Tag: saudi_arabia

ဒီဇင်ဘာ ၂၁၊ ၂၀၁၅
M-Media

– သဘာဝဘေးအန္တရာယ် ခံစားနေရသော နိုင်ငံများကို ကူညီထောက်ပံ့ရန်အတွက် ဆော်ဒီအာရေဗျမှာ ကုလ ဗဟိုအရေးပေါ်ကယ်ဆယ်ရေးရန်ပုံငွေအဖွဲ့ CERF သို့ ကန်ဒေါ်လာ သန်း ၁၅၀ လှူဒါန်းလိုက်သည်ဟု သိရသည်။

ထိုသို့ လှူဒါန်းခြင်းကို ကုလသမဂ္ဂ အမြဲတမ်းကိုယ်စားလှယ်ဖြစ်သူ ဆအာ့ဒ် ဘင် အဗ္ဗဒူလာ အလ်-ဆာ့ဒ်က နယူးယောက်၌ သောကြာနေ့က ပြုလုပ်ခဲ့သော CERF အစည်းအဝေးတွင် ထုတ်ပြန်ကြေညာခဲ့ခြင်းဖြစ်သည်။

“ကမ္ဘာတစ်ဝှမ်း မိုးခေါင်ရေရှားမှုဒဏ်၊ ရောဂါကပ်ဆိုက်မှုဒဏ်တွေ ခံစားနေရပြီး ဆင်းရဲမှုမွဲတေမှု များပြားလာခြင်းအပေါ် မိမိတို့နိုင်ငံက စိုးရိမ်ပူပန်လျက်ရှိနေသည်” ဟု အလ်-ဆာ့ဒ်က ပြောကြားခဲ့ပြီး ထိုလှူဒါန်းမှုမှာ ၂၀၁၆ ခုနှစ်အတွက် ဖြစ်သည်ဟု ဆိုသည်။

အလ်ဆာ့ဒ်က ကမ္ဘာကြီးမှာ ဘေးအန္တရာယ်များနှင့် စိန်ခေါ်မှုများကို ရင်ဆိုင်နေရကြောင်း သတိပေးထောက်ပြခဲ့ပြီး CERF အဖွဲ့မှာ အရေးပေါ်ဖြစ်ရပ်များအတွင်း ပြည်သူများအား ကူညီရန်အတွက် ကမ္ဘာပေါ်တွင် အကောင်းဆုံး အားထုတ်ကြိုးပမ်းသည့် အဖွဲ့ဟုလည်း ချီးကျူးပြောဆိုခဲ့သည်။

ကုလအရေးပေါ်ကယ်ဆယ်ရေးရံပုံငွေအဖွဲ့ (CERF) သည် စစ်ဘေးဒဏ်နှင့် သဘာဝဘေးအန္တရာယ်များ ခံစားနေရသူများအား လူသားချင်းစာနာထောက်ထားမှု အကူအညီများပေးရန် အမြန်ဆုံးနှင့် အထိရောက်ဆုံးနည်းလမ်းများအနက်မှ တစ်ခုဖြစ်သည်။

လူ့အသက်ကယ်ဆယ်ရေးဖြစ်သော လူသားချင်းစာနထောက်ထားသည့် လုပ်ရပ်များကို ကမ္ဘာတစ်ဝှမ်းတွင် မဆိုင်းမတွ ထောက်ပံ့ရန်အတွက် ၎င်းအဖွဲ့သည် အလှူငွေများ လက်ခံရရှိထားပြီး၊ အစိုးရများမှ အဓိက ထောက်ပံ့မှုများ ပြုလုပ်သည်။

သို့သော် ဖောင်ဒေးရှင်းများ၊ ကုမ္ပဏီများ၊ ပရဟိတသင်းများနှင့် တစ်ဦးချင်းစီမှလည်း နှစ်စဉ် ဒေါ်လာ သန်း ၄၅၀ ခန့် ထည့်ဝင်မှုများ ရှိနေသည်။ အရေးပေါ်ကယ်ဆယ်ရေး ဖြစ်ရပ်များတွင် လူသားချင်းစာနာထောက်ထားရေးအဖွဲ့များက ရံပုံငွေအတွက် လျှောက်လွှာတင် တောင်းခံရသည်။ အရေးပေါ်လိုအပ်ချက်များနှင့် အသက်ကယ်ဆယ်ရေးလုပ်ငန်းများအတွက် တောင်းဆိုလွှာများသည် CERF ၏ မူဘောင်နှင့် ကိုက်ညီပါက ရံပုံငွေများကို ချက်ချင်းထုတ်ပေးလေ့ရှိသည်။

ငွေချက်ခြင်းထုတ်ပေးသည့်အတွက် ကယ်ဆယ်ရေးအဖွဲ့များသည် အစားအစာ၊ သောက်သုံးရေ၊ ဆေးဝါးနှင့်အခြားသော အသက်ကယ်ရေးအကူအညီများကို မြန်မြန်နှင့် ထိရောက်စွာ ပေးပို့နိုင်မည်ဖြစ်သည်။

Ref : Arabnews

ဒီဇင်ဘာ ၁၂၊ ၂၀၁၅
M-Media

– နိုင်ငံအရှေ့ပိုင်း ဒမ်မမ်ပြည်နယ်ရှိ သီရိလင်္ကာလူ့အဖွဲ့အစည်းအတွက် စာသင်ကျောင်းဆောက်လုပ်ခွင့်ကို ဆော်ဒီပညာရေးဝန်ကြီးဌာနက ခွင့်ပြုခဲ့ပြီး နိုင်ငံအတွင်း တတိယမြောက် သီရိလင်္ကာစာသင်ကျောင်း ဖြစ်လာမည်ဖြစ်သည်။

ဆော်ဒီအစိုးရ၏ ထိုဆုံးဖြတ်ချက်အတွက် သီရိလင်္ကာ သံအမတ် အဇ်မီ သက်ဆင်မ်က ကျေးဇူးတင်ကြောင်း ပြောကြားခဲ့သည်။ အဆိုပါပြည်နယ်တွင် သီရိလင်္ကာမိသားစု ၄၀၀ ခန့်ရှိနေပြီး ကလေးငယ် ၇၀၀ ခန့်မှာ ပြည်နယ်အတွင်းရှိ ဆော်ဒီအစိုးရကျောင်းများတွင် တက်ရောက်ပညာသင်ကြားနေရသည်။

စာသင်ကျောင်းဆောက်လုပ်ရေး လုပ်ငန်းများကို လာမည့်ဇန်န၀ါရီတွင် စတင်မည်ဖြစ်ပြီး လာမည့်နှစ် ပညာသင်နှစ်မှစ၍ ပညာသင်ကြားနိုင်မည်ဖြစ်သည်။

“ကျွန်တော်တို့ဟာ ဘာသာစုံရှိတဲ့လူ့အဖွဲ့အစည်းပါ။ ဒီကျောင်းဟာ သီရိလင်္ကာနိုင်ငံသားတွေ တစ်ယောက်နဲ့တစ်ယောက် တွေ့ဆုံနှုတ်ဆက်ဖို့၊ ပညာရေးနဲ့ ယဉ်ကျေးမှုဆိုင်ရာ အစည်းအဝေး ပွဲလမ်းသဘင်တွေပြုလုပ်ဖို့အတွက် ကောင်းမွန်တဲ့နေရာတစ်ခု ဖြစ်လာမှာပါ” ဟု သီရိလင်္ကာ သံအမတ်က ပြောကြားခဲ့သည်။

ကျောင်းဆောက်လုပ်ရေးအတွက် ဆော်ဒီအစိုးရက ၇ ဦးပါ ကော်မတီတစ်ရပ်ကို ဖွဲ့စည်းပေးခဲ့သည်။ ဆော်ဒီရှိ သီရိလင်္ကာ လးငယ်များမှာ ကျောင်းစားရိတ်မတတ်နိုင်သောကြောင့် ကျောင်းတက်ခြင်းမရှိချေ။

“ဒီကျောင်းကို မတူညီတဲ့ စီးပွားရေးနောက်ခံတွေက ကျောင်သားမိဘတွေ တတ်နိုင်တဲ့ပုံစံမျိုးဖြစ်အောင် ဆောင်ရွက်သွားမှာပါ” ဟု ကော်မတီမှ အတွင်းရေးမှူးဖြစ်သူ ဆာဘူရ် အဒီမ်းက ပြောကြားခဲ့သည်။

ထိုကျောင်းမှာ နိုင်ငံအတွင်းရှိ သီရိလင်္ကာလူ့အဖွဲ့အစည်းအတွက် တတိယမြောက် စာသင်ကျောင်းဖြစ်မည်ဖြစ်ပြီး လက်ရှိတွင် မြို့တော်ရီယာ့ဒ်၌ တစ်ခု၊ ဂျစ်ဒါ၌တစ်ခု ရှိနေသည်။

ဆော်ဒီအာရေဗျတွင်နေထိုင်သူ သီရိလင်္ကာနိုင်ငံသား အရေအတွက်မှာ ၅ သိန်း ၅ သောင်းဝန်းကျင်ခန့် ရှိပြီး အရှေ့အလယ်ပိုင်းရှိ သီရိလင်္ကာအလုပ်သမားအရေအတွက် စုစုပေါင်း၏ သုံးပုံတစ်ပုံလည်း ဖြစ်သည်။

Ref: Arabnews

ဒီဇင်ဘာ ၁၆၊ ၂၀၁၅
M-Media

– ပင်ကိုယ်ပါရမီရှိပြီး နယ်ပယ်အမျိုးမျိုးတွင် ဖန်တီးနိုင်စွမ်းများ ပြသရန် လိုလားကြသည့် မသန်စွမ်းသူများနှင့် အထူးလိုအပ်ချက်ရှိသော ကျောင်းသားများ အလွယ်တကူ ပညာသင်ယူနိုင်မည့် အစီအစဉ်တစ်ရပ်ကို ဆော်ဒီ ပညာရေးဝန်ကြီးဌာနက စတင်လိုက်သည်ဟု သိရသည်။

“ဒီပညာရေးအစီအစဉ်ဟာ နိုင်ငံတစ်ဝှမ်းက တိုင်းတွေ၊ ပြည်နယ်တွေကို အခြေပြုပြီး လုပ်ဆောင်တဲ့အစီအစဉ်မှာ ပထမဆုံးပါပဲ” ဟု ရီယာ့ဒ်ဒေသ ပညာရေးဌာန၏ ဒါရိုက်တာဖြစ်သူ မိုဟာမက် အလ်-မီရ်ရှစ်ဒ်က ပြောကြားလိုက်သည်။

My start ဟု အမည်ပေးထားသည့် အဆိုပါအစီအစဉ်ကို မသန်စွမ်းကျောင်းသားများ၏ ပုန်းကွယ်နေသောအရည်အချင်းနှင့် ကျွမ်းကျင်မှုများကို ၎င်းတို့စိတ်ဝင်စားသော နယ်ပယ်တွင် ဖော်ထုတ်တတ်စေရန် ရည်ရွယ်သည်ဟု ဆိုသည်။

ထိုအစီအစဉ်၌ မသန်စွမ်းမှုများနှင့်ပက်သက်၍ လူထုအား အသိပညာပေးရန် အထူးလူမှုရေးအခမ်းအနားများ၊ ဟောပြောတင်ပြမှုများလည်း ပါဝင်သည်။

ဆော်ဒီပညာရေးဌာနမှာ မကြာသေးမီကလည်း Twenty students in twenty schools ဟု ခေါ်ဆိုသည့် အစီအစဉ်တစ်ခုကို ကိုယ်ပိုင်အထက်တန်းကျောင်းများတွင် စတင်ခဲ့ပြီး ထိုအစီအစဉ်အရ အထက်တန်းကျောင်း ၂၀ မှ ကျောင်းသား ၂၀ ကို စုစည်းကာ ယဉ်ကျေးမှုနှင့် သိပ္ပံဆိုင်ရာ သုတေသနပြုမှုကို စူစမ်းဆောင်ရွက်ရမည့် အစီအစဉ်ဖြစ်သည်။ ထိုအစီအစဉ်ကို ဘုရင်အဘ်ဒူလ်အဇစ် သိပ္ပံနှင့် နည်းပညာဆိုင်ရာမြို့ KACST နှင့် ပူးပေါင်းဆောင်ရွက်ခြင်းဖြစ်သည်။

ထိုအစီအစဉ် အကောင်အထည်ဖော်မှုနှင့် တိုးတက်မှုကို ကြီးကြပ်ရန်အတွက် ကျောင်း၏ အုပ်ချုပ်ရေးပိုင်းကိုလည်း တိုက်တွန်းထားသည်။

ကျောင်းသားများမှာ ထိုအစီအစဉ်တွင် ပါဝင်ရန် စာရင်းသွင်းကာ နယ်ပယ်အသီးသီးတွင် သုတေသနလုပ်ငန်းများအတွက် အဆိုပြုချက် တင်သွင်းနိုင်မည်ဖြစ်သည်။ ယင်းအစီအစဉ်အောက်မှ ပေါ်ထွက်လာသည့် အထူးစီမံကိန်းများအတွက် ပညာရေးဝန်ကြီးဌာနက ငွေကြေးထောက်ပံ့ပေးသွားမည်ဖြစ်ပြီး ဆုများလည်း ချီးမြှင့်သွားမည်ဖြစ်သည်။

Ref: Arabnews

ဒီဇင်ဘာ ၁၅၊ ၂၀၁၅
M-Media

– နိုင်ငံတကာ သိပ္ပံပြိုင်ပွဲတစ်ခုဖြစ်ပြီး တောင်ကိုးရီးယားတွင် ကျင်းပခဲ့သည့် နိုင်ငံတကာသိပ္ပံအိုလံပစ်ပြိုင်ပွဲ (International Science Olympiad) တွင် ဆော်ဒီကျောင်းသား ၆ ဦး ဆုတံဆိပ်များ ဆွတ်ခူးရရှိခဲ့သည်ဟု သိရသည်။

အဆိုပါပြိုင်ပွဲမှာ နှစ်စဉ် ကျင်းပပြုလုပ်နေသည့် ပြိုင်ပွဲဖြစ်ပြီး ယခုပြိုင်ပွဲကို ယခုနှစ် ဒီဇင်ဘာ ၂ ရက်နေ့မှ ၁၂ ရက်နေ့အထိ ကျင်းပခဲ့ခြင်းဖြစ်သည်။ ဆော်ဒီမှ ဆုရရှိသူ ၆ ဦးအနက် ၅ ဦးမှာ မြို့တော် ရီယာ့ဒ်မှဖြစ်ပြီး ကျန်တစ်ဦးမှာ အလ်-အဟ်ဆာမှ ဖြစ်သည်။

အဆိုပါပြိုင်ပွဲမှာ သဘာဝသိပ္ပံနှင့် လူထုပညာရေးများရေးကဏ္ဍများကို အသက် ၁၆နှစ်နှင့်အောက် ကျောင်းသားများက တစ်ဦးချင်းနှင့် အုပ်စုလိုက် ယှဉ်ပြိုင်ရခြင်းမျိုး ဖြစ်သည်။ ဆော်ဒီကျောင်းသားများမှာ ၂၀၀၉ ခုနှစ် အာဇာဘိုင်ဂျန်တွင် ကျင်းပပြုလုပ်ခဲ့သည့် ပြိုင်ပွဲကတည်းက ၀င်ရောက်ယှဉ်ပြိုင်ခဲ့ခြင်းဖြစ်သည်။

ပညာရေးဝန်ကြီးဟောင်းဖြစ်ပြီး တော်ဝင်တရားရုံး၏ အကြံပေးအဖြစ် ခန့်အပ်ခြင်းခံထားရသည့် အဇမ် အလ်-ဒါခီက ဆော်ဒီကျောင်းသားများ၏ အောင်မြင်မှုအပေါ် ကျေနပ်အားရမှုများ ဖော်ပြခဲ့သည်။

“နိုင်ငံတကာဖိုရမ်တွေမှာ ကျွန်တော်တို့ရဲ့ သားငယ်သမီးငယ်တွေ အောင်မြင်မှုရရှိခဲ့တဲ့အတွက် ဂုဏ်ယူဝမ်းမြောက်မိပါတယ်၊ သူတို့ကို သိပ္ပံစွမ်းရည်ပြိုင်ပွဲတွေမှာလည်း အားပေးကြပါ” ဟု အလ်-ဒါခီက ပြောကြားခဲ့သည်။

ထို့ပြင် အခြားသော ဆော်ဒီကျောင်းသားများကိုလည်း မိမိစိတ်ဝင်စားသည့် မည်သည့်နယ်ပယ်တွင်မဆို ထူးချွန်အောင် ကြိုးစားကြရန်နှင့် အစိုးရအနေနှင့်လည်း အမြဲတမ်းထောက်ပံ့ပေးသွားမည်ဖြစ်ကြောင်း ထည့်သွင်းပြောဆိုခဲ့သည်။

Ref : Arabnews