မေ ၁၈၊ ၂၀၁၆
M-Media
– သီရိလင်္ကာနိုင်ငံတွင် ယမန်နေ့ညနှောင်းပိုင်းက မိုးသည်းထန်စွာရွာသွန်းပြီး မြေပြိုမှုများ ဖြစ်ပွားခဲ့သောကြောင့် ရွာ ၃ ရွာမှ မိသားစုပေါင်း ၂၀၀ ကျော် ပျောက်ဆုံးနေသည်ဟု သိရသည်။
နိုင်ငံအလယ်ပိုင်းရှိ ကုန်းမြင့်ဒေသတွင် ဖြစ်ပွားခဲ့ခြင်းဖြစ်ပြီး လက်ရှိအချိန်၌ သေဆုံးသူ အရေအတွက်မှာ ၃၅ ဦး ရှိသည်ဟု အာဏာပိုင်များက ထုတ်ဖော်ပြောကြားထားသော်လည်း ရွှံ့များနှင့် အပျက်အဆီးများအောက်တွင် ပိတ်မိနေသူ အများအပြား ရှိနေသောကြောင့် သေဆုံးသူအရေအတွက်မှာ တိုးလာနိုင်ဖွယ် ရှိနေသည်။
သီရိလင်္ကာ ကြက်ခြေနီအဖွဲ့က ထုတ်ပြန်သော ကြေငြာချက်တွင် မြေပြိုမှုကြောင့် ရွာသုံးရွာမှ မိသားစုပေါင်း ၂၂၀ ခန့်ပျောက်ဆုံးနေသည်ဟု ဖော်ပြထားသည်။ ရွာများရှိ နေထိုင်သူအရေအတွက်ကို အတိအကျ မပြောနိုင်သော်လည်း တစ်ရွာတွင် အနည်းဆုံး လူ ၁၀၀၀ မှ ၁၅၀၀ ခန့်အထိ ရှိနိုင်သည်ဟု ခန့်မှန်းထားသည်။
ဘေးလွတ်ရာသို့ ရွှေ့ပြောင်းပေးထားရသူ အရေအတွက်မှာ ၁၀၀၀ ကျော်ရှိနေပြီး စာသင်ကျောင်းများ၊ ဘုန်းကြီးကျောင်းများတွင် ယာယီစခန်းချ၍ နေရာပေးထားရသည်ဟု အစိုးရက သတင်းထုတ်ပြန်ခဲ့သည်။ လက်ရှိအချိန်တွင် စစ်တပ်မှာ လှေများ၊ ရဟတ်ယာဉ်များ အသုံးပြု၍ ပျောက်ဆုံးနေသူများကို ရှာဖွေလျက်ရှိနေသည်။
Ref: Aljazeera
Leave a Reply
You must be logged in to post a comment.