Tag: saudi_arabia

စက်တင်ဘာ ၁၆၊ ၂၀၁၅
M-Media

– ပြီးခဲ့သည့်တစ်ပတ်က မက္ကာဟ်မြို့ရှိ မတ်စ်ဂျစ်ဒ်ဟရမ် ဗလီဝတ်ကျောင်းတော်တွင် ဖြစ်ပွားခဲ့သည့် ကရိန်းမတော်တဆမှုတွင် သေဆုံးသွားခဲ့သူများ၏ မိသားစုများနှင့် ထိခိုက်ဒဏ်ရာရသူများအတွက် ဂရုဏာကြေးနှင့် ခံစားခွင့်များ ပေးအပ်ရန် ဆော်ဒီဘုရင် ဆလ်မန်က အမိန့်ပေးခဲ့သည်။

မိုးသည်းထန်စွာရွာသွန်းပြီး၊ ပြင်းထန်သော လေတိုက်ခတ်မှုကြောင့် ဖြစ်ပွားခဲ့သည့် အဆိုပါ ဖြစ်ရပ်ဆိုးတွင် နိုင်ငံပေါင်းစုံမှ ၀တ်ပြုသူပေါင်း ၁၁၁ ဦး သေဆုံးခဲ့ရပြီး ဒဏ်ရာရရှိသူများမှာ ၃၃၁ ဦး ရှိခဲ့သည်။

ဘုရင်ဆလ်မန်က ယမန်နေ့တွင် ထုတ်ပြန်သော အမိန့်၌ သေဆုံးသူများ၏ မိသားစု တစ်စုစီနှင့် ဒဏ်ရာကြောင့် မသန်စွမ်းဖြစ်သွားသူများအား ဆော်ဒီရီယဲလ် ၁ သန်း(ကန်ဒေါ်လာ ၂၇၀၀၀၀ ခန့်)၊ အခြား ဒဏ်ရာရရှိသူများကို ရီယဲလ် ၅ သိန်း (ကန်ဒေါ်လာ ၁၃၅၀၀၀ ခန့်) ဂရုဏာကြေးပေးရန် ဖော်ပြထားသည်။

ထိုဂရုဏာကြေးမှာ နစ်နာကြေးမဟုတ်ဘဲ သေဆုံးသူများ၏ မိသားစုနှင့် ဒဏ်ရာရသူများအနေဖြင့် ၎င်းတို့ ထိခိုက်ခံစားရမှုများအတွက် နစ်နာကြေးရရှိရန် တရားရုံးမှတစ်ဆင့် တရားစွဲဆို တောင်းခံနိုင်သည်ဟုလည်း ဘုရင်ဆလ်မန်က ၎င်း၏ အမိန့်တွင် ထည့်သွင်းဖော်ပြထားသည်။

မတော်တဆမှုအတွင်း သေဆုံးသွားသူများ၏ မိသားစုတစ်စုလျှင် ၂ ဦးစီနှင့် ယခုနှစ်တွင် ဒဏ်ရာရရှိခဲ့သောကြောင့် ဟဂ်ျတာဝန်ကို မဖြည့်ဆည်းနိုင်ခဲ့သော သူများမှာ လာမည့်နှစ်တွင် ဘုရင့်ဧည့်သည်တော်အဖြစ် ဟဂ်ျပြုခွင့်ရရှိမည်ဟုလည်း ဘုရင်ကြီးက ကြေညာခဲ့သည်။ ဒဏ်ရာကြောင့် ဆေးကုသမှုခံယူနေရသူများ နိုင်ငံအတွင်း ဆက်လက်ရှိနေနိုင်ရန်အတွက် ဆော်ဒီအစိုးရက အလည်အပတ်ဗီဇာကို ထုတ်ပေးသွာမည်ဖြစ်သည်။

စုံစမ်းစစ်ဆေးမှုများအရ ကရိန်းမှာ အခင်းဖြစ်ပွားသည့်အချိန်တွင် အနေအထား မမှန်ခဲ့သည်ကို တွေ့ရှိခဲ့ရပြီး ထိုလုပ်ငန်းများကို တာဝန်ယူလုပ်ဆောင်နေသည့် ဘင်လာဒင်အုပ်စု ဆောက်လုပ်ရေးလုပ်ငန်းအား စီမံကိန်းအသစ်များ လုပ်ကိုင်ခွင့်ကို ဆော်ဒီအစိုးရက ပိတ်ပင်လိုက်သည်။

ထို့ပြင် ယခုရှိနေသည့် ဆောက်လုပ်ရေးလုပ်ငန်းကိုလည်း စုံစမ်းစစ်ဆေးမှုများ ပြီးစီးသည်အထိ ရပ်တန့်ထားရမည်ဖြစ်ပြီး၊ အမှုမပြီးမပြတ်မချင်း ကုမ္ပဏီအကြီးအကဲအား နိုင်ငံပြင်ပသို့ ထွက်ခွာခြင်းမပြုရန်လည်း အမိန့်ထုတ်ထားသည်။ သို့သော်လည်း ထိုအဖြစ်အပျက်မှာ ရာဇ၀တ်မှုမြောက်သည့် ရည်ရွယ်ချက်မရှိဟု ဆော်ဒီ တော်ဝင်တရားရုံးက ယမန်နေ့တွင် ကြေညာခဲ့သည်။

Ref: Arabnews, Aljazeera

စက်တင်ဘာ ၁၃၊ ၂၀၁၅
M-Media

– ၂၀၁၁ ခုနှစ် ဆီးရီးယားပဋိပက္ခ စဖြစ်သည့် အချိန်ကတည်းက ယနေ့အချိန်အထိ အတိဒုက္ခရောက်နေသော ဆီးရီးယားပြည်သူ ၂.၅ သန်းခန့်ကို မိမိတို့က လက်ခံထားသည်ဟု ဆော်ဒီနိုင်ငံခြားရေး ၀န်ကြီးဌာနက ပြောကြားလိုက်သည်။

ဝန်ကြီးဌာနမှ ထုတ်ပြန်သော ကြေညာချက်တွင် ဆီးရီးယားပြည်သူများမှာ အခြားသော နိုင်ငံခြားသားများကဲ့သို့ နိုင်ငံအတွင်း ကောင်းမွန်သော အခြေအနေကို ရရှိနေသည်ဟု ထည့်သွင်းဖော်ပြထားသည်။

“ဆော်ဒီဟာ ဆီးရီးယားက ခိုလှုံလာသူတွေကို ဒုက္ခသည်လို မဆက်ဆံပါဘူး။ သူတို့ဟာ သာမန်အသိုင်းအ၀ိုင်းမှာ နေရတာဖြစ်ပြီး ဒုက္ခသည်စခန်းမှာ နေရတာမျိုး မဟုတ်ပါဘူး”

ထို့ပြင် ၎င်းတို့မှာ နေထိုင်ခွင့်ပါမစ်နှင့် နိုင်ငံအတွင်း လွတ်လပ်စွာ သွားလာခွင့်ကို ရရှိကြကြောင်း၊ ၂၀၁၂ ခုနှစ်တွင် ပြဌာန်းထားသည့် ဥပဒေအရ စာသင်ကျောင်းများတွင်လည်း တက်ရောက်သင်ကြားခွင့် ရရှိကြောင်း အဆိုပါ ကြေညာချက်တွင် ဖော်ပြထားသည်။

ပုဂ္ဂလိကကျောင်းများတွင် တက်ရောက်သင်ကြားနေသူများမှာ တစ်သိန်းခန့်ရှိသည်ဟု ဆိုသည်။ ဥရောပတွင် ဒုက္ခသည်ပြဿနာ ကြီးထွားလာခြင်းနှင့်အတူ ထိုကိစ္စကို ဖြေရှင်းရာ၌ ဆော်ဒီ၏ အခန်းကဏ္ဍနှင့် ပတ်သက်၍ မှားယွင်းသော ဖော်ပြချက်များကို ဆော်ဒီက ယခုကဲ့သို့ ကြေညာချက်ထုတ်ကာ ဖြေရှင်းခဲ့ခြင်း ဖြစ်သည်။

“နိုင်ငံအတွင်းမှာရှိတဲ့ ဆီးရီးယားပြည်သူတွေဟာ အခမဲ့ ကျန်းမာရေးစောင့်ရှောက်မှု ရပါတယ်။ အခြားသော နိုင်ငံခြားသားတွေလို ပုဂ္ဂလိကကုမ္ပဏီတွေမှာ အလုပ်လုပ်ဖို့လည်း သူတို့ကို ခွင့်ပြုထားပါတယ်” ဟု နိုင်ငံခြားရေး ၀န်ကြီးဌာနက ပြောကြားခဲ့သည်။

ယခုနှစ် မတ်လက ကူဝိတ်နိုင်ငံတွင် ကျင်းပပြုလုပ်ခဲ့သည့် နိုင်ငံတကာအလှူရှင်များ၏ တတိယအကြိမ်မြောက် ညီလာခံတွင် သတ်မှတ်ချက်အရ ဆီးရီးယား ဒုက္ခသည်များကို ကူညီရန် ကန်ဒေါ်လာ သန်း ၇၀၀ ကို ဆော်ဒီက သုံးစွဲခဲ့သည်။ ဆီးရီးယားနှင့် အီရတ်မှ ဒုက္ခသည်များကို ဂျော်ဒန်၊ တူရကီနှင့် လက်ဘနွန်နိုင်ငံများတွင်လည်း ခိုလှုံခွင့် ပေးထားသည်။

ဂျော်ဒန်နှင့် လက်ဘနွန်နိုင်ငံများရှိ ဆီးရီးယားဒုက္ခသည်များကို ကူညီရာတွင် ဆော်ဒီမှာ အဓိကအခန်းကဏ္ဍမှ ပါဝင်ကာ အစားသောက်၊ ကျန်းမာရေး စောင့်ရှောက်မှု၊ ဆေးဝါးနှင့် အ၀တ်အစားများ အပါအ၀င် လူသားချင်းစာနာထောက်ထားမှုဆိုင်ရာ အကူညီများကို ပေးပို့လျက်ရှိနေသည်ဟု နိုင်ငံခြားရေး ၀န်ကြီးဌာန၏ ကြေညာချက်တွင် ဖော်ပြထားသည်။

ပဋိပက္ခကြောင့် နိုင်ငံအတွင်းသို့ တရားမ၀င် ၀င်ရောက်လာကြသည့် ယီမင်ပြည်သူများ အလုပ်အကိုင်ရရှိရေးအတွက် ၎င်းတို့အား နေထိုင်ခွင့်ပါမစ် ထုတ်ပေးရန် ဆော်ဒီဘုရင် ဆလ်မန်က ယခုနှစ်အတွင်း အမိန့်ပေးခဲ့သည်။

Ref: Arabnews

စက်တင်ဘာ ၇၊ ၂၀၁၅
M-Media

– နိုင်ငံ၏ ၁၂ နှစ်တာ အာကာသအစီအစဉ်အတွင်း ဆော်ဒီအာရေဗျမှာ ၂ နှစ်၊ သို့မဟုတ် ၃ နှစ်လျှင် တစ်ကြိမ် ကမ္ဘာပတ်လမ်းကြောင်းထဲသို့ ဂြိုဟ်တုများ လွှတ်တင်သွားမည်ဟု သိပ္ပံနှင့် နည်းပညာဆိုင်ရာ ဘုရင်အဘ်ဒူလ်အဇစ်မြို့ KACST က ယမန်နေ့တွင် ကြေညာခဲ့သည်။

KACST ၏ ဥက္ကဌဖြစ်သူ မင်းသား တာရ်ကီ ဘင် ဆာအွဒ်မှာ နာဆာ၏ အာကာသယာဉ် Discovery လွှတ်တင်ခဲ့သည့် နှစ် ၃၀ မြောက် အခမ်းနား၌ ပြောကြားသည့် မိန့်ခွန်းတွင် ယခုကဲ့သို့ ထည့်သွင်း ပြောဆိုခဲ့ခြင်းဖြစ်သည်။

၎င်းတို့၏ အာကာသအစီအစဉ် အကောင်အထည်ဖော်မည့် အချိန်ကို၂၀၁၉ ခုနှစ်မှ ၂၀၂၀ ခုနှစ်အထိ သတ်မှတ်ထားပြီး နာဆာမှ ကျွမ်းကျင်ပညာရှင်များ၊ ဂျာမန်အာကာသအေဂျင်စီနှင့် စတန်းဖို့ဒ် တက္ကသိုလ်တို့ ပူးပေါင်းကာ ဆောင်ရွက်သွားမည်ဖြစ်သည်။

ပထမဆုံး အာကသယာဉ် ၂ စင်း လွှတ်တင်ပြီးနောက်ပိုင်းမှသာ စတန်းဖို့ဒ်တက္ကသိုလ်က MDSS ဂြိုဟ်တုအသေးစားများ လွှတ်တင်ရေး ရေရှည်အစီအစဉ်တွင် ပါဝင်မည်ဖြစ်သည်။

တာရ်ကီကမူ ဆော်ဒီမှာ အာကာသ သုတေသနလုပ်ငန်းများကို လွန်ခဲ့သည့် နှစ်ပေါင်း ၃၀ ကတည်းက ဆောင်ရွက်ခဲ့ခြင်းဖြစ်သည်ဟု ပရိတ်သတ်များအား ပြောကြားခဲ့သည်။

Ref: Alarabiya