နိုဝင်ဘာ ၁၉၊ ၂၀၁၅
M-Media
– အကြားအာရုံ ချို့ယွင်းနေသူများ အသံကို သိရှိခံစား နားလည်နိုင်စေမည့် မီးလုံးစနစ်နှင့် အမြင်အာရုံ ချို့တဲ့သူများအတွက် စာများကို အသံဖြင့် ထွက်ပြပေးမည့် လက်စွပ်တို့ကို စင်ကာပူရှိ သိပ္ပံပညာရှင်များက တီထွင်လိုက်သည်ဟု သိရသည်။
တီးလုံးသံနှင့် လှုပ်ရှားသံများကို အလင်းဖြင့် ဖော်ပြပေးနိုင်မည့် ထိုကိရိယာကို StickEar ဟု အမည်ပေးထားပြီး စင်ကာပူရှိ Embodied Sensing အဖွဲ့မှ ထုတ်လုပ်ခြင်းဖြစ်သည်။
“ကျွန်တော်တို့ အကြားအာရုံ ချို့တဲ့သူတွေ တော်တော်များများနဲ့ အင်တာဗျူးခဲ့ပြီး သူတို့အသိချင်ဆုံး အခြေအနေအတွေထဲက အရေးပါဆုံးတစ်ခုဟာ တစ်ယောက်ယောက်က တံခါးခေါက်တဲ့အချိန် ဖြစ်ပါတယ်” ဟု Embodied Sensing အဖွဲ့ကို ပူးထွဲတည်ထောင်သူ ကီယန်ပင်းက ပြောကြားခဲ့သည်။
၎င်းတို့ တီထွင်လိုက်သည့် StickEar ကိရိယာကို တံခါးတွင်ဖြစ်စေ အသံကြားလိုသော မည်သည့်နေရာတွင်ဖြစ်စေ အလွယ်တကူ ကပ်၍ အသုံးပြုနိုင်မည် ဖြစ်သည်။ ထိုမီးလုံးတွင် “လူမီ” ဟု အမည်ပေးထားသည့် ဆင်ဆာကို အသုံးပြုထားပြီး တံခါးခေါက်ပါက အစိမ်းရောင်လင်းမည်ဖြစ်ကာ၊ တစ်ယောက်ယောက်က အော်ပါက အနီရောင်လင်းမည်ဖြစ်သည်။
အကြားအာရုံ ချို့တဲ့သူများ အသံကို ခံစားနားဆင်နိုင်ရန်အတွက် ဈေးကွက်တွင် အလင်းအခြေပြုကိရိယာများ၊ တုန်ခါမှုအခြေပြု ကိရိယာများ အများအပြား ထွက်ရှိနေသော်လည်း StickEar မှာ အလွယ်တကူ ယူသွားနိုင်ပြီး တပ်ဆင်ခ သီးသန့်ကုန်ကျမှုလည်း မရှိဟု တီထွင်သည့်အဖွဲ့က ဆိုသည်။
“ဟိုတယ်လို ဒါမှမဟုတ် အလုပ်တွေမှာပဲဖြစ်ဖြစ် သူတို့ ခရီးတွေဘာတွေသွားတဲ့အခါမှာ ဒီလိုစနစ်မျိုးက မရှိပါဘူး။ StickEar ကတော့ အလွယ်တကူသယ်လို့ရပြီး ကြိုက်တဲ့နေရာကို ယူသွားနိုင်ပါတယ်” ဟု ပင်းက ပြောကြားခဲ့သည်။
မျက်မမြင်များအတွက် လက်စွပ်
Embodied Sensing အဖွဲ့မှာ မျက်မမြင်များအတွက် စာဖတ်ပြနိုင်မည့် လက်စွပ်တစ်ခုကိုလည်း တီထွင်ခဲ့ပြီး FingerReader ဟု အမည်ပေးခဲ့သည်။
“သင့်လက်ညှိုးထိပ်က သင့်ရဲ့ cursor ပါပဲ။ လက်ညှိုးနဲ့ထောက်ထားတဲ့ စာလုံးကို အသံထွက်ပေးပါတယ်။ တကယ်လို့ စာရေးထားတဲ့လိုင်းကနေ လွဲချော်သွားပြီဆိုရင် တုန်ခါမှာဖြစ်ပြီး စာကြောင်းဆီကို ပြန်သွားဖို့ အချက်ပေးပါလိမ့်မယ်” ဟု အဖွဲ့ကို ပူးတွဲတည်ထောင်သူ ပါမောက္ခ ဆူရန်ဂါ နာနာယက်ကာရာက ပြောကြားခဲ့သည်။
လေဆာစနစ် အသုံးပြုထားသည့် FingerReader ကို စာလုံးကြီးများအား ဖတ်ရှုရန် ဖန်တီးထားခြင်းမဟုတ်ဘဲ၊ လိတ်စာကဒ်များ၊ စာရင်းများနှင့် စာကြည့်တိုက်မှ စာအုပ်များကို ဖတ်ရှုရန်အတွက် ရည်ရွယ်ထုတ်လုပ်ထားခြင်းဟု ၎င်းက ထည့်သွင်းပြောကြားခဲ့သည်။
ထို့ပြင် ထိုကိရိယာမှာ အခြားဘာသာစကာသို့ ဘာသာပြန် အသံထွက်ပေးနိုင်မည့် ကိရိယာတစ်ခုအဖြစ်လည်း အသုံးပြုနိုင်မည်ဖြစ်ပြီး စာမဖတ်တတ်သေးသည့် ကလေးများ ၎င်းတို့နှစ်သက်သည့် စာအုပ်များကို နားထောင်နိုင်ရန်လည်း အသုံးဝင်မည်ဖြစ်သည်။
Ref : CNN
