Tag: saudi_arabia

နိုဝင်ဘာ ၁၃၊ ၂၀၁၅
M-Media

– မုဟမ္မဒ်သခင် (ငြိမ်းချမ်းသာယာမှုအပေါင်း သက်ရောက်ပါစေ) ၏ ငြိမ်းချမ်းရေး စိတ်ဓာတ်ကို သက်သေထူနေပြီး အစ္စလာမ့်သမိုင်းတွင် ထင်ရှားသော “ဟူဒိုင်ဘီယာစာချုပ်” ချုပ်ဆိုသည့် နေရာတွင် အထိမ်းအမှတ်အဖြစ် ဆောက်လုပ်ထားသည့် ဗလီဝတ်ကျောင်းတော်ကို ဖြိုချကာ ခေတ်မီဗလီဝတ်ကျောင်းတော်အဖြစ် ပြန်လည်တည်ဆောက်တော့မည်ဟု သိရသည်။

အဆိုပါ ဗလီဝတ်ကျောင်းတော်မှာ မက္ကာဟ်မြို့၏ အနောက်ဖက် ဟူဒိုင်ဘီယာဟု အမည်တွင်သည့် အရပ်ဒေသတွင် တည်ရှိပြီး ထိုဆောက်လုပ်ရေးစီမံကိန်းကို ဆော်ဒီ အစ္စလာမ့်ရေးရာဝန်ကြီးဌာန၊ ဆော်ဒီ ခရီးသွားလာရေးနှင့် အမျိုးသား သမိုင်းအမွေအနှစ် ကော်မရှင် SCTNH တို့က ဦးစီးဆောင်ရွက်သွားမည်ဖြစ်သည်။

SCTNH မှ အထွေထွေဒါရိုက်တာဖြစ်သူ ဖိုင်ဆယ် အလ်-ရှရီးဖ်က ဗလီဝတ်ကျောင်းတော်သစ်ကို ဆန်ပြားသည့် အင်ဂျင်နီယာနည်းပညာများဖြင့် ဆောက်လုပ်သွားမည်ဖြစ်ပြီး နောက်ဆုံးပေါ် သိပ္ပံနည်းစနစ်များနှင့် ပစ္စည်းကိရိယာများကိုလည်း အသုံးပြုသွားမည်ဟု ပြောကြားခဲ့သည်။

SCTNH နှင့် အလ်-တူရက်သ် အမွေအနှစ် ဖောင်ဒေးရှင်းမှာ နိုင်ငံတစ်ဝှမ်း ဗလီဝတ်ကျောင်းတော်ပေါင်း ၂၁ လုံးကို ပြန်လည်ပြုပြင် ဆောက်လုပ်ပြီးဖြစ်သည်။

သက္ကရာဇ် ၆၂၈ ခုနှစ်တွင် မုဟမ္မဒ်သခင်မှာ မဒီနာမှ မက္ကာသို့ အွမ္မရာဟ်ပြုလုပ်ရန် နောက်လိုက်သာဝကများနှင့် လာရောက်စဉ် အဆိုပါ ဟူဒိုင်ဘီယာအရပ်၌ တစ်ထောက်နားနေသည့်အချိန် မက္ကာမြို့မှ မယုံကြည်သူများက မုဟမ္မဒ်သခင်နှင့်အဖွဲ့အား လာရောက်ရန်စခဲ့ကြသည်။

သို့သော်လည်း ငြိမ်းချမ်းရေးကို လိုလားသည့် မုဟမ္မဒ်သခင်မှာ တပည့်သာဝကများအား သည်းခံကြရန် မိန့်ကြားခဲ့ပြီး နောက်ဆုံးတွင် ရန်မီးငြိမ်းစေမည့် ငြိမ်းချမ်းရေးစာချုပ်ကို မိမိတို့ဘက်မှ အနာခံကာ ချုပ်ဆို၍ မက္ကာသို့ ဆက်မသွားတော့ဘဲ မဒီနာသို့ ပြန်လှည့်ခဲ့သည်။ စာချုပ်ချုပ်ဆိုသည့် အဆိုပါ ဟူဒိုင်ဘီယာဒေသကို အစွဲပြု၍ စာချုပ်ကိုလည်း “ဟူဒိုင်ဘီယာ စာချုပ်” ဟု ခေါ်တွင်ခဲ့သည်။

Ref: IINA News

နိုဝင်ဘာ ၉၊ ၂၀၁၅
M-Media

– မိမိအနေဖြင့် အလ်ကိုင်ဒါးအဖွဲ့သို့ သွားရောက်ပူးပေါင်းရန် ဆုံးဖြတ်ခြင်းမှာ မှားယွင်းခဲ့ပြီး ထိုအဖွဲ့မှာ တစ်လွဲဝါဒဖြန့်မှုများဖြင့် သူမအား လမ်းမှားစေခဲ့ကာ ဦးနှောင်းကျင်းခဲ့သည်ဟု အလ်ကိုင်ဒါးအဖွဲ့ဝင်ဟောင်း ဆော်ဒီအမျိုးသမီးက ပြောကြားလိုက်သည်။

ဟီလာ အလ်-ကွာဆီရ်ဖြစ်ပြီး လက်ရှိအချိန်တွင် ဆော်ဒီ၏ အကြမ်းဖက်မှုတိုက်ဖျက်ရေး ဥပဒေအရ ထောင်ဒဏ် ၁၅ နှစ်ကျခံနေရကာ မကြာသေးမီက ပြုလုပ်ခဲ့သည့် မီဒီယာနှင့်တွေ့ဆုံမှုတွင် ပြောကြားခဲ့ခြင်းဖြစ်သည်။ ထို့ပြင် ဆော်ဒီအာဏာပိုင်များမှာ မိမိအပေါ် သက်ညှာခဲ့သည်ဟုလည်း သူမက ဆိုသည်။

အလ်-ကွာဆီရ်မှာ အကျဉ်းထောင်မှ ထွက်ပြေးရန် ကြိုးစားခဲ့ဖူးပြီး ဆော်ဒီလုံခြုံရေးတပ်ဖွဲ့ဝင်များမှာ အမျိုးသမီးများအား အဓမ္မကျင့်၍ သတင်းရအောင် လုပ်ဆောင်သည်ဟု အလ်-ကိုင်းဒါး ခေါင်းဆောင်ပိုင်းက မိမိအား ပြောကြားထားသောကြောင့် အမှန်ထင်၍ ထွက်ပြေးရန် ကြိုးစားခဲ့ခြင်းဖြစ်သည်ဟု သူမက ထည့်သွင်း ပြောကြားခဲ့သည်။

“ဆော်ဒီဘုရင့်နိုင်ငံ၊ စုံထောက်တွေနဲ့ပတ်သက်ပြီး အလ်ကိုင်းဒါးက ကျွန်မစိတ်ထဲကို ရိုက်သွင်းပေးခဲ့တာတွေ အားလုံးဟာ တက်တက်စင်အောင် လွဲနေပါတယ်။ ကျွန်မဟာ လမ်းမှားခဲ့တယ်၊ စမ်းတ၀ါးဝါးဖြစ်ခဲ့တယ်ဆိုတာ တကယ့်ကို သေချာသွားပါပြီ”

အလ်-ကိုင်းဒါအား ဆက်သွယ်ခဲ့ခြင်းနှင့် ပတ်သက်၍လည်း သူမက “ကျွန်မရွေးခဲ့တဲ့ လမ်းအတွက် ကျွန်မရဲ့ဘ၀နဲ့ နုပျိုမှုတွေကို ပေးဆပ်ခဲ့ရပါတယ်။ သမီးလေးကတော့ မိဘနှစ်ပါးစလုံးကို ဆုံးရှုံးခဲ့ရပါတယ်” ဟု ပြောကြားခဲ့ပြီး အလ်-ကိုင်းဒါးအဖွဲ့မှာ “အရူးအုပ်စု” ဟု ကင်ပွန်းတပ်ခဲ့သည်။

အလ်-ကွာဆီရ်မှာ လက်ရှိအချိန်တွင် ဟိုင်ရ်ဒေသရှိ အမျိုးသမီးကျဉ်းထောင်တွင် အကျဉ်းကျခံနေရသည်။

Ref: Arabnews

နိုဝင်ဘာ ၇၊ ၂၀၁၅
M-Media

– ဂျာမနီနိုင်ငံ၌ ကျင်းပပြုလုပ်ခဲ့သည့် တီထွင်ဆန်းသစ်မှုဆိုင်ရာ ကုန်စည်ပြပွဲပြိုင်ပွဲ (iENA-2015) တွင် ဆော်ဒီရှိ ပညာရှင်အဖွဲ့မှ ဆု ၇ ခု ရရှိခဲ့သည်ဟု သိရသည်။

အောက်တိုဘာ ၃၀ ရက်နေ့မှ နိုဝင်ဘာ ၃ ရက်နေ့အထိ ပြုလုပ်ခဲ့သည့် အဆိုပါပြပွဲ၏ အဓိပ္ပါယ်အရှည်မှာ Ideas, Inventions, New Products (အတွေးအခေါ်၊ တီထွင်ဖန်တီးမှုနှင့် ထုတ်ကုန်သစ်) ဖြစ်ပြီး နိုင်ငံပေါင်း ၃၆ နိုင်ငံမှ ပညာရှင် အမြောက်အများက ၎င်းတို့၏ တီထွင်ဖန်တီးမှုပေါင်း ၇၀၀ ခန့်ကို လာရောက်ပြသခဲ့ကြသည်။

ဆော်ဒီမှသွားရောက်သည့် ပညာရှင်အုပ်စုတွင် နိုင်ငံတစ်ဝှမ်း စက်မှူအသင်းများနှင့် တက္ကသိုလ်ကောလိပ်များမှ ပါဝင်ပြီး Technical and Vocational Training Corporation (TVTC) အဖွဲ့အမည်ခံ၍ ယှဉ်ပြိုင်ခဲ့ကြကာ ရွှေ ၂ ခု၊ ငွေ ၃ ခုနှင့် ကြေး ၂ ခု ဆွတ်ခူးနိုင်ခဲ့သည်။

ရွှေတံဆိပ်ကို ဆန်းသစ်သည့် လွန်ဖောက်စက် တီထွင်ပြသခဲ့သော ရိုင်ယန် မူဘာရက် အလ် ဒိုဆာရီနှင့် အော်တို အ၀တ်လျှော်စက်ကို ဖန်တီးခဲ့သည့် အီဘရာဟ် ဟသ်လူ အလ်-အန်ဇီတို့က ရရှိခဲ့ခြင်းဖြစ်သည်။ ငွေတံဆိပ် ၃ ခုကိုမူ filter များအား သန့်စင်သည့်ပစ္စည်း၊ ဓာတ်ငွေ့ဖြည့်ပေးသည့်နေရာများတွင် အန္တရာယ်ကင်းသည့် အဆောက်အဦးနှင့် မသန်စွမ်းသူများအတွက် ထိုင်ခုံများကို တီထွင်ခဲ့သူများက အသီးသီး ရရှိခဲ့ကြသည်။ လုံခြုံရေး အာရုံခံစနစ်နှင့် ရေအပူပေးစက် တီထွင်သူတို့မှာ ကြေးတံဆိပ်များ ရရှိခဲ့ကြသည်။

“ဒီအောင်မြင်မှုတွေဟာ တီထွင်ဆန်းသစ်မှု နယ်ပယ်အတွက် အသင်းအဖွဲ့တွေကနေတစ်ဆင့် ခေါင်းဆောင်မှုပိုင်းက ရက်ရက်ရောရော ထောက်ပံ့ပေးခဲ့တာကို ရောင်ပြန်ဟပ်တာပါပဲ” ဟု TVTC ၏ အုပ်ချုပ်ရေးမှူး အလီ အလ်-ဂါဖစ်က ပြောကြားခဲ့သည်။ ထို့ပြင် နိုင်ငံတကာ ပြိုင်ပွဲများတွင် ထိုကဲ့သို့ ပါဝင်မှုက ကောလိပ်များနှင့် အသင်းအဖွဲ့များမှ ရွက်ပုံးသီး တီထွင် ဆန်းသစ်သူများကို မြေတောင်မြှောက်ပေးခြင်း
ဖြစ်သည်ဟု ၎င်းက ထည့်သွင်းပြောကြားခဲ့သည်။

iENA-2015 ကုန်စည်ပြပွဲပြိုင်ပွဲကို ရိုမေးနီးယား၊ ဘော့စနီးယား၊ ဂျာမနီ၊ ထိုင်ဝမ်၊ သြစတြီးယားတို့ အပါအ၀င် နိုင်ငံတကာ တီထွင်ဆန်းသစ်မှု အဖွဲ့အစည်းများက ကျင်းပပြုလုပ်ခဲ့ကြခြင်းဖြစ်သည်။

Ref: Arabnews