Tag: SaudiArabia

အောက်တိုဘာ ၃၊ ၂၀၁၈
M-Media

ကမ္ဘာက ဂရုဏာသက်ခဲ့သည့် ယီမင်ကလေးငယ် အဟာရချို့တဲ့မှုကြောင့် ကွယ်လွန်
==============
ယီမင်နိုင်ငံရဲ့ အငတ်ဘေးဆိုက်ရောက်မှုကို ကမ္ဘာကြီးက သတိပြုမိလာစေတဲ့ဓာတ်ပုံမှာ ပါဝင်တဲ့ အရိုးအပြိုင်းအပြိုင်း ကလေးငယ်ဟာ ဒုက္ခသည်စခန်းမှာ ကြာသာပတေးနေ့က ကွယ်လွန်သွားခဲ့ပါတယ်။ အသက် ၇ နှစ်အရွယ် အေမလ်ဟူစိန်ဖြစ်ပြီး ယီမင်နိုင်ငံက အဟာရချို့တဲ့နေတဲ့ သိန်းချီတဲ့ ကလေးငယ်တွေထဲက တစ်ဦးလည်း ဖြစ်ပါတယ်။ ပြီးခဲ့တဲ့တစ်ပတ်မှာ နယူးယောက်တိုင်းမ်စ် သတင်းစာက ဟူစိန်ရဲ့ဓာတ်ပုံနဲ့ ယီမင်က လူသားချင်းစာနာထောက်ထားမှု ပြဿနာကို သတင်းတင်ပြခဲ့ပြီး ကမ္ဘာတစ်ဝှမ်းက ဟူစိန်နဲ့ ယီမင်ကလေးငယ်တွေအပေါ် ဂရုဏာသက်ခဲ့ကြပါတယ်။ ဟူစိန်လေးဟာ အဟာရချို့တဲ့မှုကြောင့် သေဆုံးသွားရတာ ဖြစ်ပါတယ်။

အာဖဂန်တာလီဘန်အဖွဲ့၏ ခေါင်းကိုင်ဖခင် အသတ်ခံရ
===================
အာဖဂန်နစ္စတန်က စစ်သွေးကြွအဖွဲ့ တာလီဘန်ရဲ့ အတွေးအခေါ်ပိုင်းဆိုင်ရာ ခေါင်းဆောင်လို့ လူသိများတဲ့ အသက် ၈၀ အရွယ် မောင်လာနာ ဆာမီအွလ်ဟက်ဟာ သောကြာနေ့က သူ့ရဲ့ အိပ်ယာပေါ်မှာ အသတ်ခံလိုက်ရတယ်လို့ မိသားစုက ထုတ်ပြန်ခဲ့ပါတယ်။ ဟက်ကို တာလီဘန်ရဲ့ ‘ခေါင်းကိုင်ဖခင်’ လို့လူသိများပြီး အာဖဂန်ကို ကျူးကျော်တိုက်ခိုက်တဲ့ ဆိုဗီယက်တပ်တွေကို တိုက်ထုတ်ဖို့ တော်လှန်ရေးတပ်တွေ ဖွဲ့စည်းရာမှာ သူ့ရဲ့ အတွေးအခေါ်က အဓိကကျခဲ့ပါတယ်။ နောက်ပိုင်းမှာ အဲဒီတပ်ဖွဲ့တွေဟာ တာလီဘန်အဖွဲ့ ဖြစ်လာပါတယ်။ ဟက်ဟာ တာလီဘန်ခေါင်းဆောင်တော်တော်များများကို သူ့ရဲ့အတွေးအခေါ် ရိုက်သွင်းပေးခဲ့သူလည်း ဖြစ်ပါတယ်။ အာဖဂန်နိုင်ငံက နိုင်ငံခြားတပ်တွေနဲ့ အာဖဂန်အစိုးရတို့ကို တိုက်ခိုက်ဖို့အတွက် တာလီဘန်ကို ဟက်က လူသိရှင်ကြား ထောက်ခံခဲ့ပါတယ်။

အီဂျစ်တွင် IS အကြမ်းဖက်အဖွဲ့က ခရစ်ယာန်များစီးလာသည့်ကားကို တိုက်ခိုက်
==================
အီဂျစ်နိုင်ငံမြောက်ပိုင်းမှာ ခရစ်ယာန်ဘုရားကျောင်းတစ်ခုဆီ သွားနေတဲ့ ဘတ်စ်ကားတစ်စီး မနေ့မှာ တိုက်ခိုက်ခံရတဲ့အတွက် အနည်းဆုံး လူ ၇ ဦးသေဆုံးခဲ့ပါတယ်။ IS အကြမ်းဖက်အဖွဲ့ကတော့ ဒါဟာ သူတို့လက်ချက်ဖြစ်တယ်လို့ ကြေငြာခဲ့ပါတယ်။ ဒဏ်ရာရသူ ၁၂ ဦးလောက်ရှိနေပြီး သေဆုံးသူအရေအတွက်လည်း တိုးလာဖွယ်ရှိနေပါတယ်။ အီဂျစ်သမ္မတ အဘ်ဒဲလ် ဖာတာ အလ်-စီစီက ဒီတိုက်ခိုက်မှုကို ပြင်းပြင်းထန်ထန် ရှုတ်ချခဲ့ပြီး အကြမ်းဖက်တိုက်ဖျက်ရေးလုပ်ငန်းကို အရင်ကထက် ပိုမိုအားထည့်လုပ်ဆောင်သွားမယ်လို့ ပြောကြားခဲ့ပါတယ်။ ၂၀၁၇ ခုနှစ်မေလကလည်း ကော့ပတစ်ခရစ်ယာန်တွေကို တင်ဆောင်လာတဲ့ ဘစ်ကားတစ်စီးကို IS အကြမ်းဖက်အဖွဲ့က တိုက်ခိုက်ခဲ့တဲ့အတွက် အနည်းဆုံး ၂၈ ဦး သေဆုံးခဲ့ပါတယ်။

ဂျာနယ်လစ်ကာရှိုဂျီအသတ်ခံရမှု ဆော်ဒီအစိုးရလက်ချက်ဟု တူရကီသမ္မတပြော
==================
ဂျာနယ်လစ် ဂျမားလ် ကာရှိုဂျီ အစ္စတန်ဘူလ်က ကောင်စစ်ဝန်ရုံးထဲ အသတ်ခံရမှုဟာ ဆော်ဒီအစိုးရရဲ့လက်ချက် ဖြစ်တယ်လို့ တူရကီသမ္မတ အာဒိုဂန်က ၀ါရှင်တန်ပို့စ်သတင်းစာကိုပေးပို့တဲ့ ဆောင်းပါးမှာ ရေးသားခဲ့ပါတယ်။ ဒါဟာ ကာရှိုဂျီကိစ္စအတွက် ဆော်ဒီအစိုးရကို အာဒိုဂန်ရဲ့ ပထမဆုံး အပြစ်တင်မှုလည်း ဖြစ်ပါတယ်။ ကာရှိုဂျီအသတ်ခံရမှုကိစ္စကို ဆော်ဒီက ပထမပိုင်းမှာ ငြင်းခဲ့ပေမယ့် နောက်ပိုင်းမှာ ၀န်ခံခဲ့ပြီး ရုံးထဲဝင်ဝင်ချင်း လည်ပင်းညှစ်သတ်ခံလိုက်ရတယ်လို့ ထုတ်ပြန်ခဲ့ပါတယ်။ တူရကီ စုံစမ်းစစ်ဆေးရေးမှူးတွေက ဆော်ဒီကလာတဲ့ ကြေးစားအဖွဲ့ဟာ ကာရှိုဂျီကို သတ်ဖြတ်ပြီး အပိုင်းပိုင်းလုပ်ကာ အက်စစ်နဲ့ဖျော ဖျောက်ဖျက်လိုက်တယ်လို့ ဆိုပါတယ်။ အာဒိုဂန်က ဒီသတ်ဖြတ်မှုမှာ ဆော်ဒီဘုရင် ဆလ်မန် မပါဘူးလို့ ယုံကြည်ပြီး နှစ်နိုင်ငံ ဆက်ဆံရေးကောင်းကို ဆက်လက်ထိန်းသိမ်းသွားမယ်လို့ ပြောကြားခဲ့ပါတယ်။

Ref: Aljazeera, BBC