Tag: saudi_arabia

နိုဝင်ဘာ ၅၊ ၂၀၁၆
M-Media

– ဆော်ဒီအာရေဗျနိုင်ငံ အရှေ့ပိုင်းရှိ အလ်-အဟ်ဆာမြို့ကို ကမ္ဘာ့အဆန်းပြားဆုံးမြို့အဖြစ် ကုလသမဂ္ဂက ရွေးချယ်ခဲ့သည်ဟု သိရသည်။

‘ကမ္ဘာ့မြို့တော်များနေ့’ (World Cities Day) အထိမ်းအမှတ်အဖြစ် ရွေးချယ်ခဲ့ခြင်းဖြစ်သည်။

အဆိုပါ ကမ္ဘာ့မြို့တော်များနေ့ကို ၂၀၁၄ ခုနှစ် အောက်တိုဘာ ၃၁ ရက်နေ့က စတင်သတ်မှတ်ခဲ့ခြင်းဖြစ်ပြီး ကမ္ဘာ့မြို့ပြဖွံ့ဖြိုးတိုးတက်မှုများကို သတိပြုမိစေရန်နှင့် တိုးတက်မှုဆိုင်ရာ စိန်ခေါ်မှုများ ပြည့်မီရေးအတွက် လိုအပ်ချက်များကို မီးမောင်းထိုးပြရန်ဖြစ်သည်။

အလ်-အဟ်ဆာ မြို့မှာ စိမ်းလမ်းသော နေရာများ၊ ရေပန်းများနှင့် အိုအေစစ်ဒေသဖြစ်ပြီး၊ သဘာဝအလှတရားနှင့်လည်း ပြည့်စုံကာ၊ ပြည်သူများကလည်း ဖော်ရွေကြသည်။ အရှေ့ပိုင်းပြည်နယ်၏ အုပ်ချုပ်ရေးဆိုင်ရာ မြို့လည်းဖြစ်သည့် အလ်-အဟ်ဆာမှာ သမိုင်းဝင် လူ့အဖွဲ့အစည်းများ၏ အထိမ်းအမှတ်နေရာများ၊ ရှေးဟောင်း သမိုင်းဝင်နေရာများစွာလည်း ရှိနေသည်။ ထို့ပြင် ကမ္ဘာလှည့်ခရီးသွားများ လာရောက်လည်ပတ်ရာ နေရာလည်းဖြစ်သည်။

လက်ရှိ ကမ္ဘာ့လူဦးရေ၏ ၅၄ ရာခိုင်နှုန်မှာ မြို့ပြဒေသများတွင် နေထိုင်နေရပြီး ၂၀၅၀ ခုနှစ်တွင် ၆၆ ရာလိုင်နှုန်းအထိ မြင့်တက်လာမည်ဟု ခန့်မှန်ထားသည်။ ၁၉၅၀ ခုနှစ်တွင် မြို့ပြနေဦးရေမှာ ၇၄၆ သန်း ရှိရာမှ ၂၀၁၄ ခုနှစ်တွင် ၃.၉ ဘီလီယံအထိ ရှိလာခဲ့သည်။

Ref: Saudigazette

အောက်တိုဘာ ၃၊ ၂၀၁၆
M-Media

– ဆော်ဒီစစ်တပ်မှာ ပါရှန်းပင်လယ်ကွေ့၊ ဟော်မုတ်ဇ်ရေလက်ကြားနှင့် အိုမန်ပင်လယ်တို့တွင် စစ်ရေးလေ့ကျင့်မှုမျာ ပြုလုပ်ခဲ့သည်ဟု သိရသည်။

ယမန်နေ့က ပြုလုပ်ခဲ့ခြင်းဖြစ်ပြီး အဆိုပါစစ်ရေးလေ့ကျင့်မှုတွင် သင်္ဘောများ၊ လေယာဉ်များ၊ ဆော်ဒီတော်ဝင်ရေတပ်၏ အထူးတပ်ဖွဲ့များလည်း ပါဝင်ခဲ့သည်။

ဆော်ဒီသတင်းဌာနက SPA က ဆော်ဒီနယ်စပ်နှင့် နိုင်ငံတကာရေပြင်တို့ကို ကာကွယ်ရန်လည်းကောင်း၊ ဖြစ်နိုင်ချေရှိသော အကြမ်းဖက်တိုက်ခိုက်မှုများမှ ကာကွယ်ရန်အတွက်လည်းကောင်း ထိုကဲ့သို့ လေ့ကျင့်ခြင်းဖြစ်သည်ဟု ဖော်ပြခဲ့သည်။

ဆော်ဒီတော်ဝင်ရေတပ် ဗိုလ်ချုပ် အဘ်ဒူလ် အလ်-ဆူလ်တန်ကလည်း အဆိုပါစစ်ရေးလေ့ကျင့်မှုမှာ တိုက်ခိုက်မှုအသင့်အနေအထားရှိရန်၊ လိုအပ်သော ကျွမ်းကျင်မှုများ ရရှိရန်နှင့် အဓိကစစ်ဆင်ရေးများ ဆောင်ရွက်နိုင်သည့် စွမ်းရည်များဖွံ့ဖြိုးရန် ရည်ရွယ်ရွယ်သည့် လေ့ကျင့်မှုမှ တစ်စိတ်တစ်ပိုင်းဖြစ်သည်ဟု ပြောကြားခဲ့သည်။

Ref : Presstv

သြဂုတ် ၂၇၊ ၂၀၁၆
M-Media

– မဒီနာမြို့သမိုင်းကြောင်းကို သမိုင်းဆိုင်ရာ မှန်ကန်တိကျမှုရှိပြီး ခိုင်လုံသည့် ရှားပါးဓာတ်ပုံများ ဝေေ၀ဆာဆာဖြင့် မှတ်တမ်းတင်ထားသော ‘Madinah’ အမည်ရှိ သမိုင်းစာအုပ်တစ်အုပ်ကို ယမန်နေ့တွင် ဖြန့်ချီခဲ့ပြီး စာအုပ်မိတ်ဆက်ပွဲ အခမ်းအနားသို့ မဒီနာ အုပ်ချုပ်ရေးမှူး မင်းသား ဖိုင်ဆဲလ် ဘင် ဆလ်မန် တက်ရောက်ခဲ့သည်ဟု သိရသည်။

ယင်းစာအုပ်တွင် မြင့်မြတ်သောဗလီဝတ်ကျောင်းတော်နှစ်ခု၊ အစ္စလာမ့်သမိုင်းအမွေအနှစ် နေရာများနှင့် မြို့ပြရှုမျှော်ခင်းများကို ထိန်းသိမ်းစောင့်ရှောက်ရေးအတွက် ဆော်ဒီနိုင်ငံ၏ ကြိုးပမ်းအားထုတ်မှုများကို ဖော်ပြထားသည်။

စာအုပ်တွင်ဖော်ပြထားသည့် ဓာတ်ပုံများမှာ မဒီမြို့၏ သမိုင်းကြောင်းကို ပြောပြနေပြီး၊ ခေတ်ကာလတစ်လျှောက် သမိုင်းဆိုင်ရာ အငွေ့အသက်များ၊ ယဉ်ကျေးမှုနှင့် လာရောက်လည်ပတ်သူများအပေါ် ဖမ်းစားမှု စသည်တို့ကိုလည်း စာအုပ်တွင် တွေ့မြင်ရမည်ဖြစ်သည်။

မဒီနာ သုတေသနနှင့် လေ့လာရေးစင်တာ အကြီးအကဲဖြစ်သူ ဖိုင်ဆဲလ်ကမူ သမိုင်းဆိုင်ရာ မှတမ်းပြုစုမှုနှင့်ပတ်သက်၍ ထိုစာအုပ်၏ အရေးကြီးပုံကို ထောက်ပြခဲ့ပြီး၊ မဒီနာမြို့၏ သမိုင်းကြောင်း ပိုမိုနားလည်သိရှိရန် ဆန္ဒရှိသူများအတွက် အဖိုးတန်းစာအုပ်ဖြစ်မည်ဖြစ်ကာ၊ သုတေသနပညာရှင်၏ လက်စွဲစာအုပ်လည်း ဖြစ်လာမည်ဟု ပြောကြားခဲ့သည်။

Ref : IINA

သြဂုတ် ၁၉၊ ၂၀၁၆
M-Media

– ဟစ်ဂျရီခုနှစ် ၁ ရာစုမှ ၅ ရာစုအအကြား အစ္စလာမ့်ခေတ်ဦးတွင် တည်ရှိခဲ့သည့် ရှေးဟောင်း ဗလီဝတ်ကျောင်းတော်ကြီး၏ ဗိသုကာဆိုင်ရာ အမွေအနှစ်များကို ဆော်ဒီရှိ ရှေးဟောင်းသုတေသနအဖွဲ့တစ်ခုက တွေ့ရှိခဲ့သည်ဟု သိရသည်။

ဆော်ဒီနှင့် ပြင်သစ်တို့မှ သိပ္ပံပညာရှင်နှင့် ကျွမ်းကျင်သူ ၁၈ ဦးဖြင့် ဖွဲ့စည်းထားသည့် အဆိုပါအဖွဲ့မှာ ရီယာ့ဒ်မြို့အနီး အလ်-ခါ့ဂ်ျဒေသရှိ ယာမာမာဟ် ရှေးဟောင်းနေရာတစ်ခုတွင် ထိုဗလီဝတ်ကျောင်းတော်အား တွေ့ရှိခဲ့ရခြင်းဖြစ်သည်။

အဆိုပါ ဗလီဝတ်ကျောင်းတော်တွင် ၀တ်ပြုခန်းမ ၃ ခု၊ ရှေ့ဆောင်အီမာမ် ဦးဆောင်ဦးသည့်နေရာ (မဟ်ရဘ်) နှစ်ခု၊ လဟာပြင်ဝတ်ပြုဆောင်တစ်ခုတို့ ပါဝင်သည်။

ထိုဗလီတွင် မက္ကာမြို့ရှိ ကအ်ဗဟ်ဝတ်ကျောင်းတော်နှင့် မဒီနာမြို့ရှိ တမန်တော်မြတ်၏ ဗလီဝတ်ကျောင်းတော်တို့အပြီး အာရေဗျကျွန်းဆွယ်တွင် တတိယအကြီးဆုံးဖြစ်နိုင်သည့် လက္ခဏာများကိုလည်း တွေ့ရသည်။ ဗိသုကာဆိုင်ရာ စစ်တမ်းများအရ ရီယာ့ဒ်နှင့် ၀ါဒီ အလ်-ဒါဝါစီရ် မြို့အကြားတွင် အခြားသော အစ္စလာမ့်ဆိုင်ရာ ရှေးဟောင်းနေရာ ၅ ခုကို တွေ့ရှိခဲ့ရသည်ဟု Asharq Al-Awsat သတင်းစာတွင် ဖော်ပြထားသည်။

ရှာဖွေမှုလုပ်ငန်းစဉ်၏ ရလဒ်များအရ ရှေးဟောင်းကျောက်ခေတ်ကို ရည်ညွှန်းနိုင်သည့် နေရာများကိုလည်း တွေ့ရှိခဲ့ရပြီး ထိုဒေသတွင် ထိုကဲ့သို့ တွေ့ဆုံမှုမှာ ပထမဆုံးအကြိမ်လည်းဖြစ်သည်။

Ref : IINA