Tag: singapore

ဇူလိုင် ၃၀၊ ၂၀၁၆
M-Media

– IS အကြမ်းဖက်အဖွဲ့အား လူသိရှင်ကြားထောက်ခံကာ အခြားသူများအား အစွန်းရောက်စေရန် ဆောင်ရွက်ခဲ့သည့် နိုင်ငံသားတစ်ဦးကို ဖမ်းဆီးကာ ပြည်တွင်းလုံခြုံရေး အက်ဥပဒေဖြင့် ထိန်းသိမ်းထားသည်ဟု စင်ကာပူနိုင်ငံက ကြေငြာလိုက်သည်။

အသက် ၄၄ နှစ်အရွယ်ရှိ ဇူဖီကာရ် မိုဟာမက် ရှရစ်ဖ်ဆိုသူဖြစ်ပြီး ၂ နှစ်ထိန်းသိမ်းထားရန် ဇူလိုင်လအတွင်းက အမိန့်ချမှတ်ခဲ့သည်ဟု စင်ကာပူပြည်ထဲရေးဝန်ကြီးဌာနက ယမန်နေ့တွင်ထုတ်ပြန်သည့် ကြေငြာချက်တွင် ဖော်ပြထားသည်။

ရရှစ်ဖ်မှာ အစွန်းရောက်များက ရေးသားသော ဂျီဟတ်ဝါဒနှင့်စက်ဆက်သည့် စာအုပ်များကို ဖတ်ရှုပြီးနောက် ၂၀၀၁ ခုနှစ်အစောပိုင်းကတည်းက အစွန်းရောက်ခဲ့ခြင်းဖြစ်ပြီး အလ်ကိုင်းဒါးနှင့် ဂျာမေအာ အစ္စလာမ်မီယာတို့ကဲ့သို့ အကြမ်းဖက်အဖွဲ့အစည်းများကိုလည်း ထောက်ခံသူတစ်ဦးဖြစ်သည်ဟု ၀န်ကြီးဌာနက ဆိုသည်။

ထို့ပြင် ၂၀၀၁ ခုနှစ် စက်တင်ဘာ တိုက်ခိုက်မှုပြီးနောက် မွတ်စလင်များအနေဖြင့် အာဖဂန်သို့သွားရန် လက်နက်ကိုင်ကြရန်လည်း လှုံ့ဆော်ခဲ့သူဖြစ်သည်။

၂၀၀၂ ခုနှစ်တွင် ရရှစ်ဖ်မှာ မိသားစုနှင့်အတူ သြစတေးလျသို့ ပြောင်းရွှေ့ခဲ့ပြီး သဘောထားတင်းမာသည့် Hizbu Tahirr အဖွဲ့နှင့် ဆက်သွယ်ခဲ့သည်။ ၎င်း၏ Facebook စာမျက်နှာအရ ၎င်းမှ မဲလ်ဘုန်းရှိ La Trobe တက္ကသိုလ်မှ ဒေါက်တာဘွဲ့ရသူ တစ်ဦးဖြစ်သည်ဟု သိရပြီး အန်ဝါရ် အလ်-အ၀ါလ်ကီကဲ့သို့ အစွန်းရောက် တရားဟောဆရာများ၏ လွှမ်းမိုးမှုကိုလည်း ခံရသူ
ဖြစ်သည်။

ထို့ပြင် သြစတေးလျနှင့် နိုင်ငံရပ်ခြားရှိ အစွန်းရောက် တရားဟောဆရာများနှင့်လည်း အဆက်အသွယ်ရှိသူဖြစ်သည်။

၂၀၀၂ ခုနှစ်မှ ၂၀၁၄ ခုနှစ်အကြားတွင် စင်ကာပူနိုင်ငံသို့ အလည်အပတ် ခရီးစဉ်အဖြစ် ပြန်လာခဲ့ပြီး ယခုနှစ်ဇူလိုင် ၁ ရက်နေ့ စင်ကာပူသို့ပြန်လာစဉ် ဖမ်းဆီးခံခဲ့ရခြင်းဖြစ်သည်။

ရှရှစ်ဖ်မှာ သြစတေးလျနှင့် စင်ကာပူ နိုင်ငံနှစ်ခုစလုံး၏ နိုင်ငံသားခံယူထားသူဖြစ်သည်ဟု စင်ကာပူအာဏာပိုင်များက ပြောကြားခဲ့သည်။

ဖမ်းဆီးမခံရမီ ရှရစ်ဖ်မှာ IS အကြမ်းဖက်အဖွဲ့များနှင့် ၎င်းတို့၏ အကြမ်းဖက်လုပ်ရပ်များကို ထောက်ခံသည့် ပို့စ်များစွာကို Facebook စာမျက်နှာတွင် လွှင့်တင်ခဲ့ပြီး၊ ဘာသာတရားကို အလွဲသုံးစားပြုကာ IS အား တရားဝင်သည့်ပုံစံဖြစ်အောင် ရေးသားမှုများ ပြုလုပ်ခဲ့သည်ဟု စင်ကာပူ ပြည်ထဲရေးဝန်ကြီးဌာနက ပြောကြားခဲ့သည်။

ထို့ပြင် အရှေ့အလယ်ပိုင်း၊ ပါလက်စတိုင်း၊ မြန်မာနှင့် ဖိလစ်ပိုင်နိုင်ငံများမှ မွတ်စလင်များအနေဖြင့် လက်နက်စွဲကိုင်ကြရန် ရရှစ်ဖ်က တိုက်တွန်းခဲ့ပြီး၊ ထိုလုပ်ရပ်တွင် ပါဝင်ရန် မွတ်စလင်များအား သွေးဆောင်သည့်အနေဖြင့် ၎င်းတို့၏ မိသားစုများနှင့် တိုက်ခိုက်ရေးသမားများအား ထောက်ပံ့ရေး စနစ်တစ်ခု ဖော်ဆောင်ရန်လည်း အဆိုပြုခဲ့သည်။

ရရှစ်ဖ်ကဲ့သို့ အခြားသော အစွန်းရောက်အတွေးအခေါ်လွှမ်းမိုးသူများကိုလည်း ပြည်တွင်းလုံခြုံရေး အက်ဥပဒေအရ ထိန်းသိမ်းထားသည်ဟု ၀န်ကြီးဌာနက ထပ်လောင်းပြောကြားခဲ့သည်။

Ref: Channelnewasisa

မတ် ၁၇၊ ၂၀၁၆
M-Media

– စင်ကာပူနိုင်ငံကို တည်ထောင်သူဖြစ်ပြီး ၀န်ကြီးချုပ်ဟောင်းလည်းဖြစ်သူ လီကွမ်ယု၏ ဈာပနအခမ်းအနားတွင် ဂုဏ်ပြုပစ်ဖောက်ခဲ့သည့် အမြောက်ခွံများကို ၎င်းနှင့်နီးနီးကပ်ကပ်ရှိခဲ့သည့် လူပုဂ္ဂိုလ်များနှင့် အဖွဲ့အစည်းများကို ပေးအပ်သွားမည်ဟု စင်ကာပူဝန်ကြီးချုပ်ရုံးက ယနေ့တွင် ကြေငြာလိုက်သည်။

ပြီးခဲ့သည့်နှစ် မတ်လ ၂၉ ရက်နေ့က ပြုလုပ်ခဲ့သည့် အဆိုပါ နိုင်ငံတော်ဈာပနတွင် စင်ကာပူအမြောက်တပ် အမှတ် ၂၁ တပ်ရင်းက ၂၅ ပေါင်ဒါ အမြောက်ငယ်ဖြင့် ၂၁ ချက် ပစ်ဖောက်ခဲ့ခြင်းဖြစ်သည်။ ဈာပနပြီးနောက် ၀န်ကြီးချုပ် လီရှန်လွန်းမှာ ထိုအမြောက်ဆံများအား သိမ်းဆည်းကာ လီကွမ်ယုနှင့် နီးစပ်သည့် လူပုဂ္ဂိုလ်များ၊ အသင်းအဖွဲ့များကို ပေးအပ်ရန် ညွှန်ကြားခဲ့သည်။

အဆိုပါ အမြှောက်ခွံများကို လက်ခံရရှိမည့် အသင်းအဖွဲ့များတွင် စင်ကာပူစစ်တပ်၊ စင်ကာပူရဲတပ်ဖွဲ့၊ ပါလီမန်၊ ခြစားမှုစုံစမ်းစစ်ဆေးရေးဗျူရို၊ အိမ်ယာနှင့် ဖွံ့ဖြိုးတိုးတက်ရေးဘုတ်အဖွဲ့၊ အမျိုးသားပန်းခြံများဆိုင်ရာ ဘုတ်အဖွဲ့၊ PUB၊ အမျိုးသားကုန်သွယ်ရေးသမဂ္ဂ ကွန်ဂရက်၊ Temasek Polytechnic နှင့် Tanjong Pagar Community Club တို့ ပါဝင်မည်ဖြစ်သည်။

“ကျွန်တော့်အဖေရဲ့ဘ၀မှာ ပါဝင်ခဲ့တဲ့ အခန်းကဏ္ဍအတွက်၊ တိုင်းပြည်အပေါ် ပေးဆပ်ကူညီမှုတွေအတွက် သူတို့အားလုံးကို ကျွန်တော့်ရဲ့ ရင်ထဲအသည်းထဲကနေ လှိုက်လှိုက်လှဲလှဲ ကျေးဇူးတင်ပါတယ်” ဟု ၀န်ကြီးချုပ် လီရှန်လွန်းက ၎င်း၏ Facebook စာမျက်နှာတွင် ရေးသားခဲ့သည်။

Ref: Channelnewsasia

မတ် ၁၊ ၂၀၁၆
M-Media

– လေးနှစ်လျှင်တစ်ကြိမ်ဖြစ်သည့် ရက်ထပ်နှစ်၌ ကြုံရသော ဖေဖော်ဝါရီ ၂၉ ရက်နေ့တွင် မွေးဖွားသည့် စင်ကာပူကလေးငယ်တစ်ဦးမှာ ပညာသင်ဆုကြေးငွေ စင်ကာပူဒေါ်လာ ၃ သောင်း ရရှိခဲ့သည်ဟု သိရသည်။

၃.၃၁ ကီလိုဂရမ်ရှိသည့် အဆိုပါကလေးငယ်မှာ အသက် ၃၉ နှစ်အရွယ်စီ ရှိကြသော ဖခင် ဂူ ကင် လီယွန်နှင့် မိခင် ရှူ  ချွီ ဂူတို့၏ ရင်သွေးငယ်ဖြစ်ပြီး ဖေဖော်ဝါရီ ၂၉ ရက်နေ့ သန်းခေါင်ယံအချိန်တွင် Mount Alvernia ဆေးရုံ၌ မွေးဖွားခဲ့ခြင်းဖြစ်သည်။

ဖေဖော်ဝါရီ ၂၉ ရက်နေ့တွင် ပထမဆုံးမွေးဖွားသည့် ထိုကလေးမှာ သတ်မှတ်မွေးရက်ထက် ၈ ရက်စောကာ မွေးဖွားခဲ့ခြင်းဖြစ်ပြီး မိသားစုတွင် ဒုတိယမြောက် ကလေးလည်းဖြစ်သည်။ ကလေးငယ်မှာ စင်ကာပူ စီမံခန့်ခွဲရေးဖွံ့ဖြိုးမှု တက္ကသိုလ်ဖြစ်သော (MDIS) က ပေးအပ်သည့် ရက်ထပ်နှစ် ပညာတော်သင်ဆု စင်ကာပူဒေါ်လာ ၃ သောင်းကို ရရှိခဲ့သည်။

ဖခင်ဖြစ်သူ ဂူ ကမူ သူနာပြုဆရာမက ထိုပညာသင်ဆု ရရှိကြောင်း လာမပြောခင်အချိန်အထိ ထိုကဲ့သို့သောဆု ရှိသည်ကို မသိရှိခဲ့ဟု ပြောကြားခဲ့သည်။ ထိုပညာသင်ဆုမှာ အလွန် အဓိပ္ပါယ်ရှိသော်လည်း သားငယ်လေး၏ ကျန်းမာရေးက ပိုအရေးကြီးသည်ဟု ပြောကြားခဲ့သည်။

ထို့ပြင် ၎င်း သမီးဦးကို နာမည်ပေးခဲ့သည့် ဖခင်ဖြစ်သူက ယခုမွေးလာသည့် ကလေး၏ အမည်ပေးကို ပေးသွားမည်ဟု ထပ်လောင်းပြောကြားခဲ့သည်။

ကလေးငယ်မှာ ဖေဖော်ဝါရီ ၂၉ ရက်နေ့တွင် မွေးဖွားသည့် ကလေးငယ်များအတွက် ပညာသင်ဆုပေးအပ်သည့် နှစ် ၆၀ ပြည့် အထိမ်းအမှတ်အဖြစ် ပထမဆုံး ကလေးငယ် ၁၀ ဦးအတွက် MDIS မှ ချီးမြှင့်သည့် စင်ကာပူဒေါ်လာ ၆၀၀ ကို လည်း ရရှိခဲ့သည်။

အဆိုပါ ပညာသင်ဆုမှာ MDIS၊ သြစတေးလျ၊ ပြင်သစ်၊ ဗြိတိန်နှင့် အမေရိကန်တို့ အပါအ၀င် ၎င်း၏ မိတ်ဖက်တက္ကသိုလ်မှ ပေးအပ်သည့် ဘွဲ့များအတွက် ကုန်ကျစားရိတ်များကို ကာမိမည်ဖြစ်သည်။ ပညာသင်ဆုရသူမှာ ၎င်းရွေးချယ်သည့် ဘာသာရပ်အတွက် ၀င်ခွင့်လိုအပ်ချက်များ ပြည့်မီရမည်ဖြစ်ပြီး အသက် ၃၀ မတိုင်ခင် ထိုပညာသင်ဆုကို အသုံးပြုရမည်ဖြစ်သည်။

Ref: Asiaone

ဇန်န၀ါရီ ၂၈၊ ၂၀၁၆
M-Media

– နိုင်ငံအတွင်းက ပြည်သူလူထုတွေထဲမှာ ဇီကာဗိုင်းရပ်စ်ပျံ့နှံ့မှု လျှော့ချဖို့အတွက် ဆောင်ရွက်ချက်တွေကို လုပ်ဆောင်သွားတော့မယ်လို့ စင်ကာပူကျန်းမာရေးဝန်ကြီးဌာန (MOH) နဲ့ အမျိုးသားပတ်ဝန်းကျင်ထိန်းသိမ်းရေးဌာန (NEA) တို့က ယမန်နေ့မှာ ပြောကြားလိုက်ပါတယ်။

ဒေသအတွင်း ဇီကာဗိုင်းရပ်စ်ပိုး ရောက်နေတာ၊ ကမ္ဘာလှည့်ခရီးသွားတွေလာရောက်မှု၊ စင်ကာပူနိုင်ငံသားတွေ ခရီးသွားလာမှုတွေရှိနေတာ စတာတွေကြောင့် “ဇီကာဗိုင်းရပ်စ် စင်ကာပူထဲရောက်လာမယ့် အချိန်ကို ဘယ်လိုမှ ရှောင်လွှဲလို့ရမှာ မဟုတ်ပါဘူး” လို့ စင်ကာပူအာဏာပိုင်တွေက ဆိုပါတယ်။

ထိုင်ဝမ်ကလည်း ထိုင်းဘက်ကနေ ဇီကာဗိုင်းရပ်စ်ပိုး ၀င်ရောက်မှုတွေရှိခဲ့တယ်လို့ ဇန်န၀ါရီ ၁၉ ရက်နေ့က သတင်း ထုတ်ပြန်ထားပြီး ဇီကာဗိုင်းရပ်စ်ပိုး ပျံ့နှံ့မှုဖြစ်ပေါ်နေတဲ့ တိုင်းပြည်တွေကတော့ ဘရာဇီးလ်၊ ကိပ်ဗာဒီ၊ ကိုလံဘီယာ၊ အယ်ဆာဗေဒိုး၊ ဟွန်ဒူးရပ်စ်၊ မာတီနစ်၊ ပနားမားနဲ့ ဆူရီနမ်နိုင်ငံတို့ ပါဝင်ပါတယ်။

ဇီကာဗိုင်းရပ်စ်အန္တရာယ်ကာကွယ်ဖို့ စင်ကာပူအာဏာပိုင်တွေက ထုတ်ပြန်မယ့် သတ်မှတ်ချက်တွေထဲမှာ ဗိုင်းရပ်စ်ပိုးကူးစက်နေတဲ့ နိုင်ငံတွေကို ခရီးသွားလာသူများအနေနဲ့ အကျီ၊ ဘောင်းဘီအရှည်များ ၀တ်ဆင်ဖို့၊ ခြင်ပြေးဆေးတွေကို ကိုယ်မှာလိမ်းကျုံဖို့၊ ခြင်ထောင်များအသုံးပြု အိပ်စက်ဖို့၊ ခြင်မ၀င်အောင် ခြင်လုံဇကာများတပ်ဆင်ဖို့၊ ခြင်ကိုက်ခံရခြင်းမှ ကာကွယ်နိုင်ဖို့ အကြံပြုချက်တွေ ပါဝင်မှာဖြစ်ပါတယ်။ ကျန်းမာရေးအကြံပြုချက် ပိုစတာများကို ပြင်ပမှရောက်လာမယ့် ခရီးသည်တွေအတွက် လေဆိပ်များတွင် ကပ်ထားမှာဖြစ်ပါတယ်။

ရောဂါပိုးပြန့်နှံ့နေတဲ့နိုင်ငံတွေက ပြန်လာတဲ့သူတွေအနေနဲ့ ၁၄ ရက်အတွင်း ဇီကာဗိုင်းရပ်စ်ပိုး ကူးစက်ခံရတဲ့ လက္ခဏာတွေ တွေ့တဲ့အခါ ကျန်းမာရေးစောင့်ရှောက်မှု ခံယူဖို့ အကြံပေးတာလည်း ဒီဆောင်ရွက်ချက်မှာ ပါဝင်မှာဖြစ်ပါတယ်။ နောက်ပြီး ဇီကာဗိုင်းရပ်စ်ပိုး သယ်ဆောင်နိုင်တဲ့ ခြင်အမျိုးအစားကို ထိန်းချုပ်နှိမ်နင်းတာတွေကိုလည်း စင်ကာပူက လုပ်ဆောင်သွားမှာဖြစ်ပါတယ်။

MOH ကတော့ ဇီကာဗိုင်းရပ်စ်ပိုးကူးစက်မှုကို ကူးစက်ရောဂါအက်ဥပဒေအောက်မှာရှိတဲ့ သတိထားရမယ့် ကူးစက်ရောဂါများစာရင်းမှာ ထည့်သွင်းသွားမယ်လို့ဆိုပါတယ်။ ဆရာဝန်တွေအနေနဲ့ ဖြစ်လာနိုင်တဲ့ ကူးစက်မှုတွေကို သတိရှိဖို့အတွက် MOH ဟာ ဆေးဘက်ဆိုင်ရာနယ်ပယ်တွင်လည်း ဇီကာဗိုင်းရပ်စ်ပတ်သက်ပြီး သတိပေးချက်တွေ ထုတ်ပြန်ထားပါတယ်။

Ref : Channelnewsasia