အောက်တိုဘာ ၈၊ ၂၀၁၅
M-Media
– စင်ကာပူစာပို့လုပ်ငန်း Singapore Post မှာ ကျွန်းမကြီးမှ ကျွန်းငယ်လေးတစ်ခုဖြစ်သော ပူလောင်အူဘင်သို့ ဒရုန်းလေယာဉ်ဖြင့် စမ်းသပ်စာပို့မှုကို ပြုလုပ်ခဲ့ပြီး စာပို့လုပ်ငန်းတွင် လူမဲ့လေယာဉ်ကို ပထမဆုံး အောင်မြင်စွာ အသုံးပြုနိုင်ခဲ့ခြင်းလည်း ဖြစ်သည်။
လိုရောင်း ဟာလုစ်မှ ပူလောင်အူဘင်သို့ စာများနှင့် တီရှပ်များကို ပို့ဆောင်ခဲ့ခြင်းဖြစ်ပြီး အဆိုပါ စီမံကိန်းကို SingPost နှင့် ဒရုန်းလေယာဉ်ကို တီထွင်ပေးခဲ့သည့် Infocomm Development Authority of Singapore (IDA ) တို့ ပူးပေါင်းဆောင်ရွက်ခြင်း ဖြစ်သည်ဟု SingPost က ယနေ့တွင် ပြောကြားခဲ့သည်။ ဒရုန်းဖြင့် ပို့ဆောင်ခဲ့သည့် အကွာအဝေးမှာ ၂ ကီလိုမီတာရှိပြီး ၅ မိနစ် ကြာမြင့်ခဲ့သည်။
စင်ကာပူစာပို့လုပ်ငန်းမှ ထုတ်ပြန်သော ကြေငြာချက်တွင် သဘာပတ်ဝန်းကျင် စိန်ခေါ်မှုနှင့် ရင်ဆိုင်နေရသော စင်ကာပူကဲ့သို့ နိုင်ငံမျိုးတွင် ထိုစနစ်မှာ အံဝင်ခွင်ကျ ဖြစ်စေသည်ဟု ဖော်ပြထားသည်။
အဆိုပါ ဒရုန်းလေယာဉ်မှာ ၅၀၀ ဂရမ် အလေးချိန်အထိ တင်ဆောင်နိုင်ပြီး အမြင့်ပေ ၄၅ မီတာမှ ၂.၃ ကီလိုမီတာ အကွာအဝေးအထိ ပျံသန်းနိုင်သည်။ ထို့ပြင် အဆင့်မြင့် ဘေးအန္တရာယ်ကင်းရှင်းရေး စနစ်များ ထည့်သွင်းထားပြီး၊ စာများကို ရည်ရွယ်ထားသော လက်ခံသူထံသို့ အသေအချာရောက်ရှိရေးအတွက် လုံခြုံရေးနှင့် ဖော်ထုတ်ရေးစနစ်များကို ထည့်သွင်းထားသည်။
“ဒီစမ်းသပ်မှုကို အောင်မြင်စွာ အဆုံးသတ်နိုင်ခြင်းက SingPost ဟာ သမရိုးကျနည်းလမ်းတွေထဲကထွက်ပြီး ဘယ်လို စဉ်းစားတွေးခေါ်ခဲ့တယ်ဆိုတာနဲ့၊ ရိုးရိုးစာပို့စနစ်ကို တီထွင်ဆန်းသစ်မှုနည်းလမ်းတွေနဲ့ ချဲ့ထွင်လိုတဲ့ ဆန္ဒရှိတယ်ဆိုတာ ပြသနေပါတယ်” ဟု IDA မှ မန်းနေးဂျင်းဒါရိုက်တာ ဂျက်ကွီလင်း ပိုးက ပြောကြားခဲ့သည်။
Ref: Channelnewsasia
