးနှင့် စစ်ဆင်ရေး လုပ်ငန်းများတွင် အသုံးပြုသွားမည်ဟု ပြောကြားခဲ့သည်။

    Ref: Reuters

  • ရမ်ဇာန်ဥပုသ်လတွင် မက္ကာဟ်သို့ ဘုရားဖူးလာသူ ၂၆ သန်းကျော်ရှိ

    သြဂုတ် ၃၊ ၂၀၁၅
    M-Media

    maka

    – ပြီးခဲ့သည့် ရမ်ဇာန်ဥပုသ်လနှင့် အီဒွလ်ဖိသီရ် အီးဒ်ပွဲတော်ကာလအတွင်း ဆော်ဒီအာရေဗျနိုင်ငံသို့ ဘုရားဖူးလာရောက်ကြသူ အရေအတွက်မှာ ၂၆ သန်း ကျော်ခဲ့သည်ဟု မက္ကာမြို့ အုပ်ချုပ်ရေးမှူးက ကြေညာခဲ့သည်။

    “စုစုပေါင်း ရောက်ရှိလာသူ အရေအတွက်ဟာ ၂၆၇၂၉၇၀၉ ဦးရှိပြီး ပြီးခဲ့တဲ့နှစ်ကထက်စာရင် ၄.၆ ရာခိုင်နှုန်း တိုးလာတာဖြစ်ပါတယ်” ဟု မက္ကာဟ်မြို့ အုပ်ချုပ်ရေးမှူး၏ အကြံပေးဖြစ်ပြီး၊ ဆင်ခြေဖုံးဒေသ တိုးတက်ဖွံ့ဖြိုးရေး ကြီးကြပ်ဆောင်ရွက်သူ ဟီရှမ် အလ်-ဖာလေဟ်က ဒေသတွင်း မီဒီယာတစ်ခုသို့ ပြောကြားခဲ့သည်။

    သွားရေးလာရေး ကောင်းမွန်စေရန် ဆော်ဒီအစိုးရမှ စီစဉ်ပေးထားခြင်းက ထိုကဲ့သို့ လူအမြောက်အများ တိုးမြှင့်ရောက်ရှိလာရခြင်း၏ အဓိကအချက်လည်း ဖြစ်သည်။

    အလ်-ဖာလေဟ်ကမူ မက္ကာဟ်မြို့သို့ ၀င်ပေါက်များနှင့် အတွင်းထဲတွင် သယ်ယူပို့ဆောင်ရေးအတွက် ယာဉ်အစီးရေ ၁.၇ သန်းကို အသုံးပြုထားပြီး ဘုရားဖူးများ သွားလိုသည့်နေရာကို ပို့ဆောင်ပေးနိုင်ရန်အတွက် အခြား ယာဉ်အစီးရေ ၆.၆ သန်းကလည်း ၀န်ဆောင်မှုပေးနေသည်ဟု ပြောကြားခဲ့သည်။

    အဆိုပါ ယာဉ်အရေအတွက်မှာ ပြီးခဲ့သည့်နှစ်ကထက် ၁၅ ရာခိုင်နှုန်း မြင့်တက်လာခြင်းလည်း ဖြစ်သည်။

    ထို့ပြင် စက်တင်ဘာလကုန်တွင် ကျရောက်မည့် ဟဂ်ျဘုရားဖူးကာလတွင်လည်း ဘုရားဖူးခရီးသွားများ ပိုမိုဝင်ရောက်လာနိုင်ရန် မျှော်လင့်ထားသည်။ မြင့်တက်လာသော ဘုရားဖူးများအား နေရာထိုင်ခင်း ပေးနိုင်ရန်အတွက် ဆော်ဒီအစိုးရမှာ ကန်ဒေါ်လာ ၂၀ ဘီလီယံကျော် အသုံးပြုကာ မတ်စ်ဂျစ်ဒ်ဟရမ် ဗလီဝတ်ကျောင်းတော်အား တိုးချဲ့ အဆင့်မြှင့်တင်မှုများ ပြုလုပ်ထားသည်။

    Ref: Onislam