ဒီဇင်ဘာ ၁၅၊ ၂၀၁၇
M-Media
– အရှေ့အလယ်ပိုင်းက အစိုးရဆန့်ကျင်ရေး သူပုန်တွေကို အမေရိကန်နဲ့ ဆော်ဒီတို့က ထောက်ပံ့ပေးနေတဲ့ လက်နက်တွေဟာ IS အကြမ်းဖက်အဖွဲ့တွေလက်ထဲ ရောက်ရောက်သွားတယ်လို့ ပဋိပက္ခရေးရာ သုတေသနအဖွဲ့တစ်ခုဖြစ်တဲ့ Conflict Armament Research (CAR) က ပြောကြားလိုက်ပါတယ်။
အီရတ်နဲ့ ဆီးရီးယားတို့မှာ CAR က ၃ နှစ်ကြာ သုတေသန ပြုလုပ်ခဲ့ပြီးတဲ့နောက် Weapons of the Islamic State ဆိုတဲ့ ခေါင်းစဉ်နဲ့ မနေ့ကထုတ်ပြန်တဲ့ အစီရင်ခံစာမှာ ဒီလို ဖော်ပြခဲ့တာ ဖြစ်ပါတယ်။
IS ရဲ့ လက်နက်အများစုဟာ အီရတ်နဲ့ ဆီးရီးယားစစ်တပ်တွေဆီကနေ လုယူခဲ့တာဖြစ်ပေမယ့် တစ်ချို့တွေဟာ ဆီးရီးယားပြည်တွင်းစစ်အတွင်း အာဆတ်အစိုးရကို ဆန့်ကျင်တိုက်ခိုက်နေတဲ့ သူပုန်တွေကို အမေရိကန်နဲ့ ဆော်ဒီတို့လို အခြားနိုင်ငံတွေကနေ ထောက်ပံ့ပေးထားတဲ့ လက်နက်တွေဖြစ်တယ်ဆိုတာ သုတေသနမှာ တွေ့ခဲ့ရပါတယ်။
CAR က ဆန်းစစ်ခဲ့တဲ့ လက်နက်တွေဟာ ဥရောပလုပ်လက်နက်တွေဖြစ်ပြီး အမေရိကန်က ဥရောပကနေတစ်ဆင့် ဆီးရီးယားသူပုန်တွေလက်ထဲကို ထည့်ပေးခဲ့တာလို့ ဆိုပါတယ်။
IS အကြမ်းဖက်အဖွဲ့က အသုံးပြုတဲ့ လက်နက်တွေရဲ့ ၉၀ ရာခိုင်နှုန်းလောက်ဟာ တရုတ်၊ ရုရှားနဲ့ အရှေ့ဥရောပက ထုတ်လုပ်တဲ့ လက်နက်တွေဖြစ်ပြီး ရုရှားလုပ်လက်နက်တွေက အများဆုံး ဖြစ်နေပါတယ်။ ကျန်တဲ့ ၁၀ ရာခိုင်နှုန်းက အနောက်နိုင်ငံတွေက ထုတ်လုပ်တဲ့ လက်နက်ခဲယမ်းတွေပါ။
“အစပိုင်းမှာ အီရတ်နဲ့ ဆီးရီးယား အစိုးရတပ်ဖွဲ့တွေထံကနေ ဒီအဖွဲ့ဟာ လက်နက်တွေလုခဲ့တယ်ဆိုတဲ့ ကျယ်ကျယ်ပြန့်ပြန့်ရှုမြင်နေမှုကို ဒီတွေ့ရှိချက်တွေက ထောက်ခံနေပါတယ်” လို့ အစီရင်ခံစာမှာ ဖော်ပြထားပါတယ်။
ဒီတွေ့ရှိချက်တွေဟာ အစိုးရမဟုတ်တဲ့ လက်နက်ကိုင်အဖွဲ့တွေ အများကြီး ပါဝင်တိုက်ခိုက်နေတဲ့ လက်နက်ကိုင် ပဋိပက္ခတွေမှာ လက်နက်ထောက်ပံ့တာမျိုးဟာ ထင်ထားသလို ဖြစ်လာမှာ မဟုတ်ဘူးဆိုတာကို သတိပေးနေတယ်လို့ CAR က ထောက်ပြခဲ့ပါတယ်။
IS ဟာ သူတို့ သိမ်းပိုက်ထားတဲ့ အီရတ်နဲ့ ဆီးရီးယားက နယ်မြေတွေမှာ လက်နက်တွေ ထုတ်လုပ်နေတယ်လို့ CAR က ပြီးခဲ့တဲ့နှစ်မှာ ဖော်ပြခဲ့ဖူးပါတယ်။
အီရတ်ကတော့ သူတို့အနေနဲ့ IS အကြမ်းဖက်အဖွဲ့လက်ထဲက နယ်မြေအားလုံးကို ပြန်လည်ထိန်းချုပ်နိုင်ခဲ့တာကြောင့် ဒီအဖွဲ့နဲ့ စစ်ပွဲပြီးဆုံးသွားပြီလို့ အခုတစ်ပတ်အစောပိုင်းမှာ ကြေငြာခဲ့ပါတယ်။
Ref: Aljazeera
